ماكو اسامي
New member
طبعا مافيه مقادير محدده انا اعطيج الفكره وعلى ذوقج
اصلا كنت متعوده على صدور الفريش بس اختفت من السوق خصوصا اني بغييت كميه لان كل اسبوع عندي عشاء ولازم صنف دجاج
شريت المثلج كرتون وقسمته اليوم سويت نوعين صدور كامله ونجتس وكلهم بنفس التتبيله لكن النجتس بالسايله والصدور بال معجون او الحثال مثل ما نسميه
اضرب خليط التتبيل كله بالخلاط مع ماي وخل وليمون وصويا صوص والبهارات وايضا ملح ليمون بس نسيت اكتبه بدون ملح اصفيها واخلي العصير للنجتس والحثال للصدور
احمر الحثال بزبده وزيت واضيف لها ملح وبهارات واضيف الصدور وااحمسها معاه زين وبس يسخن اغطيها 10 دق وبعدين اكشفها واقلب على نار قويه بس تنشف وتتحمر نتفه ابردها زين واحفظها بالفريزر لاني ما استغني عنها
للسندويتشات او الفطاير السريعه او حمسه للباستا بالبشمل طبعا اطلعها قبل ساعه وبس تفك انسلها او اقصها وارد احمسها مع بصل جوانح وجزر ومشروم وفلفل ملون حسب حاجتي لها وهالطريقه الذ بكثير من السلق لانها متسبكه زين
النجتس
اضيف له الصوص السايل وانقعها فيه واذوق ملحها وليمون لو تبي او بهارات دجاج مشكله لانها هي اساس الطعم
بعد ساعه انزلها بمقلاة حاره جدا فيها زيت وزبده وبهارات وشمي الريحه لو المقلاة صغيره قسمي الدجاج مرتين وبس تحتاج حمس على نار قويه 10 دقايق وتكون ناضجه ولازم مايها اللي تنزله كله ينشف
ما تتغطى او تتخفف النار
نبردها واغطها بطحين مبهر وبيض حتى البيض ابهره وبقسماط ولو جربتيها مره ما تاخذين مالت السوق الماصخه كلش لانها متبله وناقعه وحامضه شوي ولو تحبينها حريفه زودي الفلفل
