بنات أنا ضد مبدأ التنبش
( مع انه ودي أنبش وأفتش لكن أخاف من الصدمه ) أذكر اول مره أنصدمة فيها
كنت واثقه ثقه عميا فيه لو يقول الشمس تطلع من المغرب
وتروح من المشرق بصدقه .. لكن لما قالتلي وحده انه زوجي يكلم ماصدقتها
لكن كلامها كان يرن بأذني ..
ولما طحت عليه عليه ورب الكعبه
حسيت بشي يضغط بقوه على قلبي والله انه قلبي ينغزني بقوة
قعدة جم يوم أحس نفسي مخنوووووووووووووووقه من كل شي
واحس مثل شي ثقيل على صدري
لانه خيانته لي مع وحده أنا اعرفها وأحبها و
فاتحه قلبي لها ..
وهذي غلطتي اللي دفتة ثمنها ..
وبما أنه علاقتي مع البنت قويه .. وبما انها اتصير لي .. كانت تقوله كل شي عن اهلنا
وانا من النوع اللي ما أقوله كل شي ..
فكنت أنصدم يقولي سوالف أنا متأكده أني مافتحة حلجي ولاتكلم ولاقلت له عنهم
خلاني أوسوس واشك بنفسي
ولما اقوله بسم الله اشدراك يقولي أنتي نسايه أنتي كله تنسين .. يبا شفيج انتي قلتيلي!
وبعدين عرفة انه هالبنت اهي اللي تقوله كل شي .. وفي أشياء تصير لأهلي كان يعرف قبل لا أنا أعرف
يعني شوفوا المسخره !
مثل مره هالليي يكلمها كانت تبي تسوي عملية تجميل ..
فـ مره كان يسولف معاي ومادري شلون فتح موضوع
عمليات التجميل .. وقالي شفتي فلانه .. عندي احساس قوي انها بتسوي خشمها
قلت له لا لا لا ماعتقد أمها شديده ولاترضا بهالخرابيط .. قالي الايام بين احساسي وبينج
وفعلا ً ما عدا الشهر الا وهاللي مسويه عمليه لخشمها ! كان يقولي شفتي احساسي
واحيانا لما يصدمني بأشياء يقولي على ضحك هذي الحاسه السادسه اللي عندي !
المهم بعد الخيانه .. اشياء واااااااااايد تغيرت خلته يتغير وايد معاي ..
صج اني سامحته بعد ماطلعة عيونه .. بس مادري
كنت امووووووووووت فيه
كنت أبديه على نفسي
كنت أداري زعله مع انه احيانا يكون اهو الغلطان بس
ياكثر ما عديتها له وبالاخر كان يطلعني الغلطانه
الحين بعد الخيانه .. ما أحبه ولا أكرهه .. وتعلمت من الدورات والاستشارات :
1: اذا الوحده خانها زوجها , ماينفع تواجهه بنفس اللحظه لانها تكون ( ضعيييفه ومكسوره )
ويمكن يقلب الموضوع عليها ويمكن يكون وقح معاها فـ يبيلها تفكير وتخطيط للمواجهه , لسبب
وهو أنه بعض الازواج اثناء المواجهه يستحي من فعلته .. فيحلف انها نزوه وانه ماراح يخون
وبعدين يرجع لخياناته ( وكل ممنوع مرغوب ) فيشتاق لشعور واحساس اللذه والمغامره
خصوصا اذا كانت الدخيله ذكيه وقعدة تفكر شلون ترجعه لها .. فعشان جذي لازم الوحده
تفكر قبل المواجهه وتخطط انها ترجع زوجها لها كـ (
محب ) , لان فرق لما الزوج يرجع
ويحس بحبه لزوجته فهذا يرجع بأقتناع ,
وفرق بين اللي يرجع بطلب من الزوجه فيرجع لها واهو كارهه هالرجعه
2: انه الوحده ماتخلي زوجها رقم 1 بحياتها .. لانه رقم واحد دايماً تأثيره قوي
ان جفا او خان او انكر معروفج .. تأثيره راح يكون قوي .. اما لو كان رقم 3 او 4
تأثيره راح يكون أخف .. فالوحده لازم ترتب اولوياتها بالنسبه لي حالياً هذا ترتيبي
رقم (1) امي وابوي / رقم (2) نفسي / رقم (3) عيالي / رقم(4) ريلي
3: اذا كانت خيانة الزوج بالـ ( واتساب , b.b.m , مواقع اجتماعيه , مسنجر , منتديات )
الزوجه بهالحاله لازم تشغل الذكاء الانثوي وتشوف
وين الخلل في زوجها ؟
شنو اللي يحب بالانثى؟
شنو اللي يشده لها ؟
اذا عرفة الزوجه اجابة هالاسئله وقتها راح تعرف شنو اللي يشد
زوجها لـ هالدخليه .. وبالتالي تسوي الشي اللي يشد زوجها وتسحبه لها بهدوء ..
