دام اغلى مافي الكون انتي يآغبيه Π

[عروسة فوشيآ]

مدخل :

يسألوني ليه احبه حب ماحبه بشر
وليه انتي في حياتي شمسها وانتي القمر​

عينك00 وخصرك 00ورمشك00 والقرون السرمديه
كيف اغلبك دام صرتو خمسة وانا لحالي

بس عطني من هدب عينك رماح وبندقيه
بعدها والله مايصفى من الخمسه اقبالي

ووعدك لعتق هدبك لوجه خلاق البريه
شرطي انه عن سموم القيظ يصبح لي اظلالي

احسبٍ بعدك عن عيوني مثل بعد الثريه
وكنت اقول الله ياقربك وياسهل الوصالي

اثرك ابعد من سمى حلمي وانا يديني خليه
يابعد من ورثت دنياي من عــمٍ وخالـــي

والله اني ماخطيت ولا حصــل مني خطيــه
ولو خطيت اقطع لك اليمنى والحقها شمالي

خابـرٍ عقلــي رزين يــوم مريتي عليــه
ويوم قفيتي غديت ابلا فكر والعقل خالي

ينشدوني وين خلك قلت داره فووق قريه
والصحيح انك بقلبي مشغلٍ فكري وبالي

ليت قربك ماهو قرب الدار واقرب لي شويه
والا اقول احسن اوضح لك مع ضرب المثالي

مثل عمي فلان يصير ابوك وانتي له بنيه
كان والله ماغديتي لي مثل حلمٍ محالي

مرةٍ جيتي وقلتي وش كتبت اليوم فيــه
وقمت اقول اللي كتبته فيك يابدر الليالي

وقلتي ياحلو القصيده عيدها بالله ليه
واصلاً انتي لو طلبتي الروح جاتك دون مالي

لاتقولين عطني اغلا شي عندك لي هديه
غاليــه انتي ولاكــن أطلبك صعــبٍ ومحالي

دام اغلا شي في هالكون انتي ياغبيه
كيف انا بهديك نفسك ماتجي لو في الخيالي

شــف على كثر الغلا كلٍ تبرى من خويـه
وأنت لاهالحين الاول بالغلا ولازلت تالــي

وأنت ماتلحق جزايه لو تسوي بي كذيه
يعني لو تشيلني من فوق كفك بالعدالي

كل ماجاب العرب طاريك قمت افرك يديه
يوم اشوفك حــظ غيري وحلم والله مايطالي


حالــفٍ ماتوب عن حبـك لونك منت ليــه
لو تجيبــي بنت في عمري ماجنبت عنك حالي ​

 

[عروسة فوشيآ]

مخرج :


القى خيالك في خيالي واضمه
واشوف زولك بين رمشي وعيني











اتمنى تعجبكم القصيده

 

[M!SS.LOBY]

لاهنتي

 

[قوس قزح]

رووووووعه

يسلموووو

 

[Alice Cullen]

حلوه القصيده

بس اموت واعرف شنو يعني القرون السرمديه؟ هههههه

 

[جوري الصالح]

كـــلمـات
رااقــيــة
احســاس
جــمــــيل

 

[شموخ عتيبهـ]

الله الله
ابداااااع
لا هنتي غلااي :$