% دردشـــــــــــــة مطابــخ %

[جرح الليالي]

قوة يا بنات يا طاهيات ويا مو طاهيات واللي مو طاهية تجرب باهلها لما تصير اقدعها شيف

_03BA:
موضوعي هذا مو سؤال ولا وصفة


هني اذا عندج سوالف مطبخية حياج شاركيني

:tek:​

 

[جرح الليالي]

خل ابدي بالموضووع

من متى تعلمتي الطبخ ؟؟؟

منو علماج وشلون تقيميين نفسج ؟؟؟

 

[جارة القمر]

أبصراحه


أنا تعلمت من أمي الله يطول بعمره


وتعلمت من عشر سنوات أول ما تزوجت


طبعا بالبداية كل شي كان صعب

وبعدين صار عادي وقمت أفنتق بالوصفات


والمنتدى ماشاء الله علمني شغلات وايد حلوه

 

[Winter Q8]

من متى تعلمتي الطبخ ؟
يمكن من الابتدائي و انا اعتمد على نفسي بأكلي ,,
و قبل اسبوع بطلت مجلة مائدتي قديمة من عمري 8 سنين كنت بشارك بطبخه " بيض و بصل لوووول "
و في المتوسط كانت أول تجاربي مع الفرن سويت فطاير و بسبوسة و خلية نحل و بسكوت . بس ماكنت أحب أسوي السلطة أتأزم لما يصير دوري أسوي السلطة .
.

منو علماج ؟
امي ماشاءالله عليها طباخة بس ما علمتني بشكل مباشر يعني تأثرت فيها . و فترة امي هجرت المطبخ، فهالشي كان دافع لي اني اتعلم بروحي . و كنت أتصفح مجلات و كتب الطبخ لأمي و لما تعجبني الطبخه اروح أسويها بروحي ببساطة .

وشلون تقيميين نفسج ؟؟؟
ما أدري شلون أقيم روحي . بس يقولون لي طبخج حلوو

 

[ام حموود]

بنات تكفون منو تعرف الفش فليه بالكريمه ابي طريقة حلوة ايقولون عادله الشرهان الي تطلع على قناة بحار سوتها وايد حلوة لله يخليكم افيدوني طالبينها منيظروري لا تنسوني

 

[جرح الليالي]

عيل انا ذكريات ويا الطبخ


باجر احازيكم ان شالله

الحين حدي دايخة

 

[جرح الليالي]

ام حمود ان شاء الله ادور لج طريقتها واحطها من عيوني :tek:

 

[جرح الليالي]

جاروونة ما شالله عليج مبدعه

انزين اذا سوويتو فناتك غريبة شنو ردود الافعال

ساعات في ناس ما يحبون يجربون شي جديد


انا مرات اكون جذي ومرات لا اجازف واقول بسوي شغلات عجيبة غريبة

عاد اذا بالبيت يهون لكن اذا بمطعم واطلب طلب غريب يطيح بجبدي ههههههههههههههههه

 

[جرح الليالي]

ام حمووود هذا اللي لقيته

سمك اللاكس بالكريمة

الكمية تكفي 3-4 أشخاص
مدة التحضير 20 دقائق
مدة الطهي 30 دقائق

****************************

المقادير:

4 قطع من سمك اللاكس او الفيليه
كوب شرائح فطر (اختياري)
كوب حليب مكثف
بصلة مقطعة شرائح
القليل من الزيت
ملح
بهارات حسب الرغبة
مكعب مرقة الدجاج


طريقة التحضير:

نضع الزيت على النار ثم نضع البصلة ونتركها حتى تذبل
نضع الفطر على البصل ونتركه ينضج
نضيف الحليب المكثف مع التحريك المستمر
نضيف الملح والبهارات و مكعبا مرقة الدجاج
نضع السمك في صينية ونضع فوقها الصلصة
ثم نضعها في الفرن لمدة 30 دقيقة على 200 درجة مئوية حتى تستوي و تقدم مع البطاطا المهروسه ..

