"دراما الحموله ترا را را افكار تنفع لقصص المسلسلات "

[ماني من الناس]

حبيبه العلي صاجه تطلع بروحها ارحم من هالاهل مايسوا عليهم


طموحه اوافقج الراي كل واحد ومزاجه متا ماحب يتزل او يحبس نفسه بالشقه ماعليهم اهم شكو

 

[اضواء الامل]

حشا وش هالحموله والله لو يسون لي كذا لاقول اخذوا ولدكم بكبره ماعاد ابغاه

 

[سنفوره8]

ابيه بنات خرعتوني عاد إحنا مقررين نسكن مع حمولتي بعد مانكمل الكورس.

 

[£ الحلوة المزيونة £]

السلام عليكم

بنات انا توني صارلي سنة متزوجة


شفت ضيم

اهانات بكل زوارة تقريباً

علي اني مسالمة واستحي ولا ارادد

والله اللذي لا اله الا هو

ماشافوا مني الا كل طيب

الهدايا والعطايا جدام ولدهم ومن وراه

وكل اسبوع ما ادش الا بيدي شي

واغلب المرات اكون انا بنفسي اللي طابخة

لكن عقب مواقفهم معاي



قلت الطيب مع الطيب تجارة والطيب مع الردي خسارة

انصدمت ولو مو سامعة باذني ما صدقت

من يومها وانا ما اشتهي اطب بيتهم

لكن لعين تكرم مئة عين

بس للانسان طاقة يا بنات

وخاصة اني حساسة ما احب احد يغلط علي ويكدر خاطري

انا ما تعودت بيت اهلي هالمذلة الحمدالله كل من عازني ورازني

صرت انهان جدامه ويسكت واذا قلت له يقولي ما سمعت


والله ان حمواني ساعات يدافعون عني

قمت احس بالامان لما يكونون موجودين

والمفروض احس هالشي معاه

الشكوى لله
لكل شي حدود

قررت اني ما اروح الا بالشهر مرة

منها يحس ويحسون

ومنها ترتاح نفسيتي شوي


كنت حامل قبل 4 شهور وطيحت من الغثا


والاسبوع اللي طاف

خالتي كانت طايحة وتمشي على عصاة

افكر اروح بس مترددة


مع العلم ان الاسبوع اللي قبل لا تطيح ما خلت ولا بقت ودها تذبحني

انا دقيت عليها تحمدت لها. بالسلامة

بس مابي اروح


صرت اكره اروح واذا رحت اتحسف


شرايكم بنات

 

[£ الحلوة المزيونة £]

Up



Up




Up

 

[ياسمينا12]

الله يستتتتتترررر 

انا عرسي بعد جم شهرررر

واااي بكل موقف قلتوه احط نفسي مكانها
يماااااااااي

والله اقعد ابجي 

 

[الحلا مبتليها]

الله يعين

ما اقدر اقول لكم غير ابعد عن الشر وغنيله

انااا كت اروح يوميا بيت اهل زوجي مشاكل ولا قالت وحساسيات


الحين مره بالاسبوع ازورهم ييتي عليهم خفيفه

والحين مرتاحه ولله الحمد

 

[Bedor-al.3taiby]

حلات زيارتكم رسميه و السلاام

و هم اللي ساكنين ببيت حمولتهم مۆ لزوم كل يۆمـ نازله
و ان نزلتي حدديلج بس ساعه و ردي صعدي ع اساس بتنظفين الشقه او تزهبين العشا او تكوين

و عسا الله يسخرلكم ازواجكم و اهلهم

و داايم ادعوا
يارب تجملني بعين زوجي و اهله

و ادعولي الله يتمم عڵـے

 

[ماني من الناس]

الحلوه المزيونه معليش اهم شي سويتي اللي عليج وضميرج مرتاح ولج الاجر والباقي عطيه طاف


البنات الجدد لاتخرعون تفائلوا بالخير واخذوا بنصايح البنات الخبره

 

[سنفوره8]

اب اب اب

 

[ليلو جبريت]

مشكورة منمن على الموضوع

صراحه انصدمت @@

انا شايفة حاله وحده ومستغربة منها بس بعد الي قريته عرفت هذي ولاشي بالنسبة للبعض


انا بقولكم عن ناس نعرفهم امهم متسلطة درجة اولى

عيالها كباااااار وهي تمسك رواتبهم وتتحكم فيهم حتى بنتها الكبيرة منصب في الديرة والكل مستغرب منها
ثيابها اغلى شي تشتري ب 5 دينار

