دكتور خالد الصبيح تجميل انف تجاربكم بنات غاجل خددت العمليه ؟

[quietone]

بنات الحمدالله اليوم شلت الجبس وكل شي ...

اول ما شاله الدكتور خشمي مدهن ووصخ وزيوان :/ بس رسمته حلوه الحمدالله وصاير صغيرون متغير عن اول ..

بس في شي من الجبيره ضاغطه على الخشم فمسوي علامه خفيفه على خشمي ما ادري تروح بعد جم يوم لما يريح خشمي ولا تضل ما ادري ...

علمني الدكتور شلون اسوي مساج خفيف على خشمي كل يوم كثر ما اقدر عشان يريح الخشم ... وقالي بعد يومين بلشي تحطين لزقات قبل النوم عشان يخفف التورم .. لان خشمي لي اللحين مورم ....

بنات سؤال ابي شي اغسل فيه خشمي وينظفه احسه وصخخخخ وزيوان بس ما اقدر افركه حيل ولا اضغط مو زين .. !

الي مجربين شنو سويتووو ؟

 

[مترجمه]

الحمددلله ع النتيجه والله يتمم لج ع خير.


انا ناطرة موعدي ع احر من الجمر ر ررر

خشمج صار يشبه منو من فنانات يعني وصفيلنا اكثر.

 

[مترجمه]

صح عشان الورم نقعيلج مرة ابطل وكل شوي مشي وينطف خشمج بلمرة

 

[ريم جده]

نبي نشوف صور قبل وبعد ومبروك وربي يبسطك فية

 

[Um ЯaYaN彡]

حمدلله على سلامتج

ومبروك اللوك الحلوووو يارب كل شي يكون مثل ماتبين واحلى

ودي اسوي بس اخاف : (

 

[quietone]

مترجمه


هلا حبيبتي الله يسلمج يارب ... شوفي انا خشمي اساسا صغير بس رسمته مو مرتبه الارنبه عندي مدوره ... وعريض شوي

اللحين الي تغير انه ضعف الجوانب وصغر الارنبه وارفعه شوي ... فصار شكله معطي على طول .. بس في شغله الحزز صوب العظمه قبل كان سيدا خشمي لما الف يمين او يسار ... اللحين صار من الحزز في نزله خفيفه وكلش ما ريحتني ما حبيتها لانها واضحه ...

بس ما اقدر اقولج منو من الفنانات لان دكتور خالد يرسم على شكل الويه المناسب يعني اذا شفتي خشمي ما راح تحسين اني مسويه عمليه كلش .. شكله طبيعي مو مبين ..

اي وبالنسبه للمره استخدمتها امس مسحت خشمي فماي منقع فمره من بره ... وبستمر عليها كل يوم ان شاءالله ..

مشكوره حبيبتي :**



ريم جده

هلا حبيبتي اسمحيلي ما اقدر احط صور . . . بس راح اقولكم شيصير معاي ان شاءالله اول بأول ..



ام ريان

شكرا حبيبتي امين يارب الله يسلمج

 

[ريم جده]

على راحتك حبيبتي....بس مافهمت ايش يعني الحزز ..قصدك الدكتور حك العظمه وسواللك الي يسمونها زحليقة ..طيب تحسين ايش احلا خشمك قبل العملية ولابعد والتغيير فية 100% ولا لسى محافظ على شكله الااسي ..ومشكوره

 

[quietone]

على راحتك حبيبتي....بس مافهمت ايش يعني الحزز ..قصدك الدكتور حك العظمه وسواللك الي يسمونها زحليقة ..طيب تحسين ايش احلا خشمك قبل العملية ولابعد والتغيير فية 100% ولا لسى محافظ على شكله الااسي ..ومشكوره

انا اليوم 3 يوم لي من فك الجبيره ...

