--- دوانــــــيــــة معــــــــــلمــــات الروضــــــــة بالصيــــــــــــــــف ---

[ملاك-77]

صباح الخير بنات
شسويتوا امس وين رحتوا

انا عن نفسي عايدت على اهلي وفريت على جم بيت من الاهل
والمغرب نعست وقعدت من الساعه 7 الصبح هههههههه لاني كنت مواصله

واليوم ناويه اطلع اهيص اغير جو الدنيا عيد
وانتوا؟

 

[عهود الحب]

رد : --- دوانــــــيــــة معــــــــــلمــــات الروضــــــــة بالصيــــــــــــــــف

صباح الورد

مثلج تقريبا ً ملاك

بس فرقي عنج اني قضيت نص وقتي اسوي استشوار لكشش بناتي

بنات بقاعة الأرض وما يرضون يطلعون الا باستشوار

لا والثانية تقولي ابي مكياج


وتذكرت قبل لما امي تلبسنا على كيفها ومانفتح حلوجنا و العجفة شمتنها لنص الظهر

صراحة ً ما ينلامون فينا امهاتنا لما يقولون انتوا خربتوا بناتكم


عايدنا وطلعنا وعقب رحنا للالعاب نونسهم وعقب ترسنا بطونهم وعقب بعياديهم شريت لهم العاب من مركز سلطان

زين مشت عليهم هالعيد ولا بالعادة ما يرضون الا بفانتسي وورلد بس اشوة هالمرة قنوعين


والحين من الصبح قاعدين ومقعديني معاهم يبون طلعة وانا احاتي هالطلعات تطلع علي عايدي

اخاف ريجيم رمضان كله يروح خرطي والسبب اكل العيد وخرابيطه




نيرو انا اكثر واحدة حاسة بجو العيد

امشي وادفع مبطلة البوك عالبحري لبناتي

 

[عهود الحب]

رد : --- دوانــــــيــــة معــــــــــلمــــات الروضــــــــة بالصيــــــــــــــــف

في أحد شاف قرطاسية للمدارس حلوة
بناتي أذوني يبون جناط المدارس والدفاتر والمقالم والذي منه
وانا افكر بالفلوس من وين

تدرون اكثر شي ضحكني شنو

لما اقول لبنتي ما عندي فلوس

تقولي يمه روحي للبنك واسحبي فلوس اقولها مافيه

تقولي يمه انتي كله تدخلين الكرت يطلع فلوس انتي بس جربي

يعني ذكية حضرتها




مو حرام عليهم وزارة المالية ما يراعون ويحطون فرق اسبوعين بين العيد وبين المدارس




الي يجهزون واحد و اثنين يحليلهم انا اجهز حق خمس اطفال بالمدارس بسم الله عليهم وحواليهم


مو حرام

خلاص بنتحر هني والسبة وزارة التربية والمالية

 

[ملاك-77]

سلامتج عهودالحب من الانتحار

والله يخليج لعيالج ولنا لاننا نحبج في الله ومالنا غنى عنج

 

[3so0ola]

واااااااي كل مكان زحمة وكل منتجعات وشاليهات الكويت فلللللل
وانا بخاطري بحررررررر
فالحل ان نروح فيلجا او كبر اليوم بطرادنا ونونس نفسنا بنفسنا

 

[عهود الحب]

رد : --- دوانــــــيــــة معــــــــــلمــــات الروضــــــــة بالصيــــــــــــــــف

تسلمين ملاك
احبك الله الذي أحببتني فيه
يا الله الله كريم


عسولة اخذيني معاج حتى لو بالدبة مالت الطراد > في دبة مو ؟
شعرف المعيدي بالزبيدي

احس بطلع من هدومي من الضيقة

الله يرد لي وليدي سالم
فاقدته

 

[ملاك-77]

عهودالحب امين يرده لج بالسلاااامه يارب



عسوووله عليكم بالعافيه بس اذا رحتي علمينا اذا تسوى الروحه والا لأ

 

[3so0ola]

رد: رد : --- دوانــــــيــــة معــــــــــلمــــات الروضــــــــة بالصيــــــــــــــ

تسلمين ملاك
احبك الله الذي أحببتني فيه
يا الله الله كريم


عسولة اخذيني معاج حتى لو بالدبة مالت الطراد > في دبة مو ؟
شعرف المعيدي بالزبيدي

احس بطلع من هدومي من الضيقة

الله يرد لي وليدي سالم
فاقدته

اجلناها بااااجر لان حضرت اهلي نائمين ولما قعدوا الطراد مافيه زيت ولا بانزين
وافا عليييج احطج براس الطراد تسوين حركة تايتنك ههههههه
والله يرد لج وليدج بالسلاااامة

 

[3so0ola]

عهودالحب امين يرده لج بالسلاااامه يارب



عسوووله عليكم بالعافيه بس اذا رحتي علمينا اذا تسوى الروحه والا لأ

الله يعافيج ملاك
وحددددددددده وناسة اذا تحبين جو البحر والتان
دايم نروح البحر وصج وناسة وتغيير جو
بلعتنا معانا اهم شي
والتان موجووود
والدونات حق الوناسة
وعييييييش المغامرة هههههه

 

[عهود الحب]

