دوانيه شلة منتظرات نتيجه عملية اطفال الانابيب والحقن المجهري

[rachaaa]

تدرون انا امس حلمت ان في قطعة لحم نزلت مني وصحيت خايفه وايد ورحت شيكت الحمدالله مافي شي نزل
ماادري شنوي يعني

 

[rachaaa]

ريم حبيبتي سولج تنظيفات؟ وكم كنت مده الحمل ؟ كنت طبيعي ولا عمليه؟ ليش ما رحت عند دكتور تاني تتاكدي؟
يعني افقد الامل ؟؟؟؟؟؟

 

[فتاة حالمة]

الله لا يحرمني منكم
اشكر كل وحدة واستني بدعاء او بكلمة
رجعت للشرقيه البارح
اكثر شخص كسر ظهري ابوي ظل يناظر فيني وانا اكلم خواتي
وارجع الاقي عيونه مليانة دموع ومو شايلها عني
قلت له بداخلي تكفى ماني قادرة اتحمل
كان ودي احط راسي بحضنه وابكي بصوت عالي
بس ادري ابوي بينهار
وزوجي راح ينجرح
وانا اخذت وعد على نفسي اكون قويه قدام الكل
انا ما ابي زوجي يتألم بسببي
بشي هو ماله ذنب فيه
علي اصبر برضا تام واكمل المشوار
كان ممكن اكون السبب انا في عدم الانجاب او انا حاملة لخلل الكرموسومات
مو اهو ربي لك الحمد والشكر واجعل من الصبر والاطمئنان ما يقويني
عندي الم قوي جدا اسفل بطني و الدم زاد اليوم عن امس
شتنصحوني
------------------
رشا ربي يطمن قلبك حبيبتي ساعة مصيبتي ذكرتك بالدعاء
حاسه فيك الله يعينك اجرك عند الله سبحانه بإذنه عظيم
بالنسبه لحلمك ادفعي صدقه السر ويارب يكون خير لك

 

[فتاة حالمة]

يارب يعوضك بالقريب العاجل ياارحم الراحمين
فتاة حالمة متي سويت اخر عمليه وكم فرق الوقت بين العمليتين[/QUOTE

العمليه اللي قبل كانت بشهر جمادى و هالمرة محرم

 

[rachaaa]

والله والله والله فتاة حالمة امس بالليل كنت افكر فيكي وتذكرت بنتك الله يخليلك ايه حبيبتي حاول مره تانيه عقب كم شهر وانشالله فرج ربنا قريب يارب ما تحرم احد من الضناء امس في واحد كلمتني وهي نفس حالتي قالت ان الحمدالله هذا طبيعت جسم تختلف من واحده لواحد انا بنطر وانشالله خير انا متوكله علي الله اوقات احاتي واقات اقول يلا ربنا كاتبه بيصير والحمدالله علي كل حال ومشكوره حبيبتي ما تقصرين
انت ما في مجال تحملي طبيعي ؟؟ كم عمرك ؟؟ والله انا احاتيش من زود المعزه

 

[ليلك]

بنات بنات الله يعافيكم والله ما عرفت انام تعبت من التفكير ضااايقه فيني الدنيا
انا من الام الدوره عندي قبل ما تجي يكون في الم في الصدر خصوصا الثدي الايمن على منطقة الابط يكون الالم اقوى من الثاني وانا اعرف انه لين حسيت بهذي الالم اعرف ان الدوره بتشرف علما باني ما قد حملت ابدا الله يخليكم اللي مرت عليها هدا الاعراض وحملت تقولي والله ضايق خلقي بلييييييز لا تردوني اللي عندها علم تقول عشان ارتاح الله يريح قلبها باللي يسعدها

 

[ملح مكتت]

الله يرزقكم انشالله
اللهم لاتذرني فردا وانت خير الوارثين
ماكو اعراض معينه تبين الحمل اتوقع لان الاعراض تختلف من وحده لي الثانيه

 

[ليلك]

اقصد فيه وحده منكم حست بنفس الاعراض بالضبط بالضبط للدوره الشهريه وما نزلت وكتب ربي حمل الله يعافيها اللي تعرف تقول وتريح بالي ربي لا تذرني فردا وانت خير الوارثين يااارب العالمين وترزق اخواتي يارب

 

[بنت الثلاثين]

السلام عليكم ... هذي اول مشاركة لي بهالقسم وياليت تقبلوني ... انا سويت حقن مجهري عند الدكتور منصور العرف واليوم لي 7 من ترجيع الأجنة بس من خلال متابعتي لكم عرفت ان الوحدة لازم ترتاح بعد عملية الترجيع وهالشي ما قاللي عنه الدكتور ولا وصاني اني ارتاح ومارست حياتي عادي والحين خايفه ... ياليت بنات تفيدوني
وربي يرزقني ويرزقكم بالذرية الصالحة​

