- إنضم
- 25 يوليو 2009
- المشاركات
- 2,859
- مستوى التفاعل
- 0
- النقاط
- 0
- الإقامة
- في البيت
- الموقع الالكتروني
- www.realmadrid.com
السلام عليكم ،
.
العزل من اسمه،، عزل الهدف عن اللي حوله ، وعشان نتحرى الدقه افضل، نقدر نقول ان العزل عبارة عن عزل الهدف عن اللي وراه .
العزل اقترن بمصطلح وش ملحه اسمه (عمق الميدان) Depth of field
بصراحة الاسم جذّاب وحبيته من كل قلبي
..
عمق الميدان هذا اقدر اشرحه لكم بالصورة اللي تحت
الشكل (1)
نجي نشرّح الصورة هالحين ...
1- مغبّش وبرا التركيز out of focus
2- بداية عمق الميدان ، يعني بداية الوضوح
3- هنا التركيز (الفوكس) يعني احد شي في الصورة (الحده)
4- بدت الصورة تغبش بس بملامح شبه واضحة
5- طبعا هنا التغبيش (وهنا سؤالكم)
عشان تفهمون العزل لازم تفهمون عمق الميدان .
لاحظوا الصورة اللي فوق.. تلاحظون ان عمق الميدان بدأ من رقم 2 وانتهى برقم 4 .
اللي قبل 2 (مموّه) واللي بعد 4 مموّه.
طيب هذا مثال ثاني للعزل وهو من تصويري (قصيت منها لزوم الدرس)
الشكل (2)
فاللي ورا الناقة الحين كله برا التركيز (مموّه) .
وهذي صورة اخرة من تصويري برضه تبين عمق الميدان فيها (العزل)
الشكل (3)
طبعاً خلفية الصورة ماهي واضحة ابد (معزولة) ....هذا اللي يسمونه (عمق الميدان الضحل)
فعندنا نوعين من عمق الميدان
عمق ميدان ضحل (وهو اللي يــعـــــزل) Shallow depth of Field مثل الصور اللي فوق
وعمق ميدان كبير Large Depth of view وهنا اللي ما يكون في الصورة عزل وكل شي ورا الخلفية يبين وهذي صورة توضيحية لهالنوع (من تصويري)
الشكل (4)
شوفو الولد والرجال اللي ورا هالشياب (الله يطول بعمارهم)
موب دايماً العزل يصلح بكل الصور ، فالمصور هو اللي يحدد وش يبي من المنظر..
بالنسبة للماكرو (تصوير الاشياء الدقيقة) دائماً ما يميزها العزل
طريقة العزل في الكاميرات
الحين ممكن نقول ان كلما صار عمق الميدان ضحل كلما زاد العزل عندنا، عشان نزيد العزل ونخلي عمق الميدان ضحل ، خوذو هالقاعدة عندكم واحفظوها :
فتحة عدسة واسعة (كبيرة) = عمق ميدان ضحل (يعني عزل قوي)
فتحة عدسة ضيقة (صغيرة) = عمق ميدان كبير (يعني ما فيه عزل بــــاح
)
الحين فيه ناسن واجد يقول وشلون اضبط قيمة فتحة العدسة على اكبر شي.
هنا ركزوا معي شوي بس.
كلما صغر الرقم (حق فتحة العدسة) كلما صارت فتحة العدسة كبيرة والعكس صحيح.
طبعاً فيه علاقة بين البعد البؤري وبين فتحة العدسة لان راح يكون فيها عوامل حسابية بينهم وهذي خلوها بعدين وان شاء الله مع الوقت بتفهمون وش اقصد .
الشكل التالي يوضح فتحة العدسة عشان تفهمون .... دوكم
الشكل (5)
وهذا شكلها في الكامات الشبه احترافية
الشكل (6)
وهذي شكلها في الكامات الاحترافية اللي شاشاتها فوق
الشكل (7)
وهذي شكلها في D450
الشكل (8)
العزل من اسمه،، عزل الهدف عن اللي حوله ، وعشان نتحرى الدقه افضل، نقدر نقول ان العزل عبارة عن عزل الهدف عن اللي وراه .
العزل اقترن بمصطلح وش ملحه اسمه (عمق الميدان) Depth of field
بصراحة الاسم جذّاب وحبيته من كل قلبي
عمق الميدان هذا اقدر اشرحه لكم بالصورة اللي تحت
الشكل (1)
نجي نشرّح الصورة هالحين ...
1- مغبّش وبرا التركيز out of focus
2- بداية عمق الميدان ، يعني بداية الوضوح
3- هنا التركيز (الفوكس) يعني احد شي في الصورة (الحده)
4- بدت الصورة تغبش بس بملامح شبه واضحة
5- طبعا هنا التغبيش (وهنا سؤالكم)
عشان تفهمون العزل لازم تفهمون عمق الميدان .
لاحظوا الصورة اللي فوق.. تلاحظون ان عمق الميدان بدأ من رقم 2 وانتهى برقم 4 .
اللي قبل 2 (مموّه) واللي بعد 4 مموّه.
طيب هذا مثال ثاني للعزل وهو من تصويري (قصيت منها لزوم الدرس)
الشكل (2)
فاللي ورا الناقة الحين كله برا التركيز (مموّه) .
وهذي صورة اخرة من تصويري برضه تبين عمق الميدان فيها (العزل)
الشكل (3)
طبعاً خلفية الصورة ماهي واضحة ابد (معزولة) ....هذا اللي يسمونه (عمق الميدان الضحل)
فعندنا نوعين من عمق الميدان
عمق ميدان ضحل (وهو اللي يــعـــــزل) Shallow depth of Field مثل الصور اللي فوق
وعمق ميدان كبير Large Depth of view وهنا اللي ما يكون في الصورة عزل وكل شي ورا الخلفية يبين وهذي صورة توضيحية لهالنوع (من تصويري)
الشكل (4)
شوفو الولد والرجال اللي ورا هالشياب (الله يطول بعمارهم)
موب دايماً العزل يصلح بكل الصور ، فالمصور هو اللي يحدد وش يبي من المنظر..
بالنسبة للماكرو (تصوير الاشياء الدقيقة) دائماً ما يميزها العزل
طريقة العزل في الكاميرات
الحين ممكن نقول ان كلما صار عمق الميدان ضحل كلما زاد العزل عندنا، عشان نزيد العزل ونخلي عمق الميدان ضحل ، خوذو هالقاعدة عندكم واحفظوها :
فتحة عدسة واسعة (كبيرة) = عمق ميدان ضحل (يعني عزل قوي)
فتحة عدسة ضيقة (صغيرة) = عمق ميدان كبير (يعني ما فيه عزل بــــاح
الحين فيه ناسن واجد يقول وشلون اضبط قيمة فتحة العدسة على اكبر شي.
هنا ركزوا معي شوي بس.
كلما صغر الرقم (حق فتحة العدسة) كلما صارت فتحة العدسة كبيرة والعكس صحيح.
طبعاً فيه علاقة بين البعد البؤري وبين فتحة العدسة لان راح يكون فيها عوامل حسابية بينهم وهذي خلوها بعدين وان شاء الله مع الوقت بتفهمون وش اقصد .
الشكل التالي يوضح فتحة العدسة عشان تفهمون .... دوكم
الشكل (5)
وهذا شكلها في الكامات الشبه احترافية
الشكل (6)
وهذي شكلها في الكامات الاحترافية اللي شاشاتها فوق
الشكل (7)
وهذي شكلها في D450
الشكل (8)
اتمنى ان هالدرس المتواضع فادكم
ولأي استفسار لا تترددون .....
وشكرا لكم
