دردشة الامهات

[Na77olah]

هلا والله بنات حوا




شلونج وشلون زيزي




والله يعينج على اللويه

 

[Na77olah]

بنات



المشكله اني ما اقدر اخذ شي لأني قاعده ارضع بس الحين قاعده اخفف وايد بس كاسره خاطري متعلقه حيييل بس يالله تكبر وتنسى لووووووول

 

[إستبرق]

ههههههههههههههههه حلوه تكبر وتنسى واي لازم قبل لاتاخذين اي شي تسألين يصير للي ترضع ولا لا

فديتها اليوم بروقه قعدتها بالمشايه قلت خلاص الحين عمرها راح يصير 7 شهور انشاءالله حدها مستانسه خخخخخ ترجع قري تروح يمين تتمشى لوووووووووووووووول


اليوم بعتها وسويت حواجبي جاينيز من ولدت وانا بسويهم واخلي الي تحف لي حواجبني وتخليهم لايقين ان يطولون ويصيرون جاينيز حلو بس بعدين اهون اليوم قلت ببيعها وسويته بس والله عندي احلى

 

[AlZeenah]

قوة بنااات

اناا نازلة كيلوييين
والكرش وايد خفة من خلطة خل التفاح

ما اتريق والغدا والعشا الموجود بس بدون خبرز او عيش او مشروبات غازية والدهن قليل جدا
واشرب انااناس وكيوي


وسلامتكم

بروح ابدل بروح بيت يدتي

 

[إستبرق]

عليج بالعافيه الكيلوين والله حافظج

 

[SweeTa_4ever]

هااااااااااااااااااااااااااااااااااااااااااي

شلوووووووووووووووووونكم

كييييييييييييييييييييييييييييييييييفكم

منيييييييييحيييييييييييييييييين

استبرق

حلااااااااااااااته استااانست على الدراااااااي يحلووووووهااااا

 

[Na77olah]

عليج بالعافيه الزينه يعني شكثر صارلج ؟؟؟



ياحلوووووها والله يعينج استبرق الحين لازم اتشيلين عنها وايد اغراض اتذكر لمن بدى ولدي يمشي بالدرايه الشقه شكلها ماصخ لأنه شايلين كل شي بسبته ومره بغينا نحترق بسبته كنت مبدلتله وخالصه وحطيته بالدرايه على ما اخلص شغلي ونطلع قبلها كنت مبخره البيت وحاطه المبخر على الطاوله الي بالنص وحاطته بنص الطاوله ماتوقعت راح يطولها ولا الأخ محاول وايد وساحب المبخر ومطيحه على الأرض والحمدلله على الزوليه مو عليه

 

[Na77olah]

هلا والله سويتا

 

[Na77olah]

بنتي طول اليوم هاديه وماتحن وحتى لمن تكون يوعانه ماتبجي بس ادري بحركاتها انها يوعانه


وبالويك اند من ايد لي ايد وتتعب واحس فيها بس هم ماتبجي





بس وقت النووووووووم لازم تبجي تبجي تبجي تذبح نفسها وبعدها تنام

 

[Na77olah]

بنات





متى ناوين توكلون عيالك ؟؟؟؟ انا وكلت ولدي لمن كمل اربعة اشهر


بس كل الدكاتره يقولون 6 اشهر لأنه ياثر على البيبي لمن يكبر

 

[SweeTa_4ever]

هلااااااااااا نحوووووووووووله


اليوووم شريت كتااااااااااااب فضييييييع من جرير عن اكل اليهال تدرين شنو مكتوووووب تقول الزبده انه مالكم شغل بالكلام الي يقول 6 اشهر يقول انتي لاحطي الياهل اذا قام يبجي بليل وااايد ويبي حليييييب مو وثل اول اذا لاحظتي يحط ايديه بحلجه اذا شفتي مو متقبل الحليب مثل اول اهني يعني انه معدته توسعت وماقام يشبعه الحليب مالج شغل تنطرين لي السته اذا لاحطتي هالشي من الرابع ابدي وكلييييييييي

وكاتبين الاكل من الرابع بعدين الاكل نص الرابع بعدين الخامس وهكذا انه يكووون بالمعتاد حليب بس فتره الغدا تعطيينها اول الرابع ارز اليهال مع الحليب وبعدين نص الرابع تعطييينها بالغدا بس بطاط وجذي

انا اسم الله علي ملاحظه ولدي قام وااايد يقعد بليل يبييييي حليييييييب ومو مثل اول قلت بس يدش الرابع بعطي بالغدا قفشه وبعدها قفشتين بالتدرييييييج

 

[Na77olah]

