دوانيه شلة منتظرات نتيجه عملية اطفال الانابيب والحقن المجهري

[سحايب برنس]

السلام عليكم
انا جديده شخباركم
سويت انبيب بالصباح ادعولي

السلام عليكم ورحمة الله وبركاته
الله يتمم عليج بالخير يارب
حبيت أسأل عن طريقة العلاج بالمستشفى الصباح
لأن اذا الله أراد راح ابلش معاهم خاصه اني قبل كنت مسويتها عند خاص مرتين والحمد لله الله ماقسم
فحبيت اني اعرف خطوات العلاج اذا ماعليج امر لأني احاتي وخايفه

 

[ملح مكتت]

ابي اتعب مره وحده يا رشاا بعدها ابي ارتاح دامي صغيره والفرصه كبيره جدامي ليش ارتتاح التعب بالدنيا موجود علي طول .. الله كريم انشالله

 

[mona777]

سلامى للكل
ملح شغلج عدل
كل ما كانت محاولات ورى بعض فرصة النجاح تكون اكبر الرحم بيكون مهىء
ودامج صغيره فرصتج اكبر لا تنطرين لمن تكبرين

سحايب الحكومه ممتازين ما يتطوفون يسوولون لج تحاليل لج ولزوجج وما يبدون عمليه الا التحاليل طالعه نتايجها هذا بلنسبه لى وما تاخرو عشان عامل العمر يعنى كل وحده ووضعها مختلف
حتى العلاج ونوع الادويه تختلف من وحده لوحده​

 

[reem1987]

الله يسهل علي الجميع ملح الحين تسوينها احسن لان التفكير بالضنا يتعب اكثر من العلاج بس الحين طلعي استانسي غيري من شكلج لا تحطين ببالج العلاج تعب
أنا العلاج مايتعبني كثر ما اتعب بال 14 يوم حيل اتعب نفسيا وجسديا ومعنويا وكل شي الله يسهل يارب
الله معاج توكلي علي الله من توكل علي الله فهو حسبه

 

[بنت الحكيم 2]

الى من يهمه الامر

اليوم حللت وهو 15 من الترجيع وطلعت النتيجة الهرمون 9 والكتور كلي استمري

على المثبتات لمدة 5 ايام وحللي
راح اسوي الي كالي عليه الدكتور مع اني اعرف انو مستحيل يرتفع لان النسبة قليلة وانا مرجعة جنين واحد وكملت اربع محاولات انابيب

والله يكون بعوني ويرزق الجميع

 

[@محروسه@]

بنت الحكيم انشالله ترتفع يارب

بنات الدكتور عطاني فوليك اسد ‏​بَـßÊـس وكنت ثاني يوم دوره
وسويت سونار وقال تعالي اخر الشهر قبل الدوره بأسبوع
‏​بَـßÊـس ليش اروح له هل يعطيني ابر منشطه لحد مـِْ♡̨ـِْا تنزل الدوره
هل فوليك اسد يكفي؟؟

 

[شمخانيه]

رشا وملح

الله ياجركم
ويعوضكم
والله ماني عارفه اشلون اعبر كاتي انا اللي مجهضه

 

[reem1987]

بنت حكيم اقري علي بطنج سوره يس والبقره ومريم وحللي عقب تحليلج هذا ب ٤٨ ساعه اذا النسبه تضاعفت صارت ١٨ يعني زين وطبيعي لان راح يبين معاج بعد ٤٨ ساعه من التحليل
الله معاج يارب
حرام ٥ ايام وااايد من المحاتاه والتوتر *

 

[rachaaa]

شمخانه يا قلبي مشكورة حبيبتي الله يعوض علينا وعلي كل البنات ​

 

[أم بدوورى 2010]

الله يعوض عليكم بنات ويرزقكم بالنسبه للفولك اسد هو مجرد فيتامينات شدو حيلكم بنات وعيدو التجربه اكثر من مره

 

[reem1987]

بنات اكلو الفولك أسيد لا توقفونه قبل العلاج فيتامين مهم وتغذو عدل

 

[سحايب برنس]

سلامى للكل
ملح شغلج عدل
كل ما كانت محاولات ورى بعض فرصة النجاح تكون اكبر الرحم بيكون مهىء
ودامج صغيره فرصتج اكبر لا تنطرين لمن تكبرين

سحايب الحكومه ممتازين ما يتطوفون يسوولون لج تحاليل لج ولزوجج وما يبدون عمليه الا التحاليل طالعه نتايجها هذا بلنسبه لى وما تاخرو عشان عامل العمر يعنى كل وحده ووضعها مختلف
حتى العلاج ونوع الادويه تختلف من وحده لوحده​

السلام عليكم ورحمة الله وبركاته
مشكوره حبيبتي على الرد بس اليوم كان عندي موعد مع الدكتوره رائده بس ما حصلتها ولقيت بمكانها د منيره وهذي ما أعرف عنها شي بس اكتبت لي اسيد فوليك وحبوب اسبرين وكورتيزون وفيتامين د وللحسن على موعد الدوره وجد انا خايفه من حبوب الكورتيزون لأنها تمتن الوحده والله كريم يأجرنا على هالدرب اللي نمشيه بس حبيت أسأل هل عطوج مثلي ولا لأ

 

[reem1987]

ربي لا تذرني فردا وانت خير الوارثين

 

[فتافيت سكرر]

مرحباً صبايا


انا بدئت ابر تنشيط اليوم وكتب لي الدكتور ع فوليك أسيد واسبرين بس
مؤ عارفه متى أبدا بالأسبرين الدكتور قال بعد الإرجاع بس دكاترة قبل قالو تبدأينها من بدري
شو رأيكم ؟؟

 

[mona777]

هلا سحايب
دكتوره منيره ممتازه
عطونى كرتزون وان حصل حمل تكملين عليه اول شهور ونا عطوني اياه بدايه التنشيط
هو طبعن يمتن ويرفع الضغط بعد
بس فرصتج بلحمل مع الكرتزون اعلي وحنا نسوي اى شي عشان عيون البيبي​

 

[قدسـ17ـاوية]

انا امس كملت 12 يوم من الترجيع ومن الصبح بدا ينزل معاي افرازات بنيه؟؟ اكتئبت نفسيا لان حسيتها *بداية نزول الدوره ! ماقدرت اصبر رحت بالليل وسويت تحليل حمل هرموني وللاسف طلع ماكو حمل

بس يسال متى يكون ترجيع الاجنه المجمده ؟؟ اللي عندهم خبره

 

[reem1987]

الله يعوضج يارب وتحملين بالاجنه المجمده يارب وعسي الله يرزق كل محرومه
أنا حاسه فيج وبنفسيتج حاولي تطلعين وتستانسين و تغيرين من نفستج وترجيع الاجنه وايد أسهل من العمليه من ناحيه المراجعات والادويه وكل شي ونصيحه خليرجعولج ٣ او ٤ اجنه عشان الفرصه تصير اكبر

 

[reem1987]

مني أنا أخذ كورتيزون تفخ خدودي بس جسمي عادي
يعطونا اياه عشان يضعف مناعه الجسم ومايرفض الاجنه لان الاجنه جسم غريب يدخل الجسم والجسم اي شي غريب يدخل فيه يرفضه

 

[قدسـ17ـاوية]

جزاج الله خير ريومه والله كريم وان شالله يرزقنا جميع ويرزق كل محرومه

 

[reem1987]

امين يا قدساويه وعسي الله يمسح علي قلبج يارب