دردشة الامهات

[nazek_q8]

انا كنسلت تصويري عندها لقيت وحده بيتها يمي بالعدان وباجر بودي ولدي اصوره

 

[froha83]

هلوووووووووووووووووو
شلونكم؟؟
اليوم خلصت من المعرض
صج الاقبال كان شوي بس وناسه تشرفت بمعرفه وايد ناس ومن بينهم نحوله كانت تبيع قمصان وطلبت منها قميص شغلها يهبل
الله يوفقج يا نحولة

 

[Na77olah]

استبرق



شلون صاير لبس القرقيعان حق البنات ؟؟؟

ولدي عنده لبس بس بنتي لأ



استانست لمن قلتيلي عادي ريلي يدش لأنه لمن رحت السنه الي طافت صورت انا وولدي حق القرقيعان عند حنان دشتي مارضوا انه يدش ريلي وتوهقت مع ولدي واللقطات ماطلعت ذاك الزود وااااي ينيت معاه كل شوي لازم اعدله ويخرب الدنيا

 

[Na77olah]

هلا والله

بام ساوووونه








والله اليوم لمن طلعت من عندكم قاعده اقووول حق ريلي احلى شي بالمعرض القعده معاكم

والمعررض الياي انشالله اذا ماشاركت راح ايي وابسط معاكم لوووووووووول <<<<<<< علشان تشتري من البقاله

 

[Na77olah]

زيوووونه




الساعه جم معرضكم

انشالله باجر بمرج

 

[froha83]

نحوله
حياج يا عمري البيت بيتج والمعرض معرضج
باجر عطيني مسج اذا بتروحين حق زيونه المعرض

 

[إستبرق]

فروحه ونحوله الله يوفقكم يارب


نحوله غريبه حنان دشتي عاد كله يدخلون الرياييل اذا تبين تصورين معاهم اشفيهم مستشرفين عليج ؟
واي احسن تدخلين زوجج اذا عيالج اسم الله عليهم اثنين انا والله حتى كان ودي يوم رد زوجي اخليه يدخل لانه يعرف لاستبرق عدل بس شفتها قلت لا ابي اضايقها خاصه يوم استبرق استنفرت وطولنا بس المره الثانيه لي رحت ابي ادخله لاني بصور انا معاه واستبرق حق العيد انشاءالله
ولبس القرقيعان مال البنات والله حلو بس طبعا مو وايد بس يونس مع الصوره يكون قطعتين وفوقه حزام ومعاه هامه بس يونس وبصراحه شغلها يهبل انشاءالله لي طلعوا الصور احطهم لكم هني


وبنات وين معرض الزينه ؟ وماتدرون اذا فيه تايورات للعيد يربي ابي للعيد اليوم بروح فيلا مودا حاطين ان سيل لي 90 بالميه

 

[nazek_q8]

هلا بروقه

انا حدي تعبانه وماخذه مرضيه

شفت الاعلان فيلا مودا بس متكسره مالي خلق اطلع مكان اذا شفتي جيفنشي بسعر حلو قوليلي بخاطري فيها

نحوله

امس شفت بجمعيه الرميثية ملابس قرقيعان حلوين على 6
ومارحتي معرض القادسية كان في شغلات حلوه وناعمه حق البيبيات على 10

 

[nazek_q8]

فروحه

اعذريني كان بودي اييي المعرض بس ظروف صحيه امنعتني انشالله ايي معرض القرقيعان

 

[Na77olah]

فرووووحه



اليوم برووح اصور الياهال واذا ريلي ماعنده شي اخليه يوديني وانشالله بعطيج مسج قبلها

 

[إستبرق]

بردانه ماتشوفين شر انشاءالله اذا شفت ابلغج ويالله يارب موزحمه مالي خلق الزحمه

 

[Na77olah]

استبرق وبردانه


سيل فيلا مودا كله خلاجين خواتي رايحين يوم اليمعه نعرف واحد يشتغل هناك ومخبرهم قبل لا تخلص الشغلات الزينه

 

[Na77olah]

ماتشوفين شر بردانه




واااااي باجر ما ادري شسوي براسي :0bee2e8d89:


من غير قهوه وجاي


اليوم كان ريوقي حليب ونسكافيه وبعد ساعتين قهوه فرنسيه وبعدها جاي



انا خبرت البنات بالدوام انه باجر محد يكلمني

 

[nouna82]

هااي بنات للحين ماشريتلي دراعات رمضان مادري شسوي ماعندي وقت تسوق و معارض كله حايسه بمحلات الاثاث و المواعين


بنات طلبت كبة من ام سعود اللي بالنزهه وااااااو ماطبيعييين الكبب و طلبت حلو من قرطبة حق بيت حمولتي

 

[Na77olah]

هلا بروقه

انا حدي تعبانه وماخذه مرضيه

شفت الاعلان فيلا مودا بس متكسره مالي خلق اطلع مكان اذا شفتي جيفنشي بسعر حلو قوليلي بخاطري فيها

نحوله

امس شفت بجمعيه الرميثية ملابس قرقيعان حلوين على 6
ومارحتي معرض القادسية كان في شغلات حلوه وناعمه حق البيبيات على 10

اولا انتي ليش رايحه جمعية الرميثيه ؟؟ انتي من سكان الرميثيه ؟؟


وانا شريت حق ولدي لبس القرقيعان على ليش زعلان وحق بنتي خالتي يعطيها العافيه قالت بتسوي حق بنتي وبنت حماي لبس القرقيعان


ولأ مارحت معرض القادسيه مامداني وهم ماتشجعت ارووح لأنه الكل يرووح هالمعرض ويشووفون ملابس القرقيعان الموجوده انا احب الشغله تكون غريبه


انا الي عجبني بمعرض نادي الفتاة لبس قرقيعان حق البنات ب35 يهبل بس وايد مبالغين بالسعر

 

[Na77olah]

هلوووووووو نونا


شلونج





انا شريت من فتره من سوق شرق نسيت اسم المحل الي يم دبنهامز الي غالي عالفاضي واهوه خياط الكويت

صوب ملابس السهره لقيت شغله جنها دراعه القطعه الي تحت علاق طويل وفيه فتحتين طوال عالأجناب وفوقه نفس طريقة الشلاح في شغل و في حزام ينربط لي وره والجم موطويل انا البس تحته بدي وليقينق علشان الفتحات واهوه لونه اسود خذيته ب55 شكله جنه دراعه واقدر اطلع فيه انا خذيته لأني ما البس وايد دراريع

 

[nazek_q8]

لول نحوله لا تزفيني

مساهمين بجمعية الرميثية وجمعية العدان ماحب ادشها ماعرفلها

امس تقولي مصوره عطيني رقمها عنج نحوله جان اضحك قلت لها اهي رفيجتي بالمنتدى ماعرف رقمها لووووووووووووول

 

[nazek_q8]

اي قصدج جوووويز

 

[nazek_q8]

انا خوش وحده باجر رمضان لا شريت دراعه ولا بدلة حق اول يوم رمضان ولا بدلة عيد

مااااااااااالي خلق حتى اشعار اخر

 

[nazek_q8]

ولدي ذبحني ما ياكل الخضروات اللي اطبخها له مو عاجبته حضرته يبي علب

ويبي فواكه وشي حلو شلون اخليه ياكل بطاط وجزر وكوسا تعبت معاه؟؟