دردشة الامهات

[بنات حواء2]

bardana
انا ولامره رحت تايلند بس بقيت اروحلها قالي اخوي ختولي آخر مره راح مع مرته يقول كلش صايرين مايحترمون المسلنين لمن يشوفون معاه مرته مايعاملونهم عدل انصحج في ماليزيا حلوه و عندج بوكيت حلوه بس مالفيها سواق حلوه حق بحر و تعديل مزاج روعه يعني فنادقها نضام شاليهات حدها روعه و اسعار الفنادق ارخاص مو غاليين
و مصر حلوه بالشتى الحين ماتنفع حر و زحمه و كله خليجين و الاسعار نار

 

[إستبرق]

بنات حواء بالعكس تايلند تهبل ووالله الي مخربينها التايلنديين المسلمين ويييييييييييييييع والله فبانكوك حلاته الشعب يهبل والسايق الي ياخذنا فيها هو بوذي بس والله اشرف من المسلمين الي هناك تخيلي عطيناه غراض وخليناهم عنده وسافرنا بوكيت قعدنا فيها بو 5 ايام اعتقد او اكثر وردينا بانكوك قعدنا بو 4 ايام اخر يوم دقينا عليه نبي نسافر قلنا له ييب الغراض يابهم على تسكيرتهم ولا يطلب شي ولا يجذب ولما رحنا بوكيت هناك كلها مسلمين طحنالج بناس اعوذ بالله منهم نصابين وبس يبون يبوقونج
وبالعكس ترى بوكيت اسوقتها تهبل بس الناس يقولون اسوقت بانكوك احلى لانها ارخص بس انا عندي حتى بوكيت اسوقتها بالنسبه للكويت ارخص وانا اصلن صار تسوقي من بوكيت اكثر واي مجمعاتها تهبببببببببببببببببببل وترى مو كل الفنادق نظام شاليهات انا المره اليايه انشاءالله ما ابي اخذ نظام شاليه المره الطافت خذيت نظام شاليه الي هو فندق رمادا وما ارتحت لان اغلبه تفصخ وبعدين يكون فيهم برى حشرات فما احب جذي والبحر بعد رحن عشان الجتي سكي ولما رحلات بس وارد لان منو له خلق هي ومعاها زوجها وكله مفاصيخ الله لايبلانا والفنادق في الرخيص وفي الوسط وفي الغالي واكيد محد ياخذ الرخيص لان يكون كله خرابيط وسوالف بنات اول مايبي يحجز زوجي سيده قالهم ابي فندق مافيه خرابيط فتكون راقيه شي واذا حجزتي من تايلند ارخص بس من الكويت اغلى وانا زوجي يخاف يحجز مناك يقول انتي معاي ما احب تتبهذلين فنحز مني احس
عاد انتي بالعكس تدرين زوجي يوم يه من مصر يقولي ويييييييييييييييع من صجج حمدي ربج مارحتي مع ان زوجي كانت دورته بالشتى بس يقول شي موطبيعي زحمه وريحه بانزين يقولي انتي ماراح تتحملين انا وميت برد الكويت انتي شتسوين
تايلند واي تهبل احبها كنت حاطه ان بروح لها هي او المالديف ورى الاربعين بس عشان استبرق حبيبتي ماقدرنا وقلنا على شهر 4 بس عند استبرق مراجعات كل شهر فانشاءالله اذا الله كتب لنا انسافر بالربيع لان حتى الحين زوجي مايقدر ياخذ اجازه ومانقدر نخلي استبرق لان لمده سنه كله مراجعات
وانا انصح الي تبي تروح تايلند تروح وهي مغمضه عيونها

 

[nazek_q8]

لا خلاص بعد التقرير المفصل ومشكورة استبرق انا بروح تايلاند اصلا متشيشه حدي بشوف اسوقتها ومنتجعاتها والطبيعه صج رطوبه وحر بس وناسه

 

[nazek_q8]

اي استبرق انتي اي شهر كنتى مسافره وجوها صج حر موت؟؟

 

[مرتاحه وآكل تفاحه]

صبااااااااح الخير والاحساااااااااااااااااااااااااس والطيبه
هل هناك احد؟
لووووووووووووووووووووووووووووووووووووووووووووول

 

[nazek_q8]

هلا فيج تفاحه

 

[malgoofah]

