دفتر مذكراتي

[كويتيه مزاجيه]

:edbf4317b9:

شلونكم يا حلوين

بنات حبايبي عندي موضوع و حابه لقه ردود

عندي هواي بس مو عارفه اذا في من يحب هاذي الهواي اولا

بتكلم عن نفسي انا

انا احب شي اسمه مذكرات او دفتر مذكرات

و اهو عباره عن دفتر تكتبين فيه كل شي يخطربالج او صوره تحطينها و تعلقين عليها

و ترسمين فيه وطبعا هاذا ادفتر يكون في لمسات من ايدينج مثل تغيرين شكل دفتر

وغيره

طبعا انتوا فهمين شنو قصدي و حابه اشوف بنات مثل تفكيري من هاذي الناحيه

و حابه اللي عندها تحط صور تورينا شنو تحب تحط في دفتر او شكل الدفتر

و طريق تزينه و شارك بعض

بس اتمنا ما طولت عليكم و اتمنا في ردود للموضوع​

 

[الـــثـــريـــا]

ذكرتيني بايام زماااان .... ماكنت ازيييين الدفتروايد .... بس الزق استكرات او طوابع بيضه بشكل عشوائي على كل الدفتر ...واكتب عليها حكم او اقوال تفيدني بهالدنيا بخط ملفت ... عشان اذا قريتها تنفتح نفسيتي وتعطيني بانزين وامارس حياتي باستمتاع ...

عالعموم مشكوووورة

 

[أم العزيز]

موضوع جميل وأنا بالنسبة لي عندي دفتر يتغير سنيويا بس أكتب في تجاربي وخططي المستقبلي وكل ما يطرئ لي من أفكار وأخرى أسمعها وتكون مفيدة وفعلا أحلى شي لما تقرينها مرة ثانية تحسين انك كبرتي ونظجتي صح

 

[واثقة بجمالها]

اممم بالنسبه للدفتر انا ما استغني عن شئ اسمه دفتر وقلم
بس مو شرط مزين وجذي الاهم انه يحووي ع كل ما فيني من طموح وامل وامنيه مستقبليه واهداف لازم اوصلها
والله يسهل يارب

 

[كويتية بنفسجية]

حبيبتي .. أنا أحب الدفتر و القلم و ما أستغني عنهم أبدااااا

أكتب الأقوال و الحكم اللي تساعدني و تعدل مزاجي و نفسيتي يعني شغلات حماسية و تعطي تفاؤل و أمل و أحب أشتري كتب من هالنوعية و أخطط على الأشياء اللي تعجبني و تشدني

و الدفتر أسجل فيه حتى الخطط أو الأشياء اللي حابه أحققها و أسويها كل سنة بسنة و أشوف خلال السنة هذي شنو اللي أنجزته على المستوى الشخصي و الاجتماعي

:stars:​

 

[مجنونة نت]

سبحآن آلله هآليومين طآيحة بهآلدفتر بس أنآ أحط فيه خوآطر وأشعآر

وشريت له ستكرآت وقآعدة أدوور له أفكآآر

 

[كويتيه مزاجيه]

مشكورين ع مشاركتكم ورفع الموضوع
بس
لما الحين ولا وحده حطت دفترها انشوف شكله

و طبعا الدفتر يعبر عن شخصيت الوحده

او عطونه افكر و طريقه تعديل

 

[مجنونة نت]

إن شآء آلله إذآ خلصت لي كم صفحة باصوره وأحط لكم

 

[بريطانيا]

و أنااا بعد أحب سوالف المذكرات و عندى دفتر خلصصصته حددددده انترررس ماااافيه مكاان تكتبين فيه حررف !!
حدده يووونس كاتبه فيه كل شي يخطر ببالي و عفييسه شووي كاتبه بالطووول و بالعررض و يمين و يسار بالعربي و بالانجليزي و كلــه استيكرزات ورسمات حددداا يووونس الحين صارله 5 سنين تقريبا و اشتااق بين فتره و فتره افتحه و اقراا اخبــــالي لوووووول

