~~دكتوره ناعمه الهاشمي تؤيد *ودكتوره فوزيه الدريع لا تؤيد~~ وانتي شنو رايج

[الفوز 2]

ماادري شنو الصح لان كل واحد غير عن الثاني وكل مره وشخصيتها وكل واحد وحظه بالدنيا ويمك الزوج يوهمك انه خلا الطريق وهو ولا عنده نيه مراح الوحدة تستفيد شي من مواجهت العشيقه لان يمكن الاخ عنده اكثر من وحده والله يستر علينا

 

[كريستال]

رد : ~~دكتوره ناعمه الهاشمي تؤيد *ودكتوره فوزيه الدريع لا تؤيد~~ وانتي شنو رايج

فوزيه كلامها صح

 

[أحلى عيونm]

الله لا يجييب هاليوم انشالله


بس المفرووووض مافي اي مواجهه لا لها ولا له دلييييت اثنينهم من حياااتي

 

[ScarletteO'Hara]

راي ناعمة الهاشمي ينم عن الطيش
اما الدكتورة فوزية رايها عقلاني
بالله شكو اروح اكلم العشيقة؟
اعرفها تعرفني؟
الدور و الباجي على ابو الشباب الي لو انه ما لعب مع هذي بيلعب مع غيرها

 

[برووورة]

رد : ~~دكتوره ناعمه الهاشمي تؤيد *ودكتوره فوزيه الدريع لا تؤيد~~ وانتي شنو رايج

مع ناعمة الهاشمي اكيد

مع احترامي حق الدكتورة فوزية الدريع بس مو كل كلامها صحيح

جوفي يا أختي نظريات ناعمة الهاشمي كلها صحيحة

ليش ؟؟

لأن الزوجة لازم تكون قوية .. وان حست أو اكتشفت بخيانة مو لازم تتخلى عن زوجها بهالسهولة وتعطيه الفرصة الذهبية انه يلعب على كيفه

آنة مع ناعمة لما تقول ان (زوجك لك) ما يصير اتخلى عنه واخلي عشيقة تاخذه
لأن هاذي اللي تتمناه العشيقة انها تهدم بيتج وتخليج تتركين ريلج لها!!!!!

علشان جذي لازم الزوجة تعمل في الخفاء على كشف اوراق العشيقة وجمع اكبر قدر ممكن من إدانات العشيقة والزوج

وبهالوقت الزوجة ما تفلت اعصابها وتتشاجر مع زوجها علشان لا تطلع غلطانة

ولكن بهدوء مصطنع أكيد بيكون مصطنع تجمع إدانات تدينها

علشان تكون في موقف قوة

وبعد ما تخرب عليه وعليها

تقدر تقول الزوجة شروطها اما تستمر معاه والا تتركه بحسب احساسها ناحيته ان كانت تقدر تسامحه وتستمر حياتها وياه

أو ما تقدر تسامحه وتقدر تعيش بدونه..!!!

أكبر خطأ هو مواجهة الزوج بخيانته

لأن كل شي في وقته حلو

مواجهة الزوج بخيانته تخليه اكثر حذر في المستقبل

مواجهة العشيقة وتهديدها بفضحها هو الحل

 

[فنكيه]

واي شي يخرع الله لا اييب هذا اليوم بس اعتقد ان العشيقه ماغلطت كثر مايغلط الزوج
فالزوج اهوا الي يتعاقب

 

[BiiShOoO]

مع الدكتورة ناعمة

 

[بخـــارى]

رد : ~~دكتوره ناعمه الهاشمي تؤيد *ودكتوره فوزيه الدريع لا تؤيد~~ وانتي شنو رايج

لاحول ولاقوة الا بالله

 

[q8y-moon]

والله بصراحه علي حسب
اذا كانت المره عارف ومتاكده ان زوجها مو راعي بنات وصادته مع وحده وحست انها تهدد حياتها هني اتوقع تواجهها وتشلع علينها
بس اذا الريل مغازلجي ويكلم 600 الف بنت منو بتواجهه ومنو بتخلي؟؟؟؟
بهالحاله تضبط زوجها وتواجهه اهو افضل
وانا اقول لو المره تسوي روحها هبلا وماتدري عن خرابيطه وتكسب قلبه بطريقه ثانيه
احسن بوايد

 

[احلى من القمر]

انا مع الدكتوره فوزيه طبعا لاني لوكلمت العشيقه وفتحت الباب لدخول طرف ثالث في القضيه بتتعقد وماراح تنحل بالعكس باعطيها فرصه تستغل وضعي النفسي وتامن لزوجي الي مااقدر اسويه وانا تعبانه نفسيا وبتصير اهيه ريلاكس وبتقدر تسيطر عالوضع بس لو صار وصار الله لايقولها ويبعدعنا الشر ماراح اواجه الطرفين خليولي في ستتتتتتتتتتتتتتتتتتتتتين داهيه واللي يابه ييب غيره

 

[Vouge]

رد : ~~دكتوره ناعمه الهاشمي تؤيد *ودكتوره فوزيه الدريع لا تؤيد~~ وانتي شنو رايج

على حسب العشيقة .. إذا العشيقة مالها رب ولا أهل .. بتخاف مني مثلا


لكن لنفرض إنها بتخاف لي انفضحت/ أواجهها و لي قهرتني أفضحها عند أهلها
مع وجود دليل قاطع طبعا يثبت تورطها مع زوجي .. مكالمات .. برنت للخط


