دكتورة سميرة العوضي , وكلمه حق !

[سيكولوجية]

صباح الخير بنات


بنات انا حابه بهالموضوع اقول كلمة بحق الدكتورة سميره العوضي
ومنها افيد غيري لاني وحده نفسكم متأخر حمالي وكنت يوم من الايام ادور على دكتورة
اراجع عندها


انا بالبدايه رحت حق اكثر من دكتور ودكتورة
من قبل لا اتزوج حتى لان معاي تكيسات ودورتي تلوع الجبد شهرين ماكو
واذا نزلت شهر كامل

لعبوا علي وايد دكاتره

منهم اللي بس تقولي شنو فيج وتصرف لي دوا ! واخذي منع حمل وروحي !
من غير لا تسوي فحوصات وله تحاليل تشوف حتى الهرمونات وله غدد

واللي اروحله اقوله فيني نزيف شهرين ماوقف يعطيني كلوميد وحبوب مسكنه !
ويقولي هذول يوقفون النزيف ! واخذهم ولا يوقف شي واردله ويقولي عادي خل ينزل
نطري لين يوقف شالمشكله ؟

واللي يقولي حجم مبايض 13 ممتاز وايد زين فوق الممتاز !! واكتشف ان لازم حجم مبايض 18
و فوق عشان الحمل !


تعبوا نفسيتي يتني فتره حاشني اكتئاب اللي بس ابجي
انصحوني بالدكتورة سميره العوضي

اللي انصحتني جزاها الله خير وحده اعرفها كانت اختها تعالج عنها معاها تكيسات
وهرمونات وتأخر حمال ومن بعد الله حملت على ايدها

ويوم اسولف حق امي وله امي تقول كانت معالجتني يوم انتي كنتي بالمتوسط
كان فيها امي فتاق من الولاده ومحد عرف لها الا اهي وعالجتها وبفضلها من بعد الله
امي ارتاتحت وراح الفتاق

وهم مني مناك عرفت جم وحده يعالجون عندها والكل نصحني


وتوكلت على الله ورحت لها

بنات
والله على ما اقول شهيد

دكتورة كلمة ممتازه قليل بحقها
ممتازه بكل شي
علاجها اهتمامها اسلوبها كلامها
مو ماديه كلش واسعارها حيل ممتازه
تبدي معاج من الصفر ومن كثر ماتهتم بالمريض عندها
حتى تحاليل حق الحديد وكريات الدم والوزن و الطول وفصيله الدم تطلبهم

وتعالجج من الصفر
وشوي شوي عليج
تعطيج اكثر من وقتج

وماتسوي شي الا لمن تذكر الله وتسمي
ياما سويت سونار داخلي , اهي الوحيده اللي حبيت السونار الداخلي عندها
ماشاءالله ايدها خفيفه وتسمي وتكلمج جنج بنتها
ريحي اخذي نفسي قولي بسم الله استرخي

هذا غير الدعاوي اللي ترد الروح
ذكر الله مايطيح من لسانها



صحيح اني للحين ماحملت
بس بنات حيل تحسنت معاها وضعي كله تحسن

تكيساتي كان حجمهم من 5-6
حاليا صار حجمهم من بعد الله على ايدها 3

مبايضي كان حجمها 10
من بعد الله على ايدها صاروا 25


وماشيه معاي شوي شوي
والدليل على هذا اني بديت عالجت عندها من شهر 11
وانا للحين عندها
وللحين ماسوت تلقيح صناعي تصبر عليج وماتبدي معاج بقوه
تجرب معاج حبوب اول شي تقول يمكن ربج يكتبلج عليهم حمل
مافاد تعطيج ابره مره مرتين وتصبر عليج

كنت رايحتلها فيني نزيف شهرين
من اول مره دخلت عليها
عطتني حبوب 3 ايام وقف النزيف

والدليل انها مو ماديه كلش
يوم رحت لها اخر مره قبل اسبوع
وكان زوجي بادي يراجع ومسوي تحاليل
قالتلي ماراح اعطيج بهالادويه واعالج الا لمن اشوف شيصير مع زوجج
حرام اعطيج ادويه وتدفعين وتتعبين واخرتها ممكن في شي الزوج واهو محتاج علاج

لو غيرها جان مهما صار خذت بهالفلوس لو تعطيج اي شي

والله ي بنات مادري شقول بحق هالدكتوره
بس اللي تبي دكتورة ممتازه
انصحج فيها وبقوه
روحي لها وادعيلي

