دجاج بالصاج

[om_jenan1978]

أكله لذيذه دجاج مع خبز الصاج

المقادير :
صدور دجاج
جزر
فلفل أخضر
صلصه صويا
مكعب ماجي
مشروم
بصل + ثوم
بهارات ( كاري + ملح + فلفل أسود + كركم + كمون )

الصلصه : ( جبن كرافت اقلاص وسط + كريمه حمرا + ربع مكعب ماجي )
الطريقه
1-اتقطعين الدجاج والجزر والبصل وفلفل أخضر شرائح
2- اتيبين الجدر أشوية دهن + بصل لما يتغير لونه بعدين ثوم مدقوق وبعدين الدجاج لما تستوي الديايه تحطين مشروم
بعدين البهارات + فلفل أخضر + جزر
لما تستوي الطبخه تحطين صلصه صويا تقريبا ملعقتين أكبار بس قبل لا تحطين صلصه صويا شوفي مو مالحه الأكله .
وبعدين أتيبين خبز الصاج وتقصينه وتحطين الدياي داخل الخبز وتلفينه وبعد ما تخلصين اتيبين صينيه بايركس وتصفين الخبز وتحطين الصلصه آخر شي
إللي أهي ( جبن كرافت وكريمه حمرا وربع مكعب ماجي علشان لاتصير مالحه وايد الصلصه )
ودخلينه بالفرن 10 دقايق بس
ملاحظه : ممكن تستبدلين خبز الصاج بالصمون مدور الصغار همن حلو
وبالعافيه بس لذيذ حق العشا :eh_s(8):

 

[جارة القمر]

om_jenan1978


مشكووووووووووووووووووووره حبيبتي

ويا حلاة اليهال اللي بتوقيعج

 

[om_jenan1978]

مشكوره حبيبيتي جارة القمر :eh_s(6):

 

[dubai]

بالعااااااافية

 

[aloyaa]

تسلمين
وعندي استفسار شلون اييب مثل هاليهال

 

[moors]

:eh_s(17): شكراً لكي اختي الكريمه على هذا المشاركة

 

[زين البدر]

تسسسسسسسسسلمين



بس اليهااااااااااااااااااااااااااااااااااااال عجيبيبن

 

[يمامة]

مشكووووووووووووووووووووره حبيبتي​

 

[سفرجل]

شكراً لكي اختي الكريمه على هذا المشاركة

 

[Strawberry Flower]

تسلم ايدج
سهل وسريع وشكله لذيذ بس احس بيكون مالح
راح اجربه بس ببدل جبن الكرفت باي نوع اخر

بالنسبه لليهال اظن اهم نوع من الشكولاته او الحلوى مسوينهم بشكل يهال
لكن الصراحه ما يطاوعني قلبي اكل شي جذي

 

[om_jenan1978]

مشكورين على المرور
واخت strawberry flower ما راح تكون مالحه وايد بس تقدرين تبدلين بس انا عن نفسي ما جربت غير جبن كرافت
والصور اليهال اعتقد في منه كاكاو بس ما أدري وين يبيعونه اختي قاعده ادور وانا مثلج ما احب أكل جذي حبيبتي

 

[شيهانه]

مشكووووووووووره

 

[جروح تبتسم]

شكراً لكي اختي الكريمه على هذا المشاركة

 

[ايفيان]

تسلم ايديك حبيبتي على الطبخه الحلوه والسهله