دردشة الامهات

[Na77olah]

هلووووووووووووو بنات






بنات حوا وبردانه


انا كل مالقيتلي وقت قاعده ادش لمن ينام ريلي او يكون طالع مسكين كلها عشرة ايام قاعد بالديره بعد اخلي واشبك يبط راسي لووووووول وساعات ادش اقرى الردود بس مايمديني ارد واسكر

 

[Na77olah]

عالم وفروحه وزينه



اين انتم ؟؟؟؟؟؟؟؟

 

[Na77olah]

بنات حوا شلون زنووووبه رفيجة لولو بنتي تطعيمها يوم السبت انشالله

 

[Na77olah]

سويتا شلون خلودي خطيب لولو متى تطعيمه انتي والده قبلي بثلاثة ايام

 

[Na77olah]

استبرق شلون بنوتج وانشالله مافيها الا العافيه


اهيا شنو كانت مشكلتها بعد الولاده ليش كل شهر عندها مراجعه ؟؟؟


انا ولدي كان من الخدج كان عنده كل شهرين مراجعه بالخدج

 

[Na77olah]

بردانه شلون البوي فرند مال بنتي لوووووووووووووول


بتخلينه عند الوالده لمن بتسافرين انشالله ؟؟؟

 

[Na77olah]

نونه تروحين وتردين بالسلامه انشالله

 

[SweeTa_4ever]

هاااااااااااااااااااي بناااااااااااااااااااااااات

استبرق ماااااااااااشوف شر حياتي وطمنييييينه عليييها

نحوله

والله خلوووود زين وتطعيمه عقب باجر الاربعا الله يعيني

بنااات حوااااء

حبيتي زنووبه انشالله مع العلاج الطبيعي اصير زيينه عاادي لاتحاتين وايد يهال جذي

بردانه

ايييي حتى خلوود كله حااار وشكله عصبي الي يبجي تخيلي يصااااااااااارخ ويشد نفسه مع الوااااي://

 

[froha83]

نحن هنا
شخباركم ؟؟ وشلون عييلكم؟؟

 

[froha83]

بنات حوا
شالاخبار المو شي ؟؟
عسى ما شر شفيها ريل زنوبه ؟؟
و ماتشوف شر ان شالله
طمنينا عليها

 

[Na77olah]

هلووووووووووووو سويتا وفروحه




بنات شوفوا تحليل شخصيتي من صورتي عاد ابي تعليقكم على التحليل بعرف رايكم من راي الي حللت شخصيتي ؟؟؟؟؟




اقتباس:
أرسل أصلا بواسطة Na77olah
انا بعد



انتى انسانة نشيطة واتحبين الحركة
متفائلة واتحبين الحياة وتكرهين الناس الكسولين
اتحبين الجمال والتناسق بالألوان
اتقومين بالمبادرات الحلوة واللفتات الجميلة
صاحبة واجب واتقدرين غيرج

صح؟

 

[Na77olah]

بس انا عجبني تحليل عالم حوا اكثر احسه اهوه الأقرب لشخصيتي

 

[Na77olah]

واااااي ذابحني ولدي لأنه ما يكل وعصل ماخلينه مكان مارحنا ندور على لبس شخصية باور رينجر بيلبسه بعيد ميلاده

كله كبير عليه الحين بنروح نشتريله ونوديه الخياط يصغره بعد شنسوي فيه


وبروح استلم الباند الي مسويته حق لولو علشان يناسب لبسها حق عيد ميلاد اخوها يوم الأربعا انشالله

 

[إستبرق]

