- إنضم
- 12 يناير 2011
- المشاركات
- 2,474
- مستوى التفاعل
- 3
- النقاط
- 0
فوتوشيني الفريدو
المقادير:
1- كيس مكرونه الفوتوشيني 500 جرام
2- كوب حليب وان لم يتوفر فيمكن استخدام حليب التموين
( كأس ماء + 4 ملاعق حليب بودره )
3 – كوب جبن بارميزان وان لم يتوفر فكوب جبن موزاريلا
4- علبة فطر مقطعه شرائح
5- بصله كبيره مفرومه ناعم
6- قالب زبدة يقسم نصين
7- ثلاث فصوص ثوم مهروسه
8- كيس شوربة ماجي بنكهة الفطر
9- 4 صدور دجاج مقطع شرائح او بشكل مربع ( يمكن استخدام الربيان مو مفيوح بس منظف)
10- بهارات ( ملح + فلفل اسود + زعتر الاوريغانو )
11- جبن فاليني بالريحان
الطريقة:
اولا":
1- نغسل صدور الدجاج ونقطعها شرائح او مربعات ونتبلها ببصل شرائح وثوم وليمون وملح وفلفل اسود والقليل من اعواد الدارسين لمدة ساعتين
ثانيا" تحضير المعكرونه:
1- نحط بجدر ماي وملح وشوي زيت ونفوح المعكرونه
2- لما تستوي المعرونه نصفيها ونحطها ببياركس ونكون
داهنينه بزيت.
ثالثا" تحضير الصلصة البيضة:
1- نحط جدر على النار ونضيف نص قالب الزبده ولما تذوب نضيف عليها الثوم ونقلبه شوي لين يذبل
2- قبل لا يتغير لون الثوم نضيف ملعقتين كبار طحين ونقلب الخليط
3- بعدها نضيف عليه الحليب ونستمر وبالتحريك حتى تتماسك شوي
4- ناخذ كيس شوربة الفطر ونذوبها بجلاص ماي بعدين نضيفها على الخليط مع التحريك
5- بعدها نضيف علبة كريما كي دي دي وكوب جبن الموزاريلا او البارميزان ويفضل الموزاريلا
6- ثم نضيف القليل من جبن فالي بالريحان ونستمر بالتحريك لين يغلظ القوام بعدين نحطه على جنب
رابعا" تحضير الدجاج:
1- نضع الدجاج بمقلا مع البصل ونقلبه لين ينشف الماي ويتحمر قليلا بعدها نضيف عليه نص قالب الزبده والفطر والملح والفلفل الاسود والاوريغانو
2- ثم نغطيه ونخفف النار حدها
3- نرجع للصلصه البيضه مره ثانيه نرد ناخذ الجدر ونحطه على النار ونحركه لين يبدي يغلي بعدين نضيف خليط الدجاج عليه ونقلبه عدل ونرد نضيف رشه اوريغانو وجبن الفالي.
4- اخيرا نضيف الخليط على المعكرونه ونرش فوقه جبن الموزاريلا وجبن الفالي وندخله بالفرن لمده 5 دقايق لين يذون الجبن فقط
بالعافيه
للعلم المكونات فيها اضافات من عندي فياريت اللي حابه تنقلها بمنتدى ثاني ما تنسبها لنفسها
:eh_s(7):
:eh_s(7):
التعديل الأخير:
