- إنضم
- 10 أبريل 2010
- المشاركات
- 1,939
- مستوى التفاعل
- 0
- النقاط
- 0
- السلام عليكم بناات شلونكم ؟؟ إنشاءالله بخير .. رديتلكم بروايه ثانيه من بعد روايتي الأولى ( ما في شي مستحيل .. ) و تشجيع البنات لي بالقصه الاولى و طلبهم إني أنزل روايه ثانيه خلاني أنزلهم روايتي الثانيه و أحداث القصه من خيالي بس فكرة القصه واقعيه ..
- إنشاءالله بنات راح أنزلكم بالأسبوع بارتين .. و عذروني إذا تأخرت عليكم لأنه ووايد الموقع يعلق ...
- أتمنى أشوف تفاعل بالردود و أي وحده تقرا القصه أبيها تكتب تعليقها على القصه مابي أحد يقرا بصمت و أتقبل كل التعلقيات سواء كانت سلبيه أو إجابيه ..
,,أتــمــنــى تـــعـــجــبــكـــم ,,
--------------------------------------------------
الـــــــــبـــــارت الأول
سنه 2004
كانت شهد و بنات خالتها فاطمة و ريم و لولوة ضايق خلقهم و كان ويكند ووودهم يطلعون
شهد : امبييه بنات مـــــــــــالًه أبي أطلع أشم هوااا اي شي
فطووم : اي والله .. والله لاعة جابدنا من القعده في البيت يا راحين نزور ناس يا ناس زايرينا مو حاله
لولوه : اقول ريا و سكينه بدال الهذره الزايده ليش يا أغبيه ما ننزل نقنع خالتي اطلعنا
شهد : هــ ــ ــ ا .. ايي والله صح لويلوو يلا امشوا
ريم تبوس لولوه : امواااااااااااااااااه واااي فدييييت اختي الي تعرف تفكر ولا لو بقعد اسمع حجي ريا و سكينه وين نخلص
شهد : اقولل جب جب يلا امشوا خنستغل الوقت
ونزلوا تحت ادورون ام شهد
شهد : يماااااااااااااااااااااا
أم شهد : ها ماما شهد تعالي أنا بالمطبخ
و راحولها المطبخ
شهد : يماا تحبيني ؟؟
أم شهد : أكيد مو بنتي وحيدتي
شهد : لا يعني شكثر واااايد وااايد ولا شويه شويه..
( تقوله هالحجي بطريقه عبيطه..)
أم شهد اطالعها من طرف عينها: أقـــول شهوود خلصي قولي الي عندج ترا مو علي هالسوالف شتبييين ؟؟
شهد : هاا هذا شسمه ممم ..
لولوه : اوووف .. خالتي احنا ضايق خلقنا وودنا نطلع فممكن إذا سمحتي اطلعينا
فطوم تساسر شهود : اقول انتيي طاقه الصدر وواقفه امشوا امشوا و بس قالتلج امج شتبين ما عرفتي تقولين كلمه على بعضها
شهد : جـ ـب
ريم : هاا خالتي شقلتي
أم شهد : أوكي أوديكم بس ماراح انزل معاكم انتوا روحوا بس شهدوووا مو ترديلي بعد ال 11 مالنا خلق ابوج بعدين يعصب
شهد : لا يما والله والله نرد قبل بس انتي قرقشي مخباتج و وصلينا و ما تشوفين الا كل خير
ريم و لولوه و فاطمه ميتيين على شكلها من الضخك
أم شهد: يماا منج ابليسسه .. انزين يلا روحوا لبسوا بلا هذره زايده أنا ناطرتكم بالسيارة أوكي
البنات : أوكككيييييييك
وراحوا لبسوا البنات و ووصلتهم أم شهد المارينا تمشوا فيها و تعشوا و نسوا عمرهم بالطلعه لحد ما صارت الساعه 11
شهد شهقت : امبيييييييييييييييييييييييييييييييييييييييييييييييييييييييييييييييه بناااااات
لولوه و فطوم و ريم بصوت واحد : شنو شفيج ؟؟
