خوات زوجي ...

[kuwaitya_zoGaa]

حبيبتي اللى بيسالج قولي زوجي مانعني عادى اخوهم مافيها شي ومو معقوله بتعصين زوجج ؟؟

 

[ام ميميتو]

انا لو زوجي يتذابح هو واهله انا اكلمهم مالي شغل فيه ما كان لازم تسمعين كلامه من البدايه

 

[shak!shoka]

والله ريلج ادرا بأهله وما منعج الا انه عارفزشنو مشاكلهم
بس انتي سألي عن خالتج دامها تحن تبي تشوفج و تقعد معاج الله يتمم عليكم و يهديها
بس حمواتج طناااااااااش خلج ع السلام و بس حتى اذا قطو عليج كلام انا من رايي تبتسمين و تسكتين حتى لا اتعذرين او اتجذبين لانهم عارفين السبب بس راح يرتفع هرمون العياره عندهم علشان يحرجونج و يوهقونج
نعرف هالحركات


الله يسهل امورج و يفكج من شر حمواتج !*

 

[آهات قلبي]

حبيبتي لاتطيعينه بقطاعة اهله كلش واذا قال لج لاتروحين فهميه الله يهديه ان هذولا اهله
ومو زين تقطعين فيهم
انتي روحي لهم وفهمي امه انه مو منج وخواته مالج شغل فيهم اذا شافوج واصلتيهم وصرتي
احسن من ولدهم راح يحبونج ويقدرونج
والله يوفقج حبيبتي

 

[مناير البيت]

ماقصرو الخوات ​

 

[ام سليمان 2008]

انتي عليج من خالتج وعمج روحيلهم واستانسي معاهم واذا شفتي حمواتج زودوها بالنغزات شيلي شلايلج وردي البيت وخلي علاقتج فيهم عادية يعني كل اسبوعين طلي على خالتج وقعدي معاها
الله يوفقج

 

[مناير ...!]

روحي ولي سالوج قولي فلان << يعني ولدهم

 

[أم توتو]

البنات ماقصروا الله يوفقج

 

[وردة-الكويت]

دام انهم سالو عنج اكيد مصفين النيه روحي لهم وطيبي خاطر العجوز والشايب والله يااختي الدنيا ماتسوى

والله يصفي القلوب يارب