4: الرجل مخلوق بصري .. مراكز الابصار عنده اقوئ من المرأه .. بالاضافه الى انه بصري
فهو مخلوق ملول عيونه بسرعه تمل .. فعشان جذي الوحده ضروري تحرص على التجديد والتغيير
فالوحده لازم تجدد بشــــــــــــــــــرط ( لما تجدد
ما تسأله عن رايه بالتجديد ) مثلا صبغتي شعرج
لاتقولين له شرايك باللون ؟ حسسيه انج صبغتي شعرج لنفسج
لماتسوين اي شي لاتسألينه عن رايه حسسيه انج تسوين هالشي لنفسج
وبالنسبه لتغيير لستايل .. اذا ماعرفتي تغيرين ستايلج
اختاري وحده يعجبج ستايلها .. وتسوقي معاها وخليها تختار لج على ذوقها
5: العازب لما يوصل لـ ( زنا) فالهدف غالبا ً هو الاشباع الجنسي ..
اما المتزوج لما يخون ( نادرا ً ) مايكون سبب الخيانه هو الجنس .. لانه هالناحيه
مشبعه بالحلال .. لكن يخون بغرض ( الاشباع العاطفي ) والاشباع العاطفي كلمات
تعبيريه يعني تحسسينه انج معجبه فيه , وفي افعاله , وفي ذوقه , من الاخر تحسسينه
برجولته ..
وايد نسمع زوجات يتألمون لانه الزوج مايحسسها بأنوثتها او ماتحس بأنوثتها معاه
الرجل بالمقابل يحب اللي تحسسه برجولته .. ويتضايق اذا شريكة حياته ماتحسسه برجولته
وسبحان الله المرأه عندها قدره على التعبير
وماتستصعب الكلام بالعواطف والمشاعر بعكس الرجل يستصعبون الكلام والتعبير بالعواطف
مثال توضيحي :
* الحريم عادي عندهم لما يتكلمون يقولون حبيبتي , حياتي , ياقلبي , فديتج ماتقصرين , تسلمين بعد قلبي سواء يعرفون بعض او مايعرفون بعض شوفوا ردودنا بالمنتدى مانعرف بعض لكن هالكلام متعودين نقوله ومانستصعبه لانه هذي طبيعة المرأه فالمرأه تحتاج للكلمات هذي
لكن الرياييل لما يكونون مع بعض كلامهم يالوحش , يالكبير , يالعود , هلا بالزعيم , هلا بالكنق
الخ .. ( ينفشون ريش بعض ) لانه هذي طبيعة الرجل فالرجل يحتاج للكلمات اللي ( تنفش ريش رجولته ) <== عاد فهموها
والكلمات اللي تبين اعجابج فيه يحتاج يحس بالثقه
بالتقدير بالاعجاب
ولانه المرأه عندها الكلام أسهل من شرب الماي .. فـ اهي اللي تغوي الرجل والرجل بسهوله
ينتشي لهالشي عشان جذي بأيات الزنا الله بدأ بالانثى قبل الرجل فالله سبحانه عارف خلقه وعارف بأنه بالعلاقات المحرمه المرأه أهي اللي تبدي واهي اللي تعطي اشاره للرجل بأن يتقرب لها فإذا كان الرجل متزوج وغير مشبع عاطفيا + ايمانه ضعيف .. بسهوله ينجرف لها والشيطان مايقصر
يحليها بعين الرجل ..عشان جذي كل وحده لازم لازم لازم تروي
حاجة زوجها العاطفيه
الزبده عند الخيانه : المرأه هي من تسحب الرجل وعشان جذي الله سبحانه في ايات الزنا بدأ بالانثى لانها الاقوى بالتأثير ولانها الساحبه للرجل
