خواتي سؤال عن الحمل عشان اتطمن اني طبيعيه؟؟

[طالبه]

السلام عليكم شلونكم يالغاليات
ممكن سؤال عشان اتطمن اني طبيعيه انا الله يسلمكم عندي ولدي بيكمل 3 سنوات ومن صار سنتين ونص قطيت الحبوب وصار تقريبا 4 شهور وما في حمل؟
سؤالي اذا قطيتو الحبوب عادي اطولون يعني مساله وقت والا لا سمح الله فيني شي؟؟
انا دورتي منتظمه الحمدلله وولدي حملت فيه طبيعي بدون علاج
والله يرزق كل وحده تتمنى الحمل

 

[حرم_طيار]

اي عاادي حبوبه

والله يرزقج ان شألله

 

[جوووونم]

أذا فوق ال 6 أشهر أو السنة قاطة الحبوب وماحملتي
يفضل انتج تراجعين احسن تتطمينين ان الهرمونات طبيعية
وانشاء الله تحملين عن قريب

 

[حلمي اكون ام Q8]

اي عادي في ناس تقعد من بعد الحبوب 6 شهور

اعرف وحده قطت الحبوب شهر 10 وماحملت الا شهر 6 بقت تموت من الخرعه ...


فعادي اصبري شوي

 

[:: Diva ::]

اهو الجسم يسوي مناعه بعد الحبوب
و عاده تطول 6 شهور الى سنه
بعدها راجعي و ان شالله تحملين يااااارب

 

[عـــزآآآآآهـ]

عادي يا قلبي انا اكلتهم اقل من سنه ونص وسوت لي مناعه سنه و8 شهور تقريبا

بس انتي شيكي على الهرمونات من الحين يمكن تكون متخربطه من الحبوب او يكون فيه انسدادات لا سمح الله او ضعف تبويض

للعلم انا كانت دورتي منتظمه كل 28 يوم وما فيني لا ضعف ولا انسداد وزوجي سليم بس سوت لي مناعه >> حبوبي ياسمين قطيعه

 

[ريكاتو]

عادي اختي لاتحاتين انا من قطيت الحبوب ما حملت الا بعد 5شهور
الحبوب نفسها تسوي مناعه وانتي بعد 3 سنين يمكن تطول المناعة
على فكرة انا قطيت الحبوب وولدي عمره 6 شهور وماحملت الا لما صار عمره سنه
حبيبتي تعوذي من ابليس لا توسوسين وادعي ربج ان يرزقج الطفل المعافى

 

[حبيبـة زوجها]

حبيبتي عادي وضعج

انا انصحج روحي الدكتوره وافحصي مبايضج شوفيها سليمه وهرموناتج

واذا كل شي اوكي تصير مسأله وقت

والله يرزقج ويرزق كل ام

 

[زينة الزين]

هذا من مساوئ الحبوب

الله يعينج ويصبرج

 

[متواضعة]

حبيبتي انا ماكنت اكل احبوب عقب ما ولدت ولدي بس ماحملت الا بعد سنه من محاولات الحمل مع انه حمالي فيه كان طبيعي


فاتوقع ان شااءالله باذن الله مافيها شي ولا فيج شي

بس روحي الطبيب تاكدي من المبايض والرحم وعملية الايض اذا كانت عندج سليمه علشان تتطمنين

والله يرزقج الحمال والولد الصالح ويرزق كل مره تتمنا

 

[لميـس]

عادي جدا جدا
لانها تعطي مناعه للجسم بعض الحبوب

 

[طالبه]

ما قصرتوا علا هالردود الطيبه بس والله بعض البنات طولوا اللي 8 شهور واللي فوق السنه؟
الله كريم وان شاءالله ربي يرزق كل محده تتمنى البيبي

 

[ماريا 1986]

نصيحة لا تروحي المستشفى من الحين لا يخرعونك ..انتظري شهرين او 3 ..اذا ربك ما كتب روحي شوفي ..


ربي يرزقك الذرية الصالحة ..

 

[NauGhty nuRse]

حبيبتي لاتحاتين
شغله عاديه انج ماتحملين لـــــ سنه بعد الحبوووب
بس بعد سنه راجعي طبيب وانشالله ماكووو الا العافيه

ويارب تحملين قبل السنه

 

[مي الحلوة]

عادي حبيبتى الحبوب تعطي مناعة..انا قاطة الحبوب من 9 شهور وماصار حمل للحين..
بس رحت وسويت تحاليل والحمد الله كل شيء سليم..وتاكدت من ان مبايضي الحمد الله زينة..
وان شاء الله الموضوع بس موضوع وقت..والله يرزقنى ويرزقج ويرزق كل محرومة..
بس نصيحة سوى تحاليل هرمونات لان الحبوب تلخبط كل شيء..

 

[روعة خيال]

عااااااااااااادي

انا حماتي ما حملت الا بعد سنة من الحبوب

 

[om deaj]

انا شلت اللولب العادي قبل لا اكمل السنتين ونطرت سنة ونص بعدين حملت

سويت تحاليل وكل شي سليم مني ومن ريلي

انتي سوي التحاليل والفحوصات اللازمة والباجي على الله لا تحاتين انا وايد كنت اتضايق ووايد قالولي يمكن حملج عزيز عشان جذي ماتحملين بسرعة ؟؟؟

 

[طالبه]

الله كريم ويرزق كل وحده ان شاءالله ماقصرتوا علا هالردود وان شاءالله مي وام دعيج ربي يعطينا الشهر الياي

 

[مناوووي]

الله يرززززززززقج

 

[نوناتي حياتي]

عادي حبوبه انا ماحملت الا عقب 8 شهور وماثبت حملي

والله يرزقنا انشالله ياررب