( دعوة للـجميع ) [عطونآ تجآربكم لـ خوآت المعرس وأهل العروس اللي يجهزون العرس بنفسهم]

[فررصة]

ماااشاااءالله شغل خالد الماللك روووعة وفنتق
جربنا حلويات مندرين بعرس ولد خالي كانت روووعة
وشغلهم راااقي والطقاااقة اللي صج رووعة ام فيصل
بدو رقم الحلويات واكتبه هني..

 

[فررصة]

99805820
هذا رقم حلويات مندرين
طبعاً الناس اذواق..

 

[$حبيبة عبودي$]

بنات والدي جي تحجو عنه ..نبي يشتغل بالصاله على ماتجي الطقاقه ..
شرايكم ..خصوصا عرسنا اسلامي ...

 

[غرور وايل]

بنات والدي جي تحجو عنه ..نبي يشتغل بالصاله على ماتجي الطقاقه ..
شرايكم ..خصوصا عرسنا اسلامي ...

حبوبه الدي جي يكوون مع آلطقآآقة ..

قوليلي لطقآقة آنكم تبون دي جي على مآ تجي ..

و آلله يهنيكم :eh_s(17):

 

[طالبة1990]

صح مندرين حلو شغله

بس اذكر خذينا منه بس الموالح وورق العنب

ومعجنات واو بعد حلووة

يمدحون الحلو عندهم بس للامانة ماجربته

 

[جاتيم]

حبيبتي الله يجزاج خير ولج بالمثل انشالله ويوفق الجمييع يارب

 

[*E.B.D.A.3*]

لالالاموضوعج يبيله قعده
وانا شابكه من المطبخ اكل وافتر بالمنتدى
هههههههه
اخلص الي بيدي واردلج
بس موضوع شيقققققق جدااا

 

[الزيـــــ^^ـــــن]

هلا حبيبتي //قبل سنه كان عرررس اخووووي والنااااس كلهااا انبهرررت والله
حجزنآ كل شغل من الفييييييصل من البست المضئ والليتات الديسكوو رووعه
وتلبيس الصاله والكوووشه والمدخل حتئ اسم عايلتنا مكتوووب ع المدخل
والحلوياااات تجنن اخذناهم من مندرييين بحولي تبع الفيصل متعاملين وياهم
حتئ الوررق عنب بعمري ماذقت مثله لانه رحنا قبلها وتذوقنا من المحل الحلو والورق عنب
والعصاير من الفيصل حتى البوووفيه وبصراااحه كل شي رووووعه والكل يتحجى عن العرس
ويبنا المطربه شهد طبعآ ماعليييييها حجي اكثر من رووعه والحمدالله تم العرررس ع خير

وياااليت اكووون فدتج 

 

[amami al-kuwai]

هلا حبيباتي اي وحده تبي تسأل عن تجهيز العروس انا جاهزه

انا العرس ان شالله بعدين اجهز اخواني وعيالي

من ناحية الفنانين بالعروس احنا مانجيب الا الطقاقات مثل ام طلال او لهيب ( راويه ) في وحده جديده اسمها وفاء مادري الوفا ودايماً اسمع عن نجد ووجد

اما التجهيزات الغذائه مثل التقديم او البوفيه فاحلى شي الوطنيه

والكوشه والتلبيسات الفيصل هذا افضل شي ماشفت احد جرب غيرهم

الحين دور العروس

المصوره اخذي ناس معروفه مو مثلي توهقت رفيجة اختي مدحت لنا مصوره والله يسامحه طلعت مقلب

يعني لا تفكرين بغير

معرفي او الراعي او نوسه او ناديه شاهين او اي وحده انتي متعامله نعاها من اول وعارفتها

الثوب لاتخبين عمرج وتفصلينه اخذي اجار احسنن لج واوڤر

الصالون روحي شوفي قبل لا تحجزين
وعندج

ساس او كونتينينتال او حنان دشتي او برجيت

هذيل الافضل

مسكاتج مع اكسسواراتج من محل واحد افضل لج


هذا اللي يحضرني الحين وان ذكرت شي برجع لكم

 

[مروقه على الكوفي]

انااخت معرس الحمدلله تزوج بس انامن السعوديه ماراح افيدك وايد
العرس كان مرتب ماشاءالله وجبنافررقة استعرااضية وزفة خاصة بمنطقنا في السعوديه يعني وحدة ترقص وتوزع توزيعات اهل المنطقة مثلا الكويت لهم عادات ولبس يلبسونهابنات وتوزع توزيعات اهل الكوويت
وطبعاالسعوديه كبيرة وكل منطقة لهااكله خاصة وتوزيعات ولبس معين وممكن تسوين اي استعراض لاي منطقة تحبينها
والحلويات رحناشفناكذامحل وحجزنافطايروحلويات وللاضافات توزيعات ممكن حلويات حجازية ومكسرات وهدايا
كنت بوزع كب كيك بس حسيت قديمه واكتفت بالحلويات لاتكثرين وايد عشان العشاء
والفندق يسون خدمة توزيع العصير اول ماايجون المعازيم واخرالسهرة نسكافيه قهوة تركي كابتشينو
وبالنسبة لفستانينا الحمدلله رحت مصممه وريحت راسي وطلع ضبط والمكياج اوكي بس الشعرللاسف تفكك شوي رغم انه كثرت اسبري
والدقاقة كانت حلوة وتحمس المعازيم
وقبل الزواج تعب لان اسوي التوزيعات والصق العبارات واشيك على محل الحلويات والحنه نصيحه تدقون من بدرري وتحجزون ماشاءالله كل ماادق محجوزة ويوم بجيب وحدة انشغلت عندي جلسة تنظيفات والحمدلله لقيت وحدة وتحنينا
واهم شي زهبي الاشياء من بدري وشيك كل شوي
واي سؤال اناحاضرة اتمنى افدتكم