هاي بنات اشلونكم بردانه بانا رحت بانكوك مليون مره وانصحج فيها اتينن و تبين شي احلى بعد روحي بوكيت اخذي فيلا ابحمام سباحه خاص لما تحجزين قوليلهم عيد زواجنا يظبطونج و يسونلكم مفاجأت و عشا و ورد واذا تبين ادورلج واطلعلج فنادق و عروض انا حاظره و اعطيج طريقه حلوه لما تحجزين انتي اذا تبين شي دزيلي عالخاص خو صرت خبره بنات اللي بتسافرون ابتاخذون البيبي معاكم والا لا اشتنصحوني؟ و بنات انا للحين ما يتلي دوره ولا اخت النفاس ولا شي و سويت تحليل و طلعلي مو حامل بس ما سويت الهرموني والحين قاعده اخذ حبوب اتنزلها للحين ما انزلت وانا ما ارضع شتهقون؟ في وحده صارلها نفسي؟ و عادي ما يبين الحمل ابتحليل الدم العادي؟

 

[إستبرق]

بردانه انشاءالله تروحين وتردين بالسلامه والجو ويييييييييييييييييي خليها على الله رطوووووووووبه اخذي اخف شي فالكبت انا رحت نص واحد ورديت اول اثنين ابيه مت مت من الحر لا وبوكيت لما الرحله واي حر ورطوبه وانا بعد كنت مفصله لبس صيفي لان كنا بالكويت برد والله مسويه لبستين للطياره يعني يكونون مريحين طول السفره عليهم رديت الكويت قطيتهم لانهم تشققوا ماي وجتسكيات ووراها حر وتعالي شوفي شصار فيهم خخخخخخخخخخخخخخ كرهوا اليوم الي لبسته فيهم البس وحده والثانيه تكون بالمصبغه يغسلونها ويكوونها ارد البسها واعطيهم الثانيه يغسلونها اخذي خفيييييييييييييييف وتكرمين نعال مو جوتي لا تموت ريولج حر خخخخخخخخخخخخخخ

 

[إستبرق]

اهلين تفاحه


ملقوفه والله تبين الصج اذا بردانه مثل طبعي ماراح تلحق تقعد فالسويت واي لان طلعه من الصبح ونرد العصاري نبدل ملابسنا ونطلع مانرد الى على الساعه 11 وشي نرد ناخذ شور ونرتب الاغراض اليديده ونام عشان نقعد ثاني يوم مصحصحين والبيبي واي احس سفره فيها بيبي تصير مو وناسه لان السفر تعب ولويه وفرفره وينج ووين بيبي معاج مسكين والله وبخصوص الدوره عادي انا مايات لي دوره الى وراها بشهر وشي او شهرين الوضع طبيعي

 

[إستبرق]

صج وزوجج خل ياخذ شورتات وبديات علاق خخخخخخخخخخ والله زوجي ماخذ لبس ومضبط عمره رحنا هناك ولا يروح يشتري شورتات وبديات علاق وملابسنا لما شحنا غراض فبوكيت للكويت شحنا ملابسنا الي مانلبسهم معاهم لاني كنت بروح بانكوك وبتسوق بعد فما ابي ارد اشحن

 

[malgoofah]

مشكووووووره استبرق انا كنت افكر اودي بنتي معاي بس جني هونت اخليها اهني اريحلها بس المشكله اهلي كلهم بسافرون الله يسهل انشالله و بردانه بالاسواق كاسريهم وايد ترا يتكاسرون و اخذي اهدوم عتيجه و خفيفه لان اهناك وسخ واخذي سندل او نعال اريح و اسرع للطلعه و ركبو التوك توك سياره اصغيره اتونس ارخص واونس من التكسي

 

[nazek_q8]

ملقوفه يالله حجزيلي فنادق انا داشه موقع اسمه حجوزات بشوف اسعار الفنادق بس ماعرف احجز منه

انزين شلون البس نعال وانتي بكرامه وكل مشي وبحر ورحلات؟؟

توك توك لوووووووول اسمه يونس

تدرون ملقوفه واستبرق انا وريلي قاعدين ونسألكم عن تايلاند شنسوي اول مره ومانعرف شي


وملقوفه لا تاخذين بنتج انا بقط ولدي عند امي لا ويصادف يوم تطعيمه:> هاهاهاها

وانا مثلج مايتلي دورة الاربعين وودي اتيلي قبل لا اسافر مابي تخرب على سفرتي

 

[SweeTa_4ever]

هااااااااااااااي بناااااااااااااااات

بردااانه

اي روحي اشترييهم وتراااا اختي تسولف معاي تقول شايفتهم بعد بالسالميه عند القيصريه جبال مارينا واهوو بس درجه وحده اسمها كوولد لايقصون عليج وتاخذينها 15

