دخيلتكم..شرايكم بتزوج

[nanah70]

بنات تكفون حدي تعبت احس اني ضايعه..شوروا علي بهالمشكله العويصه؟انانسانه ارمله عندي بنتين مخطوبات وعرسهم انشاء الله بعد سنه،في شخص يبيني وانا ابيه بس مشكلتنا اختلاف القبايل ،حاول من 15سنه يخطبني بس اخوه قاله زواجك هذا يفتحلك ابواب جهنم واهله بعد رافضين زواجه،فوعدني ان راح يثبتلي انه مشتريني؟الرجل كعد بدون زواج 15سنه ولما كمل 40 سنه واهله قاموا يلحون عليه بالزواج "والله اني قلتله تزوج وشوف حياتك يس كان يقولي سعادتي عندك"،المهم الحين توه تزوج من وحده امه اختارتها له وزواجه بعد جم شهر،وقالي انا رضيت امي بهالزواجه وان هالشي عنده جبر خاطر لامه واهله،وقالي بعد3 أو4 سنوات علي ماتهدي الاوضاع" وانابعد اتطمن علي بناتي واحس انهم استقروا عند ازواجهم" انشاءالله نتزوج،بس اتفقنا نعقد زواجنا بالمسجد بولي امري وشهودبس مانصدقه بالمحكمه"عشان اهله مايبيهم يدرون"واتفقنا اعيش عند اهلي لانه مايقدر يخليني بشقه بروحي "لانه ايام الاسبوع بيكون عند اهله وزوجته"ونهاية الاسبوع عندي ،وسالت رجال دين قالو زواجكم صحيح مئه بالمئه واسمه مسيار"يعني يتزوجني بعلم اهلي وبدون علم اهله واسكن عند اهلي"؟الله يخليكم ادعوالنا انالله يجمعنا بالحلال ويعوض علينا علي قد صبرنا ويعطينا علي نيتنا"اللهم امين",

 

[منورة الكويتية]

والله مادري شقووولج
انتي فعلا تحتاجين ريال يرعاج وترعينه لمن بناتج يمشون ويتوفجون بحياتهم
اذا الوضع بيرحج وانتي راضيه فيه واهلج بعد
توكلي على الله
بس من رأيي المره الاوليه مالها ذنب
مفروض من الحين يقولها شنو ناوي عليه عشااان ماتظلمونها
لانها باختصار مالها ذنب

 

[D!aM0nD]

اتمنا من كل قلبي انج تتوفقين وتمشي امورج على ماتبين بس مااحس ان حياتج معاه من دون علم اهله بتكون فيها راحه لا لج ولا له ردي فكري عدل من كل النواحي
وعسا الله يوفقج

 

[ii DareeN ii]

الله يوفقج بس تدرين بزواجك هذا مالج اي حق وان جدام القانون لو باي يوم يسالونج ماتعتبرين زوجته وممكن يتطبق عليج قانون الزنا والعياذ بالله ولو انجبتي منه شنو بيكون وضعج ولا لج اي حق بالميراث ولا اي شي الزواج صحيح دام ان على ايد ملاج بس احنا بزمن مدني غير عن ايام لو تتكلمين عن الناحيه الشرعيه صحيح اميه بالميه عقد زواج صحيح بس القانون مو وياج ابدا وممكن تعرضين نفسج حق اشكالات قانونيه بالمستقبل والله يوفقج

 

[بتبوتااا]

انا مع كلام دارين

 

[Alia]

انا مع دارين وترى المسيار يسمونه خراب الديار وفيه هضم لحقوق كثيييييييييرة !! استخيري حبوبه

 

[ام الحكمة]

السلام عليكم
هو اذا شاريج يكول لاهله وهو رجال لازم يثبت رجوليته بين اهله
واذا عرفوا ازواج بناتج بهل الزواج شيصير موقف بناتك امامهم والله ما اضن راح يحترموهن وراح يذلوهن فكري زين قبل ما تخطين هالخطوة لانها بها تحديد مصير لج ولبناتج

 

[حنين الخبر]

انا صراحه ما اييد الزواج الي بها الطريقه بعد هالسنوات بيكون فيه خوف من قبله هو وتخيلي عندك نهاية الاسبوع وبيكون باله مشغول واهله كمان راح يفقدونه ويمكن يكتشفونه وتصير مشاكل وزوجته كمان وش ذنبها ماراح اختي ترضينها ع نفسك تيغين نصيحتي اختي ابتعدي عنه وان شاء الله بيعوضك ربي احسن منه

 

[غير كل الناس]

الله يوفقج

 

[nanah70]

مشكورين خواتي علي ردودكم،واختي ام الحكمه انا زواجي راح ابوي واخواني يبلغون فيه ازواج بناتي وراح يشرحولهم اني اني بسكن عند اهلي لاني ماخذه رجال متزوج مرتبط بأسره وانا مو حادني علي هالوضع الاقلبي وهو بالنسبه لي كل ذكرياتي واحنا صبرنا واجد ونبي صبر كل هالسنين انشاءالله يعوضنابزواجنا من بعض وبالنسبه لوضعنا نهاية الاسبوع راح تكون زوجته الثانيه عند اهلها ،تكفون يكفيني اللي فيني وادعولنا الله لايضيع تعب سنينا عسي الله يجمعطم بجنة الخلد مع ازواجكم وكل غالي علي قلبكم.