نحوله الله يخلي ابوكم لكم يارب
والحمدالله استبرق بخير وعافيه الحمدالله
ومشكلتها ان انا كان فيني التهاب بالرحم وماندري لان اعراضه مابينت علي يعني هو لازم اعراضه يا تصير فيني سخونه يا ينزل مني ماي بس انا فجأه انتفخت ريولي بشكل مو طبيييييييييييييعييييييي كلش والله كنت قاعده مع اختي مافيني ولا شي وراها يمكن بساعه نزلت ريولي عن الغنفه ابي البس النعال ولا بدخل ريولي ماتدخل بدخل ماتدخل استغربت شفت ريولي ولا انصدم شنو صار فيهم اختي شافتني قالت شنو هذا فجاه بس قلت يمكن قربت الولاده ومارحت الطبيب وظليت لي ثالث يوم ولاخلاص صرت مااقدر اتحرك من تفخه الريول وتكرمين نزل علي ما ادري شنو وزوجي كانت عنده دوره بمصر وراح لان الدكتوره قالت لي ان ولادتي 16 -12 ولا وراها وهي يكون بالكويت على تاريخ 12 وانا كنت قاعده عند اختي عاد قالت لي بسرعه لبسي نوديج الطبيب ويا زوجها وودوني والله طول الطريج انا قاعده وعاااادي الوضع طبيعي حتى لما رحنا الطوارئ اقول لاختي انا مو ولاده واختي تقولي انتي اليوم ويهج اسوووووووووود دخلت شافتني الدكتوره قالت انتي ولاده قعدي ولاتقولي الرحم فاتح سانتيين بس البيبي نبضاته خفيفه شوي وانتي الضغط مرتفع عندج صج ودوني غرفه الولاده وحطولي تخطيط للبيبي هني شفت ويه اختي قالب والدكاتره وضعهم موطبيعي ولاتيي دكتوره وسستر وقالت ببطل جيس الماي بطلته ولاتخترع ولاتقولي الماي مونظيف وطلعت شوي وادخلت اختي حسيت في شي ويات امي وخواتي وابوي حسيت الحركه موطبيعيه ولا نبضات استبرق حبيبتي تختفي شوي هني الله لايوريج صار ركض بركض ويات امي قالت ترى عمليه انا قعدت ابجي لان سبحان الله وانا حامل انا حلمت حلم وفسره ابو رفيجتي وقال هي فيها بنت وياتولد مبجر ياتولد عمليه ورفيجتي حلمت فيني وتفسيره ان انا بالمستشفى ونقط مبلغ كبير ونكون خايفين على البيبي بس بعدين يطلع البيبي مافيه شي وكنت موقايله لاحد عن الاحلام الى زوجي يدري فلما قالوا عمليه وسمعت ان النبضات موزينه قعدت ابجي ابييييييييييه والله فلم رعب تخيلي كل شي بسرعه بسرعه ياخذوني بالسرير ويركضون واهلي وراي ولايبطلون باب العمليات والدكاتره والممرضين ياخذوني طيراااااااان وهو يدزوني يلزقون علي لزاقت وبسرعه يشيلوني ويحطوني على سرير ثاني ويبطلون اديني ويحطون حديد يسكر عليهم انا قلت ميه بالميه في شي وبس ابجي بعدين شفت ويه دكتوري ونمت امي تقولي تقول والله نص ساعه ولا يطلعون دكاتره يركضون وبايدهم ياهل ابوي المسكين تعبان برى وخايفين لايصير فيه شي هني طالع الدكتور قايلهم الحمدالله البنت مافيها ابوي زافه قايله لاتقولي بنتها قولي بنتي شلونها قايله زينه بعدين زوج اختي لاحق الدكتور سائله على بنتي قايلهم الحمدالله انها عايشه بس وايد تعبانه عاد حبيبتي طلعت مو مكتمله رئتها ودمها كله ملوث لانها شاربه صديد وتعبانه وايد ومو مكتمله الرئه وكانت الله يخليها حالتها خطره وايد قعدت بالسلام 3ايام وبعدين ودوها مستشفى الجهرا الخدج لان هناك في دكاتره زينين وايد وقعدت تقريبا بالمستشفى 21 يوم وبعدين طلعت بس حتى وهي بالجهرا طلعت حبيبتي اسم الله عليها كانت تتعب وايد تصير زينه ولما يشيلون الاكسجين تتعب بس اهلي وزوجي مايعلموني لاني كنت منهاره واي الله لايعيد هذيج الايام الي يزوروني بس يشوفوني ابجي يبجون معاي وطلعوا خواتي لما يشوفوني ولا يشوفون ملابسها يروحون غرفه اختي يبجون والكل يتصل علينا ولما طلعناها قال لنا الدكتور ديروا بالكم عليها ولمده سنه هي مراجعات بالطبيعي وعياده الاطفال وابن سينا عشان يجيكون يقول بنتكم كانت اخطر حاله بالفين وسبعه الله يحفظها يارب انا شفت اخواني وخواتي كانوا عندي فالغرفه كلهم ويهم قالب وامي تبجي وخاشه علي وزوجي ماطول عندي كل مره يي من الصبح وينام عندي هالمره كان يبجي ومايبين لي وراح بسرعه حسيت في شي واخوي دق على امي وهي عندي وقامت كلمته برى دقيت على زوجي اقوله استبرق فيها شي يقولي لا اقوله امبلا يقولي لا انا قلت يمكن اخوي الكبير قايلهم شي لانه يشتغل بالمستشفى وكله يكلم الدكتوره عن بنتي وراها لما طلعت استبرق ولا يقولون لي ان الدكاتره قبل العيد بيومين قالوا لهم ترى ردت تعبت وايد وخلاص يمكن الله ياخذ بعمرها الله لايقولها يارب فاهلي مو عارفين شيسون شنو يقولون لي وخايفين لابالعيد تتوفى امي وابوي يقولون لي وزوجه اخوي يقولون والله هاليومين نوم مانمنا الكل بس قاعد يصلي يودعي زوجه اخوي الي هي اخت زوجي بعد تقول والله عمري اخوج ماشافني ابجي يوم دخل علي بالليل وقالي قمت اصارخ وابجي وقمت اسهر اصلي ادعي ان الله ماياخذ بعمرها هذيج المره ابوي يقولي بنتكم طابت لاني انا يوم الي قالوا لي ان تعبانه كنت رايح المسجد مشي وطول الطريج ادعي لها ولكم ولما رديت البيت قالوا انها صارت احسن بس الحين الحمدالله مافيها الى الخير اليوم وديتها لدكتورتها ولاتقول لا الحمدالله كل شي طبيعي ولا تقولي عاد يابوا لنا واحد مثل بنتكم والحين صارله 14 يوم يالله يارب يشافيه ويعافيه ويحفظه لاهله ويصبرهم والله صج حاسه بمعاناتهم

