دوانيه شلة منتظرات نتيجه عملية اطفال الانابيب والحقن المجهري

[غلاوي85]

عسى الله يثبت اجنتكم ويفرحكم بشوفتهم

بنات ابي اسال كم كلفتكم العمليه كلها

انا سليمه والحمدلله ما عندي ضعف وكل شي اوكي

وزوجي بعد سليم وابي اسوي حقن او طفل انابيب ومتردده لان ما صار لي الا سنه 6 شهور متزوجه وسبق لي الحمل فاول شهر من زواجي

شرايكم ؟؟؟؟؟ اسوي ولا انطر اكمل سنين والله العالم بحالي شلون ابي احمل ،،،،

حبيبتي هند حدج مستعجله طبعاً انا ما انصحج تسوينها لاكثر من سبب
اول شي انتي سليمه وزوجج سليم يعني ماتحتاجون هالاجراء
ثاني شي توج ست شهور شويه نطري وراح تحملين طبيعي ان شاالله
ثالث شي العمليه مو شي سهل تعب وابر لمده شهر ونفسيه زفت وغير عمليه السحب والارجاع
ورابع شي العمليه مكلفه والناس تدفع هالمبالغ لانهامحتاجه هالعلاج بس انتي الحمدلله مافيج شي قولي الحمدلله وتعوذي من ابليس وبيجيج رزقج انشاالله

 

[ملح مكتت]

بعد قلبي كلكم تسلمووون وبظل ادعيلكم بالذريه وادعولي بالتثبيت ياارب يثبته لي يارب

 

[~nour~]

السلام علييييكم


بنااات ابشركم انا الحمدالله حاامل والفااااال لكم ياااااارب اتبشرووناا

 

[غلاوي85]

الف الف الف مبروووك ملح مكتت ونوور ربي يثبت اجنتكم ويرزقكم شوفهم عقب تسع شهور بصحه وعافيه

 

[GuMmy BeaR]

مبرووووووووك ماشالله ثنتين حملووو تفائلت حيل
يارب انا بعد ابشررررركممم راح اكون حدي فرحانه
اليوم حلمت حلم طلع تفسيره اني حامل
يارب يتحقق الحلم
ونوور شنو اعراضج

 

[~nour~]

حبااايبي الله يبارك فيييكم والفال لكم يااارب

والله الصراحه ظهري يعورني حييل وساعات خواصري بس وبرابع يوم حسيت بعوار الدوره وبعدين رااح

الحمدالله وبنات شربوو حليييب واكلو منتجات الحليب زينه وكثرو خيياار والله ينويلكم اللي ابالكم يااارب

 

[Dodo80]

نوور الف الف مبروووك والفال للجميع

 

[Dodo80]

بنات اليوم السابع من ترجيع الاجنه واحس باعراض الدوره خفيفه وعوار بظهري

 

[rachaaa]

حبيتي الف مبروك
بنات عندي خبر مو زين انا اليوم رحت ادكتور علشان اسوي سنار قالي حجم الكيس صغير ونسبة الهرمون نزلت شسوي احد يعرف حد مثل حالتي. وشلون ارفع الهرمون

 

[rachaaa]

Up up احد يساعدني بموت من القهر والحسره انا من الفرح قلت لكل العام شنو اقول شنو اسوي والله بموت

 

[Dodo80]

حبيتي الف مبروك
بنات عندي خبر مو زين انا اليوم رحت ادكتور علشان اسوي سنار قالي حجم الكيس صغير ونسبة الهرمون نزلت شسوي احد يعرف حد مثل حالتي. وشلون ارفع الهرمون

ياحياتي لاتحاتين انشالله خير حماتي يوم حملت اسبوعين والكيس ماتكون لما ياست مسكينه بس بقدرت قادر بين بعد اسبوعين وماشالله توها والده فلاتحاتين بس ضروري ترتاحين يارب يارحيم اثبت حملها وترزقها ياكريم

 

[GuMmy BeaR]

جم كانت نسبتج!! وجم صارت؟!

 

[ملح مكتت]

الف مبروووووك نورر وانشالله يثبته لي التاسع ياااارب
حبيباتي ربي يرزقكم كل اللي تتمنونه وبظل ادعي حق كل محروووم يالله ذوقهم الاموومه يااارب

 

[بحر الذكريات]

ملح مكتت الله يتمم عليج يارب
نووور مبروووك ياقلبي الف الف مبروووك

الزين وهند استخيروا ياقلبي والله يكتب لكم الي فيه الخير ويرزقكم

رشا ماعندي علم ياقلبي الله يثبت حملج ويرزقج يااارب

 

[بحر الذكريات]

غلاوي الله يرزقج ياارب اعذريني اشبك من الايفون وما ادش الخاص بالايفون شخبارج

 

[GuMmy BeaR]

بحر الذكريات اشدعوا ادعيلي بعد انا
ههههه

 

[بحر الذكريات]

خخخخخخخ

اعذريني ايفون يغث على ما اروح الرد انسى منو قريت ردودها لوووووول

الله يرزقج ياقامي بالحمل السليم الثابت وتبشرينا فيه وتقر عينج بشوفة ذريتج سليمه معافاه

 

[شمخانيه]

مشكورين لكل اللي واسوني

الف مبروك للحوامل
والفال للجميع
فتاة حالمه
جيمي

 

[reem1987]

رشا ديري بااااااااااااااالج يقص عليج ويسويلج سونار داخلي نصييييحه نصيحه نصيحه اعرف وحده صار معاها جذي وقال لازم سونار هدت دكتورها وراحت دكتور ثاني وشافه بالسونار قال بصي اهو بيتنطط قدامي لا تستعجلين
بس الرااااااااااحه ثم الرااااااااحه وكثري حليب
الله معاج وعسي يتمم علي خير

 

[شمخانيه]

رشا
قلبي معاك
يارب يثبت لك جنينك
وتفرحين بولادته