دعوة للصراحة والنقاش بين المعلمة وولية الأمر

[بنات حواء2]

السلام عليكم ورحمة الله وبركاته
في شغلات حابة اضيفها
اولى ابتدائي اقلبهم يبدون اعمارهم من 6 سنوات يعني حيل صغار
اول شي يعطونهم قراءة الكلمات شلون بيقرون الكلمات واهما مايعرفون الاحرف؟؟؟
وثاني شي كمية الكتابه بحصة العربي وااايد واليهال بسرعه يتعبون انا معاكم كمية المنهج كبيره ولازم تخلص بس هم لازم يراعون اليهال هالشي قاعد يأثرعليهم سلبياً ;;; برايكم شنو الحل؟؟



**انا مومدرسه بس ان شاء الله مدرسة المستقبل سوري ع القافه بس شدني الموضوع وحبيت ارد​

حبيبتي الله يوفقج و تنظمين لنه يارب
بنسبه لرايج انا قعدت افكر اكثر من مره قبل لا ارد بس السؤال شنو يسوي المعلم اذا هذي اوامر التوجيه
هذا الي اهمه يبونه اذا المعلم ماسوا الي يبونه واويلاه و اذا سواه واويلاه
انا برايي ان الحل الافضل هو تعاون مابين المعلم و ولي الامر
يعني المعلم يعطي الاساسيات بالحصه و يعلمهم و التدريب و المراجعه يكون بالبيت و هذا الي يسمى بتغذيه الرجعيه او الفيد باك هي اهم شي و تثبت المعلومه ماتطلع
و بصراحه الله يعين معلمين العربي منهجهج دسم
بنسبه للكتابه ممكن يقللون منها عبر توزيع اوراق عمل ولو اني اشوف مو لصالح الطالب بالعكس احسنله عشان تاخذ ايده على الكتابه

 

[PuPa^^SWeeT]

ام رتاج شملتي اغلب النواحي

 

[بنات حواء2]

manoooram
بصراحه وايد اوفر الطلبات بنسبه لعمر 6 سنين الله يهداهم واضح ان المناهج فيها ابداع
الله يوفقها و يخليها لج يارب

ام رتاج يعيطج الف عافيه
وفعلن الموضوع له اكثر من جانب ماراح نقدر نغطيه لاكن حلو التبادل في الاراء
و ائيدج الراي احنه مدارسنه تنقصها التكنلوجيا للاسف
انا من تعينيت و انا اشتري اجهزه و اشقل فيهم المدرسه و عفيسه خليها على الله

 

[PuPa^^SWeeT]

بنات حواء شلوون تشترين اجهزة
تدرين مدرستي مانعة اي شي بالكمبيوتر بس حق النموذجي



من التوجيه

شلون ابدع بلادرس

انا ماقول نبي اربع وعشرين كمبيوتر بس فيه دروس يبيلها باور بوينت شوي
ليش انزين


؟؟؟

 

[بنات حواء2]

هلا و الله حبيبتي
اي صح كلامج في مدارس مانعه اللابتوب بكبره بس هذا انا برايي تفكير رجعي
الحين التعليم تطور
طرق التدريس تطورت صارت تعتمد على اللابتوب و العروض التقديميه
فليش امنع اللابتوب دام ان قاعد يخدمني في عرض حصص حلوه و مشوقه
انا عن نفسي ولا حصه تخلي من اللابتوب و لا اتخلى عنه بصراحه حتى لمن تكون عندي حصه عمليه اشغلهم فيديو و اهمه يشتغلون
و اللابتوب يوفر علي مطبوعات و حبر
يعني الصوره بدال ما اطبعها اعرضها على الشاشه كبيره و واضحه و الوانها حلوه بدال ما اصورها و اسوي زحمه عسبوره
غير جذي ما احتاج البروجكتر لانه عبر برنامج البوربوينت ممكن اسوي شفيفه واضحه و بانواع الشفيفات مثل المركبه و العاديه و مدعمه بصور بعد
بنسبه للاجهزه الي انا اشتريهم سماعات لانه صوت اللابتوب مايخدم فوق ال 4 سماعات اشتري و مايضبطون و غيره من الاجهزه الي تخص مادتي

 

[بنات حواء2]

بنسبه لسؤالج ليش ؟
انا ليلحين مالقيتله جواب
صج بنات الي عندها فكره ليش بعض المدارس مانعين اللابتوب شنو الحكمه يعني
اموت و اعرف ليش هتفكير الغريب

 

[الصابرة المحتسبة]

السلام عليكم

يعطيكم العافية على هالتفاعل الراقي


ياليت يكون هناك عدد قليل بكل فصل مثل ماقالت الاخت ام رتاج حتى يكون الاستيعاب افضل .

