(داوود -جميله) قصة واقعية ,ضحية مجتع البدوي والحضري

[ladeen]

حزة امتحانات يا جماعه
معذوره البنت
دراستها اولا
يمدحون الصبر
والكلمه الطيبه
شجعوا البنت بدال التحلطم
p:

 

[M!ss.q8]

بناات اللي تقول انها تشاارك في المنتدى
انا دخلت بروفايلها آخر مشاركه لها 16 \5 !!!
ان شاء الله المانع خير

 

[DooLy88]

ان شالله - عيل بحطها بالفيفرت وننطر- اشورانا؟؟

 

[الجرح الدفين]

لالالالالالالالالالالالالالالالالالالالالالال

حراااااااااااااااااااااااام عليجــــــــــــــ علقتينييييييييييييييييي وين الباااارت <<<

القصه تعذب << والله عيوني تغوورق <<

كمــــــــــــــــــــــــــــــــــــــــــــلي

 

[alloy]

awlaaaaaaaaaaaaaaaaaaaaaaa 6awalty 3algteeeeeeeeeeNaaaaaaa

 

[cup-cacke]

وييي وانا عبالي نزل بارت

 

[سارووونه22]

ننطر شورانه

 

[قلب نواف]

طوولتي

 

[DALLY]

بل شخباري

وينها راعية القصه

حييييل نطرنا

 

[كوين74]

عسى المانع خير تأخرتي وااااااايد وااااااااايد قلوبنا تقطعت حرام عليج

 

[ladeen]

الله بالخير

 

[lulwa-q8]

Sorry
ادري واايد قصرت بحقكم و مالي ويه
اهني سبب و ياليت تعذروني
http://www.q8yat.net/showthread.php?p=17547107#post17547107a

 

[FuTuRe DoC]

حبيبتي اول شي الحمد لله على سلامتهاا ما تشوف شر وان شالله ما تمر عليكم هالايام كللش

وبالنسبة حق القصه .. اذا فضيتي تكملينها كمليها .. ولا تتضايقين لان ظروفج كانت اقوى واحنا ما كنا ندري عن ظروفج فعذري اي بنيه على اي شي قالته

 

[so_what]

ولكمووو ناطرينج تكملينها :tek:

 

[Miss Cherry]

امبيه لا القصة عوار قلب



ماعمري قريت قصص بس طحت عليها هذي بالصدفة وبقعده وحده خلصتها صج عذاب

تكفين كملي بعرف شصار عليهم .. على كثر ما كانت متعاطفه مع جميلة كرهتها

 

[lulwa-q8]

البارت الأخير
​

داوود : انت من صجك ؟
حمد (باستغراب) : ايي ،و ليش جذي شاد حيلك !
داوود : لا لا ماكو شي

‫(‬ رد داوود بيته بسرعه ودخل على طول لغرفته وبطل لابه )

داوود(قاعد يكتب اسم عم جميله مبارك في موقع كويت لوك) : آه ياقلبي بس ،، آنا داوود ال… ينضحك علي ، الله لا يسامحج يا جميله

‫(‬ اخذ داوود العنوان بيت مبارك لان كان ناسيه و طلع لسيارته و لقى عند الباب ابوه)
سلمان : هوب هوب ليش هالسرعه
داوود : مستعيل عندي شغل
سلمان : شغل في هالظهر !!
داوود : اي اي شغل خاص ( وركب سيارته وراح للبيت مبارك)

‫(‬ نزل دق الجرس و طلعت له خدامه )

خادمه : شنو يبي ؟
داوود : وين سير او مدام؟
خادمه : منوو !
داوود :اووه، وين ماما ووبابا خلصي بس ؟
خادمه : مافيه احد كله روح دوام مافي بس ماما عبير
داوود : ناديها لي
‫(طلعت عبير لداوود و كلمته من ورا الباب)‬
عبير : نعم شبغيت اخوي ؟
داوود : جميله وين ؟؟
عبير : شنوو !!
داوود : ابي اعرف جميله بنت عمج ووين ؟
عبير : وانت منو عشان تسال عنها ؟
داوود(بصراخ) : انتي ردي علي وينها هالزفت!
عبير : لا تصارخ علي لا جمع الناس عليك ، وشوفها في بيتها
داوود : بيتها وين ! اهي صج تزوجت ؟؟
عبير : اي اي و حداد الحين
داوود : متى متى صار كل هذا ؟
عبير : جنك زوتها حجي يلا بااي
داوود : لا تكفين ردي علي وين اقدر احصلها ؟
عبير : شتبي فيها ! اكيد قاصه عليك هذي ارمله ياخوي وحامل مهي فاضية لك ، اخوي رد بيتكم قبل لا يجي ابوي وتصير سالفه
داوود : حامل ! لا لا شلون
عبير : يوه انت مطول
داوود (بعصبيه مسك الباب) : قوليلها داوود درى بكل شي وخلاص مابي العنوان
عبير : زين بس فاارق و سكرت الباب