وبأيات والخمر وقتل النفس وترك الصلاة بدأ بالرجل والله اعلم بخلقه ولله في خلقه شؤون
6: الله فطر الريال على الكدح والقوه.. فالريال فطره فيه انه يحــب يتعب على الشي .. يتلذذ اذا خذا الشي بتعــــــب .. اما اذا الشي وصل لي عنده ( يــــــــــزهد ) فيه , ومايحس بقيمته لانه (ماتعب)فيه
فالزوجه اللي تلحق زوجها (هذي تخالف الفطره ) لانه الرجل هو الصياد وليس المرأه
لكــــــــن الزوجه الشاطره اهي اللي تسحب زوجها لحضنها بدون لاتحسسه انها سحبته
تسحبه ( بأنوتثها + رقتها+ نعومتها )
مثلا : اذا كان يشوف التلفزيون شوفيه معاه وأنتي منسدحه / منبطحه
لانه هالحركه مثيره للرجل .. طبعا ً لما تنسدحين تكونين مضبطه نفسج تنسدحين بشكل انثوي
لما تسولفين معاه بأمر يخصكم .. مسكي ايده وشدي عليها هالشي مهم بغلة الجسد وتزيد القرب بين الزوجين وتعيد برمجة الاحترام والتقدير بينهم هالحركه تخلي الزوجه الاولى بحياته
لما تسوين شي غلط ويزعل .. لميه/ ضميه وبوسيه على يبهته/ جبهته بجذي تحسسينه انه له قدر عندج .. بحركه ممكن تخلينه يركض وراج وسبحان الله هذي سنة الله انه الرجل يركض ورا الأنثى
فالوحده لازم ماتلحق الزوج لانها بجذي تخالف الفطره وبالتالي يزهق منها
كلام وايد بقلبي ودي أقوله
لكن نصيحتي لكــــــــــــم :
لا تفكرون مجرد تفكير انكم تنبشون وتفتحون مجال لشيطان يدخل بينكم
الله سبحانه قال ( ولا تجسسوا ) والله ما يحرم شي الا فيه أذى وضرر
واذا اكتشفتوا الخيانه .. قبل المواجهه فكرووو
صج ان الخيانه وحده .. لكن اللي يوصل للزنا .. هذا طريقة التعامل معاه
غير عن اللي بس مكالمات وصور ,,
الثاني ممكن بعد ماتستعينين بالله .. وتحاولين تكونين هاديه , وتختارين الوقت المناسب
وتقولين له مثلا :
يافلان مابي تبرير للي صار ,البنت اللي تكلمها ماظن تترس عينك
اللي ترسلك صورها بهالسهوله ممكن غيرك يحصلون عليها ببساطه
وأدري انك كرجل ماتحترم اللي تبيع ثقة اهلها
وادري انه فيك الخيــر
فخلنا نبتدي صفحه صافيه تبدي بأسم الله ( يعني يحلف انه بيفتح صفح يديده وماراح يكرر الغلطه )
وبالاخير قولي :ترى لما اخترتك أخترتك عن قناعه بأنك الشخص اللي بعد أبوي يستحق يكون
ولي أمري و ولي أمر لعيالي وبعدها بوسي راسه وضميه لصدرج .. املكيه بحنانج عشان يرتقي بفعله
( هــــــذا مثال .. ومـــــــــــــــايصلح لكل حالة خيانه )
وتأكدوا انه الانسان ضعيف وضعف الرجال (النساء)
وانه الوحده لازم تثق بزوجها لكن تثق فيه بحدود
والشاطره اللي ماتنطر الزوج يخونها عشان تتغير
الذكيه اللي تعطي زوجها جرعات الوقايه واهم جرعه الاشباع العاطفي
:eh_s(7):
