% دردشـــــــــــــة مطابــخ %

[شندوخه]

خووش موضوع جروحه فديتج انتي ومواضيعج
انا سري طايح بالمطبخ استانس افتنق واسوي من لم كنت ياهل ادش مع امي المطبخ واشوف واساعدها وكانت تبي الفكه مني تقط علي الفطاير احشيها هههههه
وصج بنات لم اطبخ ماشتهي الاكل وايد مادري ليش انا اتوقع انه البخار يترس المعده يمكن لهالسبب

 

[القرآن ربيع قلبي]

امووووووت على هذرة المطابخ
الله يسلمكم اول مابديت اطبخ امي مرضت فترة فكنا نعتمد على انفسنا بالطبخ وكنت اسوي لها الريوق وازين الصينية عشان افتح نفسيتها وكنت اسوي لابوي سلطات كنت رابعة ابتدائي بعدين لما كبرت خذينا البسبوسة بالاقتصاد المنزلي وعلقت عليها الحمد لله والشكر حتىلما اسهر واجوع اسويها صج رايحة فيها وهم كنت اسوي الكنافة بس
بعدين لما تزوجت ابتلشت ذبحنا الجوع انا وزوجيس شسوي شسوي
طبعا سويت معكرونة بالبشاميل طلعت يابسة كمية تكفي 20 شخص لا حول ولا قوة الا بالله وسويت مجبوس دجاج والمرق والله يابنات جدر شكبرررررررررررررررررررررررررررررره مادري شفيني ككريمة على الا خر وبعدين شوي شوي قمت ابدع بالحلويات والفطاير يعني الحين الحمد لله كل شي غريب احب اسويه ما احب احد احسن مني بالطبخ ههههههههههههه
يعني اطبخ ارضاء لغروري بس
ماادش المطبخ كثيرا الحين بس اذا دشيت دشيت بس عاد شوفي متى
واحب احتفظ بالطبخات وابحث عنها وعن الجديد
اموت على المحلا ت المواعين تلقيني اكود بالمواعين من غيييييييييير داعي
ودمتم سالمين
مشكوووووووووووووورة جرح الليالي على هالديوانية عساها ديوانية عامرة

 

[أغلى حبيبه]

الله عاد انا اموووت على المطبخ

انا كنت احوس فبيت اهلي بالمطبخ قبل لااتزوج

وبدعت بالطباخ بالسفر لانه ريلي كان يدرس بره

وكانت هوايتي اشتري كتب الطبخ واتعلم

وهم خالتي ام ريلي الله يخليها لنا ان شاءالله علمتني بعد

 

[اشواق2008]

انا تعلمت الطبخ صغيره بس معلبات وبيض وسلطات
بالمتوسطه اساعد امي ومرات اسوي الغدا والعشا حق اهلي انا تعلمت الطبخ وشغل البيت وانا عمري 12سنه حاليا بعد الزواج كرهت الطبخ

 

[جرح الليالي]

حياكم الله زين خل تصير لها رواد خخخخخخخخ


بنات باجر بنات اخوي عندي عالغدا ومحتارة شسوي

المنيو اللي حطيتها

عيش ودياي مشوي او فري مشوي كباب ( خبز عروق ) سلطة سيزر وسلطة ملفوف

وملفوف وشوربة قرع او عدس

والحلو تشيز كيك المانجا

اشرايكم ؟


اذا عندكم اقتراحات فكلي اذان صاغية

 

[جرح الليالي]

القراان ربيع قلبي ... حياج الله يالغالية والديوانية عامرة بوجودكم خيتووو

 

[جرح الليالي]

جروحه خوش منيووو خخخخخخخخخخخخخخخ

<< ارد على روحي


المهم ياو بيت اخوي وتغدوو عندي والحمدلله

طلع خوش غدا

 

[GAP^^الكبيرة]

بالعااافيه عليكم

انا مفكره اني اجهز اغراض رمضان من الحين شوي شوي لان ماعندي الا خدامه وحده وهي اصلا ما تدش المطبخ فبسوي لي جدول وان شاء الله امشي عليه

وعجبني ملف ماكو اسامي في حشوات يديده حق السمبوسه احتمال اطبقها

اذكر سنه من السنين كنت بالجامعه وبلشت شغل رمضان مبجر... صمنا شعبان وخلصنا الماجله خخخخخخ

وبرمضان اضطريت اشتري جاهز

يا حبي للقرقه

وبعدين ليش اذا طبختو ما تاكلون.. تصدقون انا العكس اذا طبخت طبخه احبها والله لو يحصل لي اكل القنشه بكبرها خخخخخ

مثل اليوم غدانا يريش منهنه مع روب بيت .. ومتحلفه فيهم يا وليهم اذا رديت وما حصلت لي كميه محترمه خخخخخخ

 

[جرح الليالي]

