دس السم بالعسل وين اوليا الاموور؟؟؟؟؟؟؟؟

[نبض الوريد]

دس السم بالعسل وين الامهات​

السلام عليكم ورحمه الله وبركاته
خواتي بدون مقدمات حبيت انبهكم لشئ خطير جدا الاوهو افلام الكرتون لها تاثير كبير على عيالنا وبناتنا واحنا مو حاسين
انا انصدمت لما شفت حلقه الشيخ نبيل العوضي
تخريب وتدمير لعقول عيالناااا وخصوصا قناه نيكلودا وام بي سي 3
اسبنج بوب يعلم الاطفال الماسونيه
بن تن يعلم الاطفال نظريه داروين
وغيرهاااا الكثير ناروتو وابطال الديجتال والجاسوسات اللي تعلم البنات كيف يعشقون الاولاد وغيرهاااا وغيرهاااا
اذا عدنان وليناا هذا كرتون قديم وانا انصدمت فيه لان الافكار الموجوده فيه جدا خطيره يا امهات انتبهوا لعيالكم وراقبوهم
لا تخلون هالافلام تدمر عقولهم
لما بنت صغيره تسال امها تقول الساحرات طيبات يا ماما
ولا بنت ثانيه تقول ماما انا الصبح اروح المدرسه وبااليل
اصير مغنيه مثل هانا مونتانا وكثير غيرهم
هذي حرب على عقول اطفال المسلمين حفضهم الله من كل
شر وهذي دعوه لكم يابنات روحوا قوقل واكتبوا دس السم بالعسل في افلام الكرتون
وشوفوا الصدمه حنا ياغافلين لكم الله

نبي حل له الموضوع عندي اخوان ووعيال اخواتي عشقهم هالأفلام وش الطريقه اللي تخليني ابعدهم من مشاهدتها حاولت بالقوه مارضوا لا الصغار ولا الكبار والمشكله كل ام واب يشتروون راحه انفسهم ويقولون نبي نترتاح من ازعااج الصغاار والله شي يقهرر​

يــــــــــــــــــــــــــارب تحفظ المسلمين من كل شر:yaaaaaarb::yaaaaaarb:
وسامحوني اذا طولت بس والله من القهر والخوف على عيالناا​

 

[تذكر خافقي رمحك]

ما اؤمن بهالكلام
اليهال عقلهم على قدهم وين بيستوعبون هالسوالف

 

[اللغز الغريب]

هالموضوع محطوط بهالمنتدى من قبل يمكن مرتين أو 3

عموما رايي أهو رايي اللي ما يتغير

عندي بس جم شي

1- هالمسلسلات مو امسوينها مسلمين عشان نقدر نقول ترا مستهدفينا و حرب على عقول الأطفال المسلمين، حتى عيالهم يشوفونها بس الفرق ان هالأفكار عادية عندهم بس احنا لأ.

2- مشكلة البرامج المسلمة مالت اليهال انها مملة بشكل غير طبيعي، و مثقلينها بالنصايح بزود حيل. الطفل جدامه برنامجين: واحد فيه البطل يقاتل الأشرار و أكشن و الثاني درس نحو... أي واحد يشوفه بالله؟

3- البرامج اللي كنا نشوفها قبل ترا هم ما كانت بريئة و مسالمة، كان فيها حب، كان فيها قتل و عنف (اللي من أول حلقة الناس ينشقون نصين) بس كان الحب له معنى سامي و العنف كان له مبرر. غير اللي قلته ترا هم كان فيها آلهة و أديان ثانية بس الدبلجة غيرت الحوار.

4- في برامج ما تنشاف، و في برامج الغلط صراحة عالأهل: مو غلط ان الولد يشوف سوبرمان، بس الغلط ان الولد يصحى و يلعب و ياكل و ينام جدام سوبرمان.

5- وحدة من مساوء هالقنوات انها تحط أول 5 ساعات بس ببايات حق اليهال من عمر (2-4) سنين، عقبها كل الببايات لكل الأعمار ممزوجه مع بعض! يعني في ديرة برا، لو كان المسلسل فيه قصة حب و لا شي يقرب لها ايحطون قبل البرنامج (15) و طول ما الربنامج منعرض حاطين (15) على طرف الشاشة، أثاري هالعمر اهو المسموح فيه ان يشوفون هالبرنامج، أما هني الموضوع خرابيط!