 

[جارة القمر]

جرح الليالي

انا بيت أبوي يستانسون علي الشغلات الغريبه


يعني لم سويت حلو المزرعة وكيكة البربري وكيكة الغوتشي


وايد استانسوا



بس وصفات الأطباق الرئيسية ما أحب أسويلهم للن فيهم ناس ما تحب الدياي وناس ما تحب اللحم وناس ما تحب السمج


فصج ارضاء الأذواق

حده صعب بهالسالفة

 

[GAP^^الكبيرة]

واااو سوالف وقرقه خخخخخ

بطب معاكم


ممممم الله يسلمج ببينا كل غريب مرفوض بنسبه 80% ... ابوي الله يطول بعمره ما يحب الا الاكلات التقليديه بس هذا ما يمنع اني افنتق شوي خواتي الصغار كل وحده فيهم ذوق واخوي ما يحب الا 4 وصفات وما ياكل غيرهم... وال20% انا .. كل شي غريب احب اجربه ..احب تمازج النكهات بالطبق



بالنسبه لي انا تعلمت في البدايه اطبخ كميات وايد .. وبعدين مع الفتره يالله تعلمت اطبخ كميات صغيره وخاصه بالبيت صرنا شويه>>> عكس الاوادم خخخخخ

رادتلكم ان شاء الله

 

[دمـوع الشـموع]

انا من صغري وانا احب المطبخ وكنت ادخل مع امي واشوف شتسوي
وصرت اطبخ الخفايف لين تطور الموضوع وصرت اعرف اسوي كل شي الحمد الله

وتزوجت وانا ست بيت شاطره وكل يوم اتفنن حلى ومالح وصواني والكل يعتمد علي اذا عنده مناسبه او عزيمه يدقون علي اسوي لهم وهذا اكبر تقييم على اني شاطره الحمد الله
بس بصراحه انا ماحب اكل شي انا طبخته كني اتوحم

 

[جرح الليالي]

انا اول ما تعلمت كنت تقريبا 15 سنه

امي و ابوي الله يرحمه سافرو وظليت انا واخواني ويا الخدم بالبيت
وطبعا املهم الخدم ناكل من ايدهم قبل

فاول يوم سويت دياي مشوي واستعنت بخالتي حبيبتي

ثاني يوم سويت معكرونية باللحم وهم الاستعانة بالغالية

وقزرناها على مخ اخواني وبالاستعانة بصديق هههههههههه

امي ما طولت يات بسرعه


من ذكرياتي المطبخية اني كنت بسوي كيك وشاطه عمري خخخخخخخخخ


سويت كيكة برتقال وكيكة كاكاو وكنت ماخذه الطريقة من الجريدة

طلع صج حجي جرايد خخخخخخخخ

وحدة انتفخت اشحلاته بس داخلها فاضي خخخخخخخخخخخخ

والثانية طلعت من القالب ( من القهر ) هههههههههههه

وحرمت اسوي حلويات وكنت كله اقول ما اعرف اسوي حلو
لمن تزوجت

طاحو بيدي كتب المطاحن و مثل ما تعرفون اشكال الحلو اللي فيه تشووووق


جربت مرة طلعت حلوة ومضبوطة واعتمدت كتب المطاحن وقمت اجرب من النت والحين افنتق من عندي يعني اذا توهقت بمقدار مو موجود اغير بالوصفه عادي

والحمد لله لي يومكم لمن اطبخ يكون طباخي له طعم ونكهة مميزة

 

[جارة القمر]

دموع الشموع


أنا نفسج



ما أحب أكل اللي أنا أسويه


وحتي لو أكلت


أحسه اللقمة ثقيلة


يمكن ليش نتعب وأحنا نسوي







ماشاء الله جرح الليالي


أمبين عليج شاطرة بالمطبخ

 

[ام الزين كله]

