دوانيه شلة منتظرات نتيجه عملية اطفال الانابيب والحقن المجهري

[عسل حدي]

اي حبيبتي وايد حملو بالمجمد ويقولون بالمجمد فرصج تزيد يارب هالمره تبشرينا بحمالج

 

[حوااااء]

مرحبا بنات
انا سويت طفل انابيب عن الدكتور ناهض شهر 6 بس للأسف ما نجحت وألحين أنا بالأردن عشان أعيد التجربة وعسى الله ما يضيع تعبي عالفاضي امانة بنات ادعوووولي ان المحاولة هذي تنجح واحمل بطفل سليم معافى

 

[حوااااء]

عاد تدرون ان ماعطيت نفسي راحة سويتها في آخر شهر ٦ ونطرت النتيجة في أول ٧ واول مادريت ان المحاولة فشلت سافرت في أول يوم دورتي للأردن وألحين بادية بالابر والعلاجات وعسى الله يعوضني خير يااااااااااااااارب يا حبيبي لا تخيب أملي ولا أمل كل محرومة من الضنا

 

[miss_nana]

حواء ان شاء الله تحملين وانا بعد ياكريم عند اي دكتور بتسوين عمليتج

 

[حوااااء]

الله يسمع منج يا ((مس نانا ))
بسويها عند زيد الكيلاني في مستشفى فرح والله خايفة حييييل من فشل هالمحاولة
الله يستر

 

[miss_nana]

ليش ماسويتي عند دكتور باتريك وايد شاطر

 

[miss_nana]

وين البنات صاير التجمع هادي مو نفس قبل جم شهر

 

[حوااااء]

ما أدري
سويت سيييييرج ولقيت أكثر البنات يمدحون في الدكتور ناهض وهو بصراحة قمة في الأخلاق والهدوء

 

[عسل حدي]

ربي لا تذرني فردا وانت خير الوارثين

 

[حوااااء]

إن شالله ربي يرزقج يا عسل حدي ويرزقنا جميعا في القريب العاجل

 

[عسل حدي]

امين يارب العالمين

 

[سمو النفس]

مرحبا بنات شلونكم وحشتووووني من زمان عن المنتدى بحرانيه فديتج الله يعوضج بكل خير يارب وماقصرتي ع السؤال ياقلبي دخلت عشانج والله ،، انا مانجحت عمليتي سويتها اخر شهر ٤ عند الدكتور ناهض وعندي مجمد احتمال اراجع عنده واسويها على رمضان بإذن الله ،،،مسنانا ربي يرزقج ان شاء الله حبيبتي ياليت تعلميني طريقه ترجيع المجمد فيها كورس ابر وكم اسبوع الكورس ياليت بالتفصيل ولاعليج امر وموفقين بنااات ويارب يرزقنا كنا ياكريم

 

[لهيب الثرى]

السلام عليكم

حبيت اشارك معاكم تجربتي المستمره ههه انا متزوجه من ثلاث سنين ما صار حمل كان زوجي يقول ما نبا عيال

لين ما نكمل سنتين مرت سنتين ودخلنا ثالثه سوينا فحوصات كان عندي تبويض ضعيف وهو عنده ضعف فى الحركه

وبدايت السنه ثالثه زوجي بداء بتعالج وبعدين انا تعالجت ولى شجعنا نسوي اطفال انابيب ان حرمه اخو زوجي عندها ثلاث بنات

وزجها يبا ولد بعد سبع سنين سوو فحوصات وكان زوجها عنده ضعف فالعدد والحركه سوت عملية اطفال الانابيب وما نجحت والمره ثانيه نجحت ويابت ولد زوجي تشجع وقال خلينا نتوكل ع الله ونسويها خذيت ابر وتجهزيات وطلع عندي 17 بويضه ما شاءالله لقحوو 9 والكل تلقحن بس اختارو احسن ثنينه وكان الترجيع تاريخ 4\7 ومن رجعت بطني يعورني وظهري
بس اليوم بعد صلاة الفجر ما تحملت الوجع وريلي وداني المستشفى وعطوني مخدر للحوامل بعد ما خبرت الدكتوره اني مسويه
عمليه اطفال انابيب قالت بسوي لج فحص دم ما رضيت كنت خايفه من النتيجه وريلي يقول سوي مب خسرانه شي بس ما رضيت

عطوني المهدء ورديت البيت ولين الحين العوار وايد خايفه انا اليوم بكمل 9 ايام وايد خايفه من صار معاها نفسي

عوار فالبطن جهة المبيض اليسار والم اسفل الظهر والله يرزقنا جميع زوجي سار دوام وقال لى لو حسيتي الويع زاد اتصلي فيني

بوديج الطواري وعطوني موعد تاريخ 18 لفحص الدم

 

[عسل حدي]

اب اب اب

 

[miss_nana]

ألمجمد سهاله بس ابره وحده وحبوب

 

[حوااااء]

إن شالله تبشرينا يا ( لهيب الثرى ) بحمالج وتفرحينا وعسى الله لا يضيعلج تعب
بس انتي عند منو سويتي هالعملية

 

[rachaaa]

الله يسهل كل امورنا ونحمل بدون علاج يارب

 

[عسل حدي]

اب اب اب

 

[glby7sas]

اشلونكم بنات انضميت لكم اليوم انا اليوم اول يوم ادعولي. الله يصبت اجنتي يارب ويقر عيني بشوفتهم بصحه وعافيه بنات انا صايرلي شي غريب الدكتور قالي بعد العمليه عيشي حياتج طبيعيه قلته زين دكتور في اشياء مننوعه مااسويها قالي لا ماكو شي ممنوع خليج طبيعيه قلتله زين دكتور اقدر اتسيح عادي قالي عادي ولو تبين من اليوم بعد قلتله طبب والاكل قالي يابني كل شي عادي خليج طبيعيه
ولا بعد سمعت الكاكاو والفلفل الاسود ممنوع والخضره واهم يايبيلي غدا تبوله ودياي حاطيه في فلفل اسود وحلو التك بالشوكولاته موجنه كله من اللي قالو عنه من الممنوعات والله مو علرفه اصدق منو

 

[حوااااء]

انتي حاولي هالاسبوعين يكون اكلج صحي وحاولي ترتاحين ما تبذلين مجهود كبير ولا توسوسين لأن ربج لو يبيه يثبت راح يثبت *