دوانيه شلة منتظرات نتيجه عملية اطفال الانابيب والحقن المجهري

[بحرانيه حلوة]

انصحج اختي عند دكتوره رائده الفضلي تري صج ممتازه وتساعدج واايد

 

[جيكره(و)تتغلى25]

امبيه عورتي قلبو والله بديت من اول موضوع

انا كنت اعاني سنتين من الاجهاضا مره بالرابع ومره بالشهرين والشهر

ماخليت طبيب ولافحص ماسويته كله سليمه

من كثر التعب تعالجت بالقران الحمدالله حملت طبعا يوميا كنت سورة البقره يوميا


لاتياسون من رحمة ربكم والله كل شي فيه خيره


ادري شي يعور القلب


ترا الناس ماترحم

عن نفسي

لما كنت اجهض يقولون سوي انابيب؟

زوجي زوجج؟

مسكينه حتي رحمج دلوع مايمسك ياهل؟
حملت جبت الولد فزو وسبحان الله حملت بعد ال40 قالو مشفوحه الحين عندي كله صبيان


والله والله يقولون بوجهي الصبيان ماينفعونج باجر يقطونج ويروحون مع حريمهم جيبي البنت

مالكم شغل بالناس خلي شغلد الشاغل ربج وبس لاتنسون الصدقات

والله بدعيلكم

تجربون عوار الطلق وصياح البيبي والسهر والتعب وتربون ويكبرون وبارين يارب

استغفرالله حتى العيال والله تربيتهم صعبه خاصه بهالزمن ولدي عمري4 سنوات كلمته الي تمشي مو كلمتي والله العظيم

والثاني مشيبني الله يهديهم

حبيت افضفض بس

 

[yara.g]

مرحباً بنات أنا دخولي قليل لكن متابعتكم اولا فتاه حالمه شكرًا على الدعوة الحلوة وان شا اللهتبشرينا بحملك دودو وجيمي لاتضايقون صدقوني هالرزق مو مكتوب لنا وربي يعوضنا ان شا الله أنا من السعوديه امس جيت الكويت عندكم قلت اغير جو وانسا الموضوع صحيح اني فجاه القي عيوني مليانه دموع لكن مابيدي حيله غير الدعوة أنا تركت المثبتات من يومين لكن الدورة مانزلت عادي بنات؟ ونسيت أبارك لكل الي حملوا وربي يتمم عليكم

 

[mona777]

سلامي للكل جيمي الله يعوضج ميمي مشاله نسبتج جدا ممتازه وابرالسيوله توصل الدم وتنفع للى عندها اجسام مضاده وتقريبا نفس مثبتاتج عطوني وعملو ثقب جدار الاجنه بس تاعبتني ابر السيوله تبقع زرقا ومره ورمت وسوت كدمه اربع اصابع كنت اخذ ابر تحت جلد بنفسي بس مو سيوله وما في مشكله بس هذي تعبتني شنو برنامجج وقت الانتظار بعد الارجاع الله يثبتهم لج ولي

 

[reem1987]

هذا اختبار من الله سبحانه الضنا شيبي يفيدنا فيه لا بدخلنا الجنه ولا بيحرمنا من النار جيمي كله قولي عسي اللي راح خيره واللي جاي خير
أنا قبل شهرين كنت مسويتها عند ناهض وحللت طلع صفر مابجيت جدام ريلي وامي ومسويه نفسي عادي وانا من داخلي منهااااااااااره تسبحت وتوضيت صكيت غرفتي بصلي ركعتين والله من سجدت جان ابجيييييييييييي ابجي ابجي وادعي ان الله يعوضني خير بس قمت من الصلاه اررررررررررررتحت وحمدت ربي قلت هذا بلاء لازم اصبر الدنيا مجرد طريج درب لا اكثر
نحمد ربنا علي الصحه والعافيه والستر الحمدلله لك يارب كما ينبغي لجلال وجهك وعظيم سلطانك

 

[rachaaa]

مصطفي تومسو بالشفاء
بس مو حابه ارجع عندها مو حساس فيني كان اخر مره خلص نزليه نزليه هذا الي طالعه بعقله تعباي نفسيتي شدي ملقيه الفلوس بالارض وتعب نفسيتي

 

[ملح مكتت]

الحمًدالله على كل حال
الله يصبر كل محرومه يااارب
اللهم لاتذرني فردا وانت خير الوارثين

 

[rachaaa]

جيمي وميمي الله يارب يوزقنا ذريه صالحه متعافاة لا زياده بخلقها ولا نقصان بنات انشالله ربنا يعوضنا تدرون انا لما انزل منو احاتي احاتي خالتي وايد هي تقول عندي مااقدر اشيل عيال ظهري حفيف انا مااصلح احمل بنات
تري كل شي خيره من الله وراح نجرب انعيدها مرة تانيه انا بعيد من اول ماعندب مجمد " تري اختي حملت علي مجمد من الدرجة التانيه"
انا حقده ع دكتوري ليش ماجمد وايد

 

[أم سارا]