ياليت تكون هناك تنقية متطورة للشرح داخل الفصل.

اجتماع ولي امور الامور الطلبة يشتكي الاهالي من غياب بعض المعلمات عن الاجتماع.

وبخصوص منع اللابتوب ببعض المدارس انا عندي رايين: يجب ان يكون هناك رقابة وحرص على وجود الجهاز فقط للعمل الدراسي لانه يستغل من بعض الطلبة في شغلات بعيدة عن التدريس.

 

[PuPa^^SWeeT]

^^^

باجتماع اولياء الامور

انا يحز بخاطري


الاهل اللي اييوني كلهم عيالهم متفوقين ولا مستواهم جيد جدا

ابدا مايتني ام بنية راسبة

ولا بنية عالحفة


؟؟؟

هذي نقطة بعد تصب في غير صالح اولياء الامور


ولما اندق عليهم من الاخصائية ماتيي


ولا البنية اعطيها استدعاء ماتعطيه للام


و سياسة ارسال الاستدعاءات ممنوعة حاليا ؟؟؟ شنو الحل شلون اخلي الام اتيي

ماتيي


للاسف هذا لين الحين نقطة مالاقي لها حل

 

[manoooram]

بنات حواء2
جزاج الله ألف خير ما قصرتي
ويخلي لج بنوتج ان شالله

باجتماع أولياء الأمور طرحت النقطه على الوكيلة
متطلبات المنهج أكبر من حجم استيعاب الطفل بهالعمر قالت لي
هني يبين مدى ابداع وذكاء الطفل ؟؟ يبين مدى تفوقه ؟؟

هل المطلوب من الطفل بأول سنة دراسية ان يبدع بهالشكل المبالغ
واذا ما قدر يعطي الا بحدود مفهومه ؟؟ شنو اللي يترتب عليه بعدها ؟؟

um ritaj
تسلمين كفيتي ووفيتي بالجوانب اللي وضحتيها

 

[بنات حواء2]

الصابرة المحتسبه يعافيج ربي يالغاليه
بنسبه للابتوب بعض المدارس مانعه المعلمات من اللابتوب هذا الشي يخليني استغرب مع انه الحين كل شي تطور الا ان مازال للاسف بعض المدارس تقيد المعلم و توقف في وجه تطوره تكنلوجيا


PuPa^^SWeeT
عندي لج حل ممكن تطلبين رقم ام البنيه من البنيه نفسها و تتصلني فيها و تكلمينها في خصوص بنتها و هشي ببين لها انج مهتمه و هذا شي حلو

manoooram
حبيبتي ربي يعافيج و تسلمين عدعوه ربي يخليلج عيالج يارب
و بصراحه سؤالج فعلم محير الطالب في اول سنه مافي مجال نيي نساوم على ابداعه اي ابداع اصلن و هو توه داخل المرحله و لا يدري عن هوا دارها المفروض نعطيه فرصه يفهم الاساسيات تالي نطلب منه الابداع اما الابداع في المرحله الاولى انا اعتبره فروق فرديه و ليس ابداع و حرام ينظلم الطالب الي ماعنده القدره على الوصول لهذي الفروق لانه اصلن بلاساس مو من متطلبات مرحلته العمريه بل بالعكس
و يعطيكم العافيه الموضوع يهبل بصراحه و اتمنى يكون في ردود اكثر لاولياء الامور
و الله يوفق عيالنه و معلماتنه

 

[دارسين]

اهلين بنات الله يعطيكم العافيه وخوووووووش موضووووووع

بالنسبه لي بالاول انا ام لطالبتين اولى وثالثه ومدرستنا بالتأسيس روعه وانا شايفه انه المنهج الجديد

روعه بالنسبه لاحتياج الطالب العلمي من نواحي كثرة الكلمات وتنوعها ومن القواعد اللي قاعد يعطونهم

وحتى طرح الابلات للحروف واضوات الحرف وقواعد الكتابه حلوووو بضراحه :rerrerek:

بالنسبه لي كأم متابعه جيدة لبناتي بس بنتي اللي بثالثه الحين ماترضى اذاكرلها بشكل يومي نفس اول
:eh_s(22):
وهي للحينها متفوقه بس مو المستوى اللي انا ابيه والمدرسات يمدحونها كثير ولما يجون الموجهين اهي اللي تساعد الابلات كثير

بس مو عاجبني مستواها بالرياضيات هالسنه مدري شنو المطلوب مني اداريها او اشد اكثر

بنتي اللي باولى الاولى على المدرسه وفاهمة بطريقة الابلات الحمدالله

وطبعا حتى لو المدرسه يطلبون عدم تدخل الاهل بالمذاكرة غلط هالشي لانه مو كل طالب متفوق بالشهادة يعني متفوق

 

