خيانه زوجي لي

[شمااايل]

السلام عليكم

خواتي الغاليات ساعدوووني قلبي منجرح من زوجي
اكتشف انه علي علاقه مع وحده وقريت رسايلها معاه بالواتس اب وهو حلفلي انها علاقه مصلحه بس الكلام اللي كان يرسله لها قهرني يدلعها باسمها ويقولها احبج انتي وبس وكلام

تعبانه نفسيا

تدرون انا وزوجي تزوجنا عن حب موطبيعي الحمد لله ولا زلنا بس انا شفت تلفونه بالصدفه وانصدمت حالتي حاله
رقمها معاي وعرفت اسمها من الرسايل

وش تنصحوني اسوي تعباااااانه والدنيا ضايقه فيني
ادعولي خواتي

تدرون ناويه اوزع رقمها بكل مكان عشان احرق قلبها ولادري وش اسوي

 

[ام العفالق]

مادرى شقولج اذا وحده مثل مصيبتج شتقول



مااقول الا الله يسخر لنا رياييلنا ويهديهم

 

[•Brown•Sugar•]

؟؟ قالج علاقه مصلحه ؟؟
بالله شنو يبي منها
شنو المصلحه اللي ينطرها

 

[أنسأنة غير]

لا حبيبتي لاتوزعين رقمهـآ ولاشي

واكبري بعين زوجك وقولي الي بقلبك لاتخبين أذآ خبيتي زيآدة راح تنقهرين زيآدة وقوليليه عرفت اسمها وانتي بهدآوه يعني لاتتهاوشين قوليله انا مقصرة معك ؟؟
الله يبعد هالاشكال عن زوجك قوولي أمين

 

[صادقة بكلمتي]

حبيبتي اول شي الله يفرج همج ويهديلج ريلج مهما كتبنا من مشاكلنا ما نقدر نحكم عدل على المشكلة الاسباب الي خلت ريلج يسوي جذي ممكن انج زينة بس مهملته وممكن العيب فيه اهو وممكن شخصيته جذي وممكن البنت ذيج لعبت عليه خوا كيد الحريم واكيد هذا مو عذر له وممكن العكس اهو لعب عليها لان بعد في ريايل الله المستعان فيهم اما انه يقولج مصلحه فلااااااااااااااااااااا شنو هالاسلوب الرخيص شلون قبل عليج يحطج بمثل هالموقف ما خاف من الله ولا لو عرفتي انج بتنكسرين وبتهتز صورته والشك بعيش معاج لو رد وصار مطووووووووووووع وانتي ما شرحتيلنا موقفج معاه شنو كان؟المهم لا تفكرين كلللللللللللللللللش اتهدين بيتج مهما صاراو تنااااااااااااااااامين بغرفة بروحج او مع اليهال علبو انج زعلانة منه ولا تفكرررررررررررررين انج ادقين عالبنية شنو ما صار ومنو ماكانت وشنو ماكانت اخلاقها او او او لانها ان كانت تعرف انه متزج فمابيهم شي لاعكس راح تحرج اكثر وممكن تسوي اشياء وايد علشان تخليه لها اومعاها وان ما كانت تعرف انه متزوج راح تفرح انها انتقمت منه بانج عرفتي لو بروحج عرفتي فنصيحتي لج اختي لا تقولين الحين حق احد وقوليله انت هزيت صورتج عندي وانا باخذلي جم يوم افكر بعمق بعلاقتنا وباللي سويته بس ما بقعد احصلك اعذار لانه اكيد ماكو عذر لكن يمكن اقرر شنو نوع علاقتنا بتصير وان اقدر استمر معاك بالحياة اكثر وخاصة بعد هذا اللي صار لانه الله اعلم ان كانت اول وحده او لا وان كان اللي بينكم بس مكالمات او في شي اكبر الله وحده يدري فبستخير واقرر فلا تقربني ولا تكلمني بحرف واحد ليما اخذ قراري من كيفي(طبعا هذا تهديد)بس وقوليلنا شنو رده وعلى اساسه نفكر مع بعض شلون بنحل السالفه لكن كل شي بهدووووووووووووووووووء وانا اقول قطي رقمها ولا تضعفين وتتنازلين وادقين لها مهماااااااااااااا صار حبوبة وتقبلي مروري بنتظارج والله يهون عليج

 

[FeShinGoOo]

ارفيجتي مثل مشكلتج بس المصيبه ان زوجها مسافر واهي شافت الرسايل بالايميل وتاريخهم قبل سنه وقاعده تاكل بروحها مافيها صبر ليما يرد .. اتقول اذا اتاكد انهم على علاقه بطلب الطلاق ..