ادري طولت عليكم بالموضوع
بس ابي افيدكم مثل مافادتني اهي
وكلكم خواتي وابي لكم الخير :eh_s(7):

 

[mnoooor85]

طيب اختي ماعليج امر وين مكانها لها عيادة ولا بمستشفى..فيديني اللة يرزقج بالذرية الصالحة

 

[سيكولوجية]

منور
اهي عيادتها بحولي
خلف مجمع النقره الشمالي
و هذا رقم عيادتها
22622088
وعسى ربي يشافيج​

 

[عذبة السجآيآ]

مشااءلله الله يكتب لج على ايدها من بعد رب العالمين الحمل ياارب

ياليت تكتبين لنا الاسعار عندها جم فتح الملف والسونار والتحاليل؟

 

[سيكولوجية]

اللهم امين
تسلمين

فتح ملف 20 دينار
مراجعه بس ب 10
سونار 15

واخر مره سونار وابره تفجيريه
طلع علي 35 دينار

اما التحاليل مو عندها بالمختبر بنفس العماره
اسعاره غير ماله شغل بعيادتها​

 

[عذبة السجآيآ]

جزااج الله خير

انا ودي اروح اعيد على تحاليلي لان كانت الحمدلله سليمة وكل ش تمام

بس زوجي لم سوى الفحوصات الحمدلله كل شي سليم بس الحركه شوي بطيئه بس موعاليه بس 40%
وودي اهو بعد يراجع

 

[سيكولوجية]

عذبة السجايا

خليه يروح حق دكتور خليل العوضي
كتبي بقوقل عنه واقري
وايد زين زوجي راح له
ودكتوره سميره انصحتني فيه قالت ممتاز

و سوي سونار داخلي
تطمني على وضعج
انادكتورة سميره سوتلي تقريبا 4 مرات سونار داخلي
عشان تتطمن عالرحم وحجم تكيسات والمبايض​

 

[عذبة السجآيآ]

انا اراجع عند سلوى الرفاعي تهبل وسوت لي فحوصات شاملة والحمدلله كل شي سليم

بس الحين مادري ليش مسكرة عيادتها ؟

وبقول لزوجي عن خليل العوضي ان شاءالله يرضى خصوصا ان دكتور المختبر قاله كثر من الاكل المفيد والمكسرات لان مونسبه عاليه واهو مقتنع مايبي يروح ياخذ ادويه مجنني والله , الله يعين بس

 

[سيكولوجية]

اخاف مسافره دكتورتج؟

الله يهديه لج ان شاءالله
ماعليه كلهم بالبدايه يعاندون مايرضون يحللون جنه عيب
بس اخديه بالحجي الحلو والنقاش راح يقتنع
والله يرزقكم ويرزقنا يارب ويرزق كل محرومه ان شاءالله

 

[عذبة السجآيآ]

والله مادري من تقريبا شهر 4 واهي مسكره

واميين يارب الله كريم ويفرح قلوبنا كلنا

 

[سيكولوجية]

4 اشهر وايد
شوفيلج دكتورة ممتازه
وانضحج ب سميره العوضي
وعساج ماتحتاجينها والله يرزقكم

 

[Q8_QT]

الله يرزقج الذرية الصالحة يارب

 

[سيكولوجية]

^

امين يارب
ويرزق كل محرومه يارب
تسلمين

 

[عسل حدي]

شرايكم بمحمد بكري

 

[آلزينْ مُلكيْ]

حبيبتي
اممم بسالج اذا بسوي تلقيح اسويه بعيادتهاا ؟
ولا تسوية بمستشفى
ترى يمكن اروح لها علي ضمانتج
بس مو هالشهر لاني بروح حق دكتورتي
بس لازم احط دكتورة احتياط لووول

 

[سيكولوجية]

عسل
ماعندي فكره والله عند الدكتور ماعرفه

الزين
لا تسويه بعيادتها قالتلي
وعلى ضمانتي انها فوق الممتازه وراح ترتاحين لها
وعسى ربي يرزقنا كلنا

 

[عسل حدي]

اب اب اب

 

[سيكولوجية]

تسلمين حبيبتي عالرفع
ربي يرزقنا الذريه الصالحه

 

[عسل حدي]

ربي لا تذرني فردا وانت خير الوارثين