خواتي حملة لا للخدم.. ابيكم شوي

[0مشتاقه للجنه0]

السلام عليكم خواتي

مدري من وين ابدي بس ودي اقول اللي بقلبي............

انا ماعندي خدامه استغنيت عنها . ماحبهم..... عندي 8عيال الله يخليهم لي تزوجت صغيره بجري عمره 15 سنه عمري 34

تبون الصج تعبت تعبت تعبت .... كل البيت له حياته يبي كل شئ جاهز ..... وانا ماعندي وقت القط نفسي .. عندي صغار سنه وسنتين حاسه اني مقصره معاهم حيييييل بعد عمري يكسرون خاطري

زوجي مبديته عالكل بس طبعا هي هاف هز لايف يجي ياكل يام يطلع معنه والله رايته بيضا يقولي خن اييبلج خدامه تريحج وشوفي نفسج ...... يبيني ارتاح ....

شوفووو انا مرتاحه نفسين بس تعبانه جسديا ..... بس مو حيل ههههههههه

ودي اطلع اروح مع خواتي نتمشي .... اطلع عيالي مو قادره مع ان عندي سايق ...بس لاعت جبدي كل ما ابي اطلع لازم اقشهم معاي خخخخ
وامي بعد عمري وخواتي تعبتهم معاي كل ما ابي اروح السوق ولا الجمعيه اوديهم لهم . ما صارت

والله موهاين علي اخلي عيالي بيد الخدم ..... والكل يقولي شلج بالشقي دلعي نفسج........ :0bee2e8d89:

تعبت ابي اطلع .... وعيالي يقولون لي نبي خدامه :gathering:

والله مدري جبت خدامتين تو وموقادره ابلعهم كلش مشيتهم

قولولي بنات انا صح ولا غلط.............
احترت

شورو علي

واله حتي وفت لنفسي مو لاقيه كلش بروح الصالون اصبغ اقص شعري ماكوووووووو

شاكره للكل
وناطره النصيحه
سلام

 

[aengineera]

حبوبة مافيها شي لو تيبين خدامة تساعدج
يبي وحدة مالها شغل لا باليهال ولا بالطباخ بس على الاقل تغسل حمامات ... تغسل ملابس تسويي اوتي تعدل دثرة اليهال ... وانتي عليج الطباخ ومجابل عيالج
واذا حسيتيها زينه ممكن تساعدج بالطباخ يعني تقصص البصل تقص السلطة الاشياء الخفيفه هاذي

والله يعينج وايعينا واياج

 

[أغلى حبيبه]

ليش ادورين الشقا

صج راااحه بدون خدم بس لازم المساعده منهم

مهما تسوين بتكونين مقصره يا على نفسج ولا عيالج ولا بيتج

واخر الليل بتحطين راسج ع المخده ماتدرين عن الدنيا

يبيلج وحده تساعدج بالكوي وغسال المواعين وترتيب الغرف والصاله

وانتي عليج عيالج والطباخ

والله يعينج

ويخلي عيالج حقج

 

[مجوهرات]

حبيبتي مو لازم تتركين عيالج على الخدامة

انتي ربي العيال و اهتمي فيهم
و تركي التنظيف و الغسيل للخدامة

هذا احنا نسوي جذي

الخدامة مالها شغل بالعيال بس تدير بالها عليهم اذا الام بتطبخ
يعني انتي الي توكلينهم و تسبحينهم و تلبسينهم

هم اعيالج و زوجج لهم حق عليج
لازم تطلعين معاهم وتونسينهم
مو كله بالبيت و شغل البيت

ريحي جسمج ترى شغل البيت هلاك مو رياضة مثل ما بعض الناس تقول

و هاذي امي الله يطول في عمرها
كانت موظفة بس عمرها ما تركتنا عند الخدامة او خلت الخدامة تعتني فينا

و الله يوفقج و يخليلج عيالج

 

[waterfall]

حبيبتي خل اقول لج معاناتي
مع انها كانت الحل الوحيد
لانه انا ريلي ما يحب الخدم
ولا يشتهي يشوفهم باللبيت
الحل بكل بساطه
انا عندي اعيال
اصغر اثنين 4 سنوات وسنه و3 اشهر
الكبير يجابل الصغير
غرفهم اهم يرتبونهم وينظفونهم باشرافي
تنظيف الصاله قبل ما يصعدون غرفهم
بنتي اهيا مسئوله على غسال ملابسها اهي واختها بعد ما دربتها
وجذي خف الحمل عندي

 

[بمبة المفترسة]

طيب ماعندج بنات خليهم يساعدونج بترتيب الغرف
الاولاد مثلا يقطون الزبالة ويرتبون الصالة وغرفهم
والغسالة اوتوماتيك واشتري جلايةصحون
يعني اذا ماتبين خدامة لازم العيال يعتمدون على روحهم فرصة تعلمينهم ماكو فايدة اذا بيعتمدون عليج ماسوينا شي
حتى بو سنة وسنتين خليهم يرجعون العابهم مكانها بعدمايخلصووون علميهم
وانتي عادخلال 16 سنة يايبة 8 الله يهدااج اولا صحتج يعني انتي كل سنة سنتين حامل ولا بالنفاس طيب وصتج
العيال يبون الريال يبي لايطفش منج اذا هو ساكت الحين باجر جك بم متزوج عليج لايغرج سكوته
وبحالتج 8 عيال لازم خدامة

 

[الــــراسيـه]

ما فيها شي تيبين خدامه
تساعدج

 

[أم فهووود]

حبيبتي شوفي نفسج لاباجر الرجال يقول عندي وحده عايشه بس للمطبخ والعيال بسرعه ينقد الزوج جيبي خدامه والمنه على الفلوس

 

[جوري الكويت]

طبعا الحق مو معاج

لازم خدامتين مو بعد خدامه

الله يعينج حبيبتي

اصلا الحين الخدامه اذا شافت البيت فيه جم ياهل ما ترضى تشتغل

يا تنحاش يا ترد المكتب

الله يخلي لج عيالج يارب

بس هاتي لج من يساعدج

شلون تقدرين على شغل البيت و تدريس العيال

 

[((بنت الصباح))]

الله يعينج ... شكلج تحبين الشغل انتى

والله جيبيها وخليج على راسها يعنى ما عندج حل وسط ايدج باايدها

بس خليها على الاقل تغسل المواعين والملابس وتنظف البيت والباقى الطباخ والعيال عليج

حبيبتى دلعى نفسج ارتاحى ليش منقصة عيشتج كلة شغل بشغل طلعى انتى وزوجك مطاعم ريوقات اسوقة ومع خواتج الله وناسة

غيرى جو والله راح ترتاحين صدقينى

 

[ملح بدويه]

حبيبتي انت اهملتي صحتج ونفسيتج تعبانه ولاتنسيين انت بحاجه للراحه

وزوجج يبيله مجابل ....

عالعموووم الله يعطيج الصحه والعافيه