خشمي ما تغير كثير لاني طلبت من الدكتور يكون طبيعي ومرتب ... بس اكيد التغيير للاحلى بالنسبه لي وايد صار ارتب من قبل .. بس مشكلة الحزز يعني العظمه عندي لما الف ووجهي يمين او يسار عظمت خشمي قبل العمليه كانت سيدا بالظبط .... الحين اشوف مثل نزله من فوق صغيره بالعظم مو زحليقه لالالالا مثل نزله بعدين رفعه خفيفه حيل بس تبين اي احد شوف خشمي ينتبه لها ......

احس الجبيره الي كانت محطوطه اضغطت على خشمي حيل وشكلت هل حززز يعني مزموووم المكان كأن احد ضاغط عليه حيل ..

بس شكلي طبيعي حيل مو مبين عمليه بس اثر خفيف لونه احمر على وردي مكان الغرز تحت الانف وما يبين الا اذا رفعت راسي .. ومع الوقت يروح ...

خشمي محافظ على شكله الاساسي بس تغير للاحسن صار مرتب اكثر .. ومع هذا ما اقدر احكم عليه لان لي اللحين مورم ومتفوخخ ووقريت مواضيع بنات كثيره بالمنتدى يقولون ان التغيير راح يستمر لي شهرين من بعد العمليه ... في ناس يخف الورمم .. وفي ناس بعد الجبيره يرد ينتفش الخشممم شوي ... وما ادري مع الوقت يبين اكثر :bbbiu:

يارب يصير للاحسن ويفششش شوي والحزه تصير سيدا وتروحح مخوفتني شوي :eh_s(2):

 

[ريم جده]

يسسسلمو على الشرح تعبتك معي بس نبي نتعلم ونعرف اكثر ...من كلامك حسيت خشمك يشبة خشم زينه كرم العملية قبل الاخيرة. في مسلسل سكر بنات اوسكر نبات ..بس ماقلتيلي ليش عند ك غرز تحت الانف انتي مسوية تصغير فتحات؟؟

 

[quietone]

هلا ريم جده


ﻻ زينه كرم خشمها قصير انا فيه طول شوي ... اي كان فيه غرز بسيطه بس شالهم الدكتور بعد اسبوع من العمليه .... وحاليا مالهم اثر ومو مبينين كلش ...

 

[ريم جده]

طيب كويس....الغرز الي برا سببها تصغير فتحات ولا لان عملية انفك كانت مفتوحة يعني من برا ماهو من داخل وسوري اذأ كنت ثقلت عليك بالاسئلة

 

[quietone]

ريم جده


هلا حبيبتي اسألي واخذي راحتك على الاخير فديت جده واهل السعوديه كلهم اعشقكممممممممممممممممممممممم

:***

عمليت انفي من داخل مو مبين اي شي من برا .... بس في فتحه بسيطه كان فيها الغرزز مالت العمليه في مكان الجلد الي بين الفتحتين التنفس ومن بعد اسبوع من العمليه شال الغرز الخارجيه الدكتور ومو مبين اي شي بس خط وردي فاتح بسيط ومع مرور الوقت بيختفي ان شاءالله .. وانا فتحات انفي قبل العمليه اصغر من بعد العمليه .. الحين كبرو شوي لان صغر لي الارنبه .. بس حجمهم طبيعي حلوو موو غلط ...

بس انا مدققه بخشمي بشكل حيل دقيق ... خل اقولج شصار معاي .. من سويت العمليه لين شلت الجبس وكل شي محد من اهلي ورفيجاتي عرف او درا عن عمليتي وما شافوني من زمان ....

امس طلعت زرتهم وانا من يومين شايله الجبيره شافوني ... ولا كأن فيني شي متغير محد لاحظ فيني شي ولا احد قالي خشمج متغير او مسويه شي الكل ساكت !! ومتأكده محد لاحظ لان كلش كانو طبيعين حيل ..

يعني الف حمد وشكر ومشاءالله الف من ذكره .. خشمي شكله جدا طبيعي .. لان لا رفيجاتي تكلمو ولا اهلي لاحظ تغير خشمي ..

لاحظت فتحت اليمين اكبر من اليسار بس بشكل بسيط حيل للي يدقق حيل بيلاحظ بس شكلهم جدا طبيعي الحمدالله .. .

