دردشة الامهات

[AlZeenah]

هلا عااالم هلا واللة

 

[love love]

شلونج زيونه

 

[إستبرق]

هاي بنات شخباركم



حتى اليوم ما اقدر اروح المعرض :0bee2e8d89:

اتصلت رفيجتي امس اعزمتني عندها اليوم

هالمعارض ماادري شقصتهم معاي حتى لما اقرر اروح ما اقدر اروح لهم :eh_s(1):

 

[Na77olah]

هلوووووووووووووووووووو



بنات








استبرق



تفضين نفسج غصب حق معرض اليشمك انشالله لوووووووول


استبرق بما انه عندج خبره بالبخور والتبخير فيه بعمق لوووووول


ابي اعطر قمصان نومي قل لا احطهم بالجنطه بس الريحه راح اطير انا متاكده ففكرت اني ابخرهم وبعدين احطهم بالي يحفظ الملابس مال اكيا الأبيض عرفتيه ؟؟ واحاول اسكر الفتحات الي فيه بس ما ادري راح تنفع هالطريقه ولا لأ

وعلما اني احط عطر فرنسي وبعدين ابخر لا تقوليلي شرقي





زوزو


شلون المعرض انشالله ماشي الشغل

 

[SweeTa_4ever]

قووووووووووووووووووووووووه بنااااااااااااااااااااات ولهت عليييييييييييييكم

امبي حديييييييييي لووويه ادورلي شقه والدواااااام اففففففف متعب شلوونكم وشلووون بيبيااااتكم

بنات مخي وقف من التفكييير حق القرقيعان كل ساعه مطلعه شغله وماستقريت على شي امس زواره بيت يدتي بنت عمتي تقول انها بدت بقرقيعان عيالها وقعدت تشرحلي افكاارهااا وحدهم مشتطيييييين عفيه قولولي افكااار اخف اسوي شي ويفشل

قلت حق الحريم لكبار يعني يداتي وامي ابي شي ضخم وفكره تراثيه عفيه ابي افكاار بروح اليوم افتر

 

[إستبرق]

نحوله اي انشاءالله لي شهر 8 يكون خلاص محد يزورني ولاشي تدرين اليوم موعازمتني رفيجتي وداق حماي الي للحينه ماي خخخخخخخخخخ قال نبي نيي انا وبعد معاه حمويني اثنين قلت لزوجي بس اليوم مااقدر قولهم باجر خلاص واعدت البنت فشله ودق قاله خلها باجر مع اني حاطه ان باجر اروح لزوجه خالي
والبخور شوفي على حسب ترى ساعات في انواع بخور لي تخزنت وسكر عليها شي قمتها تصير الريحه موحلوه وترى العطور الشرقيه موشرط الي تكون على ريحه دهن عود وهالسوالف لا في معطرات تهبببببببل جنها فرنسيه بس مع البخور احلى وتثبت ومعطرات اجمل حلوه وفي جنها فرنسيه وصج والله اذا حطيتي منها ماراح تبطلين حتى للسرير والكفرات حتى تكرمين الحمام والله احط فيه من الصبح مايروح لي بليل وليش ماتاخذين معاج المبخار الصغير حيل وبخور وولاعه البخور احسن لج والله انا من فتره رحت السعوديه وهناك عمامي اثنين فتصير زوارات وسوالف ولازم هم تكشخ خذيت معاي مبخار صغير وولاعه البخور وفحم وابطل بالفندق وابخر ملابسي وملابس زوجي لان ترى ساعات لي تسكر على الشي وهو مبخر ومادخل له هوى الريحه تصير موحلوه بس اذا انتي تبخرينهم قبل موعد طيارتج وتحطينهم بجياس الملابس الي مثل مالات السهره تكون مسكره كلهاا وبس توصلين عند زوجج سيده تطلعينهم من الجيس وتعلقينهم اي جذي اوكي تظل بس هم على البخور الي تستعملينه انتي شنو بخورج ؟

 

[إستبرق]

