دراريع البنات حق القرقيعان من وين؟؟

[إستبرق]

والله انا اكثر شي بروح اشتري لي ولبنتي خام ونفصل مثل الموديلات او مختلف شوي بس مثل الخام واللون وانا اطلع موديل بس اذا لقيت شي حلو ومميز اخذه بس الاغلب اني افصل انشاءالله

 

[لمسة فن انثى]

حبيباتي إذا تبون اعلمكم شلون تلصقون صور بنوتاتكم على ثياب القرقيعان راسلوني على الخاص وحبيت اقول للاخت اللي تقول ان مشايخها يقولون عن القرقيعان بدعه لا حبيبتي لا بدعه ولا شي اصلا هاذي من عادات وتقاليد اهل الخليج ولااهي اعياد بدعه 00000

 

[هدولى]

أنا شريت العام من مشغل بالعدان شغهم وايد راقى وأسعارهم حلوه .

 

[ريحانة_14]

من قال القرقيعان حرام ؟؟؟؟؟؟؟؟

تدرون ينات أصل القرقيعان شنو ؟؟؟

القرقيعان أهو بالأصل يصادف يوم ميلاد الإمام الحسن بن علي وإبن فاطمة الزهراء إبنة رسول الله صلوات الله وسلامه عليه ... وبيوم مولده بما أن الحسن كان أول حفيد للرسول وأول فرحته الرسول وزع الحلوى على أطفال البيوت المجاورة

ومع الوقت صارت عادة بالنسبة للأطفال وبكل سنة يروحونن للرسول (ص) يطلبون منه الحلوى .. وبجذي صارت عادة سنوية

وهذا إللي قريته بالكتب

ولكم حبي وتقديري :eh_s(8):

وأبي النفنوف إللي قالت عنه الأخت أنار إنها تعبانه على تصميمه :ggdw:

 

[باونتى]

والله انا خذيتلها من البحرين دراعه مع البخنق بس هم بروح أشوف معرض كويتيات مول يمكن الاقى شى أحلى

 

[nazek_q8]

هدولي وين صاير المعرض؟؟


والقرقيعان مو بدعه مثل ماقالت الاخت بنات حواء2 وريحانه14

ودام حق الاطفال مافي لا رقص ولاخرابيط ولا اغاني كلها اناشيد تراثيه

 

[nazek_q8]

انزين ما في شي حق الاولاد؟؟ يعني كل بناااااااااات

 

[غزلان بنت ابوها]

بنات اعرضوا نبي نشوف مالي خلق فراره

 

[دمعه حزينه]

بنات بليز نبي نشوف صور اذا عندكم لملابس البنات

 

[بيت نماين]

بنات وين صاير معرض كويتيات مول وحبيبتي انار ممكن الموديل عالخاص

 

[ريحانة_14]

هدولي وين صاير المعرض؟؟


والقرقيعان مو بدعه مثل ماقالت الاخت بنات حواء2 وريحانه14

ودام حق الاطفال مافي لا رقص ولاخرابيط ولا اغاني كلها اناشيد تراثيه

مادري عنهم

سلم ولدهم يالله خله لأمه يالله بعد صار بدعة .. وويص ويص في بيتكم وصاويص
وقرقيعان وقرقيعان بيت قصير ورميضان عادت عليكم صيام كل سنة وكل عام

صارت بدعة ... شبقى بعد مو بدعه ؟؟؟ :cxxxp:

 

[ألوله]

حبايبي انا عندي موديل للبنوتات انشالله يكون يديد عالسوق وبصراحه تعبانه عليه عشان جذي ماحب اعرض بالعام اللي حابه تشوفه عالخاص

لو سمحتي بغيت اشوف الصور عالخاص

 

[عيون فرح]

انوار ياريت نشوف الموديل واذا انتي تسوينه بجم؟

 

[لالوش]

مشكورين بنات وماتقصرون

 

[Um_3boud]

سلام بنات انا كل سنه اخذ حق بنتي من الشاميه مول ترى وايد
شغلهم راقي وفيه كذا وحده موجوده بس يبتدي معرضهم في بداية
رمضان

 

[ملاك1980]

السلام عليكم بنات شلونكم :68_asmilies-com:​

انا كل سنه اسوي قرقيعان وملابس قرقيعان حق البنات وهذي السنه سويت تصميمين فإللي حابه تشوف تراسلني على الخاص وبالنسبة للاشكال القرقيعان انشاءالله لمن اخلص منهم ابلغكم :klhfl:

 

[om alzain]

ممكن الصور عالخاص

 

[وسمة-العبره]

انا العام سويت حقي وحق بنتي ثوب او شلاح ملون تور بزري ناعم و حلوووووووو وسويت لها بخنق وبنجابي تحت الثوب
اذا عرفت اصوره واحطه لكم واذا عجبكم الموديل اسأل بنت خالتي بجم سوته لاني نسيت واحتمال هي تسوي معرض اذا ردت من السفر

 

[لالوش]

مشكوريين وماقصرتوا

 

[فوووفه]

مشكورين