دلوني وشوروا علي

[فاقده قلبها]

مساء\صباح الخير
السلام عليكم ورحمه الله
عزيزاتي ابي مشورتكم في موضوعي
وبكتبه لكم بالتفصيل
انا واعوذ بالله من كلمه انا بنيه مخطوبه بس باقي ماملكت عمري 28
المشكله ومافيها اني لقيت رساله يمويايل الوالده من الخطيب يقول انه متردد يكمل
ويملج وان اهله باقي يسالون عني وعن اخلاقي بصراحه انا من قريت الرساله انقهرت وارتفع ضغطي
والي رفعه زود انه متردد انه يكمل الزواج يقول عنده احساس اني متسلطه مثل زوجته الاوليه
كلمته وعاتبته قلتله اذا انت متردد مره انا متردده مليون مره
قالي شوفي لا تلوميني وحطي روحج مكاني وقال انا شاريج للحين
فكري وردي علي خبر شنو تشورون علي اكمل هالزواجه ولا ارفض والله يعوضني ويرزقني ويرزقه
حبيباتي انطر ردودكم واراكم

 

[Tom ♥ Jerry]

,




شي جري و قوي منه !
و هاذا يدل على آنه الي بقلبه على لسانه ما يخبي شي
لو وآحد ثاني جان مآ قال حق أمج هالكلآم !!


صلي استخاره حبيبتي و لا تلومينه مر بتجربه فاشله

 

[خالتي قموش]

شي طبيعي يخاف
بلعكس هو صريح ماا غشكم
فكرو انتم الاثنين و استخيرو
وكل شي نصيب

 

[معي احلى]

استخيري الله .. مرة وثنتين وثلاث


ربي ادرى ماهو افضل لك ..




الله يهديه دام انه متردد كان يتاكد من نفسه قبل مايفتح موضوع مع احد

 

[شقآوه أنثى]

اهو مر بتجربه صعبه وسارت عنده ردت فعل ف من الطبيعي انه يتردد ويحاتي
لآ تلومينه ... انتي عاتبتيه وعرفتي جوآبه
الحمدلله انه ما جذب وشفتي منه اشياء ثانيه بعد الزواج
لو انتي بمكانه كنتي بتحسين بنفس الشي

صلي استخاره عشان يرتاح قلبج
موفقه حبيبتي

 

[ديانا سبنسر]

أنا مااحب التردد والحركات بأيام الملجة والخطوبة أحس يقر صني قلبي من هالحركات

 

[...كلي حلا...]

استخيري وربي يووفقج

 

[є 3 τ и α q]

مَ احب حركةة التردد في ايامَ الخطوبة
اذا هو مو جاد او شاريكك , وقام يشكك
في اسلوبكك وتصرفاتك ويقارنَ ,

ف الافضل يروح بدربهه ولا يضيف تجربهه ل حياته على حسابكك ,


_


آستخيريَ , ثم استخيريَ .. ولاتستعجلين !

 

[7la m6eer]

ااااااستخيري

والله يوفقج يااااارب

 

[يـاكـرهـي $:]

اسستخييروو ويمكن خيره ماتدرين@@!

 

[Perfume]

انا من راي ديانا
ماحب التردد بهالامور
انتوا ماملجتوا بعدكم بس جدام الناس مخطوبين لبعض
شلون اهله للحين يسألون عنج !! المفروض سائلين وخالصين
يعني ما وافق عليج الا سائلين عنج وعن اهلج زين
شبيقولون الناس !
وامج شنو ردة فعلها عقب كلامه هذا ؟؟
اهوا مر بتجربة فاشلة وقاسية صح بس المفروض يفتح صفحة يديدة
استخيري حبيبتي

 

[لآلئ وردية]

استخيـــري

و الله يوفقج خيـر يا رب

 

[مرتبة]

شكله ما عنده تحمل مسؤوليه قرار فاحس صعبه العيشة معاه

 

[كنت و كنت]

صلي استخاره والله يكتب اللي فيه الخير

 

[oorccia]

هو مر بتجربة فشي طبيعي انه يتردد

انتي دورك تطمنينه الحين مو تزيدين الطين بلة طبعا" اذا كنتي مقتنعه فيه وماعندك اي تردد

واستخيري ووكلي أمرك لله والله يكتب لك اللي فيه الخير

 

[ام لعيال]

هذا شكله من الحين بيتعبج وبيحط مقارنات بينج وبين طليقته ..استيخيري وترى اذا الله كاتب انج تتزوجيين بتتزوجيين مب واقفه علييه عشان جذيه اختاري صح لا تواهقيين ياعمري