"دراما الحموله ترا را را افكار تنفع لقصص المسلسلات "

[Meyyawa]

فى شهر بصلى الذى قضيتة بقطعة 6من احد ضواحى الكويت الكفر الاورديحى اللى على السرير قررت اغسلة ذهبت للحمام المشترك بينى وبين اخوانة الشباب البزران منهم والشبان غسلتة بالبانيو بعدها فكيت الماى بالبانيو واصبح يطقطق ويبقبق على دماغ مرت ابوة رحت لغرفتى فاذا بالصياح والعويل وانا اقول من اصطبحت بوجهة هذا الصباح خرجت واذا بها تنادى من قمة راسها يابو فلان يابو فلان تعال الحق شوف مرت ولدك شمغبرة فنظرت لنفسى فلا غبار على فصاحت خربت حمامنا وهادة الماى حلال عمك لا يهمك وعيالها يشجعونها ويقولون اى واللة اى واللة ركض عمى من الدور الاول بسرعة البرق والغضب بادى على وجهة وعرفت من وجهة اسم الفلم من غير كلام وهو قديم من ثلا ث احرف وجع انسحبت لغرفتى وبعد ربع ساعة بالتمام والكمال واذا بالمندوب يطرق بابى ويدعو لاجتماع طارىء تحت والمندوب كان من اخوانة البزران ولبسة لم يكن رسمى ابدا فانيلة وسروال ومع ذلك التزمت ونزلت باللباس الرسمى لقيت عمى ومرتة وعيالهم المحلفين الشباب منهم والشابات البزران منهم والبنات وبدا التحقيق
س فية احد يغسل كفرات بالبانيو يالرفلة ج انا س ما تدرين الماى بفلوس ج كم
وبعد المداولة حكم على بعدم غسل الكفرات بالحمام واعتقد انة حكم مخفف لانى اعتقد ت انة سيتم اغلاقة لاشعار اخر
واللة حرام مفروض اكون اسوى ريلاكس بحمام فندق مسافرة مو حمام مشترك بقطعة 6وفية نشبة
رجع زوجى وقلتلة بصوت مخنوق طولت اليوم بالدوام ولكم منى يا حبيباتى اطيب السلام

ههههههههههههههههههههه أسلوبج يشوق الله يعينج على ما بلاج

 

[راجية الرحمة]

انا اول حمل لي رحت اهلي بمنطقة ثانية ومخلية شقتي تلق لق
ومن غير اذن ولا حتى عطتني خبر خالتي طبعا
جو من منطقتهم هي وبنتها وعيالها ثنين وكلهم مراهقين بالست طعش والسبع طعش
وقعدوا بشقتي اسبوعين حتى غرفتي داخلينها ومن زود الميانة بنتهم تسالني عن خلطات الفرش
ولما رجعت مع اخوي لشقتي اول مافتحلنا زوجي الباب ودخلنا من كثرماهو مفتشل من وضع الشقة قال شقة سحرة وقعد يضحك
تدرون ليش?
من كثر الشعر الي يدور على السيراميك
والصدمة لما دخلت الحمامات وانتم بكرامة الوصاخة على الكرسي والشعر ساد البلاعة الي بالارض. ..........جد لاعت جبدي
ولما دخلت المطبخ المطارات فيها باقي شاي وقهوة مدري من متى
وقضيت اليوم بالتنظيف وكرشتي قدامي
والمشكلة بنتها ام ثمن طعش وجاية تجهز لعرسها

لا وكفر سريري ابو ستين دينار مافرشته الا مرة وحدة اختفى بقدرة قادر اسال زوجي عنه يقول وديته الغسال وضاع
ولليوم مدري شمهببين فيه:bbbiu:

 

[بحرينيه كوول21]

اااااااه على الحموله اااااه
ابتدي من وين والا وين
راااجعه لكم ياحلى قصص

 

[ماني من الناس]

راجيه الرحمه

مسوين غزو لشقتج نفس حال ام فيصل

شكل هالحركه منتشره هاليومين

 

[بسمه المشتاق]

الله لا يبلانا

 

[ام شيخوه]

