دمـوعـي على خدي طالبتكم تدعون لي أدعـولي ياخواتي ..

[i'm so happy]

بسـم الله الرحمن الرحيم

الســـــــــــلام عـــــلــيــكـم ...
من غـيـر مـقـدمـة طـبـعـا بدخل بالمـوضوع على طووووول



بصراحة انا وايد ارتاح لين اتواجد في هذا القسم اكثر من الاقسام الباقية ماعرف ليش

وانا ياخـواتي اليوم وايد وايد وايد مـتـضـايقـة حبيت أفضفض شوي باللي بداخلي ياليت تدعون لي يمكن وحده مابينكم

يستجيب الله دعائها اظن تذكرون عنوان موضوعي أبغض الحلال عند الله الطلاق لو ادخلون اشوفون مواضعي بشوفون مشكلتي

وهذي اخر موضوع نزلته كان عن يتعلق بمشكلتي

http://www.q8yat.net/showthread.php?t=724160

فـعـلا أنا مابي أتـطـلق من زوجي لكن خلااااص أحس الريال عايفني مايبيني ولا هله يبوني

أنا مكسورة ومتضايقة وزعلانة على اللي صار اقول بنفسي انا مادري شسويت بدنيتي عشان يصير معاي كل هذا

كنت في بيت هلي أسبوعين والحين انا بكمل الشهرين في بيت هلي لا من درى عني ولا من سأل عني
يزورونا بالبيت بنات خالتي وبنات عمي مالي وي اقعد وياهم بقولون شصار شفيها وش مافيها وانا ماحب اقول حق حد
عن مشاكلي اهم حق الشماتة جاهزين اقول لهم زوجي مايبيني ومايبي مني اعيال من غيــر سبب
من يومين امي كلمت امه قالت امه مانتدخل بمشاكلهم قالت اذا احنا ماتدخلنا منو يتدخل كانت قليلة ادب مع امي بزيادة
امي تسألني شلون استحملتي العيشة مع هل نسـره هذي مره كبيره ماتخاف الله !
رجع ابوي كلم ابوه ونفس الشي قال ابوه ماتدخل قال ابوي شفيه هذا ؟؟؟ هذا رجال ماله شخصية ولا له كلمة
اصلا ام زوجي دايم اطول لسانها على ابو زوجي واهو مهزوز شوية ولا له كلمة ولا راي ..
كلمت زوجي قال لي بعصبية شتبين ليش متصلة ومادري شنو قلت ابي نحل مشكلتنا قال مافي حل حق مشكلتنا قلت زين
وبعدين طلاق مثلا ؟؟ سكت وسكت قلت السكوت شدل راضي ؟
قال يافلانة تبين ارجعج اشتغلي انا ماقدر اجيب اعيال واكد عليهم من فلوسي اضحك انا ولا اصيح ولا شسوي
وين اشتغل وحتى لو اشتغلت مستحيل اصرف من جيبي قلت دام السالفة جذي مع سلامة يبه
وضليت شهرين في بيت هلي وراحوا امي وابوي بيت زوجي يتفاهمون وقالت ام زوجي بنتكم قليلة ادب ...
ابوي عصب عليها حيل قال بنتي مربيها احسن تربية وعندي 5 بنات مربيهم تربيه صالحة ومستحيل يقلون ادبهم
تقول ام زوجي اي تقول حق ولدي جب قال زوجي مره وحده قالت لي جب قال ابوي دام بنتي قالت لك جب انت ماد ايدك عليها فوق ال5 مرات ماتبيها تقولك جب ... سكت زوجي هني قال عليها مخالفات وايد ودعمت بسيارتي ومادري شنو
شوفوا شلون همه المصاريف والبخل وتقول ام ريلي دايم تقولة بخيل بخيل ليش ؟
قالت امي اي ولدج لين يوديها الجمعية يقعد يطلعها من عينها يرويها الفاتوره ويصرخ عليها وقت المطعم اطلع تلفونه ويحسب
جم صرفت وجم وجم وش تسمينها هذا ؟؟؟ ((بخل))
يترك سيارته الجديدة وياخذ سياره الللللللللله لا يرويكم اياها امكسره ولا الهنود يستخدمونها يروح فيها الدوام يقول ماتصرف بترول وايد
اشياء لو بقول وبعدد مابخلص المهم قالوا لأم ريلي هذا بنتنا تبونها اجيب منها اعيال وماتبونها جيبو رقتها وخلاص
اهم ميتين يبون المهر والشبكة والحق معاي انا مو معاهم لانه اهو مايبي مني عيال بكره بالمحكمة ماله حق ولا له ولا فلس
قامت تصرخ ام ريلي تقول ليش ماجبتوها وياكم انا اعرف شلون اواجها قال ابوي بنتي ماتدخل هل بيت الا بشروطها
وقال لهم ابوي لكم اسبوعين ترودون لنا خبر واذا شفنا زيادة بالكلام _( من راح القاضي رجع راضي)