هاي بنات بدش وياكم بالموضوع ،،،
انا اول مرة دشيت فيها المطبخ كان عشان تعلمني مرت عمي على الحلو الي ادمنا عليه منها و اذيناها بطلبه منها ،،، و بعدها بديت بالحلويات بانواعها ايام الغزو لما كنا بالسعودية وبديت افنتك الين مانظلتني وحدة و عقبها ماترقعت لا من كيك يستوي ولا حلو سنع ولا طعم كل شي صار لووووووووووووعة،،، بعد ماعرست الشي الوحيد الي كنت اسويه الريوق اهو نفسه الغدا و العشا ( يابيض يا اجبان يا بنا كيك و سلطة فواكه بس) و بعدها بفترة بديت اسوي مرة ثانية الشغلات الي كنت اسويها و بنفس المقادير و كل شي بس ما تنجح معاي ( عين ماصلت على النبي ) واذا طباخ اهلي سواهم صارو شي عجييييييب ،،،
مرة قلت بسوي غدا حق ريلي بسويله عيش بالثوم مال ماكي و ترياكي دياي مع الخضرة و طبعا انوكل غصب عليه و الملوحة تضرب بالمخيخ و تطلع من النخاشيش ( مادري شنو هذول ؟؟؟!!!) و مع هذا قالي حلو بس قللي الملح مع اني ما استخدمت غير الصويا صوص!! و عقبها هونت و ماسوي غير السلطات و السندويشات بس و سلامتكم

ادري قرقت عليكم بس انا احب سوالف المطبخ و المواعين و المقادير ما اقاوم _03ba:

 

[جرح الليالي]

ام الزين رقي نفسج واقري المعوذتين وردي جربي شغلات خفيفة وان شالله تضبط معاج



جاوروونه من بعض ما عندكم


انا عندي الطبخ مزاج ويطلع تمام اذا المزاج اوكي

بس ساعات يخون خخخخخخخخ _03ba:

 

[جرح الليالي]

وصج اذا سويت شغله ما احب اكلها خصوصا برمضان

عدل كلامج جارونة اظاهر من التعب

يقولون من كثر ما تدش ريحة الطباخ براسنا
وناس يقولون من كثر ما تذوقون الاكله

 

[[]نهاوند[]]

خوش موضوع

انا لي قبل خمس سنين كنت فااااااااااااااشله بالطبخ وقد ماتقولين رفله كنت رفله صج :cxxxp:

وكانت امي دايما تقولي انت صبي مو بنت :dddds:

حتى شاي ماكنت اعرف اسوي :eh_s(1):

وقبل 8 او 9 سنين كنت مرات اتكرم وادش المطبخ واسوي كيكه طبعا البدايه كانت مع خليط الكيك الجاهز اللي ينحط وياها ماي وبيض وشوية زيت واذا ضبطت احس جني مسويه بوفيه اشيل القالب وارزه بالصاله وغصب الكل لازم يذوق كيكتي << صج رفله :dddds:

كنت اروح الجمعيه واجيل كراتين من الكيك وكل يوم اسوي كيكه كنت مصدقه عمري مع الوجه

بعدين تطور الامر ووصلت للبسبوسه جربت طريقة المطاحن وضبطت وياي عاد علقت عليها كل يوم اسويها او يوم وترك مو مصدقه اني فيه شي ضبط وياي

ومن خمس سنين تقريبا لما دخلت النت قمت اطلع طبخات سريعه وخفيفه وحلو واجرب والشي اللي يضبط وياي اسجله بدفتر والحمدلله منها تعلمت الطبخ والحين صرت مبدعه وصرت اعرف اسوي كل شي عيوش ومجابيس وحلو ومقبلات وصلت لدرجة الذبايح

بس اعاني من نفس المشكله اللي قالو عنها البنات وهي اني لما اطبخ ما آكل احس نفسي تنسد عن الأكل مادري ليش :0bee2e8d89:

مشكوره يالغاليه على الموضوع الحلو واسمحيلي على كثر قرقتي ​

 

[جرح الليالي]

حياج الله نهاوند

وكثري من القرقة يالغالية


هالموضوع اسمه دردشة يعني سوالف وهذرة وكل شي يتعلق بالطبخ والنفخ


يعني ديوانية الطباخات خخخخخخخخخخخخخ

 

[جرح الليالي]

وعلى طاري الا تاكلون من اكلتي مريت فيها خخخخخخخخخخخخخخخ

ادلل على الاكله واللي ياكل اترزز عنده عشان ياكل مرة ثانية لوووووووووول