دردشة الامهات

[nazek_q8]

ايييييييييي زيونه ادري ريلي يخطط عالحمال لوووووووووووووووول بس هالمره بصير صاحيه


متى اقدر امشي واسوي رياضه عادي الحين؟؟ انا بس بفتك من طهور ميثم بعدين بشوف نفسي

 

[nazek_q8]

التحاميل متى نستخدمها انا دكتوري ما قالي عن التحاميل بس كل وحده قبل لا تخلص الاربعين اسمعها تقول اخذ تحاميل؟؟

يعني ضروريه والا على حسب كل وحده

 

[ناعمه العود]

قوووووووووووة شوفي بردانه اذا تحرك الرحم مو زين يمنعج من الحمل على حسب الي سمعته انتي لاتسوين حركات غلط ولا تسوين رياضه على قولتهم باسرار الحريم رياضه بعد الولاده يمكن تسوين حركه غلط وانتي توج رحمخ رطب والله مو زين لاقهوة ولا غيره انتبهي حبوبه

 

[البنووته]

السلام عليكم أمهات
أنا أختي والدة وحبيت أسألكم سؤال بالنيابه عنها
متى تقدر تطلع واهي بالاربعين ؟
في ناس قالوا 20 يوم عادي تطلع وتقضي حوايجها .. عادي ولا مو زين ؟

 

[Na77olah]

هلووووووووووووووووو امهات شلوووونكم







البنوووته

عادي تطلع بعد 20 يوم <<<او اي وقت تحس انها مافيها شي وتقدر تطلع

لا تسوي اعلان انها بتطلع مو لازم احد يعرف

والحمدلله على سلامتها

 

[nazek_q8]

ناعمه
يقولون القهوه زين تنزل الدم وهم تشربينها مع اللهوم؟؟

بنوته
اي عادي تطلعين بعد 20 يوم عاد انا امس قازه بسنتر بوينت لوووووووووووووووووووووووووول
مليت من الحكره بالبيت صرت مينونه قلت حق ريلي اطلع والا ما امسك عيالك خخخخخخخخخخ

 

[nazek_q8]

يوم الخميس عيد ميلاد محييسن بس للحينه ما مشى ماشالله ولد اختي اللي بعمره مشى وولدي خواف يخاف يوقف عاد وديته البحر يقولون غطسي ريوله بالبحر يمشي!!

 

[(محبة)]

السلام عليكم

حلوة هالفكرة بجربها ولدي مكمل سنة وما يمشي 0:

 

[love love]

انا اموت من غير ماي

وشربت عادي اصلا الدكتور يقول اكبر خلط تنشفوون نفسكم من الماي موزين

والسمج انا حريم كبار قالولي ياه وصج كليت يالله در حليبي

يعني كل وحده واقتناعاتها

 

[LUXURY]

بردانه اختي بولدها الاول زينه
بالثاني خربطت وماتاكل عدل تقول شفتي اخر البطن مكان الرحم لما اتحرك مرات احس شئ داخل يتحرك الرحم مو ثابت
واذا تحركت حيل تحس فيه عدل
عالعموم انا قلتلج وبراحتج بس اللي ماتعتني بنفسها بالنفاس الاولي ما ينفعها مهما تسوي بعدين وماراح ينفع الندم والتحسف
انا اقولج عشان مصلحتج
كاني حرمت نفسي ولله الحمد شايفه النتيجه

اما التحاميل للي تبي تخربط بس ماكو فايده مو نفس العنايه
يقولون انها تطلع الماي والهوا وباجي الوصخ
انا استخدمتها لاني مافيني شئ سوتلي التهاب وعالجت منها لقافه خذيتها وتحسفت الحمدلله نفاسي زين
لكن لاتاخذين البوثيل ويييييييييييع يابتلي التهاب قام يحرقني جني حاطه معبوج


انتي تاكلين حسو؟؟؟ الحسو الصبح عالريج واللهوم مع القبوط والعصيده والشوربه والرشاد تاخذينه مع التمر ايام 20-21-22 من الولاده وفي حسو بودر مع القهوه
والحلبه بس 10 ايام لانها ترخي الرحم وتخليه رطب