وانا يابنات خلاص تعبت مالي رجعه هناك بيتهم والحين ابوي يقولي بطلع لج احسن سياره وبشغلج احسن مكان
واهو وهله بالطقاق وللحين يتسائل يقول كفو عليج صبرتي على امه هذي شيطان على هيئة صورة انسان

هل زوجي معاي في البي بي (بلاك بيري) يسألون عني يقولون مالج بيان مايدرون بسالفتي يقولون دايم نشوفج
بجمعتنا في الويك اند قلت لهم سالفتي وانصدموا حيل يقولون معقولة اهم يدرون بأم زوجي ويعرفون السانها
وحتى الناس تعرفها يقولون لي امرار منو ام زوجج اقول لهم فلانة يقولون بوووو شديده حيل هذي الحرمة
قلت الله كريم ويوم قلت سالفتي حق بنت اختها لانها مثل صديقتي ودايم معاها قالت ام زوجي حق امي
افضحتنا بنتج علمت رفيجاتها كلها عن مشكلتنا وياها تبي تخرب سمعت ولدي ووو تخيلوا بس

طـــلـبـتـكــم أدعووووولي يارب اتوظف وانسااااااااااهم فعلا امي قالت فرقاهم عيــد

أدعولي يابنات حدي متضايقة حيل مو عارفة بعد هذا الاسبوع شنو بردون علي انا الحين كملت اسبوع باقي اسبوع
تضنون بعد اللي صار في امل ارجع له ولا خلاص وشنو تنصحوني اتركد بسالفة الطلاق ولا خلاص مافي امل معاه
:0bee2e8d89: تعبانة وايد والنفسية زفت

 

[ام شووووق]

رد : دمـوعـي على خدي طالبتكم تدعون لي أدعـولي ياخواتي ..

الله يفرجها عليج ياااااااااااااااااارب

 

[Tom ♥ Jerry]

.


عآيلتهم هاذي مآ منهآ رجآ !
لا آم و لا ابو و لا زوج ! اصلا زوجج هاذا مع آحترآمي له يعني لا تزعلين
مو ريال ! :/ شكله آمه آمشيته و مآله كلمه

قولي الحمد لله آنه مآ يبتي منه عيال جان تدبستي فيه آكثر !
الله يعوضج يا الغاليه و ابوج مآ رآح يقصر معآج
روحي بيت آبوي معززه مكرمه و الله يعوضج بلي آحسن منه !
شغلي وقتج باي شي و لا تزعلين و لا تكدرين خآطرج
آصلا آهوه الي مآ يستاهلج ! آهوه الي رآح يندم على اليوم الي رآح يطلقج فيه !
اصلا هاذا ريلج مآ آظن تقعد معآه مره ! :/

الله يهديه آن شاء الله !