6- في عندج قناة اسمها البراعم (تابعة للجزيرة) وايد حلوة حق اليهال من (2-5) سنين و الجزيرة أطفال (6-10) سنين. وايد حلوين و مفيدين لليهال. أما الأكبر من هالعمر الله يعينكم عليهم.

طبعا هالحجي بس للبرامج بشكل عام، اما عن مسلسلات بعينها ليلحين قاعدة أشاور عمري فيها

 

[..<< ندى الورد >>..]

الصراحه الاطفال عقولهم على قدهم مايفهمون المغزى .~

بس شي صدمني مره بنت خالتي كبيره قاعده مع اخوانها الصغار يتابعون افلام كرتون

اطلعت لقطه ان واحد يسأل دولفين كيف اتينا الى الدينا ويحمر وجه الدولفين ويرجف ههههه ويقول كيف اخبره كيف اخبره يا الهي انه لا يستطيع فهمي

تقول انااا انصدمت عيوني مبققه واخوانهاا متنحين مافهمو شي .~

وبالخير الرقابه من الاهل لابد منهاا

 

[اوراق جنجفه]

شوفى انا وحده مواليد الثمانينات وشفت عدنان ولينا وغيرها وغيرها لا تاثرنا ولا شي وبعدين انا وحده اقعد مع عيالى لما يتابعون الكرتون واى شي مايعجبنى اسولف معاهم واعلمهم انه بس جذى
لاكبرون الموضوع تراه مايسوى وعيالنا مو عباقره علشان يفهمون لا بالعكس كل يوم مسلسل ويضيعون بينهم

 

[LuLiTa]

بصراحة العتب عـ الاهل لما يكون في رقابة و لازم يحددون شنو الشغلات اللي يشوفونها الياهل و شنو اللي يتركونه .... انا اذكر الوالدة ما خلتنا انشوووف فيلم هرقل مال والت ديزني لانه فيه شغلات عن تعدد الالهة و شلون هرقل كان اله بعدين تحول و صار بشر .. حتى شريط لعبة البلاي ستيشن و الاقلام و الدفاتر و الجناط اللي على هرقل ما شرتهم لنا ...

 

[سلاسل ذهبيه]

براعم احلى قناه للاطفال الصغار سن الروضه والابتداي حلوه هالقناه والجزيره اللاطفال بعد حلوه اللي اكبر شوي ومواهب وافكار
باقي قنوات الاطفال خصوصا الجديده دمار شامل

 

[يارب احفظ عيالي]

يزاج الله خير

 

[عادت ذكرياتي]

الله يحفظ عيالنا من كل سوء

 

[بنت العقربيه]

الحل موجود عندكم في دولة الكويت جيبوا الشيخ الدكتور عبدالرحمن السميط وادعموة واعطوة فلوس وراح يكمل انتاج مسلسل كرتوني للمسلمين نجح نجاح باهر بس بسبب قلة الامكانيات المادية ماقدر يكمل

مشكورة وصدقتي في كل كلمة قلتيها يبغون يعلمون اطفالنا على الفساد من هم صغار والحب والشذوذ والكفر اعوذبالله منهم الله يرد كيدهم في نحرهم ويجعل تدبيرهم في تدميرهم هالكفار المريضين

وهاذا غزو صليبي قالها بوش صريحه انهم ماراح يتوقفون ويتركونا في حالنا الا اذا دخلنا دينهم الله لايقولة

مشكورة

 

[فتون777]

مع ان ولدي صغير بس لاحظت اولاد اخواتي يتفرجون
وانا من البدايه اكره ام بي سي 3
قناه غريبه بمعنئ الكلمه ماتتدرين ليه يزرعون هالافكار فعقول الاطفال
وزاد الطين بله نيكولودين
شفت ولد اختي يقول لولد اختي الثانيه
لديك صديقات في الروضه
رد عليه لا
قال نسيت والله اسم الشخصيه الي قالها
بس هيه شخصيه في نيكولودين
قال هذاك عندوصديقه وحصل علئ قبله في اللقاء الاول
انا عيوني اتبققو

 

[jessy]