رد : --- دوانــــــيــــة معــــــــــلمــــات الروضــــــــة بالصيــــــــــــــــف

تسلمين عسولة عز الله شانج

انا اخاف من البحر

مرة رحت للبحرين قزرتها طول الفترة فوق الجسر صياح وبجي

بس دام بتخليني اسوي حركة التايتانيك


صراحة يبيله شجاعة و اقدام


وانا جبااااااااانة بالبحر امسك بالقاع ما اتحرك لا يمين ولا يسار


الجسور الي بالشوارع اخاف منها شلون عاد البحر

مادري


الله يهنيكم

وتسلمين عالدعوة الله يخليلج غاليج ومغليج

 

[غروك وغيروك]

إحنا عيدنا اليوم خلص
بس بقى باجر بنطلع نتغدا أو نتعشى برا وبجذي اختتمنا العيد

واستعدينا للدوام ويا ليل الليل

 

[ملاك-77]

صباح الخير والوناسه عليكم ابلاتنا الحلوات

باقي يوم على الدوااااااااااااااام هيااااااا

 

[عهود الحب]

رد : --- دوانــــــيــــة معــــــــــلمــــات الروضــــــــة بالصيــــــــــــــــف

صباح الورد


المفروض نتغدا برا بس أجلناها لعشا




شلونج ملوكة



مو يوم ؟ افا بس يوم



حرام عليج :/


باجر اجازة بعد شفيج لا تصرقعيني موناقصة خرعات عالصبح

 

[ملاك-77]

هلا عهوده وحشتينا

ههههههههههههه بلا بس يوم انا مو حاسبه اليوم يعني باقي بس باجر اجازة ونداوم الثلاثاء

سلامتج من التصرقع ههههه

 

[عهود الحب]

رد : --- دوانــــــيــــة معــــــــــلمــــات الروضــــــــة بالصيــــــــــــــــف

لا مو بس يوم

باقي يومييييييييييييييييييييييييين

< تقص على روحها


يختي صاكني اكتئاب مو طبيعي مدري من طاري الدوام يمكن



ياربي ودي اعرف شنو كان يضرهم لو أجلوا الدوامات لي الأحد


السعودية ما يبلشون دوامات بنص الاسبوع و ما شاء الله الملك عبدالله مدلعهم

كل جم اسبوع اجازة اسبوع


واحنا اذا عطلنا يومين متنا من الفرحة

 

[ملاك-77]

عهودالحب
ماكو الا العافيه عادي الدوام تعودنا عليه ماكو شي جديد نحاتيه
لاتكتأبين ولا شي ففديتج
وبالنسبه للسعوديه صاجه صايرين اجازات طالعه نازله مو مثلنا

 

[*أم*خالد*]

تقولين السعوديه ؟
قولي الحمدلله انج كويتيه شوفيهم وعليه مدرسات مو لاقين وظيفه ببلدهم قاعدين اييون عندنا

عمار ياكويت

 

[انفاسي]

السلام عليكم ياحلوات تقبا الله طاعتكم ومن العيايدين اشلونكم انا جني عهود بس اشوي انا جبت صالونه سوت شعري انا وبناتي وافتكيت وثنتين من بناتي جعدوه بالبيت يعني شغلهم قعدت على التساريح بعد الاستشوار انتي حسبالج يا عهود عصري وعصرج يا عهود لا حبيبتي مو بس استشوار تسريحه بعد البرم الي على الاطراف والرفعات ايييييييييييييييييييييي شىىىىىىىىىىىىىىىىىىىىىىىىىى ماينسون من عمرهم شى والعطورات والدنيا الله يخليهم لي ويصلحهم عقب المعركه والبخور ودهن العود الي هو اخر مرحله نزلنا اخيرا لخالتي وعايدناها ونطرنا حمواتي على ما يجون من بيوتهم عقب رحنا بيت اهلي

 

[ملاك-77]

ام خالد احنا نقصد الاجازات مو توفير الوظايف

 

[ملاك-77]

السلام عليكم ياحلوات تقبا الله طاعتكم ومن العيايدين اشلونكم انا جني عهود بس اشوي انا جبت صالونه سوت شعري انا وبناتي وافتكيت وثنتين من بناتي جعدوه بالبيت يعني شغلهم قعدت على التساريح بعد الاستشوار انتي حسبالج يا عهود عصري وعصرج يا عهود لا حبيبتي مو بس استشوار تسريحه بعد البرم الي على الاطراف والرفعات ايييييييييييييييييييييي شىىىىىىىىىىىىىىىىىىىىىىىىىى ماينسون من عمرهم شى والعطورات والدنيا الله يخليهم لي ويصلحهم عقب المعركه والبخور ودهن العود الي هو اخر مرحله نزلنا اخيرا لخالتي وعايدناها ونطرنا حمواتي على ما يجون من بيوتهم عقب رحنا بيت اهلي

وعليكم السلام ورحمة الله وبركاته ومنا ومنج صالح الاعمال
هلا وغلا انفاسي طولتي الغيبه هالمره
كلامج حسسني بالعيد مادري ليش لووول
عسى الله يخلي لج بناتج ويحفظهم من كل مكروه
واشلون الهمه والمعنويات للدوام مستعده ها