انا السنه الي طافت رحت ماليزيا وااااااااااااااايد حلوه بس الي خرب علي كنت توني حااامل واتنسى

استبرق

شلونج حبيبتي وشلون برووقه اليوم امي رايحه رامز وشايفه اشياء روعه حق القرقيعان نفس تحف ضخميييييين وانواع وشكااال وسعارهم زييينيييين قلت اقووولكم اطقوووون فره

ملقوووفه

عادي حبيبتي يمكن الدوره تييج بعد ثلاث اشهر من الولااداه شي طبيعي الهرمونات تتغير لاتحاتيت

 

[إستبرق]

ملقوفه العفو حبوبه ولو والصراحه حرام اذا بيبي وبالسفر انا ماسافرت عشان بروقه لان مواعيد وعفسه وهي اسم الله عليها قالوا لنا لازم سنه كل شهر مراجعه فقلت لا خلها انشاءالله على الربيع اي قلت لها اذا ماكاسرت طقوها بالعالي جنها مو بتايلند لا وكل شغلهم بالحاسبه بس هم لو ريحتهم حلوه خخخخخخخخخخخخخ ريحتهم ارف الحمدلله ياربي


بردانه حبيبتي انتي اخذي راحتج اي سؤال حاظره والتك تك تهبل وناسه احسن من التكسي يعني هناك عيشي حياتج وعلى النعال اي اي لاتسوين مثلي رحت لابسه تكرمين جوتي قلت عن الوسخ والله اول رحله قطيته واشتريت صندل ابيه ولا تروحين فيها بس شوفي اذا مشي شارع ولا مجمع كنت البس جواتي لان ما احب شوارعهم وسخه وبواليع وصراصير النعل خليه للرحلات والبحر بس الحدايق والاسوقه لا جوتي احسن لج انظف وايد

 

[إستبرق]

ابيه على تايلند وريحتهم خخخخخخخخخ كنا فالم بي كي وقاعده اشتري تاتو اللزق يهبل الي عندهم مو مثل الي عندنا والي تبيع عيوزه استخفت علي بس تضحك وتسولف فجأه وتلمني حيييييييييل انا وقفت من الصدمه ومن لوعه الجبد ابيييييييه حسيت انها وسخه ماكله صراصير ومو متسبحه لاعت جبدي لما وخرت ولا زوجي يقول ويييييييييييييع قلت له شنو ولا يقول مالاعت جبدج شلون لمتج ويييييييييع اكيد ريحتها خايسه خخخخخخخخخخخخخ



سويتي هلا والله حبيبتي انتي احنا بخير الحمدالله انتي شخبارج وشخبارج ولدج وابيه سفره وانتي حامل انا ورى مارديت من تايلند زوجي قال خل نروح جم يوم البحرين والخبر تقزيره رحنا والله طول السفره مالي خلق ولوعه جبد وكنت رايحه ابي ومشتهيه حلوى بحرينيه لما اشتريتها ماكليت منها كلش رديت الكويت حللت ولا حامل
وعلى رامز تدرين ماعرفته الى من شهرين ومادخلته للحين عرفته من خالتي قاعده تقولي في سرداب في شغلات للقرقيعان قلت لها وين ولا تقولي خلي رامز على يسارج اقولها شنو رامز تقولي السوق وتكمل على بالها عرفت رامز خخخخخخ وانا ما ادري شالقصه وراها بفتره انا وزوجي على الجسر ولا اقوله هذا رااااااااااااااااااااامز يقولي شنو اقوله خالتي تقول في سرداب قريب عنده في شغلات قرقيعان
يعني رامز حلو يستاهل اروح اكتشفه ولا لا ؟ ومشكوره حبيبتي انج قلتي لنا نخدمج بالافراح

 

[nazek_q8]

استبرق شلون لغتهم انا يالله اطق طق انجليزي مايعرفون عربي كلش

 

[malgoofah]

بردانه تبين فنادق وين في بانكوك والا بوكيت؟ خل ادورلج
و بنات انا صارلي 3 شهور من ولدت مو جنه وايد تأخرت الدوره؟ معقوله حامل و ما بين بالتحليل؟

 

[nazek_q8]

ابتايلاند مافي شي حق القرقيعان لووووووووووووووووووووووووووول

 

[nazek_q8]

اي ملقوفه ابي في بانكوك وبوكيت
وابي الفندق اللي في حمام سباحه خاص

عيل خل اروح اشتريلي مايوه بكيني لوووووووووول

 

[malgoofah]

بردانه اخذي هالسايت فيه اشياء وايد اتفيدج اسواق و فنادق http://http://www.bangkok.com/hotels/index.html