بس انتي مادري كل حرمه وردة فعلها

 

[زوجة عزيز]

لا توزعين رقمها ولاشي لانج مابتستفيدين شي وواضح ان ريلج قاص عليها وشنو المصلحه اللي يبيها منها اشهالريال قولي له ماتخاف ربك خاف من الله خوفيه الله يعينج الصراحه

 

[last-moon]

الله يعينج حبيبتي انتي​

 

[Gatwa DaloO3a]

لا ، لا توزعين رقمها ... الغلط مو بس منها ..هي غبيه يمكن زوجك قاص عليها وقايل لها مو متزوج ..

يعني الغلط من زوجك المفروض يبعد عن سوالف المراهقيين والخرابيط خصوصا انه متزوج وعنده بيت ومسؤوليه ...

يعني قبل ما تلومينها هي ، لومي زوووجك اللي يسولف معاهااا وعاطيها وجه ..

لا وبكل عين قويه يقول لمصلحه ،، اي مصلحه اللي تحده يكلمها ويدلعها ! ..

 

[masoo 511]

الله يعينج هذا وانتوا متزوجين عن حب والله العيب في ريلج اللي ماحسب حساب للحب شنو يكلمها علشان مصلحة عذراقبح من ذنب تصبري وسكتي البنت يمكن ماتدري انه متزوج واذاتدري حسبي الله على كل وحده تخرب بيت غيرها بس بصراحة زوجج اهو الغلطااااااااان مالج الا الدعاء وناقشيه ليش كلمها نسى الحب والعشرة بينكم يرضى انج تكلمين غيره علشان مصلحة اللي مايرضاه على نفسه لا يحلله ويرضاه عليج الخيانة والطعن من الخلف اكبر اهانة وهذا الشي رضا يسويه فيج حب آخرزمن ادعي ربج الله يهديه وشوفي نفسج يمكن قصرتي معاه بشي والله يعينج

 

[Om.SoSo]

اي شي شنو المصلحه اللي يبيها منها
قولي له اذا تبي مصلحه تعال عندي انا ولازم تحطين حد لعلاقته فيها لا تكبر باجر وتصير علاقة ثانية غير المصلحه

 

[Australia girl]

الله يفرج همج يارب

 

[! بــدويه وآآيــد !]

،


مادري شنو قصد البنات لما يقولون لاتوزعينه واستري عليها !! هي استرت على نفسها ؟ سترت على اهلها ؟ على اخوانها وسمعتها لا هي داست على سمعتها وعلى بيتج وزوجج وانتي دوسيها كلها ولعني خيرها
اخذي رقمها وحاولي تجيبين اسمها وعنوانها باي طريقه وقولي لها بواجهج مع زوجي واذا ماجيتي بدق على اخوانج او اجي ب بيتكم
وقولي لزوجج شنو المصلحه الي من وراها ؟ معروف الجواب ومعروف الرجال شنو يبي من المره
قولي لاهلها وخلهم يربونها جلبه تكلم ومتزوج بعد وبتهدم بيت غيرها عمى بعينها > واحتراما لج مابي اطب بزوجج بس ترى اهو اخس منها يمكن اهي ماتدري انه متزوج لكن اهو مايستحي حط راسج راس وصخه بنت شوارع
​

 

[مارشميلو..]