مع ان ولدي صغير بس لاحظت اولاد اخواتي يتفرجون
وانا من البدايه اكره ام بي سي 3
قناه غريبه بمعنئ الكلمه ماتتدرين ليه يزرعون هالافكار فعقول الاطفال
وزاد الطين بله نيكولودين
شفت ولد اختي يقول لولد اختي الثانيه
لديك صديقات في الروضه
رد عليه لا
قال نسيت والله اسم الشخصيه الي قالها
بس هيه شخصيه في نيكولودين
قال هذاك عندوصديقه وحصل علئ قبله في اللقاء الاول
انا عيوني اتبققو

امبيييييييييييييييييييييييييييييييييييييييييه
ههههههههههههههههههههههه
الله يحفظهم
صراحه شي يخرع
الحمد لله يهالي توهم صغار ماراح يشوفون ولا قناه الله يستر ويقدرني ابعدهم عنها

 

[الغلا كله لبوي]

الله يكفينا شرهم ويحفظ اطفال المسلمين وصراحه بعض القنوات دمار وفساد ع الاطفال

 

[Miss Cherry]

مسلسلات الكرتون انتاج غربي اكيد تعكس افكارهم ومعتقداتهم بس فيه بعضها هادف المفروض الجاهل لما يشوف تلفزيون معاه اهله يوجهونه ويشرحون له .. وفي قنوات للاطفال صج برامجها هادفة وتونس حتى الجهال يندمجون معها مثل سبيس تون هالقناة احبها حتى الفواصل اللي يحطونها تشد الطفل ويهتمون باللغة العربية
وبراعم وطيور الجنة والجزيرة كلها قنوات حلوة

Mbc3 انا حذفتها من الرسيفر عندي اسمها قناة اطفال ومسلسلاتهم حق تين ايجر حب وتبوس وخرابيط مو قناة اطفال .. حتى نيكلودين احس تستخف بعقول الجهال

 

[PuPa^^SWeeT]

شوفي مهما يكون عدنان و لينا

وايد اهون من ببايات هالوقت

عالاقل عدنان و لينا

ماتاثرين لأنج ابالج انهم يدافعون عن الخير و هالسوالف



بس عندج مثلا سبونج بوب


و بابل بوبس مادري شسمه

والجاسوسات

وحتى فيه بباي دكستر لاب


يعني فيه حركات شوي بايخة



وحركات شذووذ


احنا لما تطلع البوسة انغطي عيونهم

انزييين غلط انه اخليهم يشوفون الحركات

هذا شي


الشي الثاني ماحب القصص اللي فيها مفاصيخ


ليتل مرميد

وهالسوالف ماحب


بالنسبة لي


اليوم اتناقش ويا حماتي ( اتقولي بوبا انتي تربوية مايحتاي اقولج انتي قوليلي شتسوين حق بناتج شنو يطالعون )


انا اسحب ببايات قبل ميمي الصغيرة

فلونة

سالي
السنافر

رحلة عنابة


زهرة البراري


هالقصص التعليمية


حكيم الاقزام

نيلز

يعني تبون الصراحة

احب القصص اللي فيها ثقافة

او فيها مغامرات و اقزام

والقصص اللي احبها و انا صغيرة


قاعدة اسحبها لأنه ادري انها مافيها شي نظيفة ولا فيها رسايل خبيثة


اللهم بس صورة الكنيسة للاسف


بس اهون الشرور الديانة المسحية

 

[manoooram]

شفت حلقة نبيل العوضي وقعدت اربط بين الكلام اللي يقوله واللي اشوفه بسبونج بوب ترى صح ناعم !! أنا عيالي مايشوفون الا براعم و mbc 3 ولا مو دايم
أكثر الوقت احط لهم السيديات التعليمية واقعد اطالع واشارك وياهم بعد الارقام الاحرف الاغنيه اللي اهو .. أو أقعد ارسم معاهم المهم اشغلهم

 

[ميشووو]

الله يجزاج خير


وانا اليوم مسحت قناة كرتون نت ورك cn لانها صج مدمره

والله يعين علي ولدي باجر بينجن لاني مسحتها هههههههههههههههههه


حيل تاثر فيها

 

[ديمــــــــــه]

الله يجزاك الجنه عالتنبيه

يووووه الحين اوسوس عاد انا كل شي الا هالسوالف لانه اصعب شي انك تبنين تبنين وعقب فيلم وكرتوني بعد يهدلتس كل شي

الله المستعان بس ويحفظ بناتنا وعيالنا من كل سوء يارب

 

[جوانا2010]

جزاك الله خير
والله يعينا على التربيه صعبه قي هذا الوقت.....