شوفي بقولج شئ وانتي براحتج
الرحم بعد الولاده تكبر عنده القابليه للتخزين
يعني شربتي ماي وزايد بيخزن ماي فيه واذا كليتي نشويات وحسو وقبوط واشياء ثقيله بيخزن المواد الثقيله ويبني طبقة شحم حوالينه تثبته بالجسم ويعوض التعب اللي صارله مع الولاده
ان شربتي ماي بيخرخر عقب النفاس وماراح يثبت مكانه ويظل رطب
وان ثقلتيه بالاكل وحافظتي عليه بيمسك بمكانه وينشف ويتقوى

والرحم عضله اخذي اي قطعة لحم قطيها بماي مده بتخيس وتطلع ريحه
واخذي قطعة لحم ونشفيها ولفيها بفوطه بمكان معتدله حرارته بتكون زينه وماتخترب بسرعه غير ان البهارات تحافظ على اللحم من الخراب وهذي البهارات موجوده بالحسو واللهوم والادويه


شربي بدال الماي حليب المراعي مو بارد
والماي شربي كوب وسط عقب الاكل مباشره


هذي نصيحتي لاني اعزكم كلكم مثل خواتي وانتي فكري واختاري

 

[ناعمه العود]

هااااي شخباركم عساكم بخير بردانه كل عام ومحسن بخيييييييييير انتي حاولي تمشينه خليه بالدراجه اربعه وعشرين ساعه وقفيه وهديه شوفي يوقف

 

[البنووته]

مشكورين امهات على ردكم علي
الله يخليلكم عيالكم

 

[AlZeenah]

عيدميلاد محسن وعمار الخميس

محتارة بين بروي وبين اني اسويلة مولد
عقب طلعتي من الاربعين

 

[froha83]

اهلييييييييييييين
كل عام ومحسن وعمار بالف خير و عقبال ما تشوفونهم معاريس يا رب
زيونة
شلونج مع الصغيرون
>>>>> وا حلاااته

 

[froha83]

زيونة
انا من رايي مولد بعد طلعتج م الاربعين
علشان ترتاحين
و عقبال تجهيز عرسه

 

[nazek_q8]

مشكوره لاكجري عالنصيحه


انا بأجل عيد ميلاد محسن لان بنت اخوي بالعنايه المركزه عمرها 9شهور سوت عمليه بالقلب وناطرينها تطلع من العنايه فقلت لي طلعت بالسلامه بسوي عيد ميلاد محسن وولد اختي معاها مابي انا افرح واخوي ضايق خلقه عليها


ادعولها بنات تطلع من العنايه والله تكسر الخاطر كلها اجهزه ووايرات بخشمها وماتتنفس الا بتنفس صناعي حالتها وايد صعبه

 

[AlZeenah]

الله يطمنكم عليهااا يارب والله يعيين امهاا وابووها اكييد تعباانين .. عورتي قلبي

مشكووورة فروحة حبيبتييي سلمان يهبل سمالله عليه الله يخليهم يارب ويخليلج سارونة

 

[LUXURY]

بردانه
الله يشافي بنت اخوج يا رب بعد عمري عورت قلبي


بنات حياكم بنعرضي ببيت ديفا باجر وعقبه فترتين صبح وعصر مسويه اكسسوارات تيجان جوخ وريش على 4ونص اللي تاخذ 5 السادس مجانا
وبروشات وتراجي والعقود الكروشيه ناعمين على 5 انا مسويتهم كلهم

بنات لا تخلون وقولو للاهل ورفيجاتكم خل ايون يشرفونا
انا باكون هناك باجر من ال10 وشوي الصبح لل1ونص الظهر بعدين من 5-9
وعقب باجر نفس الشئ
ناطرتكم بنات حياكم المعرض ما يتطوف

وانا موجوده باسم luxury للاكسسوارات

عن اذنكم باروح ادرس وراي امتحان الصبح

 

[AlZeenah]

معرضج الخميس واليمعة.؟؟؟؟

في احد نازل معاكم قمصان؟

 

[nazek_q8]

امس طهرت ميثم واليوم طعمت محسن وااايج حاسه حدي معاهم وزوجي سافر اليوم


ضيقة خلللللللللللللللللللللللللق