( رد داوود البيت و الدنيا صاكه فيه )
سلمان : شفي ويهك اسود ؟ شنو اللي مضايقك
داوود : مافي شي يا يبا
سلمان : قولي صدقني كل شي له حل
داوود : اقولك عشان تروح تعلم خواتك ، لا شكرا
سلمان : خواتي شكو بالسالفه
داوود : مادري عنك كل مااقولك شي مثايل داريه عنه
سلمان :ايييه، آسفين و حقك على ، وانا شدراني انا قلت عماتك وعادي
داوود : عادي حصل خير، يبا تراني بتزوج
داوود : هذي ساعه المباركه ومنو سعيده لحظ ؟
داوود : لا بخلي عماتي يدورون لي
سلمان : على بركه الله


( العصر عبير ماصدقت اللي سمعته و راحت لجميله في بيتها اليديد )
جميله : حيالله عبير ، وينج ماتجيني
عبير : الله يحييج ، ماشا الله بيتج والله خلص بسرعه
جميله : لا دور الثاني توه بس هالدور هذا و السرداب خلصوا
عبير : ماتخافين قاعده اهني بروحج ! تبيني اعيش معاج ؟
جميله (ماصدقت افتكيت منج انا) : لا شكرا ماله داعي ، وبيت ام ناصر يمي وبينه بس باب
عبير : المهم انا جايه اوصل لج رساله ، والله اني ماعلمت احد عن اللي صار اليوم قلت ابي استرعليج بعد
جميله : تسترين علي ؟؟ وشنو رساله ؟
عبير : داوود يقولج دريت بكل شي و مابي العنوان
جميله (وقف قلبها من خرعه) : داوود !!! منو داوود
عبير : قولي لروحج و انا شعرفني
جميله : اكيد غلطانه لا لا
عبير : لا مو غلطانه اهو قال بنت عمج جميله
جميله : اهو وين جاج ؟
عبير : جا بيتنا و لا تحاتين نحشته عنج قلت له انج حداد و حامل
جميله (بصراخ) : قلتي له !!
عبير : يما شفيج استغفر الله الله يستر عليج بس
جميله : طلعي برا طلعي برا وانا هالداوود مااعرفه

(طلعت عبير و قعدت جميله تبجي و بعدها اتصلت على عواطف)

عواطف : الوو ، افا جميله ليش تبجين ؟
جميله : درى داوود ياعواطف شسوي ؟ شنو اقوله ؟
عواطف : انتي هدي بالاول، و شنو يعني اذا درى احسن عشان تبعدين عنه
جميله (تبجي اكثر): لا لا تقولين جذي حرام عليج احبه
عواطف : والله ياحبيبتي ماادري شنو اقولج
جميله : عطوف ابي منج طلب بليز لا ترديني
عواطف: طلبي ياقلبي
جميله : ابيج تروحين لداوود تكلمينه لي
عواطف : نعم! لا اعذريني جميله انا متزوجه و حامل بالشهر الثامن اروح اكلم رجال غريب ،لا لا اعذريني اخاف
جميله : تكفين انا مااقدر اطلع تكفين مالي غيرج ، هذا داوود ياعواطف داوود
عواطف : زين زين ، لو انه مو داوود جان مارحت ، بس وين احصله
جميله : انا بعطيج رساله مني له و ابيج تروحين شركه اللي اهو فيها و تعطينه اياها
عواطف : رساله ! شنو هنوود (تضحك)
جميله : الكلام بكون وايد ماينفع مسج ولاصار كلام بخطي بعد تكون لها معنـى اكثر
عواطف :ان شاالله، بس انتي شعرفج بشركته ؟
جميله : اعرفها عمي حمد فيها ، نسيتي قبل امره آخذ فلوس
عواطف : اييه صح ، خلاص باجر امرج اخذ رسالتج
جميله : عواطف لا تنسين تقولين له اني احبه
عواطف : مراسل مو عواطف ان شالله
جميله : الله لا يحرمني منج يااحلى رفيجه
عواطف : اذا بتدعين ادعي محد يشوفني ويعلم زوجي

( الصبح عواطف مرت جميله و اخذت منها رسالتها ، كانت رساله 5 اوراق وكاتبه فيها جميله كل اللي صار لها من خذت بدر لحد الحين وكاتبه سبب ليش ماعلمته)