عادي تشوفون قطعه حالتها حاله من السوق الشعبي وهي تلبسها عادي

المهم

جات بتخطب حق ولدها مع قائمة الشرووط

اول شرط تكون البنت مادخلت مجمع " ..... " مجمع مشهور عندنا في البحرين مثل سوق شرق اول عندكم

المهم يدورون يدورون اخر شي لقوا بنت قالت اي انا ما اروح مجمعات " ما ادري المجمعات ديسكو وانا ما ادري "

الا تقول امه البنت مو حلوة بس راتبها زين وماتروح مجمعات <<< عداااال ولدج لمسكت اللحين

ولما شفت البنت انصدمت من جمالها

قمررررررررر ولدج يحب يده مقلوبه ان وافقت عليه

المهم بعد الملجة البنت زايرة بيت خطيبها وقاعده تحت مع الحريم الا الولد يأشر على امه ويقول عادي اخذ مرتي اوديها فوق شوي ( يوديها الغرفة )

@@ ريال طول وعرض وعمرك فوق 30 تستأذن امك وجدام الحريم وافضيحتااااه

المهم وماتطلع معاه الا امه وخواته معاهم

مستحيل تطلع بروحها معاه

بعد العرس الام مسويه حفلة في البيت دخلنا الا حالتتها حاله العروس ، شعرها في ماي ورافعته ودشداشة بيت <<< هذي استقبالها يازعم

الا تقول امه اليوم فلانه نظفت البيت كله وطبخت << مسكينة شكله مافي وقت تتعدل

واللحين تعالوا شوفوها حالتها حاله وساكته وصابرة ولا مخلينها خدامة حق البيت كله


الله يعينها

 

[يآسمينه]

^
^

واااااي يمااااااه ماااااصدق &#55357;&#56881;&#55357;&#56882;

هذي أتعس حاله قريتها

الله يعينها بصراحه &#55357;&#56883;

 

[ماني من الناس]

هلا ليول منوووره

وايد منتشره سالفه اللي تخطب لولدها بنت اثنين في واحد : اهي خدامه لها + و زوجه لولدها


فاهمين الزواج غلط

وتعامل عيالها كنهم عبيد عندها ابشع شي في الانسان التسلط والتجبر

والله يكسرون خاطري البنات اللي يطيح حظهم بهالناس مادري شلون مقزرينها

عن نفسي ماحب احد يتأمر علي الواحد يسوي الشي منه ومن نفسه محد يشتغل عند احد عشان يتلقى اوامر


مانقول الا الله يجزي البنات على صبرهم



والله رفيجتي تكسر خاطري ليحينها ماتعرف تقول لا لما تشوف انها قاعده تنظلم وهذي مشكله اللي ماعنده لسان بهالزمن

 

[You FOR Me Only]

الله يعينهم الصراحه

صج اللي يشوف مصيبه غيره تهون عليه مصيبته

الله كريم

 

[اميره بعيونه88]

الله يعين بنااات الناس علي هالحمايل العجايب

 

[orchidia]

وااااااااايد موضوج حلو ويعطيك العافية بنآت

أنا عني رسمية جدااااااااااااا لا اخذ ولا اعطي شنو لي بالمشاكل

اللي يغثني ان ريلي على ابو انه توم كروز كل بنات الجماعه تبيه وخذاني .. انا اخت صديقه حتى من برا العائلة مو نفس عائلتي

وتعالي شووووفي الحقد .. مرت اخوه كانت من ضمن الي تبيه لأختها تقول اختي فلانه نفسسسسج بس هي متبتبة ششوي وجسمها احلى منج وصدرها مو كبير مثلج وانتي معضلة ؟؟؟

ينات والله مامدح عمري بس كل مارحت آآخذ مقاسات لنفانيفي الفلبينيات ينهبلون يقولون جنج موديل ماعلينا

واثق الخطووة يمشي ملكاً

طبعا اهم نظام انتي اشتغلي واطبخي وجذي انا ببيت اهلي هدومي مادري وينهم .. وقال ريلي برمضان لازم تطبخين

كنت توووي عروووس تزوجت قبل رمضان ب25 يووم قلت هيه ابو الشباب عايله ششكثر شدخلني اطبخ لهم توووي عروس ومايمدي اجيب شغالة

الا اخته تتصل عليه قالت ما تنلام ترى اذا ماتطبخ زوجتك توها عرووس الحمدلله سوت خيــر

المهم على طاري سناعتهم تقول مرت خالته الشغالة نفس الزوووجة ياصالحة والا طالحة وتطالع فيني !!!!!

