دايخة ومحتارة ومدري شسووي

[وَرْدَة الْقُلُوْب]

بسم الله الرحمن الرحيم
السلام عليكم ورحمة الله وبركاته



شلونكم يا طيبات
شخباركم عساكم بخير وعافية
للكل
يارب ارزق كل وحدة تتمنى الضنا
ولاتحرمها منه
يا رزاق يا كريم
.......
مثل ماتعرفون قبل فترة نزلت مووضوع عن الالم اللي جاني من استخدمت الكلوميد
وكنت اتمنى اني بطلع حامل
ولكن الله يفعل مايريد
وهو عالم الغيب والشهادة
نزلت وحمدت رب العالمين
وامس رحت دكتورة عشان تكتب لي تحاليل بسويها
حتى بتاكد مافيني شي
وعشان اكون بالصورة الصح امام ريلي
اللي قالي انتي الصوج فيج من ورة ماحبلتي ببنتج ورها ماعرف شنو صارلج
وصراحة بنات انقهرت وايد
وبجيت
لكن استغفرت ربي
ومشيت السالفة بتراضي وقناعة
واليوم رحت سويت تحاليل الهرمونات كلها
والنتيجة بتطلع بعد كم يوم
وان شاء الله خير
مو هني السالفة
اول ما شرحت قصتي لدكتورة قالت لي سوي طفل انابيب
وتفاجئت من كلامها
قلت لها تلقيح قالت لا ماينجح
انا بحيرة
ودااايخة
شلون اقنع ريلي على هالسالفة
واهو مو راضي يسوي تحليل لنفسه ولابيروح دكتور
والله انا ابي حمال طبيعي
لان الله يرزق من يشاء بغير حساب
يا طيبات ساعدوني شنو اسوي
وريلي نسبته ماتحبل
انتظركم
ملاحظة للي اول مرة يعرفون سالفتي
(بنتي عمرها تسع سنوات وبعدها ماصار عندي طفل)

 

[حلو القصيد]

طيب شرايك تغيرين المستشفى

والله يررررزقك ياااااارب

وبنسبه لزوجك حاولي فيه بالكلام الحلووو

وان شاءالله ربي يكتبلك الخييير

 

[وَرْدَة الْقُلُوْب]

مرحبا حلو القصيد
انا براجع دكتورة بعيادتها مو بالمشستشفى
واكيد بجي معاه بالكلام الحلو
ومو ناافع
معاند
ولا يوم فكر وقالي ابي طفل ثاني
ساكت على السالفة
مدري ليش
مشكورة يا قلبي

 

[صلو على رسول الله]

قصي عليه بكلمتين حلوين

و قوليله هذا اجراء روتيني الفحص

و ان من باب الاطمئنان لان فترة تسع سنين في احتمال تقل النسبة لا سمح الله

 

[وَرْدَة الْقُلُوْب]

اللهم صل على محمد وعلى ال محمد
.......
قصيت عليه مليون كلمة
ومايفيد
اهو مسوي قبل تحليل وطالعة صفر
ويوم راح كنت انا دافعة مري له وغصب اقنعته
وهالمرة شلون
بيسويها فلم اكشن معاي
ههههههه
شكرا يا قلبي وماقصرتي

 

[وَرْدَة الْقُلُوْب]

يابنات عالاقل
up
i need you

 

[LeeMa q8]

والله مادري ..

عسى الله يزرقنا يارب ولا يحرمنا ياااارب

 

[tbola]

حبيبتي الله يرزقج الذريه الصالحه

 

[ثنايا الورد]

ربي يرزقكم ويرزق كل محروم من اليهال
ترى كلمة ياماما تآخذ القلب والروح​

 

[وَرْدَة الْقُلُوْب]

مشكورات يا قلبي

 

[خيشة شكر@]

