خوفي من انتقام الخادمة نصحوني

[um katkot]

اليوم ثاني يوم لها بنات والله محتاجتها بقزرها معاها لي عقب العيد و الا انا ما ابيها و لا طايقه اشوفها عيل قالولي وصلت ادورها بالبيت مو لقيتها رايحه تسير على الخدم لقيتها بغرفة نوم مرت حماي تخيلو المنظر قاعده تسولف مع خدامة مرت حماي و ذيج لاهية قاعده تصفط هدوم و ماسكة بيبي و مرت حماي قاعده تقولها طلعي بره حاقره
تمنيت الارض تنشق و تبلعني
قلتلها شتسوين اهني و طبعا لا سلام و لا كلام طبشه و ربي دبشه
استغفر الله العظيم
و قلت لها روحي ارتاحي توج يايه بالطيارة و تعالي عقب الفطور نظفي
و يات على حزة الفطور قالت خلاص شبعت نوم بنظف
اوكي عقب ساعة اختفت ادورها جان تقول بروح اكل اوكي
بس قلتلها خلاص تروحين كل يوم نفس الحزة تاكلين مو كل ساعة نازلة باكل
و عندها موبيل صوت الرنة حاطة اغنية شاقة من كثر ما معليته قلت لها هذا ما يصعد معاج فوق البيت خليه بغرفتج انا ادق عليج اذا ابيج شحقة يايبته معاج فوق
و لما تنزل ادق عليها كله ما ترد تقول حاطته صامت
و ما تسولف جنها زعلانة جان تقولي مدام وايد عندنا مشكلة بالفلبين
انا اطالعها يايه قاصة الشعر ذاك الكاري الطيب و الويه تان و متنانه و مصبغة الاظافر
حقرتها
بس يخلص رمضان هذي تروح مكتب و اخذ بدالها وحده الحين 10 اواخر وين اخذ وحده اعلمها من اول و حوسه و مو من اول مره ما يندرى شنو تطلع لغاية ما القى وحدة زينة
انتو بنات شجعتوني اني اخليها تولى و الحين ريلي اصلا ما يبيها لايعة جبده منها هي تقعد بغرفة الخدم تحت لما تصعد و ادش عندنا البيت ما اطق الباب كله ادرعم جم مره ازفها ما تستحي
اي لقيتها الصبح تكنس السيراميك بالمكنسة تقول مالها خلقشكلي بحط لكم يومياتي معاها هاهاها

 

[TeAcHeR_BeZaRiN]

واااااااااااي حريتيني اشلوووووووون تسمحين لها اتمشي كلامها عليييييييييييييييييييييييج !!!!!!!!!

انتي مو قلتي لها ما اتين المفروض اتكنسلون اقامتها عشان ما تقدر تدخل اشفيييييييكم


جذي مخليتها اتسوي الي تبيه وانتي بس تحترين وتتفرجين !!!!!!!!!!!!!!!

 

[هجووورة]

تبين الصج يالغاليه
انت غلطتي انج عطيتيها تذكرة ذهاب وعودة مع انج كارهتها
نصيحتي وديها المكتب وارتاحي من الصوبين الاول انج تخلصتي منها والثانية انج ماقطعتي رزقها اذا كانت صاجه

 

[um katkot]

ما اقدر اكنسل اقامتها يحتاجون الجواز و اقامتها تونا مجددينها لي 2011 و عقب سافرت لأنها كانت يايتنا من بيت ناس
لازم ترجع يقول زوجي قزري فيها رمضان و عقب العيد تذلف بنات انا فتحتلي يوميات في قسم فرفشة و سوالف بس عشان انفس من هالسالفة
تخيلوا داقه على خالتي ام ريلي تقولي فكينا من شرها
طول النهار بمطبخي تقرق على الخدم و ما اتجيس عود و صوتها عالي
و ما تخليهم يشتغلون اقولها ذلفي نظفي عند معزبتج تقول خلاص ماكو شغل
انا رجعت من الدوام الشقة نظيفة بس لما اطالعين عدل لا الا وسخه وسخه شغل تنظيف من فوق لي فوق و شغل عيله عشان تروح تقعد ويا خدم البيت عيزت وازفها
امس لقيت بالفريزر دياي مو من بيتنا
الاخت فاجه الثلاجة تحت و ماخذه على كيفها بيت ابوها حق بلعتها والله فشلتني و حرتني
دقيت على خالتي قلت لها اذا شفتيها تحت و الا سمعتي حسها تزفينها تصعد و اذا عاندت دقي علي انا اعلمج فيها الحمارة
و امس من عقب الفطور راحت غرفتها ادق عليها حاقره قلت يمكن حمام و الا تسبح لا طبخ و لا غسيل مكود غاسلة بس غسلة وحده
شغل بربس مقزرتها
يعني لو تقولين نازله تحت ما عندها شغل يمكن هالشي يشفع لها لكن هم بعد ما عندج شغل وايد و مو مسويته و نازلة بعد
اووف المهم قعدت ادق عليها ما ترد لي الساعه 11 بليل قلت خلاص باجر انا اعلمها بس نزلت تحت لقيت خدامات البيت قاعدين جان اقولهم هذي مو مطولة البيت وصخ و الغسيل ولا هي اللي نازلة تساعدكم ما تستحي البيبان غبار و الثلاجة في اكل معفن ليش جذيه كل شي تبي انا اعطيه بس انا اعلمها باجر
اليوم ما مداني اكلمها امي طلبتها طرشتها لها مع سايق اهلي تساعدها عشان عندها عزيمة بس نرجع البيت اتفاهم معاها انا اعلمها صج بتقعد لي العيد بس تقعد باحترامها الهبله تصرفات هبلان و دفاشة و تتكلم تسوي حركات بويها مثل المو صاحيين
قالت لي امي تصرفاتها مو صاحية جم مره قاعده تنزف
جان اقولها لا صاحية تعرف اتي بالطيارة ترانزيت انا ما اعرف والله اتوهق اذا مو مع ريلي
و مدبرة امورها عدل كل شي تبي محصلته شنو مو صاحية

 

[باربية الكوووويت]

سمعي كلام ريلج افضل

 

[النوري]

أنا خدامتي مبرده جبدي .. عدل مدل ..

لو تسوي فيني نفس خدامتج ما رجعتها .. .

خل تولي زين .. خدامه تروح . بدلها مليون وحده أحسن منها ..

لو زينه نقول هالدور معفنه ونويمه . .كملت .