هههههههههههههههههههههههههههههههههه


عليج بالعافية غابووش

شوفي انا اقول لج السر

لمن تطبخين كل شوي تذوقين الطباخ علبو تعدلين الملح والبهارات صح؟؟


ولي يات حزة الغدا يكون راسج متروووووس بعد مالج خلق تاكلين

انا كنت جذي وساعات من التعب مالي خلق اكل اشبع بسرعه << مو وناسه خخخخخخخ

بس الحين ما اذوق الاكل الا مرة وان كان مو مضبوط مرتين لي 3 << اشبقى ؟؟

بس لي وقت الغدا لا يكون الجوع مسوي عمايله

لحظة خل اشوف بدلياتي ههههههههههه

 

[GAP^^الكبيرة]

غلولولولولولولولولووووووش
الف مبروك اللقب اليديد تاجرتنا

وهالله هالله بالاجبان ام الخلطات السنعه ...والتوزيعات الزقرت


الحين نرجع على موضوعنا>> شكلي بس انا وياج نقرق هني وين باجي الرواد؟؟

المهم... انا ما اذوق وايد يمكن عشان جذي اكون حزه الوجبه الفك المفترس خخخخخخخخ

امس جربت كبه نبيل البرغل.. عاد شريت الدائريه وماذكرج وصفج لها الا بعد القرمه الاولي... صج تارسينها هيل

امس كنت اسمع وحده تقول لنها تحط بكبه البرغل يريش عشان تتماسك وتسلقها شوي وبعدين تثلجها.. تتوقعين هالطريقه تنفع؟.. اخاف تفتح الكبه من السلاق خاصه بالكبه المقليه استخدم نسبه كيلو برغل على نص هبره

اليوم باذن الله بمر سمراء عدن وببتدي اشتري هالسوالف خاصه ان بهاراتي تقريبا خلصت

 

[جرح الليالي]

اممممممممممممممم

انا عاد ما اسوي كبب مالي خلق

مرة سويت كبة بطاط وطلعت حلوة بس كنت مستخدمة لحم مثلج جاهز مال خزان

طعمه مو شي حق الكبب
ومرة سويت كبه بطاط ومالي خلق اكبب جان اسويها كبة بالصينية هههههههههه اسرع

خل اشوف لج طريقة كبة من ملفي واحطها لج من عنوووووووووووووني

والله يبارك فيج يا قلبي

 

[أحلى همبه كويتية]

أنا من صغري من بد خواتي أحوس بالمطبخ ويعيبون علي ما عندج هواية غير التعب بالمطبخ :0bee2e8d89:؟؟
وأول شي بديت أسويه لهم الكيك
اجمع بكتب الطبخ واطبق
والحين الحمد لله عمري ما سويت عزيمة إلا الاكل مشطبين عليه
وبصراحة طبخي تفوق على الماما الله يخليها

أنا اذا ضايق خلقي محد يبرد قلبي غير المطبخ وزوجي حده متشقق يحب اكل البيت

يا رب ديمها نعمة

 

[جرح الليالي]

الهمبة نكج يشوووق حده هههههههههههههههه

زين تسوين يختي


انا اليوم قمت من الصبح وببالي اسوي دونات بس تالي تعيزت

واي قمة الكسل هاليومين احس جسمي متكسر عدل

 

[Winter Q8]

بنات لما تطبخـون تلبسون مريـلة Apron
أنا أول ما كنت ألبس بس الحين أشوف إنها وايد ضرورية
علشان لا تتوصخ اهدومج و يمكن تبقع ، و لا تضبغ فيج الريحه
و هم يصير شكلكج حلوو و هم مرات تحل محل " الـبيز" و هم تغطي جسمج لما تكونين لابسه قصير
​

شـرايكم بـهالمرايل ؟ خاطري أفصل لي وحده مثلهم ..

 

[همسات ليالي]

خووووووووووش موضوع جرح

عاد انا اموووووووووووت على الطبخ بس عندي الطبخ مزااااااااج دايما اسوي طبخات يديده ويبقون الوصفات اهلي

لان اهلي طبخهم تقليدي حيل

واول ما اسوي شغله غريبه اول شي يحبطوووووووني تالي لما يذقونها يطلبون الوصفة

وانا احب اسوي سلطات واطباق رئيسيه وشوربات

لكن حلو لا مو ذاك الزود

يمكن لاني انا ما احب الحلو

الله يستر خدامتي اللي علمتها راح تروح اخر الشهر

 

[همسات ليالي]

هههههههههههههههه على سالفه مرايل الطبخ ولا عمري لبسته

 

[جرح الليالي]

همووووسة شلووووونج

وينج غياااب ؟؟

 

[جرح الليالي]

Up


لعيون قاب الكبيرة بقلبي <<< كيفي

 

[GAP^^الكبيرة]

صعدوووه

صعدووووه

يلا كل وحده تقولنا شبتسوي بالزواره

تخيلو ابوي دق اليوم وبنروح بيت يدي مسوين باربكيو.. العاده باجر يمعتهم ومحتاره مابي اروح وايدي فاضيه ابي شي سهل وسريع
يلا همتكم

وشي ثاني من وين تيبون زعتر زين؟؟

 

[hmama]

انا تعلمت الطبخ من الدورات

وشوي من اختي وامي

وساعات يضبط الاكل ونادر انه ما يضبط

بس اهلي وايد يقولون لي انه نفسي حلو بالطبخ