سويتا الله يعينج يارب ويسهل عليج والله مكانج خالي وانشاءالله تلقين الشقه الي تبينها
والقرقيعان ياسويتا لازم تروحين تفترين على الاماكن الي فيها الفناتق شوفي انا قريت اعلانات بالجريده وشفت صور محلات يبيعون شغلات بس انتي تفنني يعني هو يبيعون الاشكال وانتي ظبطيهم على بعض في محل بسوق الصفاه فوق التراث الهندي حاط اشكال للقرقيعان تراثيه ومنها الي ييج مثل الباب القديم وجذي انا شفت فكره لام بدير عجبتني شكلي بسويها للكبار هي مثل الخشب وفوقه مثل الباب القديم والباب موجود بالمحل الي قلت لج عنه وحاطه دوره صغيره وقطعه سدو صغيره واعتقد حاطه وحده لابسه بخنق وشفتي البخنق وقطعه الزل والشخصيات الصبيان والبنات امس لقيت اعلان محل بالسوق الايراني يبيعهم هذا رقمهم 6856559 ومبينه شغلاته حلوه وهذا رقم الي بسوق الصفاه 2446013 شوفي هو يبيلج تفضين نفسج وتروحين تفترين على المحلات وتركبين لج افكار ويصير الموضوع سهاله
والصغار انا بروح محل هبسا الي معانه بالمنتدى حاطه شغلات حلوه هذيج المره رحت انا وزوجي ندوره بس ماكان عندي رقمهم وماعرفنا المحل بعدين يوم رديت خذيت رقمهم
ودي اليهال اسوي لهم شي يستفيدون منه يعني البنات جناط صغيره شكلها حلو وبعد عجبني بسنتر بوينت جناط صغار حلوين والصبيان بدور لهم اشياء يستفيدون منها بعد بس بشوف اول شي يمكن اعطي افكاري حق الي سوت توزيعات اختي وهي تسوي لي او انا اروح افتر واتفنن بس يبيلج وقت انتي فاضيه وراح يطلع الفن

 

[SweeTa_4ever]

مشكوووره حبيبتي استبرق بس وييين حدي لووويه مابين الدوام ودورلي شقه ابي افتك واسوي من الحييين الله يسهله علييينا انشالله

وشلوون برووووقه الحلوه

 

[LUXURY]

قووووووه بنات شخباركم

ادري اني قاطعه وما استحي بس حدي نسيت هالقسم اذا دخلت علشان اقسام ثانيه واليوم سويتا قالتلي انكم متيمعين هني
انا مرت فيني ظروف من جميع الاشكال العاصفه ووايد وخرت عن النت بس الحين رجعت لان عندي شغل

يحليلكم حتى هني تسولفون عن المعارض
انا قاعده اشتغل عشان اشترك بمعرض ونفسكم للحين مابديت بالقرقيهان وما فكرت فيه بسوي نمونة جيس قرقيعان حق بنتي واحط الصوره وقولولي تنفع اكملها والا لا بس خل اسويها اول لان عندي شغل واااااايد

نشوفكم على خير يا حلوين

 

[froha83]

اهلييييييييييييييييييييييييييين صبايا
شلونكم؟؟
انا لما الحين ما خلصت القرقيعان باقيلي رتوش اخيرة واخلص
انتوا شمسويين؟؟

 

[froha83]

لاكجري وسويتا شالغيبه الطويله؟؟
شلونكم وشلون عييلكم؟

 

[froha83]

زيونه
ايه انشالله 4-8 تكمل 5

 

[AlZeenah]

فروحة

يوم عيد زواجي


نحولة

اي واللة لقيت تشجيع والشغل تمام التمام استغرب من الناس اذا الشغلة معلقة يشوفونها عادية لكن لما لبستها قالوولي ايي نبي نفسها سويلناا

المعرض بداية خير
باجر المعرض يخلص واسوي الاوردرات وبسوي جم موديل عندي اياهم حدهم عجيبين

 

[AlZeenah]

حدي تعبانةةةة

بروح ابدل واروح المعرض

 

[froha83]

الله يعطيج العافية زيونه
وكل وانت بخير
انا عيد ميلاد ريلي اليوم اللي بعده

 

[LUXURY]

فروحه اشكثر اشتركوا معاكم
واي قطعه بالعدان انا ساكنه بقطعه 6

 

[LUXURY]

الزينه باي معرض؟؟

 

[nazek_q8]

شخبااااااااااااااارج لكجري
حدج غبااااااااااااااار

تعالي انتي بقطعه 6 @@@@

يميييي اخاف بعد فريجنا لووووووووووووووووول

 

[nazek_q8]

عالم

لقيت الحنه على بخور بجمعيه سلوى عند العطارررر وفي عنده على زعفران وصندل سعرها 1 دينار

حبيبيتي عجنيها بقهوه بسسسسسسسسسسس خليها لما تغلي بعدين صبيها بالحنه وخليها شويه خفيفه مو ثقيله ولا ماي مايوه وظيفي شويه خل او عصير ليمو فنجان قهوه عشان يثبت اللون
وخليها على الاقل ساعه بعدين حطيها على راسج 3 ساعات وكل ماطولين احسن

والله لما الحين اتسبح وينزل ماي حنه وشحلات اللون ثابت

 

[nazek_q8]

فروحه

والله مو بس تأثير الولاده الي منسيني من قلة نوم

وييييييييييييييييييييع
باجر

دواااااااااااااااااااااااااااااااااااام