 

[غلا ماجد]

يا رب توظفيين و يردكم لبغض اذا كان فيه خير لج

 

[i'm so happy]

نسيت أقولكم أبيكم تساعدوني يمكن الله يكتب ويستدعي الامر نروح المحكمة ابي كلام مرتب قوي اواجهه لهم

لاني ماتعودت احس اني بكون مرتبكة ومو مرتبة الكلام عدل ياليت تساعدوني وتقولون لي شاقول بالمحكمة بالضبط

جزاكم الله خير وعسى ربي يكون بميزان حسنات اللي ترد على موضوعي ولو بالدعااااااااااء

احبكم في الله

 

[i'm so happy]

تسلمون جزاكم الله خير وانا عارفة هل شي مستحيل فيها رجعه لانه مثل ماقلتوا مو ريال امه امشيته على كيفهاااا حسب يالله ونعم الوكيل

ياليت تفيدوني بخصوص المحكمة والله بهل امور ماعرف وارتبك حييييييل وخوافة وخجولة وهل صفات مو حلوة يبيلها قوة وجرأة
الحمدلله ادري واثقة من نفسي بس فيني خوف

 

[غمزه وإبتسامه]

الله يفرجهاا عليج

 

[مضيعة برقعها]

اللي كاتبه ربج بيصير واجهي الواقع مثل إمتحان الفاينل اللي إمتحنتيه وتحرين النتيجه وماودج عليها خوووووووووووفج من الصدمه
أرفعي نفسج مدام إنج عايشه عند أهلج بخير ونعمه
والله يسهل عليج دربج
ويوفقج
هذا قضاء وقدر لج أرضي فيه​

 

[المدينه]

الله يهديه وان شاء الله تتوظفين

 

[shoshowoo]

حبيبتي الله يكون بعونج وينسيج عازوج الي مايستاهل وتلقين وظيفه حلوه تنسيج كل همومج

 

[اخت شيوخ]

رد : دمـوعـي على خدي طالبتكم تدعون لي أدعـولي ياخواتي ..

انا ما قريت الا هالموضوع
لكن مبينه السالفة
عادة ما احب احرض المره على زوجها لكن زوجج شكله باااااااااااايع
بقولج كلمتين وانتي فسريها ......الي مافيه خير تركه ترى اخير
وانتي ادرى بزوجج ان كان فيه خير او لا

 

[ELFAD3Ah]

رد : دمـوعـي على خدي طالبتكم تدعون لي أدعـولي ياخواتي ..

الله يفرج همج

 

[تعويذه الحب]

شوفي حبيبتي انا قريت مشكلتج من البدايه

وانا راح يكون رايي محايد بس ياريت ما تزعلين

شوفي حبيبتي الحين الوضع المادي مال الكل تعبان يعني الاسعار بدت تزيد والراتب واقف محلك سر

واللي عندهم شهادات قاعدين يتشكون من الاسعار فما بالج اللي ما عنده شهاده ووظيفته على قده

وانا اللي اشوفه ان ريلج مو بخيل ريلج حريص يعني ريلج لو بخيل جان ما عطاج مصرف

جان ما خلاج تصبغين شعرج ب50 جان ما خلاج تكشخين جان حرمج من كل هذااااااااااا

ولما تروحون المطلعم ويحسب ما يبي يتفشل جدام القرسون ان ما عنده يدفع وبنفس الوقت يبي يطلعج ويونسج

وبالنسبه للسياره انه ما يروح بسيارته الكشخه الدواااااااام هالشي عند الكل مو بس ريلج يعني انا الحين عندي سياره

خاصه للدوام تلوع الجبد لان طبيعه دوامي مو مال كشخه لا مواقف سنعه ولا مظلات وبعيد عن بيتي فاكيد باخذ سياره اقتصاديه

صغيره للدوام وسيارتي الثانيه اطلع فيها طلعاتي اللي تخصني عرفتي فهل معناه ان هذا بخل لا حبيبتي في شي ابدا من شي

انا اللي اشوفه ان الريال تصرفه سليم

ودام امه نسره على قولتج وشريره فرضا ريلج صرف الراتب كله عليج وعلى وناستكم بدون ما يحسب حساب وصار نص الشهر