شهد : لا لا تلفوني طافي و انا مادري عنه و شفت ساعتي توه ولا الساعه 11 امبيه شسوي أكيد السايق داق علي و نطرنا و ما رديت عليه يممكن رد البيت شلون ألحين شلون أدق علييه شلون اعرف اذا اهوا اهني ولا لا انا قتله على ال10 تعال
امبيه ببجي
لولوه : شهود شهود هدي .. سهالات اعطيج فوني ادقين منه ما صار شي
شهود : اووووووووووه انتووو شدراكم شنو بيصير عطيني عطيني بس تلفونج
و فطوم و ريم ولا كلمه خايفين ما يدرون شسووون
المهم دقت شهد على امها و زفتها قالتها دقي على أي أحد اييبج كل أهل ابوج عندينا و ما أٌقدر أطلع اييبج انتي شايفه الساعه جم الحييين انا مو قتلج السايق اييبج و قتلج قبل ال 11 إذا ما ييتي يا ويليج ألحين شقول حق أبوج و السايق لو يطلع الحين اييبج ابوج بسوينلنا سالفه دقي على خالتج اتييبج و و صكت التلفون بوي شهد
و شهد اقعدت تبجي و كانوا قاعدين صوب مارينا صوب المطاعم فراحوا اقعدوا بطاوله من المطاعم الموجوده و احاولون البنات اهدون شهد لانه صوت بجيها كان ابين
لولوه : خالتي شقالتلج ؟؟
شهد : مادري مادري قالتلي دقي على خالتج اتييبج
لولوه : خلااااااااص عيييل شماله البجي اندق على امي و احنا بيتنا قريب أكيد ماراح اتقولنا شي
شهد و صوتها يعلى : اي ما يصير شي انتو ماراح اقولولكم شي انا الي باكلها أوووووف ليش ليش طلعنا اليوم
فطوم : شهد خلاص .. لولوه دقي على أمي قوليلها اتييبنا
شهد : شوفوا إذا بعد امكم مارضت يبا انرد بتكسي والي فيها فيها
فطوم : لا يبا شنو تكسي .. مو لهدرجه يلا لولوه دقي
و دقت لولوه على امها و قالتها انه اهما بالمارينا و متوهقين ماكو
أحد ايببهم عطتها زفه خفيفه بس مو مثل زفة أم شهد و صكيته
من امها لولوه و اقعدوا ينطرون بس كانت شهد للحين تبجي خايفه
من امها و بهالوقت مروا اثنين شباب
و واحد منهم اسمه جاسم شاف شهد تبجي فستغرب ما يدري ليش
حس وده يسألها شفيها ليش تبجي
وقال حق رفيجه بدر
جاسم : بدير بدير جيك على هذي قاعده تبجي خنروح انطفرها ... (طبعاً اهوا ما يبي اطفرها بس قال جذي حق رفيجه ماكان يبي ابينله انه اهوا انعجب فيها .. )
بدر :فووووووقه امش
اوصلوا جاسم و بدر يم البنات و سألوهم شفيكم
ردوا عليه البنات ماعدا شهد كانت تبجي و قالوله مافينا شي
شهد : و انت شكو شفينا .. أوووف عماا
جاسم : شفيج شفيج شبيتي علي يبا ما قلنالج شي بس شفتج قاعده تبجين فقلنا يمكن نقدر نساعدكم
بدر : اي والله اقول جسوم امش امش هذول مو كفو احد يعطيهم ويه
شهد : ماحد طلب منك على فكره
جاسم : لحظة شوي بدير .. انتو شمقعدكم لي هالحزه برا البيت و بروحكم محد معاكم ما تخافون
لولوه : لا طفا تلفون بنت خالتي و الظاهر السايق يه و ...
ماكملت كلمتها الا شهد متكلمه
شهد : هي هي انتو امشوا يلا لا تهذرون مع هالأشكال .. يلا امشوا ننطر خالتي اهناك على ما تييي و عطته نظره من فوق لي تحت ومشت جدامهم و اهما البنات وراها
جاسم نادا فطوم بصوت واطي و عطاها ورقه و فطوم خذت الورقه و مشت بدون لا ولا أحد يدري
يــــــــتـــــــــــبـــــــــــــــع ...
التعديل الأخير:
![[[ عيون جابر ]]](/data/avatars/m/88/88982.jpg?1621060915){kind=avatar}
