دم الجارات اندمج ودم الحموات افترق

[اروىراوي]

السلام عليكم ياحبوبات يالسهرانات

مقولة سمعتها من زمان من جداتنا وامهاتنا.

تقول المقولة :" دم الجارات اندمج ودم الحموات افترق"..:gr4uu:

يعني ايام المعارك والغزوات لاحظو الناس انه بعد كل غزوة يجتمع ويندمج دم الجارات((يعني وحدة ومرت زوجها)) ويسيل مع بعض!!!! ((((يارب ماتشوفون الجارة أبد))))

الغريب........لما يفترق دم الحموات ولا يجتمع ابد...مع انهم ميتين!!!!

هذا اندل على شي فيدل على كره خوات الزوج لزوجات اخوانهم وحتى زوجات الحما..والغيرة والتنافس

مادري؟؟شرايكم بالكلام...ياليت اقرى ردودكم

 

[قلبي ابيض]

انا بالنسبة لي الحموات و حريم الحموان >>> ناس من باقي الناس >>> يعني تعاملي معاهم سلام وعليكم السلام بالزوارات ,,,,, بيتي وعيالي وريلي ماخذين كل وقتي << ما انافس الا نفسي

 

[omneyaty]

لا والله الا غلط وغلط

انا احب حريم اخواني وامدحهم بكل مكان ولوفيها شىء ما عجبني محد فينا كامل




شىئ اساسي تعلميه عامل الناس كما تحب ان يعاملوك


ولا توقفين عند كل صغيره اللي يتطوف طوفيه

 

[ShoOog el3YoOoN]

ولله انا لحد الحين ماشفت من حمواتي الا كل خيير ...

وحتى حرييم حمويني .. بس الغيره اللي من تحت لتحت باينه .. الاحظها مع ان تخيلوا بيني وبين مرت حمااي اللي اكبر من زوجي .. 7 سنين .. والغيرره حدهها باينه ..<< والله اني عنونه مالي بهالسواالف


مشكووووووووووووورة حبــوبه ...

 

[& دلوعه زوجها &]

وانا والله جدا رسميه مع الحمواااااااااات

ورتاااح اذا تعامللت رسمي احسن واحلا

 

[نــعــوومــه]

موصحيح هالكلام انا احب حريم اخواني والله تعاملنا مع بعض مثل الخوات وبينا اسرار ونخاف على بعض

والحمدالله الله رزقني بخواتي زوجي يعاملوني نفس الشي مابينا إلا كل حب واحترام.......

 

[احساس طفلهـ]

انا الحمد الله اعامل حريم اخوانى كانهم خواتى................واللى يسعدهم يسعدنى

وكذلك اخوات زوجى مع بعض التحفظااااااااات الانهم يحبون العلاقه رسميه جدا

 

[بناتي حبيباتي]

انا مرت حماي اهي نفسها اختي بنت امي وابوي

 

[الاسطورة]

الحمد لله
ماعندي حريم حما
وحماتي زينه معاي

 

[بنت عطا]

لا احس غلط الكلاااااااااااام هذا

انا حماتي احبها ومعتبرتها نفس اختي ومااخش عنها اي شي<<<واعلمها بالزين

واهي نفس الشي

 

[ناعم العود]

انا عندي حموات حبيبات وانا اصير حق زوجي اما حريم الحموان حبيبات بس الغيره في كل مره جذابه اللي تقول ما اغار بس الغيره لها انواع يغارون بصوره مو واضحه من تحت لتحت

 

[النمله]

انا عندي حموات حبيبات وانا اصير حق زوجي اما حريم الحموان حبيبات بس الغيره في كل مره جذابه اللي تقول ما اغار بس الغيره لها انواع يغارون بصوره مو واضحه من تحت لتحت

كلامش صحيح الحموات يهبلون بس مرت الحما هي البلا بسبب الغيرة حتى لو ما فيه شي يسوى توصل ان مرت حماي تقط النغزة هالكبر لاصرنا عند حمولتي وزوجي ناداني بره حتى لو انه يزف او يهاوش

حررريم الله يكفينا شرهم

 

[ملح بدويه]

معقوله !!!!!!!!

 

[غنوة ستايل]

والله ما فهمت شي

بس اكيد مرت اخوووووي فوق الجاااارااات كلهم ...

ادب و اخلاق و الكل يحبها .. عسانا نزوج الثاني بوحده مثلها بس

 

[دندونة]

هذا شي نسبي يختلف من شخص لشخص... في ناس تحب التعامل الرسمي ما تقدرين تطيحين الميانةمعاهم وناس تحب تندمج مع الثانيين... بس انا اشوف التعامل الرسمي افضل مع الكل مو بس الحموات حتى مع الجيران والصديقات اللي بالشغل... اسلم لك .....وبعدين في ناس لما تعطينها ويه اتخوره... فالاحسن المعاملة و الاحترام هالشي يخليك كبيرة بعين اللي حولك على طول ومصدر احترام وثقة

 

[أم متعب]

أنا مرت حماي أكبر مني ب17 سنه وتحبني حيل اهي وحماي:dddds:

الحمدالله

 

[ii DareeN ii]

بصراحة هالحجي مو عدل ليش الكره والحقد شنو مرضى نفسيين

 

[Om-Bashaar]

لا مو شرط حبيبتي في حموات تنحط على الجرح يبرى