 

[rachaaa]

هلا حبيبتي انا كنت احس متلك وكنت احس الدرة نزلت من العوار واروح اشوف اذا نزلت والحمدالله ما اشوف شي ، وصدري كان كبير وثقيل وفي نغزات .
بس انت ارتاحي وشوفي الحرار اذا مرتفعها ، شربي حليب بارد وماه وتوكلي علي الله ولا تنسي الدعاء​

 

[rachaaa]

بنت الثلاثين حبيبتي والله ما ادري بس ربنا يرزقك ذرية صالحه معافاة وكل المحرومين
انا دكتور قال في اوروبا الواحد تسوي حقن وتروح الدوام بس انا اعطاته طاااااااااااااااااااف فما ادري الله كريم
انت ما ارتحتي يعني ولا يوم بعد الترجيع
حسبي الله عليهمم هالدكاترها موحاسين فينا ​

 

[rachaaa]

ربنا اذا كتب شي خلص هذا الحمل في ايد رب العالمين لا تشيلين هم اتوكلي على الله ادعي وسبحي وصلي
لا تحاتين النفسيه اهم شي ​

 

[بنت الثلاثين]

ربنا اذا كتب شي خلص هذا الحمل في ايد رب العالمين لا تشيلين هم اتوكلي على الله ادعي وسبحي وصلي ​

لا تحاتين النفسيه اهم شي ​

ما قصرتي حبيبتي ... والنعم بالله وعسى ربي يرزقنا بالذرية الصالحة لازياده بخلقها ولا نقصان ويجعل عاقبتها الى خير ... اللهم امين

 

[ملح الدنيا فيني]

قلبي معاكم

 

[reem1987]

بنت الثلاثين لازم ترتاحين طول ال ١٤ تتحركين حركه بسيطه واغلبنا اول ٣ ايام مانتحرك الا للصلاه والحمام فقط ارتاحي ويارب تثبت اجنتج يارب وتفرحين بشوفتهم
كثري من الحليب والبروتينات والراااحه الرااااحه الرااااحه

رشا ماسوولي تنظيفات لان الجنين ضغيييييييييير مايحتاج طاح بروحه مثل الدوره بس أنا خفت من النزيف من جذي طرت الصباح

 

[reem1987]

سوولي سونار داخلي علي طول قالو الحمدلله ماكو نزيف داخلي وقعدت انزف ويطلع مني قطع دم كبيره اسأل السستر تقولي هذي بطانه الرحم

 

[ورد ياسمين]

السلام عليكم شلونكم شخباركم
فتاه حالمه ربي يعوضج بالاحسن وعسى ربي يوفقج بالمرات الجايه

 

[meme.k]

اشلونكم بنات و شخباركم

انا على تواصل معاكم بس ما اقدر اكتب لكم لان من الاي فون

لكم وحشه

حبيبتي فتاة حالمة قلبنا معاج و ربي يعوضج خير يارب


لا اعتراض على ما كتبه الله لنا ولله الحمد يارب

و ربي ان شالله يرزقج باخوان و خوات لبنتج و تفرحين بشوفتهم و كل تأخيره فيها خيره بإذن الله



رشا حبيبتي اذا ربي كاتب ان بينزل راح ينزل باذن الله انتي ارتاحي و لا اتسوين تليل هرموني خلاص خليها على الله و دام ما نزل دم الحمدلله و اذا الله كاتب ان بينزل راح ينزل حتي لو انج منسدحه و بالفراش و كثرة التحاليل و مراجعات الطبيب راح تلعب بنفسيتج و ربي يثبته بإذن الله او يعوضج باحسن منه يارب و يطمن قلبج و ترتاحين

 

[rachaaa]

مشكوره حبيبتي ماقصرتي بس امانه ادعولي انه يثبت ماادري شفيني اليوم خايفه حتي ماابي احلل

اللهم لا حول ولاقوة الا بالله العلي العظيم يارب فرجك ورحمتك

 

[meme.k]

يالله يارب يثبت و الله اعرف وحده تخيلي ما نزلت عليها الدورة و هرمون الحمل صفر وماكو نبض و لا جيس لما كملت شهرين بدى يرتفع الهرمون و يبين الجيس و يبين النبض و اللحين بنتها عمرها سنه ماشالله


ان الله قادر على كل شي

بس ادعي و خلي ايمانج بالله قوي