دعوه للمناقشه "بنت الناس على الراس وبنت العم على الهم "

[سكوون انثى]

مو كل الناس

 

[الزين أبوها]

مقوله فيها قليل من الصحه لان بنت العم تخاف على سمعة عايلتها فما تتمشكل مع حمولتها وتسكت وتصبر حتى لو غلطو عليها وانداست لان اهلها يقولون لها هذا ولد عمج لازم تصبرين عليه لان اهو من لحمج ودمج ويكونون اهل الزوج عارفين ان بنت العم ما تطلع فظايح اهلها

اما بنت النا س وراها ظهر وسند يخاف منه الزوج ويحسب له احساب ويكونون اهله حاسبين لبنت الناس حساب حتى ما تطلع فظايحهم عند اهلها لان عندهم بنات ويخافون على سمعت بناتهم

وهذا من تجربه خاصه وانا ما اعمم هالشي وكل شي اسمه حظ ونصيب

 

[H.O.Q]

احس فيها نسبه من الصح
انا ماخذه ولد عمي والحمدالله ماشي حالنا
لكن الحظ بااهله شي مستحيل يمدحون شي من طرفي لكن لو احد غريب يمدحونه ويطيرونه لسماء وانا بس لي الانتقادات اللي تجي طايره الله يهديهم ماادري ليش كذا مع اني دايم معاهم ونمون ع بعض بس مستحيل يمدحوني لا عندي ولا عند غير

 

[ديانا سبنسر]

اؤيد كلامج بنت الناس على الراس وبنت العم على الهم

 

[مناير ...!]

مافيه قاعده عامه

 

[الزيزفونا]

الى اشوفه بمجتمعى .. الشباب يفكرون ببنات عمهم وبعدين يتزوجو منبعيد يقولو نخاف من المشاكل حتى لو كان فى حب
وانا بنظرى مادام الزوج والزوجه متفاهمين من وين تجى المشاكل .. ولا وش رايييكم ؟؟

ودايم اسمع من البنات ان الزواج من قريب احسن تعرفينه وتعرفين طبعه وطبع اهله مو واحد مدرى وش وضعه من ناحية الاطباع طبعا

اشكرك ع الموضوع

 

[[[ عيون جابر ]]]

والله هالمقوله ماتنطبق وانا اقول على حسب الخاله والحموله اهم الي يحطون بنت العم او بنت الناس على الراس

 

[دريم]

منورات يابنات

 

[الزيـــــ^^ـــــن]

اييييييييي والبه جبتيها عالججرررررررح 

تنطبق ونص من اللي اشوووفه حوولي

 

[فديت ولدي]

لا والله بنات عمتى دايم اتقول مانقدر انقول شي للغريبه
اما انتى منا وفينا ظلم هذا لو اسوى شي مايعجبهم والغريبه لو اجيب تمر قطعوها من المدح

 

[فديت ولدي]

فينى قهر يابناااااااااااااااااااااااااااااااااااااااااااااااااااات
تكفون ادعوا لي ربي يظهر حقى
صارت مشكله كبيرة ام زوجى والغريبه علي حطوها علي وافضحونى والغريبه هى مسويته
قسم بالله انى مظلومه اه بس

 

[لذة الشوق]

في الاغلبيه نعم الواحد لمن ياخذ بنت مو من البيئه الي عايش فيها يحطها فوق راسه واذا جته بنت عمي لعن خير خيرها وان زعلت الكل وقف ضدها هالمسكينه

 

[Beyoncee]

والله صدقتى انا زوجى ولد عمى
مو ولد عمج لازم تتقبلين كل اللى فيه

 

[@البتووول@]

اي تنطبق وللاسف شفتها كثير

بنت الناس فوق الراس وبنت العم للمداس


مالت على هيك ناس?

 

[..<< ندى الورد >>..]

مو شرط اهم الشي التوافق والحموله الزينه ..!

 

[صديقتك ياليل]

انا اششششهد

 

[دريم]

منورات ياحبايب

 

[عاشقة هواك]

اي والله صدقتي

 

[زوجي توأم روحي]

معاج

 

[اميره1980]

على حسب الزوجة نفسها ماله شغل اذا كانت قريبه منه او بنت ناس ثانيين