 

[far007a]

الله يوفقج يارب ويوفق بناتج

 

[أريام]

فكري زين أختي ، آنا مقدرة مشاعرج وأحاسيسج وذكرياتج وصبرج وخوفج من المستقبل وحاجاتج الطبيعية والوحدة اللي إنتي فيها حتى لو كنتي وسط أهلج ، بس زواجج هذا أوله فرح ووله وعشق وإشباع .. بس نهايته حزينة على الجميع..
واجهي الواقع ، آنا أدري كلامي مؤلم ، وراح تتبخر كل أحلامج ، بس صدقيني .. نيتج الزينة وإيثارج بالتضحية بسعادتج ، الله راح يعوضج إنسان ثاني ما تتوقعينه ، وأفضل من الحالي ، لا تقولين مستحيل تحبين غيره أو تلاقين مثله .. راح ييلج النصيب لي عندج ، لا تهدمين بيوت وايد علشان تبنين بيت واحد .. وسامحيني على الألم اللي سببته لج ، بس هذا هو الواقع..

 

[دنيا رديه]

والله العظيم قطعتي قلبي ويارب يوفجج اميين وعسى السعاده دوم بحيااتج والزواج مو عيب بالعكس على الاقل تلقيين ورا ظهرج سند وبناتج اخرتهم لزواجهم وانتي اللي بضيعيين وبتقعديين بروحج والله تزوجي وشوفي نفسج انتي صبرتي واجد واذا على الزواج بالمحكمه مو لازم كافي انه اهلج واهم اهلج موافقيين ويدروون انه يبييج بالحلال واذا عن حقوقج انشالله اهو ماراح يقصر فييج وعسى ربي يكتبه من نصيبج اميييين

 

[katko0ota]

men '3air za3al o bedon ay mojamlaaaat o kalam 3asal

hathy 7ayatech el 5a9a o mafrooth entay bs ely et3arfeeen sheno tabeeen o etkoneeen meqtan3a bel qarar ely ra7 ta5thena 3azezty, laish ta5theeen ray ely 7awaleeench eb shay 5aaa9 jedan, kel wa7da ehny bel montada laha wejhat nathar o entay akthar wa7da 3arfa eb throfech o throoof ely bany adam ely tabeeena .

be59o9 el zawaj, hatha nafs zawaj el mot3a , ya3ny lech 7goooog o wajebat mara7 ad5al bel tafa9eeeel bs entay fakray hal hathay betkon nehayat 7ob aw 3elaqaa !!! hatha mo 7al o 3ala farath laish taqbleeen eb wath3 methel hatha !!!

oo tabqa wejhat na'6ar

 

[ذوؤوؤق]

ماشاءالله

قصه حلوه والله

يااارب نهايه سعيده لج وله وتعيشون احلى حياة وتعوضون اللي فاتكم من عمر انحرمتوو من بعض بسبب امور تافهه

حاسه فيج حييييييييييييل


شووفي انتي شرطي عليه يكون زواجج موثق وقولي ماراح اعلم احد ولاشي

لاتسوونه سري صدقيني بتحسين نفسج مكسووره


استخيري يالغاليه

وعسى ربي يوفقج ويهنيج انتي وبناتج


وطمنينا عنج

جد جد فرحتلج .....

 

[FOZQ8]

يااارب تتوفقين
حبيبتي يحق لج ترتاحين بعد ما تطمنتي على بناتج
واهم شي ان اهلج راضين
توكلي على الله يا عمري
بس حاوي تتصدق الورقه بالمحكمه وموضروري تدري مرته اذا مايبي
الله يريح بالج وتعيشين العمر اللي ماعشتيه توج صغيره وارمله والله كل انسان يحق له يستقر ويرتاح
وانتي ما طلبتي شي حرام
بشرينا عنج بالخير انشالله

 

[مرت ريلي]

المفروض في النهاية ما يصح الا الصحيح
واختلاف الأصل عمره ما كان حاجز، اذا
الريال زين ومصمم وشاريج ليش لأ ؟
توكلي على الله وتزوجي واستانسي
وعوضي السنين اللي راحت، وموفقة

 

[нάγoηά cнεмίsтяγ]

بعد عمري والله .. الله يوفقج انشاءالله
الفـرصه ما إتيي مرتيـن لا اتضيعين فرصتـج دام انهـا يتلج
وبالنسبـة لأهلـه مصيرهم بيرضـون بالأمر الواقع وانتي اللي بيدج تكسبينهم وتغيرين فكرتهم عنـج
دامج راضيـه فيه وراضيـه فيج وحلال بالشـرع واهلـج راضيـن خلاص عيل ألف الحمدللله والشـكر
اللللللللله يوفقج يااااااااارب

 

[أم منصـ 85 ـور]

الله يوفقج

 

[سابقه جيلها]

انا اقولج انج كبيره وعندج بنات معرسات واستخيري ربج وخلي حياتج لله في الله وقولي لرجال اللي شاريج وناطرج 15 سنه لمن يجي يخطبج يعلم اهله وهذا شرطج ولا بلاش زواج الحرمه لاتزوجت مفروض تفرض احترامهاا وهيبتهاا قدام الكل وخصوصا اهلهاا وش لون نظزرة اهلج لج بعدين اسمحلي بكلامي هذا بس حبيت انصحج الحياه