[PuPa^^SWeeT]

^^^

ياقلبي


انا ليلحيين مادخلت بنتي الابتدائي


بس انا دارية بحجم اللي يعانون اولياء الامور منه

لأنه زميلاتي من الابتدائي يعانون منه


يقولووون تخيلي مناهج المتوسط انزلت الابتدائي

بس تبون الصراحة انا معاهم بالمنهج لما يتطبق عالروضة


ترا عيالنا اذكيا يا جماعة وااايد


اوووفر بالذكاء و الخطط و حتى بالجذب ههه


الوزارة غيرت المناهج مو بايد اي احد من الاسرة التربوية تغيير شي من المنهج من دون الرجوع للوزارة نفسها


يعني لا ناظرة و لا وكيلة و لا رئيسة قسم ولا مدرسة


فيه ابلات يهملون بالابتدائي لأنه الطالب ناجح ناجح لو ما يستاهل اول 3 سنيين


بعديين يروح رابعة ينجحونه غصب لأنه فشلة 3 سنين ناجح وبعدين يرسب

فاتصير العملية متابعة


ولما ايي بالمتوسط تنصدم ولية الامر انه ولدها ولا بنتها مو حافظة جدول الضرب .... ولا مو عارفة شلون تكتب املاء ؟؟؟



اهنيي انيي لولية الامر شلون ماتدرين عن بنتج قبل بالخمس سنييين ؟؟؟ اذا تستاهل النجاح ولا لأ



انا ما اقوول الكل اقول البعض


الطالب ترا ذكي .... اتعب و اقول ذكي الا بطيئي الاستيعاب ودوهم مراكز التعليم الخاصة فيهم


بس الطالب الطبيعي لاا والله انا عندي بنات شطاااااااااااااااااااااااااااااااااااااااااااانة و عدم انتباه و درجات ميييح


بس لما تنتبه وياج بدرس اتعارف اتحل واتجاوب ؟؟؟؟

يعني البلا منها مو من المعلمة



انيي للابتدائي


الابتدائي بالذات يحتاج امه ولا ابوه وياه عالدراسة







توني رايحة دورة للتدريس

شوفو اخر نقطة


يعني الطالب لازم يدرس همن بالبيت على يد اهله


اللي تبي اتروح مناسبات و طلعات و عروس و اتخلي عيالها اهيا حرررة


بس اللي تبي عيالها ينجحون لازم تضحية شوي


وترا مشكلة الابتدائي تنحل لو تم تطبيق المناهج بالروضة بعد



انا بنتي روضتها يقولون يدرسونها و بنتي اتعرف شوي الحيين


بس روضة رفيجتي بنتها ولا تدرس ولا شي ولا اتعلم حتى التفاحة


تخيلووو الحضانة ابرك منها


فاا المشكلة لو تم التطبيق بالروضة


كل شي يهوون


الله يعيينا


وانا ذكروني بعد سنتين انشالله اييكم اشكي بعد من المناهج


من حقه الواحد يشكي ينفس من غضبه

ماينلااام


بس متى ينلاام لما يقرر انه الموضوع يحتاج جهد علشان ينرزون عيالنا و يصيرون احسن ناس بالعالم



وعيالنا اذكيا


و بالعكس بالمنهج اليدييد اشوف البنات واايد مركزييين

سابع و سادس


و تاسع وثامن مصدومين


بس مع الوقت بيركزون

واحسن لهم تراا علشان يروحون الجامعة الا كل شي سهل علييهم



والحلوو بالمناهج شغلة وحدة


مثلا هالسنة ياخذون جمع الاعداد من رقم واحد 4 + 5
السنة اللي وراها الارقام من رقمين 49+ 32

اللي وراها 456 + 2345

مثلا يعني

بعدين متوسط


جمع اعداد صحيحة

ثامن جمع اعداد نسبية

تاسع جمع اعداد حقيقية


وهكذا


يعني المنهج اهوو اهوو كل سنة بس يتغير فيه شي طفييف


يسمونها التعليم الحلزوني


يعني كانها لولب اتدور حول نفس الفكرة بس تكبر كل سنة

 

[بنات حواء2]

متابعه للموضوع وايد مفيد
يعطيكم العافيه

 

[دارسين]

المساعدة والتوجيه السحيح كلة لمسلحة الطاااااالب

يعني المدرس والاهل كلهم ذات اهميه

بس شنو مشكلة اغلب الاهل اللي انا قاعدة اشوفها كل وقت امتحااااانات تجي تذاكر لعيالها

وعقبها تعالي شوفي الازمه اللي اهي حاطة عمرها فيها

طيب مايسير جذي نكود المخ بيستوعب نس الشي

لازم متابعه شبه يوميه اذا مو يوميه بعد بس خلينا نعذر الام شويه ونقول بتنشغل يوم ويوم لا ؟


تنويييه س=ض اللي بدون نقطة خخخخخخخخخ منزوعه من الكيبورد

 

[بنات حواء2]

ائيدج الراي متابعة الاهل جدا مهمه على الاقل مرتين بلاسبوع ابطل الدفاتر و الكتب و اشوف و اوجه و اذا شفت كلشي تمام اعطيهم دافع و اشجع و مافيها مشكله لو راجعتلهم عسريع مثل الاختبار علماشي

 

[دارسين]

ااااااب لعيووووونكم

 

[بنات حواء2]

اب اب

 

[.،:"$الـعـوبــــة$":،.]

