خيانة + ديون

[ام حسين 80]

السلام عليكم

بقولكم مشكلة رفيجتي و ان شاء الله الاقي عندكم الحل السليم


رفيجتي متزوجة من 10 سنوات و عندها 4 اطفال
البنت عطت حق ريلها وايد شغلات من صحتها و وقتها و فلوسها و عاشت حياة كلها ديون بسبه ريلها و كانت تتسلف من الناس علشان تمشي حياتها الزوجية لان على ظهر ريلها قروض كثيرة و حتى راتبها ما كانت تتهنى فيه او تستانس و كل معاشها قاطته على بيتها و عيالها و ريلها

البنت لاحظت ان ريلها ما يقرب منها من فترة و صاير مفلس زيادة عن اللزوم بالفترة الاخيرة و اخيرا طاحت على تلفونه فيها برودكاست حق بنات و الله العالم ان كان معيشها بقروض و تسلف طول هالسنين و يقط فلوسه على البنات و تارك زوجته تتسلف حسبي الله و نعم الوكيل

الحين رفيجتي ما تدري شتسوي و محترة منه حدها معيشها بديون سنين طويلة و يصرف على البنات و الحين مفكرة بالطلاق

شرايكم بالريال اللي تصرفاته جذي ؟؟ و هل الطلاق هو الحل ؟

 

[ام فواازي]

الطلاق مو حل عندها 4 و اذا اطلقت من بيتحملهم اوكي اهلها بس بيتعبون خليها بيتها و تواجهه بسوالفه واذا شافت مو خايف منها ولا معبرها تدخل رجالها ابوها اخونها اذا ماكو عمامها خوالها

 

[لوفيه]

لاحول ولا قوة الا بالله

يحر القلب عسى الله يمسح على قلبها

اذا تفكر بالانفصال اول شي لازم تلوع جبده

وتقهره مثل ماقهرها تخش فلوسها واذا طلبها

تعطيه طاف ...... مو كفو والله العظيم

ذابحه عمرها بالتسلف واهو مستانس مع بنات ابليس

وااااي الله يعينها

 

[om '3ala]

حسبي الله و نعم الوكيل فيه

انا اقول يا تواجهه و تعطيه فرصه ثانيه تو تنطره يردلها فلوسها و تنفصل هالانسان اللي جذي برايي مو كفو عشره

 

[فلنتينو]

ياربي شهالرياييل مامنهم فوود بس عوار قلب ع الفاضي

الله يعينها

 

[فوفو22]

لما الزوجه يتسلف منها زوجها

اقل شي تعرف

ليش بيتسلف ؟؟؟

وكانت راضيه بالوضع والضيم والظلايم والفقر والحسره

بس لمّا الموضوع صار في بنات

تغيرت الحسبه

******************

حبيبتي ....اخذيها نظريه مني وشفتها كثير بمنتديات ورسايل خاصه


معظم الازواج المديونين او يمرون بمشكله

كبيره ......وزوجاتهم توقف معهم بقوه

يبحثون عن امراه اخرى ....حتى يحسوا برجولتهم وقوه شخصيتهم

انا اقول معظم مو كل

فرايي الطلاق مو حل

الحل توقفين ماي زمزم اللي فتحتي له كل ما طاح بمشكله وتعرضين ويهج مترين للناس عشانه

خلي هو يتصرف .....الرجال يعرفون يتصرفون اكثر من الحريم

ولكن اذا صادفوا زوجه طيبه وتحل المشاكل ......قطوا الجمل بما حمل

فوفو

 

[softlady]

عقب هالتضحيات تتطلق؟؟

انا اقول تعيش لنفسها وتصير انانيه شوي خل يحس

الطلاق يخلي تعبها يروح لوحده ثانيه

 

[aljori]

الحل السليم بنظري
تروح لبيت اهلها مـْْْ•̣̣̥·̩̩̩̥•̣̥ـْْْن غير ماتعلم اهلها انها زعلانه
بس تبين له انها زعلانه وتقوله قبل ماتمشي تصرف
علي وعلي عيالك وراتبي لي مالك حق فيه ولا تطلب
مني ولافلس
تبي كذا زين علي زين ماتبي ماتشوف شر
ولايقرب لها احسن وابرك لها شوفيني زوجي يروح
للوصاخه وجاب الوصخ لي
احسن لها خليها تقوله تحلل ش تبي فيه
او يقرب منها وهو يمكن جاي له بلا منهم
الزبده خليها تكون معاه صارمه
وتليفونه لارقم سري ولاشي ويحترم نفسه وزوجته

 

[اميره1980]

اذا عندها عيال مشكلة وين بيروحون ؟
اهلها بيستحملون عيالها طول العمر ؟؟
لازم تفكر زين قبل لا تتخذ قرارها
ختروح حق محامي شاطر و تسأله عن وضعها ووضع عيالها

 

[a7la_7b]