تبينه يتسلف من امه ولا ابوه !!!!!!! وهل اذا راح وطلب هل بيعطونه فلوس اكيد لاء

وحبيبتي الياهل فعلا يبيله مصاريف بامبرز وحليب وكل شهر ملابس لان قاعد في مرحلة نمو واذا مرض يبيله طبيب وغيره وغيره

وما في ريال ما يبي عيال بس ريلج ما يبي يرتبط بياهل عشان لا يحسر عليه باجر وما يقدر اييبله طلباته

يعني بظروف ريلج هذي صار عندج ياهل وبكون وحيدج اكيد بدلعينه جاف بايد ولد عمه ولا احد من اهله لعبه والعاب اللي هابين فيها

الحين اي بود ولا اي باد ولاسوني ولا غيره من الالعاب اكيد ولدج بقولج ابي هل راح تقدرين توفرين له هالاشياء وانتي تدرين

براتب ريلج؟؟؟؟؟؟؟؟؟؟ هل راح تقدرين تلبسينه احسن لبس ومن احسن مكان وراتب ريلج ضعيف

وبعدين كلمتج اني ماراح اصرف ليش حبيبتي ما راح تصرفين على بيتج وولدج كل الحريم يصرفون على عيالهم

ما فيها شي ترى الزواج رباط شرعي بين اثناء وتكافىء وتفاهم واهم شي يكون في تعاون يعني لازم تشيلون بعض انتي وريلج

عشان المركب يمشي .

حبيبتي بهالزمن ما يصير كل شي على الريال ولا انا اقولج معاج حق اذا كان ريلج مليونير او وظيفته زينه وراتبه قوي ويقولج مابي

عيال هني اقولج روحي تطلقي بس بظروفه لاااااااااا بالعكس لازم انتي توقفين معاه مو ضده

حبيبتي الشهاده سلاح المرا ردي بيت ريلج وكملي دراستج واشتغلي وواقفوا على ريولكم يمكن اذا اشتغلتي اطلعين بشقه

بروحج وتوخرين عن خالتج وماشكلهاااااااا وتعيشين باستقرار وهني فكري بالياهل بس انج بوضع هذا وتبين ياهل جذي محد راح ينظلم غير

ولدج صراحه

واذا تقولين ان يريلج يعصب ترى ما في ريال بالدنياااااااااا ليه خصت فلوسه او حس ان مادته ضعيفه ما يعصب لو كان ملاك

والله يهديكم ويكتبلكم اللي فيه الصالح

 

[امـ جوجو]

الله يهديه ويسخره لج يااارب

وان شاء الله ماتوصل للطلاق ياااارب

وتردون سمنه على عسل

 

[احلى سماء]

الله يعين

المفروض تفاهمين مع زوجج وتصبرين

ولا تكبرينها وتوصلينها اهلج

انا انحطيت بنفس موقفج بس زوجي كان ضعف مو راضي يعالج

وصبرت وتحملت وسكت واستحيت افاتح اهلي

 

[احلى ديما]

رد : دمـوعـي على خدي طالبتكم تدعون لي أدعـولي ياخواتي ..

ياعمري الله يعينج ويوفقج للخير يارب

 

[chanel N22]

الله يفرج همج

 

[امواج الكويت]

عسى ربي يهديه ويصلحه ويرزقج بالوظيفه السنعه

 

[_j'aime mon mari_]

رد : دمـوعـي على خدي طالبتكم تدعون لي أدعـولي ياخواتي ..

ماادر ي شقولج وانا ماحب انصح احد بالطلاق
والطلاق رغم انه ابغض الحلال بس الله حلله لانه مرات يكون رحمه للبني ادم
انا اقول ادعي ربج انه اذا كان لج فيه خير تتصلح بينكم الامور واذا راح ياذيج ويعذبج بحياتج انه يبعد عنج ويعوضج بلي احس منه

وعسى الله يسهل عليج وويفرج همج ياااارب

 

[nadoooy]

رد : دمـوعـي على خدي طالبتكم تدعون لي أدعـولي ياخواتي ..

الله يفرجها عليج يارب بس حبيبتي اشتبين فيهم دام هم بايعين انشالله ربج بيعوضج باللي احسن منه