( وصلت عواطف الشركه وسالت عن داوود لحد ماحصلته في مكتبه)
عواطف : السلام عليكم
داوود(يلعب بلاب) : وعليكم السلام، نعم اختي آمري ؟
عواطف : ادري داوود ماعرفتي متغيره انا (تأشر على بطنها)
داوود(ميز صوت) : لا لا عرفتج عواطف ، هلا آمري تبين اي شي من شركه ؟
عواطف : مايامر عليك عدو وانا مو جايه عشان الشركه ، انا جايه اوصلك هذي من جميله(حطت رسله على الطاوله)
داوود : مابينا انا وجميله شي ، وياليت توصلينها هالحجي
عواطف: جميله والله تحبك ياداوود
داوود: تحبني ! واهي تزوجت و فوق هذا حامل
عواطف : الظروف ياداوود ، بس انت عارف اهي عمرها ماحبت غيرك والله موصيتني اقولك انها تحبك
داوود : بسألج اهي من متى حامل ؟
عواطف : هي الحين بشهر 6راح تولد بعد ماتطلع من الحداد
داوود (عوره قلبه بعد اللي اسمعه) : ماتشوف شر ، وقوليلها هم آنا اعزها بس مو سهل اللي سوته
(قعد داوود في مكتبه يقرا رساله حيل تأثر فيها ووده يروح ركض يلم جميله )

‫(‬رد داوود البيت بعد الدوام ولقى عمته مشاعل وابوه في الصاله)

داوود : ها عمتي اهني ، بتغدين عندنا ؟
مشاعل : هلا هلا بالمعرس والله بجيت يوم قلت خلوا عماتي يدورون لي
داوود (يبتسم) : اي عاد دوروا لي شي سنع
مشاعل : تبي صراحه مالقيت كلهم مايستاهلونك ، جذي انا يايه لابوك و سألته بس موموافق
داوود :مو موافق على شنو ؟
مشاعل : بخطب لك مثايل يقول لا مو عارفه ليش والله البنت تينن
سلمان (مايبيها عشان سالفتها مع علي) : البنت تينن بس مو اللي يبي ولدي
داوود : اي اي مثايل لا
مشاعل : زين مريم شرايكم ؟
سلمان : مريم اي بس مو صغيره على داوود
مشاعل : لا بينهم 4 سنين ، ها شقلت يما داوود ؟
داوود : اوكي دام ابوي موافق وانتي عاجبتج عيل موافق
مشاعل (تيبب) : خلاص من باجر نروح لابوها و نخطبها

‫(‬ ثاني يوم راح سلمان ومشاعل و داوود اخطبوا مريم من ابوها)

ساره : مريم يما انا ادري انج دريتي ليش خالج ياي ، ها يما شنو رايج؟
مريم : ماادري اللي تشوفينه
ساره : لا تستحين يما هذا عرس اذا مو باغيه داوود حبيبتي عادي من الحين قولي
مريم ( ماودها توافق عشان اختها مثايل) : مادري يما
ساره : داوود احسن لج من البعيد وانتي عارفته
مريم : اوكي موافقه (تكلم روحها : اهم شي مصلحتي شعلي من مثايل)
(راحت مريم لغرفه مثايل)
مريم : مثول ترى آنا وافقت
مثايل: وافقي شسوي لج
مريم : انا اختج واعرفج بس شسوي ليش ارفضه مافيه عيب
مثايل : لا لا ماتعرفيني ، وكفوج داوود دلوع ابوه والله باجر يغثج
مريم (تبتسم) : اهم شي مو زعلانه علي
مثايل : لا مو زعلانه ومبروك (تلمها)

‫(‬ بعد ثلاث اشهر تزوجوا داوود ومريم وراحوا شهر عسل ، جميله طلعت من الحداد و كانت تو داخله تاسع ماصار له جم يوم، واول شي سوته من طلعت لحداد راحت شركه داوود)

جميله (في سياره) : عطوف انا الحين رايحه له الشركه الله يستر
عواطف : شنو تبين تقولين له ؟
جميله :مادري مادري
عواطف : زين امس تقولين حسيتي بعوار رحتي لمستشفى ؟
جميله : لا بعد ماوقف حسيت بتعب ونمت
عواطف : الله يستر اخاف تولدين قبل استقبالي
جميله : اي استقبال ؟
عواطف : طلعتي من النفاس
جميله : آهااا ان شالله اجي ، شلون صلوحي
عواطف : حمدالله كاهو عوب
جميله (تكلم سايق :منيه اوقف): الله يخليه لج
عواطف : تسلمين ويخلي لج للي بطنج
جميله : ان شالله ، يلا انا وصلت ادعيلي
عوطف : الله معاج ياقلبي
(نزلت جميله ودخلت الشركه سألت عن داوود وقالوا لها باجازه رايح شهر عسل ، جميله بعد اللي سمعته حست بضيقه وردت لسيارتها)
سايق : ماما روح بيت ؟
جميله (تبجي وتمسك بطنها) : لا لا روح مستشفى ، آي بطني
سايق : اي وواحد يروح؟
جميله (تصيح): اي واحد اي واحد روح بس

