دعواتكم باجر عمليتي مع الدكتور اشرف عبدالقادر

[معصبه وايد]

صباح الخير شلونكم بنات
ابي دعواتكم :eh_s(11):
:yaaaaaarb:
باجر عمليتي شد وشفط بطن ونحت خصر وشفط الظهر مع الزنود وحقن الدهون بالخلفيه
طبعا هذا كله شغل الدكتور 2200 والمستشفى مع المشد والتحاليل 800 طبعا بالزهير
ادعولي اقوم بالسلامه انا حدي خايفه :eh_s(11): :eh_s(2):
وان شاءالله بس اخلص ابلغكم بالنتايج

 

[بطوووطة$بيضة]

ياعمري سهلات انشالله


هالخوف عادي طبيعي اتقومين بالسلام

 

[معصبه وايد]

حبيبتي بطوطه تسلمين عالرد الله يطمنج
والله يسلمج ياربي ابي انام موقادره ��

 

[$نرجس$]

اتقوميين بالسلاامه قلبي

 

[معصبه وايد]

فديتج نرجس الله يسلمج حبيبتي

 

[~شوق الغلا~]

تقومين بالسلامه يارب وانا بعد عمليتي عنده ورا العيد وحدي خااايفه احااتي

 

[ام رينـاد]

عسى الله يقومج بالسلامه حبيبتي

 

[n00nah]

الله يقومكم بالسلامه طمنونا عليكم لاتحاتون ان شاء الله سهالات

 

[n00nah]

معصبه وايد
وشوق الغلا
حياكم في موضوعي عن عمليتي عند الدكتور اشرف وهالموضوع ضم تقريبا كل اللي مسوين عنده

 

[ورد فاخر]

معصبه وايد
الله يقومج بالسلامه حبي وطمنينا شصار معاج والنتيجه
شفتج كاتبه ب موضوع انج بتسوين الخلفيه سليكون
ليش تراجعتي عن السليكون وقوليلنا شصار مع عمليتج بالتفصيل الممل من قبل لا ادشين لين اليوم

 

[zqertya]

لله يقومج بالسلامه حبيبتي ونبي تجربه بالتفصيل انشالله وسعره حلووو رخيص

 

[وحيدة امى]

الله يقومج بسلامه طمنينا عليج الله يوفقج

 

[معصبه وايد]

مشكورين بنات ماقصرتوا والله تعبانه اليوم طلعت وماشال البربيش قالي ثالث ايام العيد بس باجر الصبح بروح العياده عشان يشوف الجرح ويغيرلي

ورد فاخر انا ماتراجعت عن عملية السيلكون بس ماقدر اسوي العمليه مع عملية البطن لان عمليتي لازم انام على ظهري عالاقل عشر ايام وعملية السيلكون لازم انام على بطني يعني العكس انا الحين من حقن الدهون حس الخلفيه وارمه وتعورني حيل
بنات خلوني جم يوم ارتاح واوافيكم بالنتايج لان جد تعبانه وفيني ارهاق السموحه

 

[بطوووطة$بيضة]

حمدالله عالسلامة

الخلفيه راح اتم يابسه جنها طوفه وبعدين اتفش

طمنينا عليج

 

[futooosh]

تقومين بالسلامه وطمنينا عليج

 

[معصبه وايد]

