..-..-..-دعيتي وصليتي وربي رزقج بزوج..-..-..- دخلي بليز

[نانا]

والله يابنات مافيه زي الدعاء وصلاة الوتر انا جربتها واقسم لكم بالله ولله الحمد مامرت ثلاث ايام الا وانخطبت من الشخص اللي احبه وياسبحان الله كنت سامعه انه راح يخطب وحده ثانيه بس الله سخره لي وماخطب غيري كله لان انا اصلحت نيتي مع الله وماتذمرت لما سمعت انه بيخطب غيري قلت الله بيعوضني ولزمت صلاة الوتر والله وفقني وخطبني ولاخطب غيري والحمدلله اللهم لك تمت الملكه على خير فعلا يابنات الوتر جــــــــــنة القلب ومحد يقدر يساعدك في هالكون كله غير اللي خلقك

 

[فرابتشينووو]

ربي إني لما أنزلت إليه من خير فقيرررررر

 

[نـعـومـه]

انا كنت اصلي قيام الليل وادعي ادعي

كنت اقرا سوره البقره وسبحان الله كنت اقراها يوميا تقريبا اقل من شهر انخطبت عقب قرايتي لها

وكنت اعطي الفقير فلوس ربع ولا نص ونيتي الله يرزقني زوج صالح وعقبها بشهر ربي رزقني

والله يرزقج

 

[blackcat2010]

اب اب

 

[تسووواهن]

بكــل بسسسساطه اقولهـا لج




كنــــــــــت داااااااااااااااااااايم استغفر ،،،






كثرري استغفاااااار وادعي ربــج ..،

 

[معشوقتي امي]

بصراحه انا كنت كل يوم اقره سوره الاحزاب لانها تعجل في زواج البنت وادعي ربج بنيه صافيه وربي يرزقج ويرزق كل بنوته

 

[Mamselle]

سبحان الله

 

[غرام 20]

انا كنت ادعي قبل الفطور برمضان ان الله يرزقني بالزوج الصالح
وكل ما اسوي شي مثلا ابخر البيت اقول يارب عساني اتبخر عروس
والحمد لله ملجت والله جابلي احسن الرجال
وعسى ربي يتمم عليه يارب

 

[يا سلعة الرحمن]

الله يرزق اللي ما تزوجت بالزوج الصالح التقي اللي يسعدها ويرضيها ويعينها على طاعة ربها ،،

آمين أجمعين

 

[خلطات المذهله]

اختي القرا والدعاء مايحتاج نصيحه او طريقه

بس افرشي سجادتج وادعي ربج بقلب صادق وابواب السما راح تنفتح لج
خصوصا اذا قمتي صدقه قبل الدعاء

الله يوفقكم بنات ويرزقكم بالازواج الصالحين

 

[أحلى من الخيال]

حبيبتي الله سبحانه يعطي اللي أعظم من الزوج الصالح
يعطيج الجنة
فما بالج بمتاع من الدنيا و هو الزوج
ادعي ربج و هو ما يخيبج
​

 

[راقية بذوقها]

انا توني مالجه وكنت ادعي وعانيت من العيين القويه والحمدلله على كثر خطابي ومايصير نصيب ماعمري ققللت من ثقتي بربي كنت عارفه بيجي يوم وربي يستجيب لي استمريت على الرقيه والدعاء والحمدلله وكنت انخطب من عمري 17 ومايصير نصيب والحين عمري 26 وزوجي عمره 28 والكل يمدحه ربي لك الحمد اهم شي الصبر والتوكل على الله وربك كريم

 

[منيرة@]

لاتخاذين تجااااارب البنات

انت بنفسسسسسسسسسسسك
ادعي الله وشوووووووووووووووفي على قد ثقتك فيه بيعطيك

انا عند ضن عبدي بي

 

[دلع الدواسر]

الاستغفار
الصدقات
واهم شي حسن الظن بالله

 

[سـمـو الآمـجـاد]