السلام عليكم مبروك لكل الي حملوا مبروك ميمي الف مبروك وديري بالج على نفسج .....جيمي بير ياقلبي الله يعوضج خير ان شاء الله واذا عندج مجمد حلو في ناس وايد حملوا على المجمد وحيل اسهل من الفرش انا بس عطوني حبوب عشان بطانه الرحم تصير زينه لازم تكون فوق الثمانيه وعطوني ابره توقف التبويض وصار ترجيع والله يكتب الي فيه الخير يارب نحليلي السبت ........رشا الله يعوض عليج ويرزقج عن قريب ان شاء الله وعيديها بس اول ريحي شهرين تقريبا خلي جسمج ينظف من الادويه ودام صار حمل ان شاء الله راح يصير مره ثانيه واهم شي النفسيه والناس قطيهم ورا ظهرج لاتفكرين بكلامهم.......دودو٨٠ انا مخليتج اخر شي بزفج حبيبتي على اي اساس قلتي انج مو حامل يا اختي تفاؤولوا بالخير تجدوه واحسني الظن بالله انتي لي اللحين ما سويتي تحليل واذانازل عليج افرازات او دم خفيف عادي ناس واجد جذيه وحملوا وتقبلي مني ياقلبي ........بنات انا متابعتكم بس نادر ما اشارك تحليلي السبت والله يرزقني ويرزقكم ..... فتاه حالمه عقبال ما تبشريني وابشرج يوم السبت دعواتكم بنات .....محد يحس بالالم والحاله النفسيه الا الي مجرب الانابيب بس احتسبوا الاجر كله بأجره

 

[meme.k]

سلامي للكل جيمي الله يعوضج ميمي مشاله نسبتج جدا ممتازه وابرالسيوله توصل الدم وتنفع للى عندها اجسام مضاده وتقريبا نفس مثبتاتج عطوني وعملو ثقب جدار الاجنه بس تاعبتني ابر السيوله تبقع زرقا ومره ورمت وسوت كدمه اربع اصابع كنت اخذ ابر تحت جلد بنفسي بس مو سيوله وما في مشكله بس هذي تعبتني شنو برنامجج وقت الانتظار بعد الارجاع الله يثبتهم لج ولي

هلا حبيبتي منى اي الحمدلله النسبه زينة انا ايماني بالله قوي بس تدرون الفرحة الحقيقيه لما اتعدى الشهر السابع لان حملت قبل هالمره وولدت بالنهاية الخامس الحمدلله و شهر كامل كنت بالمستشفى انزف و يقولون ماراح نولدج البيبي زين وما فيهم شي و تخيلو اطلق و يعطوني ابر توقف الطلق و يوقف يومين ثلاثه و يرد و النزيف مستمر يالله لك الحمد ولدت

مع ان الحمل كان سليم ومافي ولاشي بس سبحان الله فجأة نزل علي اشوية ماي ورحت مراجعتي وقالتلي الدكتورة مفتوح الرحم 3 سانتي و صاير معاج التهاب وسوتلي ربط و انا بالخامس و عنق الرحم صعب ان يتقبل الربط عقب الشهر الثالث وكان بالاساس مفتوح


الحمدلله يارب على كل حال انا متفائله خير و ربي يرزق كل وحده

انا هالكلام كتبته حق البنات اللي طلعت نتيجتهم سلبيه و اقولكم قولو الحمدلله الطريج توه باوله ما تعبتو على شي للحين ما حسيتو بالبيبي يرافس ابطنج و يتحرك و يورونج بالسونار ايده وريوله و حركتة و اخر شي يقولون كل هذا تخسرينه ولله الحمد


الحمدلله و الشكر على كل حال يارب

 

[Dodo80]

بنات اليوم ١١ من الترجيع وسويت تحليل منزلي طلع سالب الله كريم انشالله هالشهر برتاح والشهر الي بعده ببتدي ارجع المجمد

 

[rachaaa]

دودو انت للحين بيوم ١١يعني تو الناس عهالكلام
قولي ان ربنا يعطيج الخير قبل مات تروحين صلي صلاة الحاجه وتصدقي

 

[ليلك]

بنات أنا حللت 6 يوم من الترجيع تحليل منزلي وطلع سالب هل. التحليل صحيح. ضايق خلقي طمنوني. احاتي. :bbbiu:

 

[rachaaa]

شلون طلع سالب اصلا الابره التفجرية تخلي النتيجة ايجابيه
والله ماادري

 

[فتاة حالمة]

هلا بنات انا كنت نايمة على ظهري عند امي البارح
اليوم صحيت وعندي افرازات بنية
مثلك يا جيمي
ربي يثبت حملنا بقدرته
وعسى ان تكرهوا شيئا وهو خير لكم
راح استمر عالمثبتات بس راح اتصل بالمستشفى
اسألهم عن موضعها وين يكون لاني بالاساس احطها مهبليه

 

[reem1987]

ميمي شنو الأعراض اللي حسيتي فيها بال ١٤ يوم ؟؟

 

[Dodo80]

دودو انت للحين بيوم 11يعني تو الناس عهالكلام
قولي ان ربنا يعطيج الخير قبل مات تروحين صلي صلاة الحاجه وتصدقي

rachaa
انا جربت الحمل وكان شهرين بس اجهضت فانا اعرف نفسي اني حامل ولا لا لانه اعراضها كانت تصلب بالثدي وثقل وعوار وكان اسفل البطن مشدود حيل وماكان فيه اعراض للدوره ونزل مني افراز خط وردي قبل موعد الدوره باسبوع بس الحين الاحساس مختلف

 

[درة أهل الطولات]

الله يرزقنا يارب

 

[ملح مكتت]

الله يرزق الجميع
اللهم لاتذرني فردا وانت خير الوارثين

 

[mona777]

حالمه ناس كثير ينزل دم وتكون حوامل هلاحبيبتي ميمي الله يعوضج صاجه انا نحمل شي ونه يستمر شي ثاني هذا ان كان طفل سليم بس نسوي الي علينا والباجي بيد الله ونكررر لمن تنجح اناحملت اول شهر لزواجي بثلاث توايم بدون اى نوع علاج وجهضتهم بس بشرت انهم ثلاثه ومنها ما مشي حالي وما حملت وخذت منشط جان احمل خارج الرحم ولغيت لى قناة فالوب تالي سويت طفل انبوب كثير وما يتم حمل رغم اني حملت طبيعي من قبل علي فكره انا تزوجت كبيره من اربع سنوات وعمري الحين43