موضوع روعه يعطيك الف عافيه يالغاليه ،،

وبالنسبه للبنات ماقصرتوا كفيتوا ووفيتوا ،،

فعلا اثبتوا ان القصور اساسا من الوزاره نفسها للاسف ،،

لازم يكون للمدرسات واولياء الامور راي في المناهج ،،

مومعقوله يكون الراي الاول والاخير للوزاره فقط ؟؟

الكل قاعد يتاثر من هالقرارات العشوائيه !!

وللاسف انا اقولكم اغلب روضات الحكومهرفاشله !

مجرد لعب ورسم وتضييع وقت !!!!

انا عن نفسي قررت ااسس عيالي صح عشان يساعدوني واساعدهم فالتدريس !

اغلب المدرسات اللي اعرفهم واذا لاموهم اولياء الامور يقولون احنا مو قادرين نفهم المناهج شلون بنفهم عيالكم ؟؟

والله قمة الظلم والتعسف لجميع الاطراف ،

ولازم يصير فيه حل جذري لهالمشكله !!​

 

[PuPa^^SWeeT]

^^^^


العوووبة


فعلا اول سنة تغيرت فيها المناهج


صج تعبنا


و ماكنا عارفين الطريقة للشرح

مو اني مو فاهمة لا انا فاهمة الدرس


بس اللي مو فاهميينا شنو المطلووب من الطالب




يعني شنو نوعية الاسئلة اللي باتيي



الحيين الصفوف الاولى عرفنا المهم



الصفوف اليديدة تاسع و ثامن قاعدين نفهم شنو المطلوب




وعندكم السنة الياية الثانوية كلها جنه



شوي لما انعرف المطلوووب اهني نرتاح ونعرف نبدع

 

[صدى القلب]

اسمحولي انا لاني معلمة ولا وليه امر توني طالبه بالكليه


للاسف للاسف معلماتناا ع عيني ورااسي بس كل اللي يهمهم يخلصوون المنهج مايدرون اذا الطالب فهم ولا مافههم

اهم شي عندهم يخلصون الكميه اللي بيدهم ويتوكلون ع الله

بالطقاق فهمتي ولا مافهمتي وهذا الشي اللي خلانه نستعيين بالمدرسيين الخصوصين

استغفر الله من تدخل الابله تتأفف وتصرخ وتعصصب طيب احناا شكوو @@

متنرفزه من قسمج تأففي عندهم متهاوشه مع المدرسه الاولى توكلي ع الله وانتقلي

البناات مالهم ذنب هم يبون النفس الحلوه عشان تنفتح نفسهم للدراسه

يبون ابلات تساعدهم ع الابدااع

اذكر كانت ابلتي الله يذكرها بالخيير كلللش مايعجبها شي كل كثر مانسووي لها ونسنع لها مايعجبهاا

يعني احنا نقط فلوس ونسوي لوحه ولا مجسم ونتعنا ولا كتاب تطلبه بمبلغ فلاني ونقدر ندور عليه وحلاتنا حاله ونهمل دراستنا واخر شي ماتبيه يعن شنوو القصد انج تعبينه وحتى لو المجسم مثثثثل اللي قالته بالضبط لاااازم لااااازم تطلع فيه عذروب

والدفتر ع كثر ماسنعه واعدله حتى الابلات الثانين يقولون عن كل الصف شحلات دفاترنا مرتبين ويفتحوون النفس بسس هي مو عاجبهاا@@


وانا معاهم صح في طلبه قليلين الادب بسسس اقولهم ياابلاتنا العزيزاات اصابع الايد مو سواا يعني مو كل الطالباات تعلمونهم بنفس وحده وعطوو كل واحد حقه

وعطوو الريج الحلوو والنفس الطيبه عشااان تلقوون مثلهاا


والناظره ياليت لو تلتفت للمدرسه وتسنع فيها من الطوفات والساحات يعني زينوها وسنعوها وحطوو لوحات تفتح النفس وتشوق للطلبه

وبالاخير الله يعطيكم الصحه والعاافيه ماتقصرون معلماتنا العزيزات