قواعد اساسية يجب اتباعها لتجنب تعرض الطفل للامراض التي قد تكون التغذيه الغير صحيحه سببا فيها:

1- البدء باطعام الطفل من الشهر السادس

2- تجنب اضافة الملح والسكر

3-تجنب اعطاء (العسل-البروكلي-السبانخ-الطماطم-الفلفل الاخضر- التوت- الفراوله- الاناناس-الملفوف- الخضروات الخضراء بشكل عام-المغالي) قبل عمر السنه

4-عدم ادخال الكعك-البسكويت -الحلويات-الايسكريم الى طعام الطفل

5- تجريب كل نوع على حدا لمده اسبوع لمعرفة مدى تحسس الطفل منه

6- اذا تحسس الطفل من نوع من الاطعمه يجب التوقف عن اعطائه هذا النوع

7- البدء بالارز ثم الخضار ثم الفواكه

اطعمه قد تسبب اكزيما اذا تناولها الطفل قبل اتمام السنه:

القمح- الذره- المكسرات"الى 3 سنوات"-الطماطم-
البيض-البصل حليب البقر -الكرز-السمك-البهارات-الشوكولاته-العنب

جدول اطعام الطفل بالاشهر:

الشهر السادس:

ارز-بطاطس-بطاطا حلوه-جزر-قرع-كوسا-موز-تفاح

الشهر السابع:

خوخ-اطعمة الاطفال الجاهزه-عصير البرتقال المخفف بالماء
مشمش-كمثرى

الشهر الثامن:

الدجاج المفروم فرما ناعما بعد ازالة الجلد والعظم
فاصوليا- قرنبيط

الشهر التاسع:

لحم مفروم-روب

الشهر العاشر:

ادخال صفار البيض المطهو طهوا جيدا
التمر-العنب-البازلاء-العدس المهروس
ادخال الخبز بعد تطريته بالحليب
المعكرونه

الشهر الحادي عشر:

الجبن-االبيض المطهو طهوا جيدا-السمك


؛؛ بنات معلومه سمعتها اطعام الطفل في سن اقل من 6 شهور يمكن يسبب القالون ؛؛

 

[Na77olah]

اي سويتا ترى ياهل عن ياهل يفرق



يعني بنت حماي مشالله عليها وايد اتحن عالأكل اسمالله عليها تبي تاكل اهيا الحين عمرها 6 اشهر بس من قبل واهيا جذي

 

[Na77olah]

لمن اشووووف البنات الي بقسم السمنه والنحافه الي وزنها 100 كيلوو وفوق اشلون عايشين


وااااااي الحمدلله والشكر يارب والله يعينهم

 

[SweeTa_4ever]

صاااجه ساهل عن ياهل يفرق بس ليش قبل كاا يوكلووونه بالثالث تراا مافينه اله العافيه امي تقولي اني بدت اتوكلني بالثاااالث وخالتي ام رايلي تقول والله انه انقعد الياهل معنه وانوكله وانذوقه من الثالث ليش الحين صااار جذييييي ؟؟

وصح كلامهم شلي تغير ابهالوقت؟؟

 

[Na77olah]

<<<<<<<<< متحسفه على صبغ اظافرها ماتبي تمسحه



سويت اظافري بنيلز اليجانتي الي بمجمع تالا اول ماقعدت قلتلها حطي ام بي سي قامت تضحك الفلبينيه تقولي تبين نور قلتلها اي لوووول

 

[SweeTa_4ever]

الحمدالله على الصحه والعافيه مفروض نحمد ربنه احناا احسن من غييرنا

 

[Na77olah]

انا امي من واهيا بالأربعين اتذوقها كل شي تلزقه بسقف حلجها لووووووول



طبعا امي اكلها كله فلفل ناااااااااااااااااااااار اقولها لاتعطينها فلفل اتقولي تتعلم مثل مانتي تعلمتي <<<<< هنوووووود



ذاك اليوم راده من الدوام ولا اشووووف بنتي دار مدار حلجها كله عيش لوووووووول شكلها يضحك واهيا تعلج وموعاجبها

 

[SweeTa_4ever]

على طااااااري نووووووووور الحين يحطووونها على قناة ام بي سي بلس اول حلقااااات قمت اتابعهااااا لاني ما اشووووفها واللله الحلقااات ليلحين اتونس وتندمجيييين ولااااحظي نووور اول الحلقات كانت اشوي متييينه الحين اضعفت

 

[SweeTa_4ever]

ههههههههههههههههههههههههههه ذكرتيني ابأمي اخر مره بالزواره حاطه خلود بحضنهااااا وكنت اشوي بعيييده واسمع خلود يتنهوص يوم رحت وله اشوووفها تعطي ملوخيييه ://///