لا حول ولا قوه الا بالله
لازم تواجهينه وتاخذين موقف قوي منه عشان يعرف غلطته ويعرف انك مستحيل اتهاونين بهالشي مره ثانيه
ولا ترى خلاص بيقول سكتت اول مره وبتسكت طول عمرها وبياخذ راحته وماعاد يصير لك حق بعدين تحاسبينه على شي
لانك سكتي ورضيتي
وبنت الكلب اللي ماتستحي وتكلم رجال سواء كانت تدري انه متزوج ولا مو متزوج جيبي اسمها اذا قدرتي هدديها انك بتفضحينها
بس طبعا لاتسوين شي ترى الغلط الاكبر هو على زوجك اللي ماكان مخلص لك وقاعد يخونك
الله يكون بعونك ويريح بالك ان شالله

 

[ربي سبحانك]

الله يهدي

 

[شمااايل]

الله لا يحرمني من خوات عزيزات علي


لكل انسانه خذيت من وقتها وردت علي مشكلتي الله يجزاها خير

ابشركم حليت مشكلتي لانه صار لي كم يوم وانا قاعده افكر واخطط وقلت الزم ما علي زوجي وعرفت المصلحه وهي الفلوس كانت تعطيه فلوس علي امل انه يتزوجها

طبعا صار لي كم يوم ما اكلمه ولاشي قايمه بكل واجباتي تجاهه من كل شي الا اني ما صادف اني قعدت معه بعد المشكله

ويكلمني وارد بكل هدوؤ بس لما اكون بروحي اقطع عمري من البكاء واقول ليه انا حلوه ومو مقصره معاه باي شي دلع ودلال وجمال الحمد لله واخيرا تواجهنا قالي يابنت الحلال انا غلطت واعترف وانا لجل الفلوس يمكن الشيطان قص علي باللحظه وتراسلت معها قلت ليه انت ما فكرت فيني وبكل مسج تكتبه ماخطرت على بالك حلف بالله ودعا علي نفسه انه مايعيدها ومسح رقمها مكل المسجات وانا والله يابنات ابكي وساكته

تدرون شنو قلت. طبعا الحمد لله زوجي فيه ايمان ويحافظ علي صلاته ولا براعي خرابيط ياربي لك الحمد. قلت له بالحرف الواحد

بامكاني اروح لهلي والا اتصل عليها واجيب عاليها واطيها بس هذا كله
مايهمني. ابي شي واحد بالظبط. تجيب القران وتحلف عليه انك تنساها وتمسح رقمها وبعدها والله ما عاد اناقشك باي شي تدري ليه


لانه خلاص بيكون بينك وبين ربك. وخاف الله فيني وفي اخواتك لانه بيوم يمكن اطيح انا والا اي وحده من اخواتك بواحد ما يخاف الله وربي يمهل ولا يهمل

وانت بتكون السبب

طبعا زوجي يخاف الله وقال هذي نزغه من ابليس والحمد لله ان السالفه باولها والله سخرج لي بالوقت المناسب وما فيه انسان كامل والا معصوم من الخطا
واعتذر وانا يابنات سامحته لاني اعتمدت علي ربي سبحانه واذا لاسمح الله وصار شي فيما بعد هذا بيكون امر الله لاني دعيت ربي وفوضت امري كله له سبحانه وتعالي


والحمد لله للحين ماخذه علي خاطري تعرفون حريم ونحب نتدلع لما يجي الموضوع بصفنا


احبكم والله يفرج همكم مثل ماربي فرجها علي اللهم امين


ويارب كل وحده تخرب بين زوجه وزجها انك تشغلها بنفسها وتفظحها بين خلقك اللهم امين والله يسخر ازوجتنا لنا ويسخرنا لهم ويكفينا شر ما في الغيييب

 

[مارشميلو..]

بس ترى مو عذر انه يبي منها فلوس شلون كرامته تسمح له انه ياخذ من مره فلوس ولا بعد مو زوجته ولا اخته وحده متعرف عليها انتي مقتنعه انه شي عادي؟؟؟؟؟؟؟
عموما الحمدلله ان المشكله انحلت
وزين تسوين تدلعي واثقلي عليه
لما يراضيك ويجيب لك هديه رضاوه بعد عشان يتووووووووووب
والله يوفقكم يااااااارب

 

[هيبة ملك]

والله مادري شقولج
أنا اقول كلميها وخليها تعرف انج زوجته وعيب عليها اللي تسويه

 

[هيبة ملك]

عفوا رديت ماقريت كلامج بالاخير
الحمدلله إنها انحلت والله لايفرقكم

 

[القلعة الذهبية]

ياربي شالون هالبنات تكلم واحد متزوج وتحر قلب مرته استغفر الله ماكو حيا خلاص