دعوة عرس مشبوهة

[ديانا سبنسر]

بونسور كويتيات
عندي مشكلة ومالي الاانتم تساعدوني بنات قبل يومين دق تلفون البيت والا اللي متصلة تطلبني بالاسم والا ام مرة حماي المتوفية تعزمني على عرس ولدها اللي بالسعودية انا استغربت ليه تطلبني انا بالاسم خصوصا انه هي ماتحبني وليه ماعزمت امي واختي بحكم صلة القرابة اللي بينا اللي محيرني وحدة ماتحبني ومن بد اهلي تاكد علي بالحضور وتجاوز اهلي امانة بنات الموضوع يحير والالا وتهقون لورحت للعرس في مضرة لي والا انا مبالغة شوي شورو علي واللي يعافيكم بنات ردو علي

 

[وصايف الزين 2]

برفع لك الموضوع لاني مااعرف بهالسوالف كثير بس دامها عزمتك وجبيها حتى لو بينكم شي وش بتسوي يعني ؟؟؟

 

[Un-6be3iya]

يمكن المرة تغيرت و تبي تصفي النفوس ؟
وبعدين شتبي تسوي يعني بتخطفج ولا بتذبحج ؟ :\
اذا مترددة وايد اخذي وحدة من خواتج او امج معآج
و بدون ماتقوليلها عشان حتى لو نآوية شر تخربين عليها : \

 

[احلى سماء]

دام تكرهج

وتدرين

لا يبا لا تروحين العرس واعتذري

خاف بتحط لج بلااا

ترا واجد في سحارين بالسعوديه من هالافريقيين يقصون ع الحريم

منتى مجبوره تروحين

 

[جوري وبنفسج]

السلام عليكم

صلي إستخارة .​

 

[حرم_طيار]

رد : دعوة عرس مشبوهة

استخيري وتوكلي على الله

 

[kuwaitya_zoGaa]

دامج مو مرتاحه لا تروحين

 

[عيش و مرق]

موضرورى مدام منتى مرتاحه لالالالالالالالالالالالا تروحين

صج غريبه تعدت اهلج كلهم واعزمتج انتى بذات فى انه حركتها مشكوك فيها ؟؟ قولى زين وبعد العرس تعذرى قولى يتنى فلونزا وماقدرت

 

[اشتياق]

مانصحج تروحين

باركيليها بالتلفون وتعذري منها ..

مادري انا اخاف من هالسوالف..!

 

[أنهار الكويت]

الصراحه ان بعض الضن اثم بس حتى انا احس نفسج مو مرتاحه تعذريلها باي حجة
واستخيري رب العالمين ...

 

[غربــــة اِحساس]

قلب المؤمن دليله

دام مو مرتاحة لاتروحين

 

[أبله كويتيه]

لا حبيبتي شي مو مرتاحه له لاتسوينه

لاتروحين طلعي لج عذر واعتذري دامج مو مرتاحه

 

[ام كوشه منكووشه]

رد : دعوة عرس مشبوهة

مااتوقع انها ناويه على شي اهي اطلبتج بلاسم لانج مرة حماه بنتها المتوفيه وحبت اتوجبج
بس هم انا ماادري عن طبيعة العلاقه بينكم اذا متخوفه لا تروحين
والله يستر عليج ويكفيج شرهم

 

[a7la MUM]

اسم الله عليج حبيبتي
انا اقولج لا تروحين اذا منتي مرتاحه والله ينخاف منهم

 

[نور الدنييا]

انا من رايي لاتروحين مثل ماقالت سماء لاسمح الله تسحرج وابعد عن الشر وغنيله الله يحفظج

 

[مشغل جواهرستايل]

رد : دعوة عرس مشبوهة

اتبعي احساسك ...ترا الله يلهم المؤمن بالاحساس الصح اللي ينجيه من كل شر ومادام انتي مومرتاحه فهذا تنبيه لك لا تروحين

 

[Un-6be3iya]

اسـتخـــيري


وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك، رفعت الأقلام وجفت الصحف " ~


" قــُــل لن يصيبكم إلآ مآكتب اللـه لكم "



" و ليس بضآرهم شيء إلآ بـإذن الله وعلى الله فـ يتوكل المؤمنون "

 

[@شمس الضحى@]

لااوالله لاااااتروحين
منتي مجبوره ولا على رقبتج سيف

 

[عز النفس يغنيني]

أمبيه شيء يحيـر ويخرررررررررع بنفس الوقـت ..!!!

مـادري حبيبتي .. ما تمونين على أحد يعرفها حق المعرفه تسألينها شفيها وشللي غيرها وغريبه ومومن عادتها ؟؟


وإذا مو مرتاحه لا تروحين وإذا بتروحين خلي معاج أحد ولا تاكلين ولا تشربين ..

وآلله يستر عليج حبيبتي وموفقه

 

[ديانا سبنسر]

مشكورين حبايبي كلكم اللي رديتو علي وكلامكم جا نفسي احساسي الاكيد ماراح اروح