دعواتكم لي بالزواج دششو تكفففون

[برونزية كويتيه]

هلا قلبي شلونج انا من الكويت وفديت البحرين اخوي عمره 45 متزوج ويحب الانوثه والجسم الحلو

 

[المبهمه]

ياحياتي

شووفيني انا اللحين عمري 31 ولا تزوجت

 

[هدية سعيد]

حبيتي الله يعنيج ويقربلج طريق الخير عمتي كانت مثلج والحين ندمت ع كل حرف قالته وتمنت ترد اليوم زواجها وتبي الدعاء ان يتعطل زواجها وهي عمرها 41 سنة تعبانة

 

[*E.B.D.A.3*]

كلامي بيكون قاسي ... لكن لمصلحتج ..

هل انتي عارفه الزواج اصلا ؟؟ هل انتي فاهمه الزواج من الاساس؟؟
والا بس تبين " لفت الانتباه" الي تحصل عليه العروس ؟؟
للاسف .. عقليتج هاذي، من اولها ، ماتبشر بالخير ..واهي اول دليل على انج مو مستعده للزواج ..
اذا كانت رغبتج للزواج بس لان الكل تزوج ، لان الكل انخطب، لان العروس تحظى باهتمام ولفت انتباه،
هاذي كلها افكار سطحية طفوليــة، ولا تعطين نفسج الحق بانج تزعلين وتكتئبين لان اسمحيلي، عبالي عمرج 30 !
23 ؟؟ من صجج ..
مداج تكونين نفسج ؟؟ مداج تتوظفين؟ مداج تستوعبين العالم وحقيقته ؟ مداج تشوفين تجارب غيرج بالزواج وتتعلمين؟
مداج تكونين فلسفتج الخاصة فيما يخص الزواج وتربية الطفل؟ مداج تأهلين نفسج للصدمات.. للمشاكل.. للتعقيدات الي بتي من ورا الزواج؟؟
لان الزواج باب .. لا تفتحينه على نفسج اذا انتي مو قده ..
الزواج يبيله عقلية ناضجة .. مو سطحية

كل همج تحظين بهالاهتمام ؟ اوكي هل فكرتي بهالشي .(حظيتي الاهتمام الي تبينه ، وبعدين ؟؟؟ next ) شراح يصير؟؟
بعدما تروح الهليله مالت العرس .. وبعدما خلاص، ماتصيرين عروس .. انتي وياه تحت سقف واحد، في فراش واحد ..
شراح يصير؟؟
شتبسوين؟

الزواج مو بهرجة عرس ولا سباق ماراثون ..
انا اقول استفيدي من هالوقت.. واقري تجارب الناس مع الزواج. بدال ما تدشين قسم الحوامل دشي قسم الزوجية ..
هيئي نفسج لكل شي ، ماتدرين يمكن بيكون زوجج بخيل، شراح تسوين؟ يمكن زوجج بيخونج ، شراح تسوين؟
يمكن من ثالث يوم زواج ، يمد ايده عليج !! يمكن يطلع مريض نفسي ومحد يدري عنه .. شراح تسوين؟؟
الزواج مو حلم وردي ...
فلا تستعيلين عليه وانتي مو مستعدة له ..
بطلي افكار طفولية ترى الزواج مو نفنوف ابيض وطقاقه

 

[برنسيسة2007]

اختي امرج سهل جدا جدا

والله العظيم عن تجربه
وقتي ساعتج قبل اذان الفجر بنصف ساعه وصلي الشفع والوتر وادعي الله في سجودج بالدعاء المأثور عن الرسول(اللي بعدها لايرد الدعاء) واستغفري فاليوم 1000مره لعل وعسى يكفر الله ذنوبج لان المسلم يبتلى بذنوبه وكل ماكفرتيها جاء الرزق
واخر ساعه من عصر الجمعه اسجدي وادعي الله

اختي اقرب مايكون العبد الى ربه في موضع السجود ..اقري عن اداب الدعاء والدعاء المستجاب

صدقيني راااح يجيج زوج ومو اي زوج >>زوج صالح يسعدج سعاده غااامره لانه عطيه الرحمن الكريم الجواد الذي ليس ككرمه كرم وليس كجوده جود وتذكريي كلامي



وبشريييني

 

[مني يغارون]

ياعمري توووووووك ليش محمله نفسك هم ومتشائمه لهالحد
تدرين لو حطيتي الزواج ببالك بس بتفاؤل وتخيلتي نفسك بالفستان الأبيض
وتصرفتي كأنك فعلاً انخطبتي وبتتزوجين بس بينك وبين نفسك بإذن الله يصير اللي تتمنينه بس تفااااااااءلي خير
الله سبحانه يقول بالحديث القدسي
" أَنَا عِنْدَ ظَنِّ عَبْدِي بِي فَلْيَظُنَّ بِي مَا شَاءَ "
بس ثقي بالله ثم بنفسك وخليك مرحه واجتماعيه و تفنني بلبسك وذوقك وشكلك ويجيك النصيب وانتي مغمضه ان شاءالله
الله يفرح قلبك بالزوج الصالح الطيب عاجلاً غير اجل يااااااااااارب

 

[long time]

الله يرزقك الزوج الصالح وتنسعدي مثلك مثل اي بنت
الله يوفقك ويسهل امرك

 

[Môre N!Ce]

الله يرزقج بالزوج الصالح عاجلا غير آجلا، وجميع بنات المسلمين ..

 

[Môre N!Ce]

كلامي بيكون قاسي ... لكن لمصلحتج ..

