خيانة + ديون

[ام حسين 80]

بقولكم اخر التطورات
واجهته بخيانته و اعترف و غير رقم تلفونه عشانها
الحين قاعدة تفكر ان ترفع قضية نفقة عليه بالمحكمة
صحيح ان ما قام يكلم بنات بس الديون للحين موجودة و المصرف قليل حيل لها
اشرايكم ؟؟

 

[om MaRyooM]

لا ابد مو حل الطلاق
لازم يكون اخر حل واخر منفذ في حال استنفذت كل الطرق

لأن عندها 4يهال !


وصراحة غلطتها عطته اللي وراها وجدامها
للاسف الرياييل جذي طبعهم ... ان فديتيهم بكل شي باعوج برخيص

بس الحين لازم تواجهه ويحطون النقط ع الحروف وتكلمه بحزم وتزعل منه بطريقتها وتخليه يبوس ريلها عشان ترجع علاقتهم احسن

وهذي بطريقتها الخاصة ان كانت تعرف نقاط ظعفه لأن المفروض ان كل زوجة عارفة مفاتيح زوجها

 

[Patcholli]

بعد شراينا ..!! هذا مو ريال حسبي الله عليه مابي اسبه

والله مادري شنو لازم تسوي بس لازم يرد حقوقها قبل لاتطلب الطلاق حرام تتطلق ويظل الدين على ظهرها

 

[miss swan]

غلطتها الصراحه بدال لايصرف عليها تصرف عليه
ولو انه الموضوع قديم بس لو انا مكانها اطلب قضية نفقه اضمن حقي وحق عيالي
اما اهو خل يقعد على الحديده​

 

[k.k.k]

اذا لم تستح فافعل ماشئت
الله يعينج حبوبة الزمي الاستغفار وربج كريم سبحانه يحلها لج من حيث لا تحتسبين

 

[k.k.k]

بقولكم اخر التطورات
واجهته بخيانته و اعترف و غير رقم تلفونه عشانها
الحين قاعدة تفكر ان ترفع قضية نفقة عليه بالمحكمة
صحيح ان ما قام يكلم بنات بس الديون للحين موجودة و المصرف قليل حيل لها
اشرايكم ؟؟

الحمدلله سبحانه مغير الاحوال:eh_s(9):
بس ما انصحها بالقضية دام ترك البنات و ماتبي تتطلق شله رافعة قضية على زوجها و هي عايشة معاه كلش مو حلوة ودام تجرات وواجهته على سالفة البنات خل تواجهه بسالفة الديون ويسدها عنها حتى لو اخذ قرض كيفه :eh_s(10):-

 

[يكفيني حنانك..]

لاتعطيه ولا قرش بعد اليوم
وخليها تقراء كلام اختنا فوفو

 

[*آسوومه*]

كلهم غلطانين
و غلطها اكبر << اتمنى ما تزعل
لان الريال يتم ريال
و هو الملزوم بالصرف و هالاشياء
و مثل ما قالت فوفو الريال يعرفون يدبرون عمرهم
و من الاساس لازم ما تراكم ديون ع عمرها
و لا تسوي نفسها سوبر وومن
يعني تقوم بواجباتها + الصرف !
لا الصرف اصلا ع الريال من يوم انوجدنا
لو كان حافي منتف
اصرف ع قدي
ف لو انا مكانها
و الله اخذ حقي منه ثالث و مثلث
اقعد ع قلبه
و احسفه ع اليوم الي فكر يطلبني فيه
اعطيه جافي
احسسه بقيمتي
اتغير عليه
اخليه يطر من الدريول عقب ما كان ياخذ مني
ولا احط يدي لا ف بيت ولا عيال ولا شي
ماصرف الا على نفسي
هو ملزوم بالبيت و فاللي بالبيت من عيال و خدم
ادري ماهي سهله
بس مب مستحيله
يبي لها صبر و طوله بال
و عسى الله يريح قلبها و يهديه

 

[انثى عاشقة]

ابحثي في قوقل عن قصة ام بسمة مع الدكتورة ناعمة الهاشمي
تنطبق عليها قصة صديقتك تقريبا
وراح تعرفين الحل المناسب من القصة ​

 

[قلب طفـــله]

يخون ويغازل ومفلس وع الحديده بالله هذا منه فايده ؟ هذا بيربي عياله بيربيهم على شنو ؟ الحل بايدج وانتي عارفه شنو اهو اهلج وعزوتج موجودين وصدقيني عيالج مابيموتون من اليوع ياما عيال عاشو بدون اب وتربو عند خوالهم وامهم وشوفيهم رياييل وتربيتهم احسن تربيه ! موفقه

 

[قسى قلبه وخلاني]

خلها تواجهه

 

[yam_yam]

الله المستعان