 

[رشاقة]

واااااااااي ابي اسويها .. بس الخووف ومايسوي وغير جذي حاطه تقوويم بضروسي فا اكيد بياثر
بغيت اسالج حبوبة صارلج شكثر وانتي مسويه عمليتج؟ شهر جذي؟ ولا اكثر؟؟
ولمن شفتي ربعج ماكنتي حاطه بلاستر؟؟ متا الواحد يشيله ويحط مكياج ويعيش الحياة الطبيعية ...
وخوفي من الدوام شلون اداوم والجبس بخشمي؟؟

 

[quietone]

رشاقه



هلا حبوبه .... من سويت العمليه هذا 3 اسبوع لي ... وانا شايله الجبيره الي اهي الزقات والجبس صارلي 4 ايام ... ولما رحت حق رفيجاتي كنت توني شايلتها ... وحاطه مكياج وطالعه وشكلي طبيعي بس ... لما حطيت مكياج كامل وخفيف .. ما قربت وﻻ جست خشمي ... وﻻ حطيتله شي كلش ...

بالنسبه حق موضوع التقويم مالج ما ادري سالي الدكتور . . ﻻن حزت العمليه دكتور البنج يجيك اذا في شي داخل حلجج ..

اما الدوام رحت عادي ومحد حس وﻻ انتبه على شكلي كلششش وﻻ اساسا خشمي مبين فيه اثر شي ...

حياج حبوبه

 

[رشاقة]

بعدعمري مشكورة علا سعة صدرج :*
بس انا فكرت فيها اكيد التقويم بياثر لانه اوردي براطمي مرتفعة منه مغير شكلي شوي
ممممم وبالنسبة لهالدكتور شمعنه اخترتيه؟ وهل كنتي محتارة بينه وبين دكتور ثاني؟
في وحدة تكلمت عن حمود مادري محمود النومس تقول تعطينه اي صورة خشم ويسويها لج!!! وتقول الخشم مايورم ولاشي !! انتي شرايج بالموضوع؟ سمعتي عنه من قبل؟؟؟ بدورلج علا ردها مادري هني ولا بموضوع ثاني :/
ودكتورج لمن عطيتيه الاصور وراج شنو بيكون التغيير بصورت خشمج بضبط يعني سواها مثل فوتوشوب او شي؟ ولا كله مجرد كلام شفهي انه بيسوي كيت وكيت ؟

 

[quietone]

رشاقه


هلا حبيبتي ... اخترت دكتور خالد ﻻنه اول شي متخصص في الاذن والانف والحنجره وثاني شي استشاري و الاهل من هذا متمرسسس يعني مسوي حق وايد ناس ايده ماخذه على العمليات ..... ما احترت بينه وبين دكتور ثاني وما كنت ابي غيره .... ما اعرف النومس والله

ويهي ورمم بعد العمليه بس مو الورم اامخيف ... عادي ... ودكتور خالد ما يوافق على سالفت اتيبين له صور فنانات اهوا يشتغل على الي يناسب ويهج ويكون طبيعي مو مبين تجميل ... ولما تقعدين معاه يصورج بالعياده ويشرح لج بالكمبيوتر والفوتو شوب شراح يسوي بخشمج وشلون شكلج بيصير ويقول بيصير 70% من شكلج بعد العمليه نفس الصوره ... ووايد حبوب ومريح

 

[سكر نباتى]

السلام عليكم
انا الحمدلله سويت عمليتي وصارلي الحين ١٨يوم والحين بس احط اللصقات وقت النوم
ودي اعرف شنو فايده هاللصقات

 

[سكر نباتى]

كويتون بغيت اسال متي حطالج المراجعه الجايه وشنو فايده المراجعه هذي انا من الفرحه والوناسه نسيت اساله

 

[صاروا صدى]

طمنينا في شي جديد بخصوص عمليتج ؟
مرتاحه من النتيجة للحين ؟
في شي تغير ولا لاآ ؟

 

[lolwah]

اب اب