لما الزوجه يتسلف منها زوجها

اقل شي تعرف

ليش بيتسلف ؟؟؟

وكانت راضيه بالوضع والضيم والظلايم والفقر والحسره

بس لمّا الموضوع صار في بنات

تغيرت الحسبه

******************

حبيبتي ....اخذيها نظريه مني وشفتها كثير بمنتديات ورسايل خاصه


معظم الازواج المديونين او يمرون بمشكله

كبيره ......وزوجاتهم توقف معهم بقوه

يبحثون عن امراه اخرى ....حتى يحسوا برجولتهم وقوه شخصيتهم

انا اقول معظم مو كل

فرايي الطلاق مو حل

الحل توقفين ماي زمزم اللي فتحتي له كل ما طاح بمشكله وتعرضين ويهج مترين للناس عشانه

خلي هو يتصرف .....الرجال يعرفون يتصرفون اكثر من الحريم

ولكن اذا صادفوا زوجه طيبه وتحل المشاكل ......قطوا الجمل بما حمل

فوفو

نفس الكلام اللي بقوله والمواجهه هي أهم شي بالموضوع وكل ماقال ابي المفروض تقول ماعندي

 

[sh_mashael]

الطلاق مو حل

و اهي الغلطانه عطته وايد و اهو مايستاهل

الحين الحين اتغير من طريقتها بالتعامل معاه

و ماتعطيه و لا فلس
و تهتم ابـ نفسها

و زوجها مو كل شي في حياتها

الله يعينها

 

[G!RLooNa]

في حريم بتصرفاتهم جنهم اهما يقولون حق الريال تفضل خوني و لا تزوج علي!

نفس اللي كرتها عند ريلها و اهوا يتصدق عليها من معاشها! لي طق فلوسج و تزوج فيهم و لا قعد يصرفهم على بنات موتوا قهر ذيج الحزه فوق قهر الخيانه ان خان بفلوسج و رضاج ليش تصرفون عليهم ليش تتسلفون لهم الوحده تساعد ريلها بس ما تصرف عليه طول عمرها و لا تخليه يستغلها و يستغل راتبها :|

 

[سمر شمر]

تواجهه تعرف وين راحت الفلوس اللي يتسلفها منها

واهيا كل ماقال لها مفلس تعطيه لازم تعرف حق شنو يبي مو على طول هاك

وان ثبت انه يخونها تبيعه بفلس هذا ناكر عشرة مايتعاشر باجر

يبليها اهيا واعيالها بمرض من جلبات الشواارع الرخيصات (حشاااكم

 

[الحلوه معاكم]

السلام عليكم بنات

طبعا الكثير منا يعرف موقع روعة السعادة الزوجية النسائي
الى اصلح كثير من الامور الزوجيه والاسريه وحل اكثر المشاكل العامه والخاصه

مابي اكثر عليكم بالكلام بس ابي اطرح لكم رابط المنتدى حق لى ماتعرفه


ومحتاجه لحل مشكلتها الزوجيه او الخاصه او العامه
والتثقيف الزوجي بكل اموره ​

اضغطي هنـــــــــا روعة السعادة الزوجية النسائي​

 

[sunshine22]

الله ييمسح على قلبها


حسبي الله ونعم الوكيل باللي ما يخاف ربه

 

[دلوعة أبوهآ]

آلله يعينهآ ..

 

[~ام خالد~]

الله يكون بعونها ويسهل امورها

في البدايه لازم تواجهه وتخليه اهو اللي يقرر حياتهم
اذا وعدها ان يتغير اهي بعد تتغير تقط عليه كل المسئوليات
بعدها اذا ما شافت تحسن
تخلي احد كبير يتدخل

والله يسخرهم لبعض ويبعد عنهم عيال الحرام

 

[((غلاي))]

الطلاق مو حل لها

الحل توقف البنك الي قاعده تعطيه منه كل شهر
ماله داعي
مديون عليه قروض مايستاهل انها توقف معاه
في رياييل يستاهلون
بس هذا لا لا لا لا
توقف السبيل الي كل شهر
و معاشها لها هي بس

 

[om al ghaleen]

الله يعنيها ويصبر قلبها
وهذا درس حق كل وحده تدخل حياه يديده
وتتزوج ..
ميخالف نأمن نفسنا لرياييلنا بس مو بالشكل هذا
يعني مره قلت لا فلوسي لي حقي اتصرف فيها من غير
تدخل اهلي او زوجي
ووحده ردت علي قالت انتي انانيه وانتي ماتحبين ريلج
قلت لها انا مو انانيه انا ايمع لنفسي باجر احتاج
خصوصا احنا الحريم مشاكلنا ياكثرها

الوحده تصير حاتم الطائي على ريلها ماتدري انها بتنذل
بعدين وبخونها ..,,

والله ترا الريال كثر ماتعطينه يجحد
الحل ماتتطلق الحين ويتم الزواج رسمي
بس هجريه في بيته خل يتأدب ويعرف قدرتج
واذا ماعجبه اهو خل يطلق علشان تاخذين حقوقج كامله
العن هالزواج اللي مامنه فايده ..

\\\

 

[زوجة عزيز]

لا تعطيه ولا فلس من راتبها وخلا تواجهه احسن حل ولازم اتعرف وين يودي فلوسه ولا تخليه يتخلى عن مسؤولياته لانه مو كفو الصراحه وطلع مو قد الثقه الله يكون بعونها ويساعدها صج حره وقهر