تسلمون بنات ماقصرتوا

بالنسبه للتفاصيل

انا صارلي جم شهر مداومه بهالقسم وماكو تجربه حق بنت ماقريتها وفي تجارب احس مجرد دعاية وترفيع للدكتور يعني في بنات يبالغون حيل
كنت حاطه ابالي الدكتور احمد المسلم لان شفت رفيجة اختي مسويه نحت جسمها كامل بالليزر وجسمها روعه شويه عليه وخلاص عزمت اسوي عنده
وبعد فتره سويت سيرج بقوقل عن الفرق بين الشفط بالليزر والشفط بالجراحه وعرفت ان الي يسوي ليزر عادي يقعد سنه او اكثر على حسب بعدين يرد دبل وزنه اذا ماحافظ عليه يعني لازم تغيرين نظامج بالاكل ولازم نادي عشان الجسم مايخترب وترد الكرش مره ثانيه وينصحون في عملية الليزر حق الي اجسامهم مو متان وايد وانا مو متينه بس هم ماحبيتها وغيرت رايي ومن خلال تجارب البنات لقيت ان افضل دكتور تجميل بالكويت اهوا اشرف عبدالقادر وقالو ان دكاترة لندن يمدحونه ويقولون اهوا التوب بالكويت بس هم قعدت مده اسال وافكر وادش اليوتيوب اخذ فكره عن العمليات وجذي وهم كنت خايفه
بعد مارتحت نفسيا توكلت على الله ورحت للدكتور اشرف وقلت له انا صارلي ثلاث اسابيع ادق على عيادتكم وفي مصريه مليقه تبط الجبد كل يوم تجذب علي وتقولي باجر ادق عليج وباجر يوصل الدكتور يعني معشمتني طول هالفتره عاد اول مادشيت عنده والله يابناات نفسيته عسل صج ان قام وخلاني كان عنده جم وحده تراجع وجذي بس ماتضايقت لان يشوفج ويشوف غيرج وعطاني الوقت الكافي وخذيت راحتي بس ماحنيت مثل البناات الي يطفرون الدكاتره بالعكس الحنه تخلي اي دكتور يكش من البنت قالي اقرب موعد للعمليه وحددلي تاريخ 7/11/2012 جان اقوله تكفى دكتور الله يخليك عندي عرس ماقدر عالتعب حاول اقرب موعد لو تبي باجر انا موافقه ماعندي مشكله جان يقول انا باجر عندي حالتين بالزهير وراح ادخلج معاهم اذا المستشفى وافق والحمدالله سويتها من ثاني يوم واليوم رابع يوم لي جسمي ماشاءالله ماشاءالله احس رسمته وايد قويه مع ان كله ماي وبطني متفوخ بس ان شاءالله يروح الانتفاخ ويروح الماي كله الي بجسمي اليوم مراجعتي كانت مع الدكتور المساعد احمد وغيرلي ونظف الجرح وقال تعالي يوم الثلاثاء يمكن يشيل البربيش والحمدالله انا متفائله خير ويارب يصير جسمي مثل مااابي واكثر
دعواتكم بنات

 

[بطوووطة$بيضة]

حبيبتي انا مسويه عند احمد مسلم اهوا يسوي شفط ليزر موعادي

لاني جلدي مع الوقت قاعد يشد ومحد الحين يسوي شفط عادي

طمنينا عليج

 

[معصبه وايد]

هلا بطوطه اي احمد المسلم قوي بالشفط بالليزر بس انا فضلت الجراحه عالليزر عشان النتيجه ماتغير واختيارج موفق لان شفت شغله على رفيجة اختي ماشاءالله جسمها باربي

انا معاناتي لمن اقوم ولمن ابي انام بس يالله على قولتهم الي يبي الدح مايقول اح بتحمل وان شاءالله اوصل للنتيجه الي ابيها وبعد شهرين هم بدش نادي واعتني بجسمي صح ابي اصير بيرفكت

 

[بطوووطة$بيضة]

حبيبتي على يعينج عالنومة انا بكمل شهر وليلحبن مو مرتاحة بالنومة

 

[معصبه وايد]

اي والله الله يعينا كلنا انا اليوم الصبح قعدت ابجي من عوار صوب خصري جنه شي يحرقني وغصب قمت صج بالنوم ماترتاحين ودي اتقلب وانام على بطني اكره نومة الظهر بس شسوي يالله الحمدالله يارب وانتي ان شاءالله مافيج الاالعافيه وتوصلين للنتيجه الي تعجبج بس حافظي علي الجسم