ادري طولت عليج بس قلت اقولج القصه كلها والله يحفظ بنتج يارب وانتي شنو والدتها مبجر ؟

 

[إستبرق]

سويتي اي الحمدالله استبرق مافيها الى العافيه واي لما اوديها موعدها وادخلها الدكتوره تظل نص ساعه بس تشوفها ماتفحصها تشوفها وتضحك وتقول الحمدالله واليوم قالت لنا هي الحمدالله مافيها شي وما اثروا عليها الاجهزه بس لمده سنه نجيك عليها والله يعينج على التطعيم بس ترى اذا مسخن لاتطعمينه

 

[إستبرق]

نحوله بدايه التحليل ما ادري لان لازم احد قاعد معاج بس نهايته اتوقع اي صح

والله يخلي لج بيبياتج يارب وكل عام وولدج بخير وعافيه

 

[بنات حواء2]

قوه اشلونكم
انشاله بخير
اليوم وديت زنوب حق ريلها قالوا الحمد لله مافيها شي بس مجرد علاج طبيعي انا اسويلها بالمساج يروح الحمد لله طمني
بس سوولها اشعه حق الحوض طلع فيها خلع وايد و رحنه اشترينه لها جهاز البسها لمدة شهر عشان يخلي ريلها دايمن امبطله و الله تعور القلب اليوم انا بس بجي

 

[بنات حواء2]

حدي صاكه فيني الدنيه و سجلت الصيفي من باجر يمكن اداوم وخايفه عليها حبيبتي الحين علمت امي على الجهاز شلون تلبسها لأنه لازم على طول عليها ما نفصخه الا حق تبديل البامبرز بس و بعد شهر انشيل الجهاز و الله معوره قلبي احسه يعوره عمري

 

[بنات حواء2]

قوه Na77olah اشلونج بنسبه للتحليل و الله ما ادري يعني لو وحده قاعده معاج بلبيت ممكن تحكم
اشلون بنوتج
شفتي زنوب حبيبتي حدي مضايقه عليها

 

[بنات حواء2]

قوه استبرق اشلونج انشاله بخير
هلا و الله فروووحه شفتي اشلون و الله حدي ضاق خلقي الحمد لله الحين ريلها مافيها شي بس الخلع الي في الحوض مضيق خلقي و الجهاز احسها حدها ماتبيه
المشكله انه احنه مسوين لهاسونار قالوا مافيها شي و من قبل فاحصينها اول ماولدتها قالوامافيها شي اشلون الحين طلع الحوض في خلع و الله شي غريب
اليوم بالاشعه بين شي ثاني