انا اول حمل لي رحت اهلي بمنطقة ثانية ومخلية شقتي تلق لق
ومن غير اذن ولا حتى عطتني خبر خالتي طبعا
جو من منطقتهم هي وبنتها وعيالها ثنين وكلهم مراهقين بالست طعش والسبع طعش
وقعدوا بشقتي اسبوعين حتى غرفتي داخلينها ومن زود الميانة بنتهم تسالني عن خلطات الفرش
ولما رجعت مع اخوي لشقتي اول مافتحلنا زوجي الباب ودخلنا من كثرماهو مفتشل من وضع الشقة قال شقة سحرة وقعد يضحك
تدرون ليش?
من كثر الشعر الي يدور على السيراميك
والصدمة لما دخلت الحمامات وانتم بكرامة الوصاخة على الكرسي والشعر ساد البلاعة الي بالارض. ..........جد لاعت جبدي
ولما دخلت المطبخ المطارات فيها باقي شاي وقهوة مدري من متى
وقضيت اليوم بالتنظيف وكرشتي قدامي
والمشكلة بنتها ام ثمن طعش وجاية تجهز لعرسها

لا وكفر سريري ابو ستين دينار مافرشته الا مرة وحدة اختفى بقدرة قادر اسال زوجي عنه يقول وديته الغسال وضاع
ولليوم مدري شمهببين فيه

:bbbiu:

الله يعينج :eh_s(2): فعلا من شاف مصيبت غيرة هانت عليه مصيبتة

 

[ماني من الناس]

رفع

 

[سوزي الشرقية]

ناس بصراحة ماعندهم ذوق خيرشر
اني ام زوجي تحبني بس بصراحة في موقف باط جبدي من زمان بس للحين محتره منه....
يوم من الأيام نزلت اسوي الينا صينية توست حق العشاء على شنو السالفة عاد سوري بس اني نسيت وسويت البصل داخل المطبخ وعمتي قوانينها تعقد وتهههج الوحدة ودج تشقي هدومش من كثر تعقيدالقوانين العسكرية
المهم دخل زوجي مع امه المطبخ جان تصارخ عليي بصوتهاشنو مسوية بصل قطع اني مابغاش تسوين بصل ابغى افتكــــــــــــــ واني تخيلو ساكته وزوجي ساكت وكانت دورتي قريب تنزل فعلا انقهرت تحمدربها ماتركت اليها الصيينية ومشيت عنها بس صعدت شقتي وفيني القهر .....
الحين من حملت مانزلت اسوي شيء ابد
بس في الحاجات الثانية ماتتتدخل خير شر.....بس مع ذلك الموقف للحين في بالي
ياحلات الخصوصية

 

[ماني من الناس]

سوزي اي والله ي حلاه الخصوصيه

ضروري يكون عندج مطبخ خاص ولا بتقضينها اكل مطاعم وبتتعب معدتج

 

[فاقده ابوهاااا]

أنا الحمد الله من الناحيه الحموله مرتاحه. بس العاهات مع بعض حريم إخواني الي كل ما أتعامل معاهم بطيب وعلي نيتي أشوف العكس يعني ياما تناجرت مع إخواني علشانهم وبالاخير أخسر إخواني بسبتهم لأني ما احب الغلط واصف معاهم اذا كانوا مظلومين وآخر شي يصير العكس يتكلمون فيني ويقولون أني أنا أحرض واشيش إخواني عليهم
ما اقول الا حسبي الله ونعم الوكيل فيهم ويعل ربي يرزقهم بوحده تطلع عينهم علشان يعرفون ان الله حق
في ناس مو كفو الطيبة مال تحقر وتدقر فيهم علشان يصيرون اوادم

 

[ماني من الناس]

صحيح فاقده ابوها


مو كل الناس كفو طيبه بالعكس يستانسون لين شافوا وحده طيبه عشان يركبون عليها ويستغلونها ويطلعون نفسهم هم الاحسن بالصوره

 

[ديانا سبنسر]

حمولتي غثا بس اشوا اني ساكنة برووووحي

شكرا منمن على الموضوع

 

[ماني من الناس]

العفو ديانا

شلونج ان شالله بخير

 

[So Sweet 88]

الله يعينهم رفيجاااتج صج انها قصص تقهرررررررررر

بس مثل ما يقوولون شر البليه ما يضحك

 

[ماني من الناس]

اوبا

 

[لمعه الالماس]

الحمد لله والشكر
الله لايبلانا

 

[كلي ذرابه]

امبييييييييه،،،، مت ضحك من سالفة ام فيصل،،،،
هههههههههههههههه

شي مو معقوووووول،،،،

المهم ،،، ام فيصل وين سالفة غبقة رمضان،،،

 

[ماني من الناس]

ايه صح ام فيصل


ناطرين بارت ٢

 

[S0oo0s0oo0]

ههههههههههههههههه

مشكوره ع القصص خيتو

 

[ماني من الناس]

ولو العفو ماسوينا شي خخخ