و هذا إذا كانت عشيقة .. يعني وحدة رابطته .. مو متعدد العلاقات
لأن حزتها لي كان متعدد ماكو فايدة بهدها ويروح لغيرها

 

[& شرطان الذهب &]

رد : ~~دكتوره ناعمه الهاشمي تؤيد *ودكتوره فوزيه الدريع لا تؤيد~~ وانتي شنو رايج

تواجه زوجهااااااااااااا اول بعدين تحرق العله ...............؟

 

[sharshora80]

رد : ~~دكتوره ناعمه الهاشمي تؤيد *ودكتوره فوزيه الدريع لا تؤيد~~ وانتي شنو رايج

لا هذا ولاهذا
لما اواجه ولا واحد فيهم
واخليه لها واعيش حياتي
وراح يعرف قدري لما يجرب غيري

 

[أيامي حلوة]

رد : ~~دكتوره ناعمه الهاشمي تؤيد *ودكتوره فوزيه الدريع لا تؤيد~~ وانتي شنو رايج

والله حبوبة انا وايد قارية قصص من موقع دكتورة ناعمة الهاشمي واهي دايما تقول حق مراجعاتها من الحريم اللي تعرضوا للخيانه ان مشكلتها الاولى مع الزوج وانها فالبداية لازم تعرف شنو اغلاطتها وتعدل من نفسها ودايما تقول ان القضية قضية استعادة الزوج الخائن وتوصيهم بانهم ما يتواجهون مع العشيقة .

هذي كلمة حق لازم تنقال في حق الدكتورة ناعمة الهاشمي

 

[رحمتك ياالله]

رد : ~~دكتوره ناعمه الهاشمي تؤيد *ودكتوره فوزيه الدريع لا تؤيد~~ وانتي شنو رايج

مع دكتوره ناعمه

اواجهه العشيقه !!

وبعدها اواجهه زوجي ..



والله لايجيب هاليوم لاعلي ولاعليكم يارب

 

[رحمتك ياالله]

رد : ~~دكتوره ناعمه الهاشمي تؤيد *ودكتوره فوزيه الدريع لا تؤيد~~ وانتي شنو رايج

لأن الزوجة لازم تكون قوية .. وان حست أو اكتشفت بخيانة مو لازم تتخلى عن زوجها بهالسهولة وتعطيه الفرصة الذهبية انه يلعب على كيفه

آنة مع ناعمة لما تقول ان (زوجك لك) ما يصير اتخلى عنه واخلي عشيقة تاخذه

صح نظريات دكتوره ناعمه كلها تضبط مع المتزوجات ..

وطبعا حل المشكله على حسب طبع الزوج اذا شمالي او جنوبي ..الخ

 

[ايمانو حلوة]

انا برايي اواجه الاثنيبن اول شي الزوج لانه ماخان الا لان في غاية في نفسه وفي سبب لخيانته سواء ا تقصير من الزوجة او اي شي اخر واذا شفت الريال ماياز ومصر على علاقته وتمادى اواجها واسالها شسالفتها مع الزوج واذا مصرة على علاقتها معاه اخليهم حق بعض والله يهني سعيد بسعيدة لاني ماحب احد يستخدم شي خاص فيني وكافي اني خليت لها فضلة

 

[* بنت المطر *]

اذا الزوج طبعه الخيانه شنواجه وشنخلي بتواجهين وحده بيروح للثانيه شنو بتقزرين عمرج صحبه مع عشيقات زوجج لوول

الا امسك الزوج والعن خيره >> قصدي اتفاهم معاه اوكي ؟؟

وشكرا ع الموضوع

 

[* خياآآله الفزعه *]

انا مع فوزيه الدريع
الرجال اهو السبب الاكبر لان اهو اللي يدخل طرف ثالث بعلاقتهم
والعشيقه مالها شغل اذا ما كلمها بيكلم غيرها
يعني الوحده بس تقضي ايامي تكلم البنات شكو

 

[دلــــع البنــــات]

رد : رد: ~~دكتوره ناعمه الهاشمي تؤيد *ودكتوره فوزيه الدريع لا تؤيد~~ وانتي شنو رايج

طبعا مع فوزيه الدريع في حالة كانت العشيقه جديده بس ان كانت قديمه اوجهها وابطط عيونها واشق حلجها ههههههههاااي

هههههههههههههههههههههههههههههههههههه

يا حلوج اتوقع شكلج صاااار جذي :rgewrg:

ما تغـــــــشــــمرين ....


:flower:

ما احب اعلق ع هذا الموضوووووووووووع بس بقول الله لا يبلانا

ولا يبلى كل وحدة شريفة وعفيفة ...

وتر انا من حزب الطماشة للحين انطر النصيب

يارب ترزقني بزوج لي حلالي بلالي ... ما تشاركني في اي امرأة

ويكره الحريم ويحبني انا بس :yaaaaaarb: ياااااااااااااا رب

وتحيــــ :hjy5jewf: ـــاتي