ع بالكم سكت قلت اي والله المرة الطالحة بتجيب شغالة صالحة تغطي عيوبها جان تسسسسسسكت خلللج ؟؟؟ يقالج بتتفرعنين علي

حلاتي اني عووبا احسسسن ارد عليهم وينكتمون

طبعا انا ساكنة ويا اهله بس شقة بروحي ومدخلها خاص انا واخوه بالدور الثاني مدخلنا واحد بس عادي مانتقابل واحنا داشين والاطالعين

مرات ننزل نسلم عليهم قبل مانطلع الا مرة مرينا امه وسلمنا عليها

رديت بيتي (( طبعا زوجي يدخن وامه ماتدري )) الا لقيتها حاطة جيس عند باب الغرفة وفاتحة الثلاجة وحاطه فيها سمن اهي مسويته

انا انصدمت قلت امك معها مفتاح البيت ؟؟؟؟؟؟؟؟؟؟؟؟!!!!!!!!!!!!!!!!!!!!!!!!

قال ايه بس مادخلت مادخلت يعني بس حطته وطلعت اشووه ماشافت الدخان انا انصدمت حيل خير توي كنت عندج ليش ماعطيتني اياه

كان لي شهر بالضبط ومجمعه قمصان نومي وغاسلتهم وناشرتهم يعني اكيد شافتهم وين الخصووووصية ؟؟؟؟؟؟؟؟؟

وانزل عندهم ذاك اليوم وريلي طلع لربعه ويوم جيت أطلع فوق قلت خالتي نسيت مفتاحي بالشقة وفلآن قافلها وتعطيني المفتاح

هي عطتني اياه بس الا ماعاد شافته ..


ومرات باب شقتي ما أقفله انسى تطق الباب مرتين وتفتحه ؟؟ مرات تدخل وانا لابسة قمصان نوم او قصير تعرفون لبسنا بالبيت

آخر مرة يمكن قبل اسبوع اول ماطقت الباب وريلي كان فيه .. قالت ووين مرتك قال تبدل ههههههههههههههههههههههه

بريء ريلي هههههههههههههههههههه

قلت أحسسن خل تدري انها خربت علينا


سسوري طولت بس شيسمونه خلني أفضفض

 

[بولندية]

ساعات ماصدق سوالف البنات عن حمولتهم

 

[لمى الهاجري]

يبا صدقي عيل في جنات اللهم يا كافي يخرغون يتمسكنون لين يتمكنون

 

[بحرينيه كوول21]

على ايام الي كنت ساكنه مع اهل زوجي
كان يوم اجازه وام زوجي مسويه الريوق كان في بيض وو لوبا
المهم ماعلينا انه نزلت والا حمواتي قاعدين طبعا خوات زوجي الثنتبن وامه
وخب طول ما انه معاهم كانو منفسين علي وانه كنت بس ساكته
اول مادخلت المطبخ هم كانو قاعدين ومعاهم زوجي انه رحت
عند التوست عشان اسوي لي
ماجووووف الا ام زوجي تصرخ علي وتقول لي ليش بتسوين توست واحنا مسوين ريووق
عاد انه ويهي مصدووم مافيها شي الين كلت توست بعد
والخوات كل وحده واتطالع الثانيه وتضحك بس زوجي رد وقال مافيها شي اذا سوت حق روحها
وامه تفشلت وطلعت
كانو مناشبيني حتى فالاكل
وطبعا لي رجعه بالموااقف ألي ماتنعد ولا تحصى

 

[GofiSho]

صاحبتي حمولتها ..
هم 3 اخوان لهم عمارة كل اخو له طابق
ام زوجها و ابو زوجها شارطين عليهم
ان يكون لهم لكل دور نسخه و وقت مانبي نجي احنا وبناتنا نجي بدون اذن

تخيلوا .؟!

و حتى عادي تفتح اغراضها و ملابسها الداخليه
ابد ماكو خصوصية

...

يارب سترك الله يدفع البلاء بس