 

[krkooora]

قوووه رورو

الله يعطيج العافيه علي الموضوع

انا حابه اشارك بشغله بصراحه اهي جديده علي مادري عنكم ، ال wedding planner

من كم شهر قريت موضوع عن منسق افراح بالكويت وشفت شغله رهييييب ، يسوي كل شي الورود ويزين الصاله علي حسب الثيم الي تبينه وحتي الصور ينسقهم لج مع الثيم

الي اعرفه اسمه عماد السرحان

وهذا السايت ماله

http://www.emadalsamhan.com/

وبنااات بليييز اذا تعرفوون منسقين افراح ثانيين ياليت لا تبخلون علينا ، لانه بصرااحه يوفرون الوقت و يعرفون شلون يضبطوون الشغل كله لج

وشكرا

عندج بعد خالد الدريعي شغله راااااقي
تنسيق العرس من a to z
العنوان : مجمع تالا السرداب

 

[.،:"$الـعـوبــــة$":،.]

رووووعه الموضووووع ولي عوووده باذن الله لاني مااعرف احط صور من الايفون ،،

وياليت بنات تذكرون لنا الاسعار بعد عشان نستفيد اكثر ،،

وصور من العرس اذا ممكن ،،

نفس العضوه اتوتا لما حطت صور عرس اخوها كان روعه الله يتمم عليهم بخير يارب،،

ويعطيكم الف عافيه ،،

​

 

[تنآهيد ..~]

رورو
موضوعج جآ بَ وقته وآلله
عرس إخوي بعد شهر ومحتآرين بَ التقديم
إن شآء آلله نستفيد من البنآت :$

 

[ماركة انثى‘]

مرحبآآ آنا عندي خبره << لآنه عرس خوآآني تو من جم شهر الله يوفقهم و آلحين عندنآ عرس تبآرك آلرحمن آلله يتمم ع خير

تقديم آلحلووو عن تجربة محل وآآو و هو صج وآآآآو و محل اوبرا آحنا خذينه نص جذي و نص جذي<< بعد آلعرس آمي كآن عندهآ عرس ولآ آلحريم يسآلون من وين حلويآت عرسكم

و لي بآآآآآآآآآآآآآآآآآآآآآآآآآآك *_*

 

[$حبيبة عبودي$]

حبوبه الدي جي يكوون مع آلطقآآقة ..

قوليلي لطقآقة آنكم تبون دي جي على مآ تجي ..

و آلله يهنيكم :eh_s(17):

فديتج يابنت وايل
تصدقين ناسيه والله اقولها زين ذكرتيني :eh_s(7):
لباااا قلبج

 

[G!RLooNa]

خوش موضوع

بس للأسف ما صرت لا اخت معرس و لا اخت عروس و لا حتى عروس خخخخ

 

[رورو 88]

نايس الموضوع لي باك

 

[ما يهزك ريح]

يعطيج العافيه علا مواضيعج المفيده وياتااري يوفقك كل معاريسكم ويتمم اهم لهم علاخير يااااااااارب

 

[<miss botamba>]

الفنادق اذا المعازيم وايد الشيراتون او الرايه او ريجينسي

واذا شويه ماريوت زينه


عرس اختي كنا مسوينه بسردابنا و الديكورات كلها من كوشه وبنشات و الورد وتزين البيت و الحوش و الحمامات كله من محل بوكيه بالصالحيه


حلو التقديم والكيكه من اوبرا موجود يم الصالحيه وفي بقرطبه


تجهيز مكان العشا الطاولات والجاي والعصير وقلاصات الماي و السلطات وبوفيه الحلو من لينوتر

العشا كان من اكثر من مكان واغلبه شغل بيت


المكسرات الي كنا حاطينها عالطاولات الي جدام من كاستينيا الي بالافينيو

الدي جي نسيت اسمه بس مكانه في بلازا السالميه

والمصوره نسيت اسم المحل بس بالصالحيه فوق


بس هذا الي اذكره

 

[( q8 )]

مرحبا بنات
انا عندي عرس اخوي الكبير بعد جم شهر واحنا صممنا الكوشه والمدخل عند خالد المالج شرايكم فيه لان احنا متخوفين اول مره انتعامل معاه بليييييز طمنوني....