من صج ان الرجال مو مثل المراة احنا نتشفق الضنا واهما ولا اي احساس ولا يبون تحاليل الله يهدااهم احنا نبدي بروحنا ونعالج وممكن السبب يكون منه ويكون بسيط بس اذا قلتيله يزعل الله يهداهم واحنا عااادي واذا كبرت المراه قال كبرتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الله يهداه ويهدا الي عندي اللهم امين ويرزق بنيتج بالاخوان والخوات ياربي ولا يردج ولا يردني خايبات الله حبيبي كريم
اللهم لاتذرني فردا وانت خير الوارثين
استغفرالله استغفرالله استغفرالله استغفر الله استغفرالله

 

[الزيـــــ^^ـــــن]

الله يرزقج ويرزقنا الضنا الصالح يارب

 

[وَرْدَة الْقُلُوْب]

خيشة سكر
والله انج قلتي اللي في قلبي
ربي يرزقج بالذرية الصالحة ويوفقج
.....................
الزين
اميييييييين رب العالمين
يرزقنا بالذرية الصالحة
..........
مشكورات يا قلبي
ماقصرتوا

 

[الغــــرور]

الله يهديه ويسخره لك ويرزقك ويرزقنا معاك يارب....

الرجال بشكل عام هذا الموضوع بالمسبة لهم رجولتهم.... الله يهديهم..
احنا نتعب وناخذ ابر وعلاج وسالفه وهم الله يهديهم من بس تحليل يرفضون....

شوفي ياقلبي خليه يسوي حجامة وان شا ءالله خير ويكون في تحسن... وبعد الحجامة قولي له اشرايك تحلل ونشوف النتيجه...
وجيبي له قصص عن ناس سووا الحجامة وتحسنت احوالهم والنت ماراح يقصر بهالموضوع.....
وياحبيبتي نصيحه من له حيله فاليحتال ^_+

الزوج يبي له احد يسايسة ويقنعه كانه طفل..... الله يقوينا ويصبرنا...

وانتي بعد لاتستعجلين على الانابيب ... سووا احجامة وروحي لكذا مستوصف شوفي رايهم...
وعسى يارب تحملين طبيعي يارب.....

واذا زوجك مدخن ترى يااثر على الحيونات المنوية.....

 

[وَرْدَة الْقُلُوْب]

الغرور
جزاكي الله خير الجزاء
واللي قلتيه تمام وصح
واليوم كنت بقنعه ورضى انه يسوي تحليل
وبعد فرحني قالي ابي اكل عسل
والحجامة بعد اروح اقنعه فيها شسوي عندي طفل بقنعه موتتني ولا هامة
بس الله يهديه
وطبعا ابي اسال واروح قبل ما افكر حتى اسوي انابيب
وزوجي مدمن تدخين
شسوي له ما يتركها
وحالي حال
حمدلله على كل حال
ربي يرزقج يارب ويوفقج

 

[ابدا يالغالي مانساك]

حبيبتي ربي يرزقج ومافيه شي بعيد علي ربج والاتعطين بال لكلام الدكاتره التجي لربج هو الرازق بسما والارض والحمدلله علي كل حال ولاتفكرين وايد

 

[وَرْدَة الْقُلُوْب]

حبيبة قلبي ابودة مشكورة
وربي يرزقج الذرية الصالحة المعافاة
يارب توام

 

[ام مهرة 2009]

الله يرزقج يا وردة
ويغنيج عن حوسة العلاج
عساه الصلاح ريلج
اعاني من مشكله مشابهة لج الله كريم ويحرمنا

 

[حبي نانو]

حبيبتي الله يرزقج يارب انا برايي خلي بنتج هي اللي تقوله ابي اخوان يمكن لما يسمعها منها يحس فيها اكثر لان الطفل الوحيد يحس بالوحده اذا ماعنده اخوه

 

[الغــــرور]

ولو العفووو ياقلبي....

احنا لبعض..... ونصيحه حاولي فيه يترك التدخين على الاقل وقت العلاااج ترى والله ياثر بشكل فضيع.....

واسالي عن احجامة خاصة بالتدخين..... تسحب من الجسم سموم التدخين .... الله يفكهم منها يارب.....

الله يقدرك ويسخرهم لنا يارب.....