(ولدت جميله في ستشفى صباح و في غرفتها كان ام فراج وبناتهم و ام ناصر و ريم مرت ناصر و عواطف)

ريم (شايله البيبي) : ها شنو راح تسمينه ؟
ام ناصر : سميه علـى ابوه الله يرحمه
عبير : لا لا سميه على ابوي مبارك بعد عمج ورباج
جميله : لا بسميه داوود
عبير : ليش منو داوود! (بنبره سخريه)
جميله (طالعها و تبتسم) : بعد احب هالاسم
عواطف (تقرب لجميله وتهمس) : امس كلمتيه ؟
جميله : لا كان رايح لشهر عسل
عواطف : شنو ؟ يعني تزوج ، احسن عشان تنسينه و تعيشين حياتج
جميله ماسكه البجيه وتهز براسها لا

(بعد شهرين في يوم تهاوش داوود مع مريم و طلع مضايق ركب سيارته وقعد يقرا رساله جميله)

داوود : آه ، وينج بس ياجميله (طرا على باله يدز لها مسج برقمها اللي في موبايله حتى لو ماكانت اهي جميله بس كان بفضي اللي بقلبه ، وفي آخر مسج كتب ابي اشوفج واحبج)
‫(‬جميله وصل لها المسج وماصدقت ان من داوود دزت له هم آنا احبك و ابي اشوفك ، باجر ساعه 9 صبح مبنى كليه الآداب)
(داوود ماصدق ان جميله ردت عليه و تأكد انها جميله لما كتبت مبنى الآداب )

(الصبح داوود راح كليه الآداب ولقى مره منقبه شايله بيبي وواقفه مثل مكانه اللي كان ينطر جميله فيه)
داوود (يقرب شوي شوي منها ): جميله !!
جميله (نزلت النقاب) : شنو ماعرفتني
داوود : آه ياجميله ليش ؟ ليش ماقلتي لي ليش حرمتيني منج
جميله (تبجي) : داوود شنو اقولك ! اقولك اني محكوم علي ماآخذك لانك مو من قبيلتي
داوود : جان قايله لي على لأقل مو عيشتيني بالاحلام
جميله: سامحني ياداوود
داوود (يقرب منها) :انتي اللي سامحيني انا اللي خفت اتزوجج بره الكويت (باس راسها وشال البيبي)
جميله (تمسح دموعها) : هذا داوود
داوود : شنو ! حلفي ، اشووفه حلو
جميله : جد هذا داوود سميته عشان مانساك
داوود : ماراح تنسيني آنا بقلبج ، انا ان شا الله اذا كانت بنت بتكون جميله ومنو يدري يمكن اهم لبعض
جميله : زوجتك حامل ؟
داوود : اي ، بس والله يا جميله آنا مابي اللي انتي احبج
جميله : آحبك ، بس ما تنفع هالكلمه احنا مو لبعض (خذت داوود صغير منه وراحت لبيتها)
داوود و مريم تطلقوا لان بعد ماولدت سما البنت جميله مثل ماوعد واهي عارفه منو جميله فمارضت و طلبت الطلاق


وهذي نهايه داوود و جميله ماخذا للي يحبها و شريها لانه مو من قبيلتها !! الله يشافينا من هالتخلف
​

 

[cup-cacke]

اهو لووووووووووووووووووو الله يفكنا من هالعادات السخيفه احنا بخيييييييييييييييير

شنو فايدتها..دامها عذبت قلووووووووووووب..وشتت ناااااااس

حراااااام وربي حراااام

يعني ماااكو مجااال كلش يردووون لبعض<<ماتحب هالنهايات

 

[MeeMeeYoo_2]

امبييييه حراااام

يعطييج العافيه

 

[FuTuRe DoC]

انا لو تكلمت عن سالفه رفض الاوادم بسبة قبايل ومذاهب بكتب تقرير افررررررررغ اللي بقلبي كله من كثر ما انا منقهره
سوالف سخيفه!!!

مشكووووره حبيبتي على البااارت والقصه ..

 

[lulwa-q8]

اي والله شكوى لله
والحمد الله القصه اعجبتكم و اعذروني علـى القصور لاني حاسه كاتبه نهايه بسرعه بسرعه