و الحين مفكره اسويلي بعد دفتر ثاني :>

إذا فضيت إن شااء الله اصوره لكم :> و يلاااااا خنشووف ابداعاتكم :>

 

[كويتيه مزاجيه]

حبايبي
يسلملي مروركم
وانا بنطركم وبنشوف دفاتركم
وشنو تكتبون فيها

 

[noody a&a]

رد : دفتر مذكراتي

إن شاءالله قريب بسويلي دفتر لأن عندي أشياء خاشتهم من زمان وعلى أساس بسويلي دفتر مذكرات

وليمن الحين ماسويت

ذكرتيني تسلمين

 

[Hawaii]

رد : دفتر مذكراتي

المووووضوع جدا شيق بس سبحان الله الدفتر يتغير مع تغير العمر يعنى فى المراهقه يكون الصديق السرى لابد من وجوده وفى الشباب يتحول الى نوتس على السريع يكتب به المقتطفات بسبب حلاوة هذه المرحله الجميله وفى سن هدوء العمر اى من 35 ال45 سبحان الله يتحول الى دفتر احصاء وكله احساااااااااابات ومن بعد ذلك مع كل تجاااااارب الحياة انصدر هااااااا بكتاب لاستفادة الغير من تجاربنا حبيبتى وطبعا هذا رأى الشخصى فأنتى فى اعمر ......... طبى وتخيرى شنووووو دفترج تبينه يكووووون

 

[كويتيه مزاجيه]

يعطيكم العافيه منوريني
فديتكم
يلله بشوف الدفاتر

 

[ALo0ota]

شوووفي والله ..انا عندي اربع دفاااتر خوااطر واشعاار ..
اول اثنين كنت اكتب اللي يعجبني من اشعاار وخواطر اتعبر عني وارسم فيهم رسمااات وشخاابيط تعبر عن حالتي ..وحكم واقوااال عجبتني ..
والثاالث كان خليط من كتاباتي ومن كتاباه غيري من ربيعاتي ومن شعراء .
واخر واااحد ..كتاابااتي وخواااطري فقط ...

انا عندي هوايه تزيين الدفااتر ولكن مااحب ازين دفاتر خواطري كوز مااحب شي يضايقني وانا اكتب بوضعية الدفتر ..

بس اكو دفتر سويته ايام المتوسط حق ربيعاتي اسئله واشعار وهيك ..
كان لونه اسود ..
حطيت اوراق ورد جوري مجفف من الخلف ..
ومن جدااام ..صورة بوي فوق ..وتحت صورة غيرل ع جهة اليمين ..واليسار قلب حب ..

وسوووري ع الاطاااااله وتسلمين ع الموضوع

 

[احساس قباني]

رد : دفتر مذكراتي

اناا ماعندي .~~~

بس خوش فكره .~~~

 

[تاجره كويتيه]

واااااااي ذكرتيني بايام المدرسه
كنت مينونه بسوالف تتزين الدفاتر ولاحد يقرب على دفاتري هذي خاصه
ههههههههههههههههههههههه
والحين بعد اليهال اشتغل على دفاترهم ونسيت نفسييييييييي

بس يبيله دفتر خاص

مشكوره على الفكره

 

[*^ *الليليم]

انا عندي هالهوايه بس بالتصوير
احب اوثق كل شي بالصور و اسوي البومات
^
^
حتى لووو بالتلفوون اطبعه و احفظه بالالبوووم

يسلمووو ع الطرح

 

[( المـلاك )]

رد : دفتر مذكراتي

كاااان عندي
بس قطيتهم كلهم بلحظة غضب لوووول
والحين لو يرد فيني الزمن والله ما اقطهم
عورتي قلبي ذكرتيني فيهم

كان عندي يمكن 10 دفاتر
وكلهم كنت انا اغلفهم و كل واحد افنتك فيه
و كنت اكتب او احط صور او اكتب خواطر وغيره .