دق قلبي مثل دقة عود عبدالله فضالة ؟؟

[غزلان]

فديتكم والله اني كنت ادورها

 

[كيـكهـ]

بنات ولا رابط شغال >_<

عفيه الي عندها الغنيه تحملها من موقع ثاني وتحطها اهني

بلييييييز

 

[بنت الاجواد]

و انا بعد بنات ولا رابط يشتغل

 

[@@نينارتشي@@]

بنات الله يعافيكم عطونا اسم الموقع

 

[فلونه]

اي والله ياليت ماشتغلو عندي

 

[كيـكهـ]

وينكم

 

[آيس كريمه]

الشاعر الأول . فلاح العراك .الله يرحمه.
والشاعر الثاني.صحن بن قويعان
وهما غنيان عن التعريف . حصلت بينهم رديه جميله وحبيت اني انزلها .وقصتها جميله
خلق الشاعر فلاح العراك قصه جميله ليسندها على الشاعر صحن بن قويعان وقال الشاعر فلاح العراك.



راكــب الـلـي زاهــي لـونـه موديـلـه وارد بـأسـم الوكـيـل مــن الوكـالـه


جمـس يقـطـع مجـرهـدّ الـقـاع ويـلـه مشتريـنـه نـقـد ، مـاهـو بالكفـالـه


سايقـه لـو يسـري ابظلمـه دليـلـه عــارف(ن) يـمـة جنـوبـه مــن شمـالـه


نصّهـا اللـي عملتـه تبـغـي عميـلـه فــي جمـيـع المملـكـه مــاش ٍ ريـالـه


ياصحـن ، مـن لـه رفيـق يشتكـي لـه والخبـر واصلـك فــي بـطـن الرسـالـه


مــل قـلـب فـيـه دقــات تشيـلـه مـثـل دقــه عــود عـبـد الله فـضـالـه


مـن سبايـب ورعــةٍ جتـنـي طويـلـه يــا صـحـن وافقتـهـا عـنـد البقـالـه


صـوبـت قلـبـي ولا بـيـديّ حيـلـه والخـطـيـه عـنـدهـا مـثــل الجـمـالـه


أن تبعنـاهـا مــع الـشـارع فشيـلـه


وأن فعلـنـا، (فوقـنـا حـكـم الـعـدالـه)



فرد عليه الشاعر صحن بن قويعان



مرحباً وعداد مـا تنشـي المخيلـه
وعـد بـراق تنثـر مـن خيـالـه
يوم جانـي خـط كسـاب النفيلـه
كني اللـي شايفـن غالـي عيالـه
حاضـر لرسالتـك لوهـي ثقيلـه
ميرصارت من فضل ربي سهالـه
أبو راجح عاشق مـن غيـر جيلـه
جاه من رده علـى سـن الجهالـه
يافلاح العشـق مـا يرحـم قتيلـه
واجد اللي فيه يشكي ما جرى لـه
أنشداللـي شايـف عدلـه وميلـه
قد عرف عدل الصحيح من العدالـه
وش تبي بالسوق يوم أنكتجي لـه
من طمع بالبـوق لا يأمـن نكالـه
ولا تفيـدك فزعتـي بأيـة وسيلـه
دام راعي المال ما أرخص حر ماله
لا تكاثر من خطـا شقـرا جديلـه
قبلك الهزان(1) وقته ما صفى لـه
حولنّـه بالركيـه طــول ليـلـه
وكل فرض قام يطلـع مـن حبالـه
والهوى بلشاتـه أكثـر مـن قبيلـه
من ضرب سوق الهوى يبلش بحاله
الهوىلي وقت أنا داعـي سبيلـه
معطي المطنوخ منـي لـه حوالـه
وأحمد الله يوم جا الهاتف حصيلـه
قد طويت أرشاي وأدرجت المحاله

 

[شمس نص الليل]

صراحه مو طبيعيه ودي انزلها عالجهاز بس وين القاها

يالله همتكم بنات

 

[ليالي الكويت]

بنات الروابط مو شغاااااااااله
نبيها بليييييييييييييييييززز

 

[ليالي الكويت]

 

[بنفسـج]

بنات الروابط مو شغاااااااااله
نبيها بليييييييييييييييييززز

منووو القدعه اللي تنزلها لنا

 

[ركااز81]

اي والله حتى انا بعد ابيها وادرها من زمان

 

[بنت الناس ما تنداس]

ابيهــــــــــــــــــــــاااا

 

[OoH La La]

ولا رابط يشتغل بليز نبي الاغنيه حالا بالا

 

[ركااز81]

ويييييينكم يا كويتيات ولا وحده عندها الاغنيه

 

[بنفسـج]

ما زلنا بانتظار القدعه :eh_s(20):

 

[ام عزوزي 2]

اي والله نبيها منو القدعة على قولت بنفسج الي تجبها لنا

 

[هاردلك يا قلب !]

ولله انا تعبت وانا ادورها بس مو محصلتها كلش ؟

 

[امون حبيبة الكل]

ياااااااااااااااحلوها بلحن وصوت ام فجر

اموت بلاغنيه اتهبل

 

[Coffe Shop]

لووووووووووول كلماتها توووونس أصلا أنا اليوووم بروح عرس بس اللي سمعت أنه عرسهم بيحطووون فيه دي جي يعني مووو أكيد راح أسمعها ..