الله يرزقك حبيبتي ان شاء الله انتي ادعي رب العالمين بثقة والله يستحي ان يرد عبده خائبا

اهم شي خلي ثقتك بالله كبيرة وكل تاخيره فيها خيرة من الله سبحانه

 

[Mamselle]

اللهم ارزق جميع المؤمنات بالازواج الصالحين.. و ارزقهم بالذرية الصالحة يا رب

 

[mi corazon]

سبحان الله

كثر ما عصيت ربي

وكثر ما رزقني وعطاني فوق ما اتمنى

كنت كل صلاة لا شعوريا استغفر وايد وادعي بهالدعوه بس ( اللهم يا حي ياقيوم برحمتك استغيث اصلح لي شأني كله ولا تكلني الى نفسي قرة قين)

واذا خفت على شي اقول اللهم اني استودعتك كذا وكذا

واذا خفت على نفسي من شي او واجهت مصيبه اقول اللهم اني استودعتك نفسي

والحمد لله ملء الدنيا ماردني ربي بولا شي حتى لو تأخرت الاجابه لكنها كانت تتحقق وبأحسن مما اتوقع

الحمد لله الحمدلله

 

[قطعة حلا2]

سبحان الله ..

انا دايم ادعي ربي بس مو بنيه صادقه يعني ادعي بس بلسان بدون نيه لاني قبل ماابي اتزوج بس ادعي جذي عشان اريح ضميري اني دعيت ولاسار شي

المهم

علي شهر 2 او 3 مااذكر متى بالضبط

كان وقت مطر وكنت بالجامعه وانا طالعه من الجامعه الا مطر وخير والجو روعه حيل واذكر اليوم كان يوم الخميس
والله بنات وانا رايحه لسيارتي رففعت راسي وقلتها من اعماق اعماق قلبي
اللهم اكفني بحلالك عن حرامك :yaaaaaarb:

ورده الخميس يجوني خطابه
وطبعا سار فيها طواله وجذي ماتملكت الا شهر سته :eh_s(4)::eh_s(4):

بس صج صج حسيت الدعوه بنيه صادقه وتحسين قلبج بيتقطع وانتي تدعين ربج مايرد دعاج

والله بنات عقب اللي سار سرت ادعي بنيه صادقه ان ربي يتم الزواج ويسخر زوجي واهله واكون زهره بعيونهم

والله يرزق كل بنت ماتمني:eh_s(7)::eh_s(7):

 

[&موناليزا&]

اختي سهام الليل لاتخطيء

عليج بالبقره وقيام الليل

وموفقه

 

[catwiti]

الحمد لله
انا كنت ادعي ربي لييل نهاااار واتحرى اوقات الاستجابه و حافظه صيغ ادعيه واايد حلوه كنت على طول ادعي فيها واطلب من ربيييي مواصفات الزوج الي ابييه حته مواصفات اهله وكل الي يخطر في بالي كنت اطلبه من ربي وانا واااثقه بان الله سبحانه راح يرزقني
ومراات اكون محتاااجه صج اني اصليلي ركعتين اطلب فيهم من ربيييييي الي اتمناه واسجد وادعيي حييل وبكل ماعندي من ادعيه
ومريت فيي فتره كانت قبل زواجي بأشهر كنت فيها جداااااا مكتئبه ونفسيتي اكس وبالي بس بالزواج .. خصوصا اني كنت متوضفه وخالصه وعدد خطابي ينعدون على الاصابع مو نقص بجمالي ولا اخلاقي ولا تربيتي بالعكس بس الدنيا ارزاااق وانا ماكانو خطابي وايد لسبب ربي يعلمه فكنت حاسه بيئس وكنت اقاومه بالدعااء والصلاة والصدقه بنية استجابه الدعاء .. والحمد لله الله رزقني بعد الصبر بالي تمنيته بزووج اححمد ربي ليل نهار علييه الله يتتمم علينا ويبعد عنا العيين