بلابلابلا إلخ ..

بطلي افكار طفولية ترى الزواج مو نفنوف ابيض وطقاقه

ليش النظرة السلبية والتشاؤمية؟ البنت تبي تفرح وتعرس حالها حال الباقين وطلبت الدعاء .. ادعي لها بدل هالشخابيط ..

أستغفر الله بس ☻☺

 

[Japanese]

هاذي مب نظره سلبيه ،، انما واقعيه! وللآسف الواقع اليم

وبالعكس انا آآآآآآآيد ابداع بعقليتها لان هاي الصج اختي ،، الزواج مب احلام ورديه

ومب عشان الكل عرس ف انا مثلا لازم اعرس وين المنطق بهالرد ؟

اذا قطو نفسهم بالنار انا اسوي مثلهم بعد؟

مب منطق ولا تفسير عقلاني ولا شييييي

حبيبتي اختي ركزي على نفسج وخلج من الهواجيس اللي ماراح تفيدج وبالعكس راح تضرج

الله يوفقلج ان شاء الله​

 

[أحبكم فـ الله]

الله يرزقج ويرزقنا الزوج الصالح يارب
الحال من بعضه لكن نقول الحمدلله على كل حااال
الله كررررريم​

 

[VSVS]

حبيبتي حاسه فيكي اندعيلك من كل قلبي ياربي يفرح قلبك :eh_s(17):

 

[فّقدّ]

الله يرزقج يارب بالزوج الصالح والمسلمين اجمعين ()*

 

[حصه العبـيدان]

​

والله عورتي قلبي :eh_s(16):

ادري مايهمج هالحجي الحين ، والله الزواج مو اخر الدنيا وياما متزوجات كرهوا الساعه اللي تزوجوا فيها

شغلي وقتج بمروع او هواية ، توج عنووونة والله صغيرة على هالتفكير والحزن :eh_s(2):


واللي يقط مغزات ماعنده سالفه بس يمكن شايفين انج ملهوفة فمستغلين هالشي

ويارب يارب مايخلص اليوم الا وانتي مخطوبة الريال الصالح اللي يخاف ربه فيج وفي نفسه ويعيشج ملكة و تيبين بيبيات حلوين

الله يهنيج ويسعدج ويزوج :eh_s(7):

 

[أحبك أمي]

اسال الله بمنه وكرمه وعظيم سلطانه
يزوجك انت وأختك وجميع الأخوات اللي دخل موضوعك
وتنجبين اطفال ههه
يارب

 

[لهفه لقاء]

صدقيني هذا نصيب مو انتس كبيره ولاصغيره
وكل وحده بيجيها نصيبها كثري دعاء و استغفار
و الله يوفقتس

 

[مؤمنه بربي]

انتي مثلي و نفس مواليدي وعمري
والحال من بعضه ودي اتزوج بس الله كريم
وكل ماانخطب وتتم الامور كلها وبعدين تتفركش السالفه بكبرها
هذا اكثر شي يغيضني ويخليني اتمنى الزواج لاني ارتب له
واسوي كل شي صار مثل الحلم لو من الاساس
ماانخطب ولا شي كان عادي بالنسبالي بس نفسيتي تتعب
لمن اجهز واسوي والله صرت اخاف حييل من كل خطبه واكره الخطبات
صارت فيني عقده الحمدلله على كل حال ،..
مشكلتي ان فيني نفس وعين قويه هي اللي مسببتلي هالتفركش بالسوالف
بس احاول كثر مااقدر اشغل نفسي بكل شي
خل نكون بنات الكل يتمنى يخطبهم او يتزوج منهم
ننمي هواياتنا ونتعب على انفسنا ونعدل اجسامنا بالرياضه واللياقه والاكل الصحي
ونهتم بالبشرات تكون صافيه وبيضا
وربج كريم
دعاء واستغفار اهم شي

 

[ايمان7]

الزواج ستر للبنت والولد
فيه يحمي نفسه من مغريات الدنيا وهوى النفس
عسى ربي يرزق كل شخص يبي الحلال والستر والعفة والطهارة

 

[هب العطر]

يا حلوه
اذا تبين تتزوجين
توكلي على الله
و




لا تفكرين بالزوااااج
شيليه من راسج
الشي اذا فكرتي فيه بتحبسينه عنج
اسألي مجررررب


شوفي لج اي شي يشغل بالج حييل بعيد عن الزواج
شي حلوو ما راح تقدرين تستمرين فيه لو تزوجتي
و تعلقي بالشي اليديد


بإذن الله بتلاقين الخطاطيب طابووووور
و اللي تكلمج مجرررربه

 

[هب العطر]

على فكره

محد يقط نغزات الا الغاااااااايريييين


لما الغيره تاكل قلوبهم يبتدون ينغزون عشان يطفون نارهم
انتبهي على الاشياء الحلوه اللي عندج
تراها مو عندهم
ومحترييين


و كلمه راس بيني و بينج
بقعدات الحريم الكبار اللي عندهم عيال للزواج
لا تتشطرين بالكلام
خلج هااااديه
ترا بعضهم عمدا ما يبون البنت اللي تلمع
يغارون على عيالهم مهند و جيمس بوند !

خلج هااااديه و كلامج قليل
و مكياجج عادي و ناعم
و سوي نفسج ساذجه عشان ما يقولون هذي عوبا
هم عندهم ان الذكاء عوابه ! الحمد لله و الشكر بس

لكن لا تبالغين